ب فەرمی هاتە ڕاگەهاندن ستێرێ‌ گەنج یێ‌ هەلبژارتیێ‌ ئسپانیا و یانەیا بەرشەلۆنا لامین یامال بۆ ماوەیێ‌ مەهەكێ‌ دێ‌ هێتە دوور كرن، پشتی د یارییا بۆری دا بەرانبەر یانەیا لیگانێس تووشی هنگاڤتنێ‌ بووی ئەڤچەندە بوویە دڕبەك ب یانەیا وی كەڤتی.
رۆژنامەیا ماركا یا ئسپانی ئەڤ دەنگۆباسە دۆپاتكر و د یاركر لامین یامالی دڕبەك ب بەرشەلۆنا دا و نەشێت بۆ ماوەیێ‌ مەهەكێ‌ یاریێ‌ دگەل تیما خوە بكەت، سەرباری هەبوونا یاریێن ئاگرین تایبەت یا شەمبییا بهێت بەرانبەر یانەیا ئەتلەتیكۆ مەدرید ژ گەڕا 18ێ‌ كو دبیتە ئێك ژ ب هێزترین یارییان پشتی یا ریال مەدریدێ‌، هەروەسان یارییەكا دی هەیە ل چارێ‌ كانوونا دویێ‌ یا بهێت بەرانبەر بارباسترۆ ژ گەڕا سێیێ‌ یا كۆپا شاهێ‌ ئسپانیا، ئەڤ هنگاڤتنە بوویە ئەگەر لامین یامال پلانێن ڕاهێنەرێ‌ خوە هانزی فلیك تێكدایە و نەچاربیت چەند گوهۆڕینان بكەت.
ل دووڤ سایتێ‌ جیهانی یێ‌ ئاماران ترانسفێر ماركێت لامین یامال 21 یاری دگەل بەرشەلۆنا د وەرزێ‌ 2024-2025ێ‌ كرینە، بوویە ئەگەڕێ‌ تۆماركرنا 18 گۆلان، ژ وانا شەش تۆماركرینە و 12 بۆ هەڤالێن خوە چێكرینە

دیدار: رەمەزان دەشتمری/ زاخۆ

3 – 3

عادل سەفەر دیسان دوپاتكر و گوت: ل شەڤا 20/21/8/1988ی ئەم وەك مەفەرەزەیەكا پێشمەرگەیی ژ گەلیێ‌ پساغا بۆ دەڤەرێ‌ هاتین و ل دەمژمێر نەهـ و نیڤی شەڤێ‌ گەهشتن پشتا كولمەلگەها بێرسفێ‌ و دا ل جادا گشتی دەربازبن و ئێن بۆ بارەگایێ‌ لیژنا ناوچا زاخۆ ل گەلیێ‌ هاروینا و دەمێ‌ گەهشتین جهەكێ‌ دبێژنێ‌: بەرێ‌ هناروكا و كەتن دناڤ بوسەیەكا مەفرەزا ئیستخبارتا حكومەتا ئیراقێ‌ دا و دەملدەست تەقە ل مە كرن، و هەر ئێكسەر گولویەكا بی كەیی سیێ‌ ل پێ‌ من كەت و دجهدا ئەز برینداربیم و پشتی شەڕەكی دژوار و بێ‌ وێنە دناڤبەرا هەڤالێن مە یێن پێشمەرگە و سیخوڕێن مەفرەزا ئیستخباراتێ‌ دا پەیدابوو، بەلێ‌ خوەشبەختانە ب زەند و باسكێن پێشمەرگەیی و قەهرەمانیا ئەوان شیان من ژنا ئەڤێ‌ شەرێ‌ دژواردا ب برینداری قورتال بكەن. هەر دئەوێ‌ شەڤێ‌ دا هەڤالێن من یێن پێشمەرگە ئەز بۆ گوندێ‌ پیربلا ڤەگوهاستم و چارەسەریا برینا پێ‌ من ژلایێ‌ نوشدارێن شۆڕەشێ‌ ڤە هات كرن، و پاشێ‌ ئەز بۆ گوندێ‌ مارسیسێ‌ ل دەڤەرا گەلیێ‌ پساغا هاتم ڤەگوهاستن و پاشێ‌ ئەز هاتم بۆ گوندێ‌ شیڤا مێزێ‌ ژ بەركو مالا خویشكا من ل وێرێ‌ بی و چارەسەریا برینا پێ‌ من ل گوندێ‌ شیڤا مێزێ‌ ژلایێ‌ نوشدارێن شۆڕەشێ‌ ڤە هاتكرن. ئەوبی ل ڕۆژا 25/8/1988ی ڕژێما ئیراقێ‌ ئەنفال ل كوردستانێ‌ ڕاكر و ب چەكێ‌ كێمیاوی ل دەڤەرێ‌ بومبەبارانكر و ل ڕۆژا 26/8/1988ی ل گوندێ‌ شیڤا مێزێ‌ بەرەف سەر سنوران چوین و ل ڕۆژا 27/8/1988ی ل دەڤەرا ئالیشكێ‌ دەربازی سنوری بووین و ژبەركو برینا پێ‌ من گەلەك یا گران بی و ئەز و پێشمەرگەیەك دیتر ب ناڤێ‌ حەمدی تەسلیمی عەسكەرێ‌ قەڕەقولا توركیا كرن، و هەر ئێكسەر وەك تومەتبار ب پەكەكێ‌ تومەتباركرن و هەر ئێكسەر دەستێن مە كەلامچە كرن و ب فڕوكەیا هەلكوپتەر بۆ باژێڕێ‌ مێردینێ‌ ڤەگوهاستن و د ژۆرەكا نەخوشخانێ‌ زیندانكرن و دو پولیس ل هنداڤی سەرێ‌ مە د ڕاوەستایی بین، بۆ ماوێ‌ بیست و بێنچ ڕرژان ئەز مامە ل نەخوشخانا باژێڕێ‌ مێدینێ‌ و نە من چ ژ كەس و كارێن خۆە دزانی و نەژی كەس و كارێن من چ تشت ژمن نزانین، هەلبەت ل ئەوی دەمێ‌ دایك و بابێن من ل كومەلگەها تلكەبەرێ‌ ل ناڤ ڕژێمێ‌ ژیان و هەسا بۆ وان هاتبی گوتن ل دەمێ‌ ئەز ل ئەوێ‌ شەڤا كەفتیم دناڤ بوسەیا مەفرەزا ئیستخبارتێ‌ دای ێ‌ هاتیم شەهیدكرن و ئەوان بەهیا من ب نهێنی ل مالێ‌ دەیناتبی و هەر وەسا دەمێ‌ عەسكەرێ‌ قەڕەقولا توركیا ئەز ب فروكەیا هەلیكوپتەرێ‌ ڕەوانەیی نەخوشخانا باژێڕێ‌ مێدینێ‌ كریم و كو وەسا دابین دیاركرن كو ئەز ئەندامەكی چەكدارێن پەكەكێ‌ مە و حكومەتا توركیا ئەز یێ‌ سەهندا و بێ‌ سەرو شوین كریم، ل دەمێ‌ ئەز ل نەخوشخانی گەلەك ڤەكولین دگەل من هاتن كرن ئایا ئەز پێشمەرگەمە یانژی چەكدارێ‌ پەكەكێ‌ مە، بەلێ‌ ل ڕۆژەكێ‌ كەسەك ب ناڤێ‌ ئیسماعیل عومەر ژ كەمپا مێردینی یا ئاوارەیان هاتبی نەخوشخانێ‌ و ئەڤ دیتم و مە ئێكود و ناسدكر و مە هاڤێت ئێكودو ماچی كر و ئیسماعیلی گوت كاك عادل ئەڤە تو ساخی و مە زانی تو یێ‌ شەهیدبی و ب دەستێن توركیا هاتی بێ‌ سەر و شوینكرن، ئەز ژی كەنیم و من گوتێ‌ برا پا ئەڤە ئەز ساخم و رەوشا من ژی یا باشە بەلێ‌ ئەڤە ماوێ‌ بیست و پێنج ڕۆژایە ئەز د ئەڤێ‌ ژۆرا تومەتباران ڤە و حكومەتا توركیا وەسا هزر دكر كو ئەز ئێك ژ چەكدارێن پەكەكێ‌ مە و هاتیمە دستەسەركرن، پاشی ئەوبی لیژنا ئیدارێ‌ یا كەمپا مێردینی هاتن بۆ سەرەدانا من و قەناعەت بۆ دەولەتا توركیا چێبی كو ئەز پێشمەرگەمە و ل ڕۆژا پاشتر ب ترومبێلا هاوار هاتنێ‌ ژ نەخوشخانا باژێڕێ‌ مێدینێ‌ بۆ نەخوشخانا فاكولتی ل باژێڕێ‌ ئامەدێ‌ ڤەگوهاستم و جەوابا خێرێ‌ بۆ خویشكا من ل كەمپا ئامەدێ‌ هات كو ئەز یێ‌ ساخم و نەهاتیمە شەهیدكرن. هەر ل ڕۆژا دیتر خوشكا من دگەل هەڤال و دوستێن من كوپ تر ژ سەد و پێنجی كەسان بۆ نەخوشخانا فاكولتی ل باژێڕێ‌ ئامەدێ‌ و سەرەدانا من كرن و ب راستی نوشدارێن نەخوشخانا فاكولتی ل باژێرێ‌ ئامەدێ‌ گەلەك مەندەهوش مان بۆ ئەوی خەلكێ‌ هاتین بۆ سەرەدانا من ژبەركو بۆ ئەوان وەسا هاتبی گوت نكو ئەز یێ‌ هاتیم شەهیدكرن. پشتی بورینا پازدە ڕۆژان ل نەخوشخانا فاكولتی ل باژێڕێ‌ ئامەدێ‌ مایم و چارەسەریا برینا پێ‌ من هاتی كرن ول ل كەیف و خوەشی و ڕێ‌ ڕەسەمەك هەژی ژلایێ‌ هەڤال و كەس و كارێن من بۆ من هات دەینان و ب ساخ و سلامەتی ب دیتنا وان ل ناف كەمپێ‌ شادبوین. پشتی ئەز هاتیم بۆ ناف كەمپێ‌ من ڕیكا تەلەفونێ‌ دایك و بابێن خۆە ئاگەهداركرن كو ئەز یێ‌ ساخم و ل ناف كەمپا ئامەدێ‌ یا پەنابەران دژیم. پێشمەرگەیی پەكەوتوو عادل سەفەر گوت: ژبەر كور دەمێ‌ پێمن برنداربی و پیەكێ‌ من ژپیەكێ‌ كورتر لێهات و ڕێڤەچوون ب دروستاهی من نەشیا بكم و ئەوبی ل سالا 1990ی و ئەز دگەل هەڤالەكێ‌ خۆە ب ناڤێ‌ عجێل عەبدولا ب ڕیكا دەولەتا یەونانێ‌ بەرەف دەرڤەیی وەلاتی چوون و ل وەلاتێ‌ ئەلمانیا پەنابەری مە وەرگرت و ب دروستاهی چارەسەریا پێ‌ من هاتكرن و ل ل سالا 1993ی بۆ كوردستانێ‌ هاتم و وەك كادر و ئەندام مەكتەب ل بارەگایێ‌ لقی هەشت ئەركێ‌ خۆە دبینم و هەر وەسا پشتی من سەرەدانا لیژنا نوشداری یا وەزارەتا پێشمەرگەیی كری و ل دویف بریارا وەزارەتا پێشمەرگەیی ئەز وەك پێشمەرگەیێ‌ پەكەوتوو ب پلەیا (عریف) هاتم خانەنشینكرن. و نوكە ل وەلاتێ‌ ئەلمانیا دژیم و سالانە قەستا هەرێما كوردستانێ‌ دكم و وەلاتێ‌ باب و كالان و ئەو وەلاتێ‌ مە خوین بۆ رشتی و گیانێ‌ خۆە گوری ئەڤێ‌ ئاخێ‌ كری و ژبیرناكین و زاروكێن خۆە ل سەر كورد پەروەریێ‌ هەستا نەتەوی پەروەردە دكین. ئەڤەژی ئێك ژ ئەوان چیڕوكان بی كو پێشمەرگەیەك وەك عادل محەمەد سەفەر كو دژیانا پێشمەرگایەتیێ‌ دا دوو جاران برینداربی و هێشتا یێ‌ ساخ دەنگ و باسێن شەهیدبونا ئەوی بۆ دایك و باب و مال كەس و كارێن وی هاتی كو ئەڤە ئێك ژ ئەوان پێشمەرگەیان بی بەهی كو ب ساخیا ئەوی بەهی و شینی بۆ هاتی دەینان.