لەزگین جۆقی:
بەرێ بنیاتی بۆ ئاڤاكرنا نەخۆشخانەكا 100 تەختی ل دەڤەرداریا شنگالێ هاتە دانان.
رەفعەت سمۆ، جێگرێ پارێزگارێ نەینەوا بۆ كاروبارێن ئیداری بۆ ئەڤرۆ دیار كر، دوهی 22/9/2024ێ ل دەڤەرداریا شنگالێ بەرێ بنیاتی بۆ ئاڤاكرنا نەخۆشخانەكا مەزن یا 100 تەختی هاتە دانان و گۆت: «ئەڤ نەخۆشخانە د دەمێ سێ سالان دا دێ ب دووماهی هێت و كەڤیتە د خزمەتا خەلكێ شنگالێ دا».
گۆتژی: « نەخۆشخانەیا 100 تەختی یا شنگالێ ب گوژمێ 77 ملیار دیناران ل سەر بودجەیا پارێزگەها نەینەوا ژ لایێ كۆمپانیەكا بیانی ڤە دێ هێتە چێكرن و هەمی جۆرێن خزمەتێن ساخلەمیێ، وەكو: تاقیگەه، تیشك، سۆنار و پشكنین دێ د ناڤ دا هەبن».
نيشاندان