عەلی حاجی:

چاڤه‌ڕێ دهێـه‌ كرن ئه‌ڤرۆ یاریێن گه‌ڕا سێیێ ژ هه‌ڤڕكیێن قۆناغا ئێكێ یا خولا ئیراقێ بۆ یانه‌یێن پلا نایابا باسكێت بۆلێ بهێنه‌ ئه‌نجامدان، ل پایته‌ختێ ئیراقێ به‌غدا یانه‌یا زاخۆ دێ بیته‌ مێڤانا یانه‌یا شورته‌ د دو یاریێن ل سه‌ر ئاستێ پێشكه‌فتیان وتازه‌پێگه‌هشتییان دا.
ل سه‌ر ئاستێ پێشكه‌فتییان تیما كوڕێن خابووری ل ده‌مژمێر چاری ئێڤاری دێ ل هۆلا گرتییا شه‌عب بیته‌ مێڤانا یانه‌یا شورته‌ د یارییه‌كا ب هێز و ئاگرین دا، زاخۆ د یارییا ئێكێ دا نه‌ شیابوو ژ ئاسته‌نگا كه‌رخێ ده‌ربازبیت پشتی ب 104 خالان به‌رانبه‌ر 92 خالان تووشی خوساره‌تیێ بووی و د یارییا دویێ دا دگه‌ل مێڤانا خوه‌ ئه‌لتیجاره‌ 96 به‌رانبه‌ر89 خالان سه‌ركه‌فتی، ژلایێ خوه‌ڤه‌ ژی شورته‌ تووشی خوساره‌تیێ بوو به‌رانبه‌ر غاز ئه‌لشیمال ب جووداهییا ده‌هـ خالان و سه‌ركه‌فتن ل سه‌ر ده‌ربه‌ندیخان ئینایی،هه‌ردو یانه‌ دێ بزاڤێن مه‌زن كه‌ن به‌رده‌وامیێ بده‌نه‌ ئه‌نجامێ باش، دبیت ئه‌ركێ زاخۆ ژ ده‌رڤه‌یی یاریگه‌ها وێ دا ب زه‌حمه‌ت بیت.
دلژار عه‌دنان ئه‌ندامێ كارگێرییا یانه‌یێ و سه‌رپه‌رشتێ تیمێ بۆ رۆژنامه‌یا ئه‌ڤرۆ دیار كر پشتی خوساره‌تییا یارییا ئێكێ كادرێ راهێنانێ ب هووربینی دۆڤچوونا خه‌له‌تیێن یاریزانان و دانانا پلانێن نوو كربوو و شیان د یارییا دویێ دا ب سه‌ركه‌ڤین‌، له‌وما بۆ یارییا ئه‌ڤرۆ به‌رانبه‌ر شورته‌ دێ ب پلان و به‌رهه‌ڤیێن باشتر هێنه‌ دناڤ یاریگه‌هێ دا، هه‌رچه‌نده‌ ئه‌ڤ یارییه‌ ئاگرینه‌ و ب هێزه‌ ژبه‌ركو ئێك ژ یانه‌یێن خودان شیان و جه‌ماوه‌ری یه‌، وه‌كو كارگێری هه‌ر تشته‌كێ پێدڤی بۆ كادرێ راهێنانێ و یاریزانان هاتییه‌ به‌رهه‌ڤكرن و گه‌شبینن دێ ئه‌نجامێن وان به‌رده‌وام د باش و سه‌ركه‌فتی بن.

قەیس وەیس:

ب فەرمی پێنج یانەیێن كوردستانێ‌ خوە ژ وەرزێ‌ نوو یا خولا فوتسالا ئیراقێ‌ ل سەر ئاستێ‌ كچان ڤەكێشان ئەوا ژ سەرجەمێ‌ 12 یانەیان ب تنێ‌ حەفت یانە دێ‌ هەڤڕكیێن وێ‌ دوهی
ل پایتەختێ‌ ئیراقێ‌ بەغدا دەستپێكرینە.
د داخویانیەكێ‌ دا رەشا تالب سەرۆكا لژنەیا ئافرەتان و ئەنداما فیدراسیۆنا فوتبۆلا ئیراقێ‌ دیار كر، دوهی ب فەرمی دەست ب وەرزێ‌ نوو یا خولا فوتسالا ئیراقێ‌ هاتە كرن، ئەوا دێ‌ ل هۆلا گرتییا یانەیا جەیش ل بەغدا هێتە كرن، پشتی كۆنگرەیێ هونەری بڕیار هاتە دان شێوازێ‌ قارەمانیێ‌ ببیتە خول ئێك قۆناغ ب پشكدارییا حەفت یانەیان هەر یانەك شەش یارییان كەت، رۆژانە سێ‌ یاری دێ‌ هێنە كرن و یا پتر خالان ب دەستڤە بینت دێ‌ بیتە قارەمانا وەرزێ‌ ئەڤ سالە.
هەروەسان ناڤهاتی گۆت: هەرچەندە بڕیار بوو 12 یانە پشكداربن ژ وانا پێنج یانەیێن ل هەرێما كوردستانێ‌ لێ‌ دیاربوو ژبەر كاودانێن دارایی نە شیان پشكداریێ‌ بكەن و ئەو یانەیێن پشكدار هەر ئێك ژ، زەورا، نەفت میسان، ئافرەتێن نەینەوا، بیلادی، ئەمواج ئەلمووسل، ئالتۆن كۆپری و ئەكادیمیا كچێن ئیراقێ‌ و پرانییا یانەیێن پشكدار دێ‌ هەڤڕكیێ‌ بۆ ناسناڤی كەن و هەروەسان دێ‌ دناڤ قارەمانیێ‌ دا هەلبژارتیێ‌ ئیراقێ‌ یێ‌ فوتسالێ‌ هێتە دەستنیشانكرن.
ل دۆر نە پشكدارییا تیما یانەیا ئافرەتێن دهۆكێ‌ سلێمان زەكی سكرتێرێ یانەیا ئافرەتێن دهۆك گۆت: هەرچەندە مە گەلەك بزاڤكرن تیما خوە یا فوتسالێ‌ پشكداری قارەمانیێ‌ بكەین ل دەستپێكێ‌ بڕیار دابوو ل دهۆكێ‌ بهێتە كرن و مە پێنگاڤێن باش هاڤێتن لێ‌ مخابن فیدراسیۆنا فوتبۆلا ئیراقێ‌ ژ بڕیارا خوە لێڤەبوو و ڤەگۆهاستە بەغدا، د ژڤانێ‌ ئێكێ‌ دا یا باژێرێ‌ بەغدا مە بزاڤ كرن پشكداریێ‌ بكەین لێ‌ ژبەركو مە شیانێن دارایی نەبوون لەوما نەچاربووین خوە ڤەكێشین، ژڤانێ‌ دویێ‌ ئەوا ژ نوو هاتییە دانان ئەم نەشێن پشكداربین ژبەركو دەم یێ‌ كێمە و شیانێن دارایی ل بەر دەست نینن.
هەرچەندە لژنەیا فوتسالا كچان یا ئیراقێ‌ بەری مەهەكێ‌ ئاماژە دابوو كو قارەمانی دێ‌ ل پارێزگەها دهۆكێ‌ هێتە كرن ل سەر ئەڤێ‌ بڕیارێ‌ 12 یانەیان بەرهەڤییا خوە دیاركربوو، بۆ ڤێ‌ یەكێ‌ ژی چەند یانەیێن هەرێمێ‌ بەرهەڤییا خوە دیاركربوون ئەوژی یانەیا ئافرەتێن دهۆك، زاخۆ، سۆران، نشتیمان و ئەڤرۆدێت، لێ‌ پشتی ژ نشكەكێ‌ ڤە لژنەیا ناڤهاتی بڕیار دایی قارەمانی ژ هەرێما كوردستانێ‌ بهێتە ڤەگۆهاستن بۆ بەغدا، ئەڤچەندە بوو ئەگەر ژ سەرجەمێ‌ گشتی پێنج یانەیان خوەڤەكێشان.

چاڤەڕێ‌ دهێتە كرن ل 24ێ‌ ڤێ‌ مەهێ‌ یاریزانەك و دادڤانەكێ‌ پارێزگەها دهۆكێ‌ بۆ یارییا كیك بۆكسینگێ‌ پشكداری قارەمانییا نێڤدەولەتی بن ئەوا دهێتە چاڤەڕێ‌ كرن وەلاتێ‌ ئۆزپاكستانێ‌ مێڤاندارییا وێ‌ بكەت و زێدەتری 40 وەلاتێن جیهانێ‌ پشكداربن.
ل دۆر ڤێ‌ یەكێ‌ سالح كەكۆ راهێنەرێ‌ هەلبژارتیێ‌ ئیراقێ‌ و ئەندامێ‌ لژنەیا راهێنەرێن ئیراقێ‌ گۆت: هەر ئێك ژ عەبدولرەزاق سەعید شێخۆ وەكو یاریزان ب پلەیا ماستەر بۆ كێشەیا +90 كگم و هەلبژارتیێ‌ ئیراقێ‌ و محەمەد شینگالی دادڤانێ‌ نێڤدەولەتی دێ‌ پشكداری قارەمانییا جیهانی بن ئەوا دهێتە پێشبینیكرن نێزیكی سێ‌ هزار یاریزان بۆ حەفت سیستەمێن جودا یێن یاریێ‌ كو هەر سیستەمەكی ژی 12 كێشێن چەستەیی بۆ هاتینە دانان، ئەڤ قارەمانییا نێڤدەولەتی و ڤەكرییە و پەسەندكرییە ژلایێ‌ فیدراسیۆنا جیهانی waka ، یاریزان دناڤ لیستەیا فیدراسیۆنا نێڤدەولەتی دهێنە تۆماركرن.
هەروەسان ناڤهاتی بۆ رۆژنامەیا ئەڤرۆ گۆت:عەبدولرەزاق شێخۆ ب پلەیا ماستەر بۆ كێشا +90 دێ‌ ل سەر سیستەمێ‌ (kik like) و ( like contak) پشكدار بیت و ئەڤە بۆ ماوەیەكێ‌ درێژە بەرهەڤیێن خوە دكەت ب هیڤییا وێ‌ یەكێ‌ بشێت ب گەهیتە ئێك ژ رێزبەنیێن سێیێ‌ یێن پێشیێ‌، هەرچەندە ئەركێ‌ وی ب سانەهی نابیت ژبەركو یاریزانێن نێڤدەولەتی و خودان شیان و سەربۆر دێ‌ پشكداربن، لێ‌ ئەم گەشبینن دێ‌ شێن گەهیتە هیڤییا خوە، هەروەسان پشكدارییا دادڤانێ‌ مە یێ‌ نێڤدەولەتی ژی پێنگاڤەكا گەلەك باشە و دێ‌ بیتە دەرگەهەك هەموو دادڤانێن مە باشتر خوە بەرهەڤبكەن و ب گەهنە پشكداریێن نێڤدەولەتی.
ژلایێ‌ خوەڤە مەحفۆز ئیبراهیم سەرۆكێ‌ فدراسیۆنا كیك بۆكسینگا پارێزگەها دهۆكێ‌ و ئەندامێ‌ فدراسیۆنا هەمان یاری ل ئیراقێ‌ گۆت: ئەڤ قارەمانییە یا ڤەكرییە بۆ یانە و هەلبژارتیێن جیهانێ‌، ژ ئیراقێ‌ و كوردستانێ‌ كۆمەكا یاریزانان پشكدار بووینە، پێخوەشحالین یاریزانەكێ‌ مە ل سەر ئاستێ‌ پلەیا ماستەر پشكدارە و پێنەڤێت پشكدارییا دادڤانەكی ژی باشترین پێنگاڤە و رێكخوەشكەرە بۆ هەموو دادڤانێن مە بۆ باشتر خوە پێشبێخن.

راپۆرتەكا رۆژنامەڤانی ل ئسپانیا دیار كر لژنەیا پێڕابوونا ل خولا لالیگایێ‌ دێ‌ بڕیارەكێ‌ ل سەر كڕیارا نە جوان یا ستێرێ‌ یانەیا ریال مەدرید یێ‌ ئنگلتەرایی جۆد بێلینگهامی دەت پشتی ئەوا قەسەیێن نە جوان بەرانبەری دادڤان خوسێ‌ لویس مۆنیرا منتێرۆ، ئەوێ‌ یارییا تیما وان بەرانبەر ئسپانیۆل بڕێڤەبری د چارچووڤەیێ‌ گەڕا شەشێ‌ یا خولا ئسپانیا و یاری ب چار گۆلان بەرانبەر گۆلەكێ‌ بۆ یانەیا مێرێنگی ب دووماهی هاتی.
رۆژنامەیا ماركا یا ئسپاتی دیاركر ل دووڤ ڕێنمایێن خولێ‌ دبیت بێلێنگهام نە هێتە سزادان ژبەركو چو داخویانیێن بەرچاڤ دناڤا یاریگەهێ‌ دا یان دناڤ كۆنگرەیێ‌ رۆژنامەڤانی دا نە داینە چو لایەنان، هەكە ئاخفتنەك ژ زارێ‌ یاریزانی ب دەركەڤیت و دادڤان ئاگەهی ژێ‌ نەبیت، لێ‌ هەكە دادڤان بەلگەیان كۆمبكەت و سكالایەكێ‌ تۆماربكەت د وی دەمی دا دێ‌ بیلینگهام هێتە سزادان.

راپۆرتێن رۆژنامەڤانی دۆپات دكەن كو گۆلپارێزێ‌ یانەیا بەرشەلۆنا یێ‌ ئەلمانی مارك ئەندرێ‌ تێر شتیگن دێ‌ بۆ زێدەتر شەش مەها دووركەڤیت ژ یاریگەها پشتی د یارییا گەڕا بۆری دا بەرانبەر یانەیا ڤیاریال تووشی هنگاڤتنەكا مەترسیداربووی.
رۆژنامەیا ئاس یا ئسپانی ئەوچەندە دیار كر د وەرزێ‌ ئەڤ سالە دا ڤەگەڕیانا تیر شتیگنی ب زەحمەتە رهێن چووكی تووشی دربەكێ‌ مەزن بوویە و كارتیكرنا وێ‌ گەهشتییە بڕبڕكا پشتێ‌ ئەڤ چەندە ژی پێدڤی ب نەشتەرگەرییەكا مەزن و دووركەڤتنا وی ژ یاریگەها دێ‌ گەلەك بیت و دبیت شەش هەتا هەشت مەهان بیت.
ژلایێ‌ خوەڤە پەیچێ‌ ESPN یێ‌ ئسپانی داخویانییا راهێنەرێ‌ تیمێ‌ هانسی فلیك بەلاڤكرییە و دیاركرییە هنگاڤتنا وی یا مەزنە و ئەو نەشێت چ ژڤانێن ڤەگەڕیانێ‌ ب دانیت و چاڤەڕێ‌ هەموو پشكنینان بن، لێ‌ ترس ئەوە هەتا دووماهییا ڤی وەرزی دووركەڤیت و گۆت: مە ئاگەهـ ژ سەركەفتنێ‌ نەكا ژبەر هنگاڤتنا تیر شتیگن، گەلەك پێ نەخوەشبووینە،

هەرهین محەمەد:
د دیدارەكێ‌ دا راهێنەرێ‌ تەنسا ئەردی ئاڤدەل حەسەن بۆ ئەڤرۆ گۆت: یارییا تەنسێ‌ یاریەكا تایبەتە و نەیا بەرزەیە و ئەو كەسێن تەماشە دكەنێ‌ گەلەك دكێمن و چینەكا رەوشەنبیرانە وەكو یاریا فوتبۆلێ‌ نینە و ژلایێ‌ ئەنجامان ڤە كچێن دهۆكێ‌ كۆنترۆلا قارەمانییچن ئیراقێ‌ و كوردستانێ‌ دكەن.
هەروەسان ناڤهاتی گۆت: ئاریشا سەرەكی بتنێ‌ مە دو یاریگەه هەنە ل یانەیا دهۆك، یاریا تەنسێ‌ نەوەكو یاریەكا ب كۆمە بتنێ‌ دو هەتا چار یاریزانان دكەن و تەنسا ئەردی گەلەك دەم پێدڤێت هەتا كو مرۆڤ فێربیت، چونكو یاریەكا بزەحمەتە و هزری یە، ئەو كەسێ‌ ژلایێ‌ هزری ڤە یێ‌ دروست نەبیت نەشێت بكەت و پتریا یاریزانێن مە یێن تەنسا ئەردی كچن، چونكو كچ ئەنجامێن باش بۆ مە دئینن، لێ‌ گەلەك جاران ژی ئەم دگەل كچان خوسارەت دبین ئەوژی دەمێ‌ كچ هەڤژینیێ‌ پێك دئینت، یان كارەكی دی بكەت، لێ‌ نوكە ئەم دژیەكێ‌ بچووك دا فێردكەین و دەمی ئەو دچن و یاریێ‌ دهێلن پێكگورێ‌ وان مەیێ‌ هەی گۆت: جهێن پەیوەندیدار هەتا رادەكی ل گەل مەدهاریكارن،لێ‌ دسەرهندێ‌ را جوداهیێ‌ ژی دكەن دناڤبەرا یاریا تە پاپێ‌ و یا تەنسا ئەردیو ئەو هزردكەن وەرزش، ئانكو تە پاپێ‌، ئەو بخوە وەسا نینە و ئەگەر ئەو پیچەوك هزربكەن و گرنگیێ‌ بدەنێ‌ بۆ نموونە تەنسا ئەردی ئێك ژ سەدێ‌ ئەوی مەزاختیێ‌ ل یاریا فوتبۆلێ‌ دكەن هەكە ل یاریزانەكێ‌ تەنسێ‌ بكەن و بەرهەڤكەن بۆ قارەمانین ژدەرڤە دبیت ئەنجامێن گەلەك باش بدەست خوە ڤە بینت پتر ژ فوتبۆلێ‌.