هەرهین محەمەد:

بنستان عسمەت دینو، بەربژێرێ‌ ژمارە (10) ل سەر لیستا (190) یا پارتی دیموكراتی كوردستان بازنەیێ‌ دهوك ل ئیدارەیا سەربەخویا زاخۆ بەرنامەیێ‌ خۆ بۆ خولا شەشێ‌ یاپەرلەمانێ‌ كوردستانێ‌ ئاشكەراكرو گۆت: هەكە چوومە پەرلەمانێ‌ كوردستانێ‌ دێ‌ ل سەر ئەوی بەرنامەی چم ئەوێ‌ ژلایێ‌ پارتی دیموكراتی كوردستان ڤە هاتیە دارشتن و ئەو بەرنامە گەلەك یێ‌ ب رێكو پێكە و هەموو تەخ و چین و سكتەران بخوە دگریت و تایبەتمەندیا پەیوەندێن نیڤدەولەتی نە و من دبیاڤێ‌ زانكویێ‌ كەرتێ‌ پەروەردێ‌ دا كاركریە هەكە ئەم بووینە جهێ‌ باوەریا خەلكی دێ‌ هەموو برگەیێن ئەوی بەرنامەی جێبەجێ‌ كەم.
ئەوچەندە ژی گۆت: نوكە دەمێ‌ بانگەشێ‌ یە و هەر كاندیدەك وەكو خوە یێ‌ بانگەشێ‌ بخوە دكەت و هەتا نوكە من چ سوز نەداینە كەسێ‌ هەكە چوومە پەرلەمانی دێ‌ ئەڤی كاری كەم، چونكو پەرلەمان نەجهێ‌ بەرژەوەندیت كەسوكی یە، بەلكو پەرلەمان جهێ‌ پروژە قانونایە و چارەسەكرنا كێشەو ئاریشێن خەلكی یێن گشتی یە ، یان دەنگویەكێ‌ بلند یێ‌ نەرازی بت و هەكە من باروەیا خەلكی ب دەست خوە ڤە ئینا ژبلی پەرلەمانتاریێ‌ چو كارێن دی ناكەم ، چونكو ل ئەڤێ‌ دووماهیێ‌ گەلەك كێشەو ئاریشە ب سەر هەرێما كوردستانێ‌ هاتن وەكو قەیرانا دارایی و ئابوری و هاتنا نەخوشیا كورونایێ‌ و رێكخراوا تیروستا داعەش كارتێكرن ل گەلەك سكتەرێن ژیانێ‌ كر و ب ئەڤێ‌ چەندێ‌ ژی گەلەك ژ خەلكی و بتایبەتی تەخا گەنجان زەرەر مەند بوون و ئانەهیا خودێ‌ ئەڤان ئاریشەیان و چەندیت ئاریشێن دی چارەسەركەین,

ئاكرێ‌، رەمەزان زەكەریا:

دلڤین شەمال ئاكرەیی، بەربژارا ژمارە 19 ل سەر لیستا ژمارە 190 یا ‏پارتی دیموكراتی كوردستان ل بازنەیێ دهۆك بۆ خولا شەشێ پەرلەمانێ كوردستانێ، بەرنامەیێ كارێ خۆ ئاشكرا كر و گۆت:( كاری بۆ ب هێزكرنا ئابووریا گەنجان دێ كەم).
دلڤین شەمال ، بەربژارا ژمارە 19 ل سەر لیستا 190 یا پارتی دیموكراتی كوردستان د دیدارەكێ‌ دا بۆ رۆژنامەیا ئەڤرۆ گۆت : ‏پشتی ب دەستڤەئینانا باوەریا دەنگدەران هەكە بوو مە ‏پەرلەمانتار، ئێكەم كارێ من دێ بجهكرنا كارنامەیا پارتی دیموكراتی ‏كوردستان بیت، ئەوێ‌ بۆ چارسالێن خولا شەشێ یا پەرلەمانێ ‏كوردستانێ هاتیە دارێشتن.
دلڤین خانێ‌ گۆت ژی: هەكە دەرچووم ‏ئارمانجا من دێ ئەو بیت پتر د وارێ گەنج و ئافرەتان دا كاربكەم و گەنج بێ كار نەمینن و دەلیڤەیێن ‏كاری بۆ زێدەتر بن و خەم لێ بهێتە خوارن، چونكو گەنج تەخەكا گرنگە د جڤاكی دا و وەلات یێ ‏د دەستێ گەنجان دا، هەروەسا خەمەكێ ژ خودان پێدڤیێن تایبەت خوم و خزمەتێن وان بەرچاڤ وەرگرم و هندی د ‏شیانێن من دا بیت دێ‌ خزمەتا وان كەم.‏
بەربژار دلڤین شەمال ئاكرەیی ئاماژە كر كو ئاكرێ باژێرەكێ كەڤن ‏و دێرینە و خودان چەندین جهێن گەشت و گوزاری و ‏شوونوارییە پێدڤیە پتر گرنگی ب كەرتێ گەشت و گوزارێ بهێتە دان ل دەڤەرێ بۆ ‏ راكێشانا گەشتیاران بۆ ئاكرێ و بۆ وێ چەندێ ئابووریا خەلكی باشتر بیت و پتر وەلاتی ب كار بكەڤن، ژلایەكێ دیڤە ‏باژێرێ كەڤنێ ئاكرێ نوكە گەڤێن گرتنێ ل سەر هەنە ژبەر نەبوونا كڕیارا، ‏پێدڤیە رێ بهنە ڤەكرن كو گەشتیارێن بیانی پتر قەستا باژێرێ كەڤن بكەن ‏بۆ وێ چەندێ بازارێ كەڤن گەشێ‌ بكەتەڤە.
هەروەسا بەربژارا پارتی گۆت:(ل ‏سەر قەزا ئاكرێ هاتیە مە هەلبژارتن بۆ پەرلەمانێ كوردستانێ‌ و دێ كار كەم ‏كو بریارا پارێزگەهبوونا قەزا ئاكرێ بچیتە د وارێ بجهئینانێ دا، ‏چونكو ل سالا 1999دەرچووەیە و نەهاتیە بجهئینان).

رەمەزان زەكەریا

چرا ئیسماعیل یاسین، بەربژارا ژمارە 14 ل سەر لیستا ژمارە 190 یا پارتی دیمۆكراتی كوردستان بازنەیێ دهۆكێ‌، بەرنامەیێ خۆ ئاشكرا كر.
چرا ئیسماعیل یاسین، ژ مالباتا شەهیدێ فەرماندە مەردان رۆستەم سورچیە، بەربژارا ژمارە 14 یە ل سە لیستا ژمارە 190 یا پارتی دیموكراتی كوردستان، دبێژیت:(سۆزێ ددەم وەك چەوا ل دەمێ بووری خەمخۆرا خەلكێ خوە بووم ل پاشە رۆژێ ژی ل سەر خزمەتكرنا خەلكی بێ جوداهی بەردەوام بم) .
بەربژار چرا ئیسماعیل گۆت:(هەكە من باوەریا جەماوەری ب دەستڤەئینا بوو مە ئەنداما پەرلەمانێ كوردستانێ ل چارچووڤێ بەرنامەیێ پارتی دیموكراتی كوردستان دێ كاركەم و هەتا ببمە دەنگێ راستێ خەلكێ كوردستانێ كار بۆ بجهكرنا داخوازیێن وان كەم و گرنگیێ ب بابەتێ ساخلەمیێ دەم وەك بەلاڤكرنا هشیاری و رەوشەنبیریا ساخلەمیێ‌ ب تایبەت د وارێ‌ دەڤ و ددانان دا).
چرا خانێ‌ ئاشكرا ژی كر: گرنگیێ ب كەرتێ چاڤدێریێ دێ دەم ل سەر كەرەستەیێن خوارنێ و ڤەخوارنێ و ل بازاری ل دووڤ یاسایێ رێگریێ ل كەرەستەیێن خراب كەم بهێنە د ناڤ بازاری دا، ژبەركو خرابیا كوالیتیا كەرەستەیێن خوارنێ دێ ساخلەمیا مرۆڤان ئێخیتە د مەترسیێ دا .
بەربژار چرا ئیسماعیل گۆت ژی:(دێ بزاڤێ كەم بنگەهێن ساخلەمیێ یێن پێشكەفتی ب هەموو پێدڤیێن وان ڤە ل هەموو ناوچە و دەڤەرێن بێ بنگەهـ دروست كەم بۆ وێ چەندێ خزمەتێن ساخلەمیێ بەرفرەهتر ببن و وەلاتی ب ساناهی بشێن چارەسەریا خۆ وەرگرن).

دهۆك، لەزگین جۆقی

وشیان خدیدا اومو، بەربژارا كوردێن ئێزدی بۆ پەرلەمانێ‌ كوردستانێ‌ بۆ رۆژنامەیا ئەڤرۆ دیار كر هەر قانوونەكا مافێن ئێزدیان بن پێ‌ بكەت دێ‌ كار ل سەر كەین بۆ دەستڤەئینانا مافێن ئێزدیان و خێزانێن شەهیدێن سەربلند و پێشمەرگەیی، هەمی كاران بۆ گەرەنتیكرنا مافێن ئێزدیان ل پەرلەمانێ‌ كوردستانێ‌ دێ‌ كەین و ناهێلین چو غەدر ل ئێزدیان بهێتە كرن كو سەرۆك بارزانی و هەموو كابینەیێن حكومەتا هەرێما كوردستانێ‌ پشتەڤانیێ‌ ل ئێزدیان دكەن دێ‌ بەردەوام بین”.
وشیان خدیدا، بەربژارا ژمارە 48 ل سەر لیستا 190یا پارتی بۆ پەرلەمانێ‌ كوردستانێ‌ زێدەتر گۆت:” وەكو كارێ‌ پەرلەمانی كارێ‌ سەرەكێی دارشتن و دەرئێخستنا قانوونایە گەلەك قانوون ژ پەرلەمانێ‌ كوردستانێ‌ دەرچووینە و گرنگی ب ئێزدیان هاتیە دان، لێ‌ كێماسی تێدا هەنە، دێ‌ كار بۆ نەهێلانا كیماسیان كەین، پەیاما مە بۆ هەموو دەنگدەرێن ئێزدی ئەوە پێكڤە رۆژا 20/10/2024ێ‌ بچنە سەر سەندۆقێن دەنگدانێ‌ و دەنگ ب لیستا پێكڤەژیانێ‌ و ئاڤەدانی و ئارامی و تەناهی و خۆرگریێ‌ لیستا 190 بدەن و تاكە بەربژارا ئێزدیان یا ژمارا 48 دێ‌ ب دەنگێن ئێزدیان ل پەرلەمانی كار بۆ گەرەنتیكرنا مافێن ئێزدیان و ژیانەكە بەختەوەر و ئایندەكێ‌ گەش و یەكسانی و پێكڤەژیان و دادپەروەری و سەروەریا قانوونێ‌ كەین”.
ئاماژە ژی كر كو:” هەر ل خولا ئێكێ‌ یا پەرلەمانێ‌ كوردستانێ‌ ئێزدیان جهێ‌ خۆ ل پەرلەمانی هەبوویە، وەكو دیرۆك جهێ‌ شانازییە لێ‌ بۆ ب دەستڤەئینانا مافان پێدڤیە ئێزدی هێشتا كار بكەن ئەو ژی ب ریێا پەرلەمانی و دەرئێخستنا قانوونان.
هەروەسا دێ‌ كار كەین دەڤەرێن ئێزدیان بكەڤنە د ناڤ پلانێن ستراتیژی دا بۆ گەشەپێدانا ئابووری و دەڤەرێن ئێزدیان نەهێنە بێ‌ بەهركرن و پتر خزمەتگوزاری بگەهنە دەڤەرێن وان ل سنووری پارێزگەها دهۆكێ‌. دیسا بۆ خۆشكرنا ژیانا پێشمەرگەیی هێمایێ‌ سەرفرازیێ‌ و خێزانێن سەربلندێن شەهێدان دێ‌ كار كەم و هەموو بزاڤان بۆ بادەكا جینۆسایدا ئێزدیان و پتر ناساندنا كەیسا جینوسایدا ئێزدیان ل سەر ئاستێ‌ جیهانێ‌ ل پەرلەمانێ‌ كوردستانێ‌ دێ‌ كەین”.