قەیس وەیس:

ب دووماهی هاتنا یاریێن گەڕا 14 ێ‌ ژ خولا ستێرێن ئیراقێ‌ یا فوتبۆلێ‌ ئەنجامێن یانەیێن كوردستانی ب دو سەركەفتن و دو خوسارەتی بوون، یانەیا دهۆكێ‌ بەردەوامی دا ئەنجامێن خوە یێن باش و یانەیا زاخۆ دەلیڤەیا سەرێ‌ لیستێ‌ ژ دەستدا و هەولێرێ‌ پێشكەفتنا خوە نە پاراست و نەورۆزێ‌ هێزا خوە ڤەگەڕاند.
ئەلهۆیێن چیا ئەلهۆیێن دەشتێ‌ ڕاوەستاندن
تیما یانەیا دهۆكێ‌ یا ناڤدار ب ئەلهۆیێن چیا شیان سەركەفتنەكا گرنگ ب شەش خالان ل سەر هەڤڕكا خوە یانەیا جەوییە ئەلهۆیێن دەشتێ‌ بینت ب گۆلەكێ‌ بێ‌ بەرانبەر، دهاتە هژمارتن ئێك ژ یاریێن مەزن و پری جەماوەری ئەوا ل یاریگەها یانەیا دهۆك هاتیە كرن، گۆلا دهۆكێ‌ ژلایێ‌ ستێر و گۆلكەرێ‌ وێ‌ پاشەنگ ئەعبدوللا ڤە هاتە تۆماركرن، ئەڤێ‌ سەركەفتنێ‌ دهۆك پێشكەفتنەكا باش بەر ب رێزێن پێشیێ‌ ڤە بر كو دبیتە یا حەفتێ‌ د خولێ‌ دا بەرانبەر سێ‌ وەكهەڤی و چار خوسارەتییان ب24 خالان پێشڤە هاتە رێزا پێنجێ‌، بڕیارە سوبەهی یارییا خوە یا گەڕا 15ێ‌ ببیتە مێڤانا یانەیا نەفت میسان یاریەكا دی یا بهێزە بۆ ئەلهۆیێن چیا و دێ‌ بزاڤێن بەردەوامییا ئەنجامێن خوە یێن باش كەت.
گۆلكەرێن تیما دهۆكێ‌ كینە؟
بۆ زانین حەفت یاریزانان پشكداری د تۆمار كرنا 18گۆلان دا هەیە بۆ یانەیا دهۆكێ‌ و بڤی ڕەنگی، پاشەنگ عەبدوللا شەش گۆل، پیتەر گۆرگیس چار گۆل، هەر ئێك ژ كەریم دەرویش و شەرقی ئەلبەحری دو گۆل هەنە، هەروەسان هەر ئێك ژ بەیار ئەبۆ بەكر، یانیك زاكێری، و كێلبرت كۆمسۆن گۆلەك تۆماركرینە، گۆلەك بۆ یاریزانەكێ‌ یانەیەكا دی هاتییە هژمارتن، پشتی ب شاشی ڤە گۆل ل سەر تیما خوە كر.
زاخۆ مفا ژ دەلیڤەیا سەرێ‌ لیستێ‌ نە وەرگرت
تیما یانەیا زاخۆ كوڕێن خابووری دەلیڤەیا سەرێ‌ لیستێ‌ ژ دەستدا پشتی دگەل مێڤانا خوە یانەیا كارەبا خوسارەتیەكا نە چاڤەڕێ‌ كری دایی ب گۆلەكێ‌ بێ‌ بەرانبەر، د یارییا واندا ئەوا ل یاریگەها زاخۆ دناڤ جەماوەرێ‌ وێ‌ دا هاتییە كرن، ئەڤێ‌ ئەنجامی وەكر زاخۆ هیڤیێن سەرێ‌ لیستێ‌ د گەڕا 14ێ‌ دا ژ دەست بدەت و بزاڤێ بكەت بۆ گەرێن داهاتی ڤان هیڤییا ڤەگەڕینت، ژبەركو 25 خال هەبوون و هەكە ب سەركەفتبا دا چیتە سەرێ‌ لیستێ‌ ب جووداهییا گۆلان ژ یانەیا زەورا ئەوا ب سەركەفتی و مفا ژ خوسارەتییا زاخۆ وەرگرتی، كورێن خابوری ژ رێزا سێیێ‌ پاشڤەچوو رێزا چارێ‌ ب حەفت سەركەفتن، چار وەكهەڤی و سێ‌ خوسارەتی هەنە، یارییا سوباهی دێ‌ ژ دەرڤەیی یاریگەها خوە دگەل نەفت ئەلبەسرا بیت و چاڤ ل سەركەفتنێ‌ بیت بۆ گەشكرنا هیڤیێن خوە.
حەفت یاریزانان پشكداری د گۆلێن زاخۆ دا كرینە
هەردو ستێرێن یانەیا زاخۆ یێ‌ بەرازیلی گۆستاڤۆ هێنریك و یاریزانێ‌ هەلبژارتیێ‌ ئیراقێ‌ ئەمجەد عتوان سەرێ‌ لیستا گۆلكەرێن تیما خوە دهێن ب تۆماركرنا حەفت گۆلان، دیسان هەر ئێك، ناسر محەمەدو چار گۆل، هەر ئێك ژ ئەیۆب نناحی گۆلەك، محەمەد عەلی عەبۆد گۆلەك و موسێس گۆلەك، مەحمود فائیز گۆلەك تۆماركرینە.
هەولێرێ‌ خوسارەتییا پێنجێ‌ دا و نەورۆز ڤەگەریا
ژلایێ‌ خوەڤە تیما یانەیا هەولێرێ‌ تووشی خوسارەتیێ‌ بوو بەرانبەر یانەیا تەلەبە ب دو گۆلان بەرانبەر گۆلەكێ‌ و دەلیڤەیا پێشڤەچوونێ‌ ژ دەستدا، سەرباری تیما هەولێرێ‌ ب گۆلەكێ‌ یا پێشكەفتی بوو لێ‌ تەلەبە ب ریمۆنتادا شیا سەركەفتنێ‌ بینت، ژلایەكێ‌ دیڤە نەورۆز ڤەگەڕیا سەركەفتنان ب گۆلا هێرشبەرێ‌ خوە مەروان حسێنی بوو پێنجەمین سەركەفتن د خولێ‌ دا ئەوا بەرانبەر كەرخ ب گۆلەكێ‌ سەركەفتی.
ئەڤرۆ هەولێرێ‌ یاری یا هەی
هەرچەندە دوهی دەست ب هەڤڕكیێن گەڕا 15ێ‌ هاتنە كرن لێ‌ بڕیارە ئەڤرۆ و سوبەهی یانەیێن كوردستانێ‌ یاریێن خوە ئەنجامبدەن، یانەیا هەولێر دێ‌ دێ‌ ل پایتەختێ‌ ئیراقێ‌ بەغدا بیتە مێڤانا یانەیا كەرخ د یارییەكا گرن گدا ئەوا دێ‌ ل دەمژمێر 2:30 پشتی نیڤرۆ هێتە كرن، ژ یاریێن دی، دیالا- ئەلكەرمە، نەجەف- مینا، زەورا- حدود، سۆبەهی دهۆك دێ‌ بیتە مێڤانا نەفت میسان ل دەمژمێر 2:30 پشتی نیڤرۆ، نەفت دێ‌ مێڤاندارییا نەورۆز كەت د هەمان دەم دا، ل یاریگەها فەیحا یانەیا زاخۆ دێ‌ بیتە مێڤانا نەفت ئەلبەسرا دەمژمێر 7:30 شەڤ، هەروەسان كارەبا و تەلەبە دێ‌ بەرانبەری ئێك یاریێ‌ كەن.
هەلوەستێ‌ گشتی پشتی بەری دەستپێكرنا گەڕا 15ێ‌ یا خولا ستێرێن ئیراقێ‌ بڤی شێوەیی یە.
1- زەورا 28 خال.
2- جەوییە 28 خال.
3- شورتە 27 خال.
4- زاخۆ 25 خال.
5- دهۆك 24 خال.
6- تەلەبە 24 خال.
7- نەفت 23 خال.
8- نەفت میسان 22 خال.
9- مینا 19 خال.
10- ئەلكەرمە 19 خال.
11- هەولێر 19 خال.
12- نەجەف 18 خال.
13- كارەبا 18 خال.
14- ئەلقاسم 18 خال.
15- نەورۆز 17 خال.
16- كەربەلا 15 خال.
17- نەفت ئەلبەسرا 14 خال.
18- كەرخ 12 خال.
19- حدود شەش خال.
20- دیالا چار خال.

عەلی حاجی:
جه‌ماوه‌ر و پشته‌ڤانێن وه‌رزشی یێن یانه‌یا زاخۆ چاڤه‌ڕێ نه‌ ئه‌ڤرۆ ل ده‌مژمێر چارێ ئێڤاری تیما كوڕێن خابووری دناڤ ئه‌رد و جه‌ماوه‌رێ خوه‌ دا مێڤاندارییا یانه‌یا دیفاع ئه‌لجه‌وی یا به‌غدایی بكه‌ت ئه‌وا دێ ژ چارچووڤه‌یێ هه‌ڤڕكیێ گه‌ڕا 16ێ یا خولا پیشه‌كارێن ئیراقێ دناڤا هۆلا گرتییا بنگه‌هێ وه‌رزش و لاوێن زاخۆ هێته‌ ئه‌نجامدان.
تیما یانه‌یا زاخۆ ژ نه‌هـ سه‌ركه‌فتنان 22 خال كۆمكرینه‌ رێزبه‌ندییا پێنجێ دهێت ب جووداهییا پۆینتا ژ 15 یارییان ب هه‌شت سه‌ركه‌فتن و شه‌ش خوساره‌تییان، د به‌رانبه‌ر دا یانه‌یا دیفاع ئه‌لجوییه‌ خودانا ناسناڤێ وه‌رزێ بۆری و د نوكه‌ دا خودانا سه‌رێ لیستێ یه‌ ب كۆمكرنا 29 خالان ژ 16 یارییان و 13 سه‌ركه‌فتن هه‌نه‌ و سێ خوساره‌تی، ئه‌ڤ یارییه‌ دهێته‌ هژمارتن گرنگترین دیدارا وه‌رزێ ئه‌ڤ ساله‌ بۆ یانه‌یا زاخۆ پێخه‌مه‌ت پێشڤه‌چوون بۆ رێزا چارێ و ده‌ربازبوون بۆ چارگۆشه‌یا زێرین و هه‌روه‌سان بۆ خودانا سه‌رێ لیستێ ژبۆ پاراستنا رێزبه‌ندییا خوه‌ و ‌دووركرن ژ هه‌ڤڕكێن خوه.
ل دۆر دووماهی به‌رهه‌ڤێن كوڕێن خابووری موراد عه‌لی كاپتنێ تیما زاخۆ بۆ رۆژنامه‌یا ئه‌ڤرۆ گۆت: یارییا ئه‌ڤرۆ ب هێزترین تاقیكرنه‌ بۆ تیما مه‌ و گه‌له‌ك یا گرنگه‌ بۆ هه‌ردو یانه‌یان، هه‌تا نوكه‌ ئاست و ئه‌نجامێن تیما مه‌ دباشن و به‌رده‌وام به‌ر ب پێشڤه‌چوونێ دایه‌، یارییا به‌رانبه‌ر دیفاع ئه‌لجه‌وی كۆپیتكا دیدارێن مه‌ هه‌ردو یانه‌یانه‌ ژبه‌ركو ئارمانجێن مه‌ هه‌ردو یانه‌یان پێشڤه‌چوونه‌ و پاراستنا دیفاع ئه‌لجه‌وی بۆ سه‌رێ لیستێ یه‌، ئه‌م دێ ب چه‌كێ خوه‌ یێ ئاست و شیان و دێ پشت گه‌رمی ب جه‌ماوه‌رێ خوه‌ یێ دلسۆز هێنه‌ دناڤ یاریێ دا، هه‌رچه‌نده‌ ئه‌ركێ مه‌ ب سانه‌هی نه‌بیت به‌رانبه‌ر باشترین یانه‌یا ئیراقێ لێ رژدین ژبۆ ئارمانجا خوه‌ ئه‌و ژی سه‌ركه‌فتنه‌.

شاهۆ فەرید:

بڕیارە ئەڤێ حەفتیێ ڤاڤارتنێن خولا پلا سێ یا ئیراقی ل سەر ئاستێ پارێزگەها دهۆكێ بهێنە ئەنجامدان ئەوا دهێتە چاڤەڕێ‌ كرن دەهـ یانە پشكداربن.
ل دۆر ڤێ یەكێ عبدوللا عابد ئەندامێ فێدراسیونا فوتبۆلا دهوكێ بۆ رۆژنامەیا ئەڤرۆ دیاركر ب پشكدارییا 10 یانەیان دڤێ‌ حەفتێ دێ ڤاڤارتنێن خولا پلا سێ یا ئیراقێ ژ كۆما پارێزگەها دهۆكێ هێنە ئەنجامدان، پرۆپوزەلێ یاریا ژ لایێ‌ فیدراسیونا فۆتبولا ئیراقی هاتیە كو ئەگەر پێنچ یانە بان كورسیەكە و شەشا سەردا دو كورسی نە و یازادە یانە سیێ كورسیكن، یاریێن وان دێ‌ بشێوەیێ خول ئێك قۆناغ هێتە كرن لێ یاری دێ ل یاریگەهێن دەوروبەرا و سەنتەرێ دهوكێ هینەكرن، گەلەك یانەیا بۆ وان دەست نادەت پشكداربن ژبەر كاودانێن دارایی لێ ژبەر هەبوونا خوە فێدراسیونا ئیراقێ دێ پشكداربن، تنێ دو تیم د بەرهەڤن، لێ‌ ئەو یانەیێن دناڤ خولێ‌ دا پیرس، گارە، سێمێل، تەناهی، ئاكرێ، باتیفا، بەردەرەش، بجێل، شێخان و دینارتە، مە دخواست شێلادزێ ژی پشكداربیت لێ ئەوان پتر گرنگی دایە خولا پلەیا دو یا كوردستانێ.
هەروەسان ناڤهاتی گۆت: ئەڤە پێنگاڤەكا باشە بۆ یانەیێن پشكدار یاریزانێن وان دیاربن، هندەك یانە دێ لاوان پشكداربن، هیچ پشتەڤانیەكا دارایی بۆ تیمان ژلایێ فیدراسیۆنا ئیراقێ هاتیەكرن، یانەیێن مە دێ بێ بەرامبەر پشكداربن، یانەیێن باشۆرێ‌ ئیراقێ بهایێ پشكداریێ دایە ئەوژی دو ملیون دینارن، وەكۆ فدراسیۆنێن لەقا ژی ژ گەلەك پاداشتێن فیدراسیونێ بێ بەهردبین، ناڤێ مە كوردستانێ گرێدایە ئەوا بۆ یانەیێن خولا ستێران ژی مەزێخن بۆ یانەیێن كوردستانێ نینە، فەرق و جوداهیەكا مەزن دكەن.

ب شێوەكێ‌ فەرمی كارگێرییا یانەیا ئافرەتێن دهۆكێ‌ كادرێ‌ ڕاهێنانێ‌ و پێكهاتیێ‌ تیما خوە یا فوتسالێ‌ بۆ وەرزێ‌ نوو 2024-2025ێ‌ یا خولا پلا نایابا كوردستانێ‌ ڕاگەهاند و هەموو هیڤیێن وان ئەون ژبۆ پاراستنا ناسناڤێ‌ خوە یێ‌ وەرزێ‌ بۆری.
د داخویانیەكێ‌ دا سەردار سالح سەرۆكێ‌ یانەیا ئافرەتێن دهۆكێ‌ گەشبینییا خوە دیار كر بۆ وەرزێ‌ نوو و گۆت: پێنەڤێت وەرزێ‌ نوو ئەركێ‌ مە ب سانەهی نابیت بەرانبەر دا یانەیێن خودان شیان هەنە و بەرهەڤیێن باش كرینە، لێ‌ وەكو كارگێرییا یانەیا ئافرەتێن دهۆكێ‌ یا د شیان دا بیت بۆ وەرزێ‌ نوو مە دەستپێكرییە سەرباری بارێ‌ دارایی یێ‌ یانەیێ‌ باش نینە، گەشبینن پشتەڤانییا مە بهێتە كرن.
هەروەسا ناڤهاتی گۆت: ژبەركو ل وەرزێ‌ بۆری مە ناسناڤێ‌ خولێ‌ ب دەستڤە ئینابوو، بۆ وەرزێ‌ ئەڤ سالە وەكو كارگێری چەندی كۆمبوون كربوون پێخەمەت چاوانییا پاراستنا ڤێ‌ ناسناڤی، ئاستەنگا مەزن بۆ مە دارایی بوویە و ئەو شیانێن باش مە نینن كو بشێن تیمەكا ب هێز و بێ‌ هەڤڕك چێكەین، لێ‌ دەستنیشانكرنا كادرێ‌ راهێنانێ‌ و ئەو یاریزانێن مە ئینایین گەشبینم دێ‌ شێن ئارمانجا مە ب جهـ ئینن، هیڤییا مە ئەوە جهێن پەیوەندیدار و پارێزگارێ‌ دهۆكێ‌ پشتەڤانییا ڤێ‌ یانەیێ‌ بكەت كو تایبەتمەندە ب وەرزشڤانێن كچ و ئەم ژی بشێن خزمەتا ئەڤان وەرزشڤانان بكەین و بكەڤیتە د پێشكەفتنا ئاستێ‌ وەرزشا پارێزگەهێ‌ دا.
یانەیا ئافرەتێن دهۆكێ‌ ڕاگەهاند بوو كو ئاراز سالح وەكو راهێنەر، دلۆڤان محەمەد هاریكارێ‌ وی و دەریا یونس راهێنەرا گۆلپارێزان هاتینە دەستنیشانكرن بۆ كادرێ‌ راهێنانێ‌، دیسان گرێبەستا هەر ئێك ژ سیپەل شوكر، یسرا ئیبراهیم، بەهرەدار محەمەد، سۆز كازم، ئیڤان فەرهاد، دەلال تالب، مەروا جیان، مینا سەحەر، دلپاك جبۆر، جەنە دلشاد ئیمزاكرینە.
بۆ زانین وەرزێ‌ نوو یا خولا فوتسالا كچان دێ‌ 24ێ‌ ڤێ‌ مەهێ‌ ب پشكدارییا هەشت یانەیان هێتە ئەنجامدان، كۆما ئێكێ‌ پێكهاتینە ژ ئافرەتێن دهۆك، ڕەواندۆز، چەمچەمال و كۆیە، كۆما دویێ‌، یانەیا زاخۆ، ئافرەتێن هەولێر، سیرۆانی هەلەبچە و یانەیا سۆران، یارییا شێوازێ‌ خولێ‌ دێ‌ دو قۆناغ هێتە بڕێڤەبرن، دو یانە ژ هەر كۆمەكێ‌ دێ‌ دەربازبیتە قۆناغا چارگۆشەیا زێرین، یاریێن گەڕا ئێكێ‌ دێ‌ بڤی شێوەیی بن، كۆما ئێكێ‌، چەمچەمال- ئافرەتێن دهۆك، ڕەواندۆز كۆیە، كۆما دویێ‌ ئافرەتێن هەولێر- زاخۆ، سۆران- سیروانی هەلەبچە، د ماوەیێ‌ هەیڤا رەمەزانێ‌ دا دێ‌ خول هێتە ڕاوەستاندن و دووڤدا ئێكسەر دێ‌ قۆناغا چار گۆشەیا زێرین هێتە كرن.