ئه‌ڤرۆ:
سه‌ربه‌ست تروانشی ئه‌ندامێ ئه‌نجوومه‌نێ سه‌ركردایه‌تیا پارتی و به‌رپرسێ لقێ ئێك ب هه‌لكه‌فتا 16 ته‌باخێ هاریكاریێن ماددی ل سه‌ر 75 مالباتێن شه‌هیدان به‌لاڤكرن.
سه‌ربه‌ست تروانشی، به‌رپرسێ لقێ ئێكێ پارتی گۆت: “75 سالیا دامه‌زراندنا پارتی دیموكراتی كوردستان ل هه‌وه و هه‌می كه‌سوكارێن شه‌هیدان پیرۆزبیت، دڕۆژه‌كا مه‌زن و پیرۆز دا ئه‌م د خزمه‌تا مرۆڤێن مه‌زن و قه‌درگران داینه، كه‌س ژ هه‌وه هه‌ژیتر نینه د ڤێ بیره‌وه‌ریێ دا خزمه‌تا وان بكه‌ین”.
خویا ژی كر، هزر و ڕێبازا دروست ئه‌وه بناڤێ شه‌هیدان باخڤین، چونكی بتنێ وان خێر ژ ڕوحا خوه دیتیه ئه‌وێن ل پێناڤێ ڕاستیێ خوه كریه قوربانی و هه‌ر كه‌س ژی دڤێت بزانیت كو قوربانیێن ڤێ ڕێكا پیرۆز ئه‌م گه‌هاندینه ڤێ ڕۆژێ.
ناڤهاتی گۆت: “ئه‌ڤرۆ ئه‌م شانازیێ ب وان و ئه‌وێن هه‌رده‌م ژیانا خوه دئێخنه د مه‌ترسیێ دا دكه‌ین، له‌وما ئه‌م دبێژین شه‌هید خودان مه‌زنترین پێگه‌ه و سه‌روه‌رینه، چونكی ڕۆپه‌لێن دیرۆكێ ب خوین و قه‌هره‌مانیێن وان هاتیه نڤێساندن و خه‌ملاندن، جه‌نابێ سه‌روك مه‌سعود بارزانی و خوینا شه‌هیدان و پێشمه‌رگێن قه‌هره‌مان ناڤ و ده‌نگێ گه‌لێ مه د چاڤێن جیهانێ دا مه‌زن كریه”.
نيشاندان