زاخۆ، دلۆڤان هالۆ:

بێکەس نووری عەبدال، مامۆستایێ هەلگرێ ماستەرێ ب مۆزیکێ د دیدارەکێ دا بۆ ڕۆژناما ئەڤرۆ دیار کر کو زاخۆ د ئاهەنگێن سەرسالا ٢٠٢٥ دا هێزا مۆزیکێ بکارئینایە و شیایە چەندین ڕۆژان هونەرمەند و سترانبێژ و تیپ و گڕۆپێن هەمەجۆر یێن هونەرێ مۆزیکێ هەمبێز بکەت، و ب شێوەیەکێ جوان ژ لایێ خەلكێ و جەماوەرێ زاخۆ ڤە هاتنە پێشوازیکرن.
ناڤهاتی ئاماژه ب وێ چەندێ ژی کر کو میتۆلۆژیا و دیرۆکا گەلەك شارستانیەتێن کەڤنار دەمێ بەحس ل هێزا موزیکێ دکەن، ئاهەنگێن ئەڤ سالە و یێن سالێن دەربازبوویی یێن زاخۆ ل بیرا مرۆڤی دئینن، لەوما دەستخوەشیێ ل ئیدارا سەربخوە یا زاخۆ و گۆهدار شێخۆی دکەین کو ئەڤ هێزا هونەرێ موزیکێ بکارئینای ب ئامادەبوونا جەماوەرەکێ زێدە گەرم و گۆر، ب ڕاستی ژی ڕۆیەکێ جوان و شارستانی د هەمی لایەکێ دا دابوو باژێڕی، و ئەڤە جهێ شانازیێ یە، ب بۆچوونا من گۆهدار شێخۆ دێ شێت خزمەتەکا گەلەك مەزنتر کەت و دیرۆکەکا جوان و پاقژ و ب ڕۆمەت ل دووڤ خوە هێلیت، چونکی ئێکەمین کەسە وەک دەستهەلاتدارەك د دیرۆکا بەهدیناندا شیابیت ئەڤێ هێزا موزیکێ بکاربینیت.
گۆت ژی:»چەندین ڕۆژان مژارا تۆڕێن جڤاکی ب گشتی ئەڤ بەحسێ ئاهەنگێن زاخۆ بوو، کۆمەك ژ وان ئەو بوون یێن کو گەشبین و تێهنیێن نوویاتی و ڕۆیێ شارستانی و حەزکریێن جوانیێ و دگەل هەبوونا فڕە ئازادیێ، کۆمەك ژی ئەو بوون یێن دژی جوانی و ئازادی و زێدەتر حەزکریێن هندەك یاسا و ڕێسایێن دابونەریتی بوون، کۆمەکێ ژی بێدەنگی هەلبژارت و کۆمەك ژی ئەوبوون یێن دار د نیڤێ ڕا گرتی و هەڤسەنگی ڕاگرتی، بێگۆمان ئەم هەمی وەك ئێك هزر ناکەین، وەک چەوان تلێن دەستان نە وەك ئێکن هەر ئێك ژ مە ژی د کۆژیکەکێ ڕا دونیایا خۆ دبینیت».
زێدەتر ژی گۆت:»مۆزیك نە بتنێ ئامرازەکێ دەم بۆراندنێ یە، بەلکو هێزەکا ئەفسانەیی یە، دشێت بارێ دەڕوونی یێ گڕووپان ڕێکبێخیت و بگۆهڕیت ژ خرابیێ بەرەڤ باشیێ، کارتێکرن ل سەر ڕێکخستن و هەڤسەنگییا سیستەمێ جڤاکی و سەقامگیری و هێمنکرنا ناکۆکی و گرژیان و هەتا چارەنڤیسێ سیاسی ژی هەیە، ل دووڤ بیروباوەرێن یۆنانا کەڤن مۆزیکێ هێزەکا سحری هەیه، لەوما هێزا مۆزیکێ کارتێکرنەکا مەزن ل سەر عەقل و ڕۆح و کەتوار و سرۆشتی هەیە».

سترانبێژ میقداد محه‌مه‌د عه‌لی، دیداره‌كێ دا بۆ به‌رپه‌رێ هونه‌ری یێ ڕۆژنامه‌یا ئه‌ڤرۆ ئه‌گه‌رێن دووركه‌فتنا خوە ژ سترانگۆتنێ دیاركر كو ئه‌وی قه‌ستا ده‌رڤه‌ی وه‌لاتی كریه‌ و ل ئه‌وێری من كلیپه‌ك چێكر و پاشان ئه‌و بوو په‌ژیكا كورونایێ هات و جیهان هه‌موو پێڤه‌ مژویلكر و هه‌روه‌سان هنده‌ك ئاریشه‌یێن دی ژی كه‌ڤتنه‌ درێیا من دا نه‌چار بووم ب ڕاوه‌ستمن به‌لێ نوكه‌ ده‌لیڤه‌یا بۆ من چێبووی و دێ جاره‌كا دی زڤرمه‌ ل سه‌ر كارێن خوه‌ یێن هونه‌ری و ب ئانه‌هیا خۆدێ دێ كارێن نوی و بالكێش كه‌م.
ناڤهاتی ل دۆر نووترین كارێ خوە یێ هونه‌ری دیاركر ژی به‌ری هه‌یامه‌كێ ئه‌و مژوولی نویكرنا كلیپا خوو بوویه‌ بناڤێ (بۆچی) په‌یڤ عومه‌ر عه‌لی و ئاواز دیندار سلێڤانه‌یی توماركرن تون ستودیو میكس و ماسترینگ محه‌مه‌د زه‌كی و تون ماسته‌ر مه‌هدی نوری ه‌ ئاره‌ننجور ڕێناس كورداخ و وێنه‌گر و ده‌رهێنان هه‌ژار دهۆكی و ناڤه‌ڕۆكا سترانێ به‌حسێ كچه‌كێ و كوره‌كی دكه‌ن ئه‌ڤیندارێن ئێكن ژ زاروكینی و پشتی مه‌زن دبن كچ كوری دهێلیت گۆتژی: ئه‌ڤه‌ بۆ ده‌مێ سێ هه‌یڤایه‌ ئه‌ز ل كار سه‌ر نویكرنا سترانا خۆ (ده‌نگێ بارانێ ) دكه‌م ل ستودیویا تون مۆزیك و دئه‌وی سه‌رده‌می دا ئه‌وێ سترانێ گه‌له‌ك ده‌نگڤه‌دا و نوكه‌ ژی هه‌ر ئه‌و ده‌نگڤه‌دانه‌ مایه‌ و ژڤانه‌ ل
هه‌یڤا ئادارێ دا بهێته‌كلیپكرن و به‌لاڤكرن.
ئه‌وچه‌نده‌ژی گۆت: هه‌ر سترانبێژه‌كی بووچوونه‌ك هه‌یه‌ و ئه‌رێ مه‌رجه‌ هه‌رسال سترانبێژ كلیپه‌كێ چێكه‌ت، یاننه‌، به‌لێ ده‌مێ مرۆڤ بۆ ده‌مه‌كی چو كارێن هونه‌ری ئه‌نجام نه‌ده‌ت هێدی هێدی حه‌زژێكه‌رێن مرۆڤی ژمرۆڤی دویردكه‌ڤن و یا باش ئه‌وه‌ دناڤبەران دا كلیپ و سترانان چێكه‌ت داكوحه‌زژێكه‌رێن مرۆڤی بمینن و زێده‌بن و نوكه‌ ل ده‌رڤه‌ی وه‌لاتی مه‌ و به‌رده‌وام دچمه‌ ده‌واتان هه‌كه‌ هه‌بن، به‌لێ هنده‌ك جاران یێ بكارم دبیت نه‌گه‌هم بچم.

ئه‌ڤرۆ، هه‌رهین:

سترانبێژا رۆژئاڤایێ كوردستانێ ئالین د دیداره‌كێ دا بۆ به‌رپه‌رێ هونه‌ری یێ ڕۆژنامه‌یا ئه‌ڤرۆ گۆت: به‌ری چه‌ند ڕۆژان من نووترین كلیپا خوە بناڤێ (حونلی حونلی ) كو ب زاراڤێ ئاشووری و كلدانی به‌لاڤكریه‌ وكو ژپه‌یڤ و ئاوازێن هونه‌رمه‌ند جولیانا جوندو هه‌لبه‌ستڤان ئه‌دیب چه‌لكی وه‌گێرایه‌ كوردیێ و ژده‌رهێنان هه‌ژار دهۆكی و ل وه‌لاتێ سوید هاتیه‌ وێنه‌كرن.
هێشتاژی گۆت: ژ حه‌زژێكرنا من بۆ خه‌لكێ مه‌یێ ئاشوری و كلدانی كو پێكهاته‌یه‌كا گرنگه‌ دناڤ جڤاكێ مه‌دا، له‌ورا من ئه‌ڤ سترانه‌ گۆتیه‌ وه‌كو پشته‌ڤانی بۆ پێكڤه‌ ژیانا خه‌لكێ كوردستانێ كو ژ كه‌ڤندا جڤاكه‌كێ فره‌ نه‌ته‌وه‌ و ئول و مه‌زهه‌ب بوویه‌ و هه‌موو ب جوانی ل كوردستانێ ژیاینه‌ و هیڤیدارم دئه‌ڤێ ڕه‌وشا ئازاد و نویدا خه‌لكێ كوردستانێ ب مافێن خوە یێن ڕه‌وا شادببن.
ئالینێ زێده‌ترگۆت: من گه‌له‌ك به‌رنامه‌یێن باش هه‌نه‌ بۆ چێكرنا ستران و كلیپان، به‌لێ بۆ چێكرنا كارێن هونه‌ری سترانبێژی پێدڤی ب پشته‌ڤانیا مادی و معنه‌وی یه‌ دا كو كارێن جوان ئه‌نجامده‌ت و یێ به‌رده‌وام بیت ژی ل سه‌ر كارێن خوه‌ یێن هونه‌ری.