كێم جاران بكارئینه‌رێن كۆمپیۆته‌ران ئه‌نتی ڤایرۆسی یان هه‌ر رێگره‌كێ‌ دی ب كاردئینن بۆ پاراستنا كۆمپیۆته‌رێ‌ تایبه‌ت ب خۆ ڤه‌، د سه‌ر هندێ‌ ژی را ئامیرێ‌ كۆمپیۆته‌ری ب تنێ‌ ئارمانج نینه‌ كو تووش ببیت.
ئامیرێ‌ راوته‌ری، ئه‌وێ‌ پتریا جاران بكارئینه‌ر گرنگیێ‌ ب پاراستنا وی نه‌ده‌ت، ئێكه‌ ژ چاره‌سه‌ركارێن پتریا داتایان. هه‌موو پێزانینێن دهێنه‌ دروستكرن د راوته‌ری دا ده‌رباز دبن ژ به‌ر هندێ‌ ژی شكاندنا دیوارێ‌ پاراستنێ‌ یێ‌ راوه‌ته‌ری ب خرابی ل سه‌ر بكارئینه‌ری د ڤه‌گه‌ریت.
پاراستنا راوته‌ری ب ساناهیتره‌ ژ یا كۆمپۆته‌ری، گرنگیدانا راوه‌ته‌ری د وێ‌ چه‌ندێ‌ دایه‌ هه‌ر ناڤبه‌ر ناڤبه‌ر پاسوردێ‌ وی ب گوهۆڕی دا كو هێرش ئارمانجا خۆ نه‌بینن و هندی ئه‌و پاسورد ب هێزتر بیت یێ‌ تو ددانی تو باشتر خۆ د پارێزی.
ل هه‌مبه‌ر ڤێ‌ مه‌ترسیێ‌ كۆمپانیا ئه‌منی ئێف سكیور رابوویه‌ ب به‌لاڤكرنا لینكه‌كی كو دیار دكه‌ت كا راوته‌رێ‌ ته‌ یێ‌ تووش بوویه‌ یان نه‌، ئه‌و به‌رنامه‌ ژی ب ناڤێ‌ راوته‌ر چێكه‌ره‌ و یێ‌ بێ‌ به‌رامبه‌ره‌ و ل بنی هاتیه‌ دانان.
ب رێیا ڤی لینكی تو دێ‌ زانی كا راوته‌رێ‌ ته‌ یێ‌ تووش بوویه‌ یان نه‌. چو پێ‌ نه‌ڤێت هه‌كه‌ ئامیر یێ‌ تووش بوویی بیت پێدڤیه‌ ب زووترین ده‌م چاره‌سه‌ریا وی بكه‌یی چو ل سه‌ر ریسێتكرنا راوته‌ری یان گوهۆڕینا ژمارا نهێنی یان هه‌ر كاره‌كێ‌ هه‌بیت.
لینك: https://www.f-secure.com/us-en/home/free-tools/router-checker

بازارێ‌ مۆبایلێن ئایفۆن گه‌له‌ك فند و فێل یێن تێدا. دشیان دایه‌ ئامیره‌كێ‌ بكارهاتی ل جهێ‌ ئێكێ‌ نوو بده‌نه‌ ته‌ یان ژی ئامیره‌كێ‌ دووباره‌ هاتیه‌ به‌رهه‌ڤكرن بۆ بكارئینانێ‌ ب بهایێ‌ وێ‌ یێ‌ د ده‌مه‌كی دا كو پێدڤی بوو كێمتر ب 15%ێ‌ هاتبا فرۆتن. ژ به‌ر هندێ‌ ژی ل ڤێره‌ دێ‌ رێ‌ نیشا هه‌وه‌ ده‌ین كا چاوان وان ئامیران دێ‌ ژێك جودا كه‌ن.
تێبینی: ئامیرێن نووكری ئه‌و مۆبایلێن ئورجینالن یێن ژ لایێ‌ كۆمپانیا ئه‌پل ب خوه‌ ڤه‌ ده‌ستكاری تێدا هاتینه‌ كرن نه‌ ئه‌ون یێن ل جهه‌كێ‌ بازرگانی هاتینه‌ نووكرن. به‌لێ‌ ده‌ما دووباره‌ ژ لایێ‌ كۆمپانیێ‌ ڤه‌ كار تێدا دهێته‌ كرن ب بهایه‌كێ‌ ئه‌رزانتر دهێنه‌ فرۆتن.
هه‌موو تشتێ‌ ئه‌م پێدڤی دبینی ژمارا مۆدێلا مۆبایلێ‌ یه‌ یان ژمارا شێوازێ‌ وێ‌ و دێ‌ دیار كه‌ت كا ب دروستی ئه‌ڤ مۆبایله‌ یا چاوایه‌ ئه‌وا ل سه‌ر لایێ‌ پشتێ‌ یێ‌ كارتوونێ‌ ل گه‌ل ژمارا رێزبه‌ندیێ‌ و ژمارا IMEI.
دیسان دشیان دایه‌ ب رێیا مۆبایلێ‌ ب خوه‌ ژی ب زانی ب رێیا چوونا ناڤ Settings و پاشان General و پاشان ژی About ل وێرێ‌ دێ‌ هه‌مان پێزانینێن ل سه‌ر كارتوونێ‌ بینی ل گه‌ل ژمارا مودێلێ‌ ژی Model Number
دێ‌ ته‌ماشه‌ی پیتا ئێكێ‌ كه‌ین هه‌كه‌ ئێم یان پی بوو ئه‌و مۆبایل یا نوویه‌ و بێ‌ ده‌ستكاری یه‌.
هه‌كه‌ پیتا ئێكێ‌ ئێف بوو ئه‌و مۆبایل یا هاتیه‌ ده‌ستكاری كرن ژ لایێ‌ كۆمپانیا ب خوه‌ ڤه‌ یان ژی جهه‌كێ‌ وه‌كو وێ‌ یێ‌ باوه‌رپێكری.
هه‌كه‌ پیتا ئێن بوو، ئه‌ڤ مۆبایله‌ وه‌كو ئامیره‌كێ‌ پێگوهۆڕ یێ‌ هاتیه‌ دانان ل گه‌ل ئایفۆنه‌كا دی یا هاتیه‌ راستڤه‌كرن و ب ئامیره‌كێ‌ نوو دهێته‌ هژمارتن.
تێبینی: دبیت ژی ئامیرێ‌ ئایفۆن ژ یێ‌ جهه‌كێ‌ نه‌یێ‌ باوه‌رپێكری ڤه‌ بهێته‌ نووكرن یان هه‌ر ئاریشه‌كا تێدا بهێته‌ چاره‌كرن ژ به‌ر ڤێ‌ چه‌ندێ‌ ژی پیتا وێ‌ ناهێته‌ گوهۆڕین و دبیت هه‌ر ب پیتا ئێم یان پی ده‌ست پێ‌ بكه‌ت.

سیسته‌مێ‌ كاركرنێ‌ یێ‌ ئه‌ندرۆید دهێته‌ هژمارتن ئێك ژ سیسته‌مێن كاركرنێ‌ یێن گه‌له‌ك گرنگ و هه‌ره‌ به‌ربه‌لاڤ ل جیهانێ‌ و ب ساناهی ژی بۆ كاركرنێ‌ و دبیت چو كه‌س نه‌بن ب ره‌نگه‌كی ژ ره‌نگان هه‌لگرێن تشته‌كی ژ سیسته‌مێ‌ ئه‌ندرۆید نه‌بن.
د هه‌مان ده‌م دا گه‌له‌ك تشتێن نهێنی یێن د مۆبایلێن مه‌ دا هه‌ین كو ئه‌م چو ژ كارێ‌ وان نزانین و زێده‌تر كارێ‌ پرۆگرامه‌رایه‌، به‌لێ‌ هنده‌ك ژ وان تشتان د پێدڤی نه‌ د ژیانا خوه‌ یا رۆژانه‌ دا بزانین ژ به‌ر هندێ‌ ژی دێ‌ بزاڤێ‌ كه‌ین جاران هنده‌ك ژ وان كارێن گرنگ یێن مۆبایلان بۆ هه‌وه‌ دیار بكه‌ین و ب تایبه‌ت كودێن نهێنی یێن مۆبایلان.
ئه‌ڤ كودێ‌ ئه‌ڤرۆ دێ‌ بۆ هه‌وه‌ ده‌ستنیشان كه‌ین یێ‌ تایبه‌ته‌ ب مۆبایلان ڤه‌ ده‌مێ‌ پڕ دبیت یان كارێ‌ وێ‌ خاڤ دبیت. ئه‌ڤه‌ ژی كارێ‌ مرۆڤی ب ساناهیتر لێ‌ دكه‌ت. ئه‌ڤ هێمایێ‌ گرنگ كو (#9900#*) دهێته‌ بكارئینان ل ده‌مێ‌ جهێ‌ ڤالا د مۆبایلێ‌ دا نه‌مینیت و گه‌له‌ك ژ تشتێ‌ زێده‌ و بێ‌ مفا یێ‌ ژ ئه‌نجامێ‌ كارێ‌ رۆژانه‌ د مینیته‌ د مۆبایلێ‌ و ب فایلێن بێ‌ مفا دهێنه‌ هژمارتن، دهێنه‌ دیلێتكرن.
ئه‌ڤ كودێ‌ نها به‌حس ژێ‌ دكه‌ین مه‌ ل سه‌ر مۆبایلا سامسۆنگ دایه‌ كاری و كار كریه‌ و دشیان دایه‌ بۆ مۆبایلێن دی ژی تێست بكه‌ن و دبیت كار بكه‌ت.
كاركرن ب ڤی ره‌نگی یه‌:
داخوازا كودێ‌ (#9900#*) بكه‌، به‌لێ‌ دوگما په‌یوه‌ندی لێ‌ نه‌ده‌، دێ‌ په‌نجه‌ره‌كا نوو بۆ ته‌ ڤه‌بیت چه‌ند هه‌لبژارتنن و ژ وان ژی “Deletedumpstate/logcat” هه‌لبژێره‌ و كلیك بكه‌.
ب ڤێ‌ چه‌ندێ‌ دێ‌ شێی رێژه‌كا باش ژ قه‌بارێ‌ مۆبایلا خوه‌ یێ‌ پڕ ڤالا كه‌یی كو ژ 50 كیلۆ بایتان ده‌ست پێ‌ دكه‌ت هه‌تا دگه‌هیته‌ ئێك گێگا بایت. ژ به‌ر هندێ‌ ژی ئه‌م شیره‌تا وێ‌ چه‌ندێ‌ ل هه‌وه‌ دكه‌ین ل هه‌رده‌مێ‌ پێدڤی ڤی كودێ‌ نهێنی بكاربینن.