ئه‌ڤرۆ، هه‌رهین:
رێڤه‌به‌رێ كار ل پارێزگه‌ها دهۆكێ دیاركر، د ئه‌ڤ ساله دا ل پارێزگه‌ها دهۆكێ نێزیكی 237 كه‌سان بووینه خودان كار و دیسان د هه‌مان ده‌م دا رێژه‌یا خزمه‌تكارێن بیانی پتر لێهاتیه ژ كرێكاران. ل گۆره‌ی جوداهیێ ل گه‌ل سالا بوری نێزیكی 50% رێژه‌یا خزمه‌تكارێن بیانی پتر لێ هاتیه ژ كرێكاران و ب تنێ خاست نوكه ل سه‌ر خزمه‌تكارێن بیانی هه‌یه.
عبدلكه‌ریم شێخ حه‌ماده، رێڤه‌به‌رێ كار ل پارێزگه‌ها دهۆكێ گۆت: مه دو جۆرێن كاركه‌ران هه‌نه، ئه‌و ژی كرێكار و خزمه‌تكار و ئه‌ڤه نێزیكه ساله‌كێ یه پشتی هاتنا په‌ژیكا كۆرۆنایێ چ كرێكار نه‌هاتینه و ده‌می كۆرۆنایێ دا چێنه دبوو كرێكار و خزمه‌تكار بهێن، پشتی په‌ژیكا كورۆنایێ سست بووی و خزمه‌تكار هاتن و كرێكار مان و هه‌تا به‌ری دو هه‌یڤان بریارا كرێكاران ژی هات، به‌لێ ب مه‌رجێن گران كو بهێنه كوردستانێ و پێدڤیه باوه‌رناما خوه هه‌بیت و یێ بسپوربیت و كرێكارێ نورمال نابیت بهێت، ژبلی كرێكارێ تورك و ئیران ئه‌و بێ ڤیزه دهێن و ئه‌ڤه نێزیكی ساله‌كێ یه چ كرێكارێن دی نه‌هاتینه پارێزگه‌ها دهۆكێ، به‌لێ خزمه‌تكارێن ناف مالان كاردكه‌ن پتر لێ هاتینه، چونكو بۆ خزمه‌تكاریێ و كه‌رتێ خومالی و كه‌سێ مه بۆ خزمه‌تكاریا مال كه‌س كارناكه‌ت و گه‌له‌ك كێم بوویه و هه‌كه كاركه‌ن ژی ب تنێ چه‌ند ده‌مژمێره‌كن و بۆ خودانێ مالێ ژی ناگۆنجیت.
زێده‌تر گۆت: ل دووڤ قانوونا كاری دڤێت هه‌شت ده‌مژمێربن، له‌ورا رێژه‌یا خزمه‌تكارێن بیانی پتره ژ كرێكاران و هه‌كه جوداهیێ بكه‌ین ل گه‌ل سالا بوری نێزیكی 50% رێژه‌یا خزمه‌تكارێن بیانی پتر لێ هاتیه ژ كرێكاران و پتریا وان مالێَن پێدڤی خزمه‌تكاران هه‌ی داخازا خزمه‌تكارێن بیانی دكه‌ن ژیێن خومالی و كته‌كا كێم داخازا خزمه‌تكارێ خومالی دكه‌ن و هه‌تا ئه‌م بۆ دبینین گه‌له‌ك یا ب زه‌حمه‌ته، یان نینه.
رێڤه‌به‌رێ كار هێشتا ژی گۆت: وه‌كو به‌ری گه‌نجێن مه دهێن ناڤێن خوه تومار دكه‌ن ژ بۆ دیتنا ده‌لیڤێن كاری ژلایێ رێڤه‌به‌ریا مه‌ڤه و نوكه ئه‌م ل گه‌ل رێكخراوا ilo كاردكه‌ین و پشته‌ڤانیا مادی ئه‌و دكه‌ن ل گه‌ل به‌شێ خومالی یێ تایبه‌ت كو دیتنا ده‌لیڤێن كاری بۆ خه‌لكی و رۆژانه لژنێن مه ده‌ردكه‌ڤن و هه‌م هه‌نگی مه ل گه‌ل گه‌له‌ك رێڤه‌رێن دی هه‌نه و مه گه‌له‌ك كه‌س ب كار ئێخستیه و پتریا وان ل گه‌ل رێڤه‌به‌ریا ئاڤێ و رێڤه‌به‌ریێن زاخو و شێخان و پتریا وان ژی پرۆژێن ده‌می نه و د ئه‌ڤ ساله دا نێزیكی 237 پارێزگه‌ها بووینه خودان كار.
نيشاندان