دیدار، سالار محەمەد دۆسكی:

3-4

پێشمەرگەیێ‌ گولانێ‌ دوپاتكر: ئەز هاتمە (زێوە) بۆ جارا ئێكێ‌ من چەكێ‌ شەرەفێ‌ هەلگرت و بوومە پێشمەرگە ل گەل كاك(سەبری) وی دەمی مە ئیرادە هەبوو مە دگۆت بۆچی ئەم كوردین؟ بۆچی دەركەفتین؟ بۆچی هاتینە ڤی وەلاتی؟ بۆچی ئەڤە هەمی دهێتە سەرێ‌ مللەتێ‌ مە؟ و ئەڤ هزرە هەر دەم مەدكرن و مە دگۆت دێ‌ كەنگی دەلیڤە بوومە دروست بیت ئەم جارەكا دی چەكێ‌ شەرەفێ‌ هەلگرین و بەرەڤانیا ژ ناڤ و كەرامەت و نامیسا مللەتێ‌ خوە بكەین و دڤێت تولا خوە یا ڤێ‌ ژیانا سەخت و دژوار ژ دوژمنێن خوە ڤەكەین وی دەمی مە پەیوەندیێ، هنارتنا ناما بۆ مرۆڤێن خوە ل ئیراقێ‌ هەبوو وبەلێ‌ پەیوەندیێن تێلەفونا بۆ ئیراقێ‌ و جهێن دی گەلەك یا كێم بوو چونكە وی دەمی هەمی مالان ل ئیراقێ‌ تێلەفون نەبوو و دەمێ‌ هاتینە ئوردیگایێ‌ (زێوە) گەلەك كەیفا مە هات و مە مرۆڤێن خوە دیت و ئەم شیاین هاتن و چوونێ‌ بكەین و نێزیكی دو هەیڤان بەردەوام خەلكێ‌ مە ژ هەمی دەڤەرێن ئیرانێ‌ دهاتنە وی باژێری ب ئێكجاری و هێدی هێدی زێدەبوون و بنەمالا بارزان هاتنە دەڤەرا (سلێڤانا) و جەنابێ‌ سەرۆك (مەسعود بارزانی) و خودێ‌ ژێ‌ رازی (ئدریس بارزانی) چەند هێزێن لەشكەری دروستكرن و مالێن وا ل (سلێڤانا) بوون وەك خێزان و بارەگایێن پارتی ئینانانە (راژان)ێ‌ و هەر دو نێزیكی ئێك بوون و هێز هاتنە چێكرن وی دەمی سەركردایەتی یا پارتی یا بەروەخت هاتبوو دروستكرن و پێشمەرگەی سەرەدانێن ئێك و دو دكرن و هاتن و چوون باشتر بوو و كاودانێن ئابووری هەر نەخوش بوون و بتنێ‌ ژیان ل سەر كاركرنا مرۆڤی بوو و دڤێت تۆ كار بكەی و ئەگەر تو كار نەكەی تو نەشێی ژیانێ‌ دەباز بكەی و دەڤەرا زێوە ژی كار نەبوو و كاركرن ل وێ دەڤەرێ‌ گەلەك یا كێم بوو و بتنێ‌ مە كار بۆ چەند هەیڤان دابین دكر، پشتی بوویمە پێشمەرگە و چەند هەیڤ دەربازبوون بێ‌ مووچەی بوو و دووڤ دا بریارەك هاتەدان مووچە هاتە دابینكرن و ب دانا وی مووچەی ئێدی ژیانا مە یا ئابووری ژی خوش بوو و هەتا رادەكی كەیفا مە هەمیان گەلەك هات و ئەم بووینە خودان مووچە ژلایێ‌ شۆرەشێ‌ ڤە و مووچێ‌ پێشمەرگایەتیێ‌ ئێكجار كەیفا مە پێ‌ دهات و گەلەك خوش بوو و مە هزر دكر ئەڤە بەرهەمێ‌ خەبات و ماندیبوونا مە یە و بلا ئەو پارە كەسەكێ‌ دی دابیتێ‌ لێ‌ دەمێ‌ مە ئەو پارە وەرگرت و مە بدەست خوە ڤە تینا گەلەك كەیفا مە دهات و مە دگۆت دنیا هەر ئەڤە یە یا ئەم تێدا و دەمێ‌ پێشمەرگایەتیێ‌ خولەكا هاڤێتنا (توپا) ڤەبوو من ژی گۆت دێ‌ پشكداربن و هەمی جورێن توپا بوون و ئارپێچی و بازوك ژی تێدا هەبوون و گۆتن خول (40) رۆژان مامۆستایێن خولێ‌ (عەلی سەلیم باجلوری و یونس جلوری و ئەحمەد بداخ) بوون و پشتی خول ب دووماهی هاتی گۆتن دێ‌ تاقیكرن ب هەوە هێتەكرن و ئەز ب هاڤێتنا هەر دو جورێن (57 و 62) ب سەركەفتم و (57) هەر من نیشانا خوە ل چ گرتبا من ل ئارمانجێ‌ دا و گەلەكێ‌ زیرەك بووم و گەلەك یا خوش بوو بوون و ل دەمێ‌ تاقیكرنێ‌ جەنابێ‌ سەرۆك وی مەكتەبا سیاسی و یا لەشكەری یا پارتی دیموكراتی كوردستان بەرهەڤ ب بوون و ل دووماهیێ‌ دیاری ژی دانە مە و دیاریێن مە (دێربینی) بوو ژی و ئێك دامن و گەلەك كەیفا من هات و زێدەتر یێ‌ دلخوش بووم دخەباتێ‌ دا بووم و خزمەتا مللەتێ‌ خوە دا بووم و مە زانی ئەم یێ‌ ڤی كاری دكەین بۆ ئارمانجەكێ‌ و بۆ خزمەتكرنا مللەتێ‌ خوە یێ‌ ب سەدان سالە شەهید و قوربانی داین و یێ‌ بن دەست و ئەڤە كارە بێ‌ بەرامبەر نینە و ب پەروە ناچیت و خولا مە ب دووماهی ئینا خولا خوە و هەر ئێك ژ مە چوو ل گەل هێزا خوە و دووڤ ا بریارهاتەدان كو دێ‌ چینە دەڤەرەكێ‌ بو ئەو دەڤەر بوومە هاتە دەست نیشانكرن و هێزێن (سەبری نێروەیی، حجی باروخی ، عەریف یاسین) و چەند هێزێن دی بوو و هێزا (سەبری نێروەیی) خودێ‌ ژێ‌ رازی كو ئەز ل گەل بووم پتر بوو ژ (100) كەسان و هەمی مرۆڤێن وی بوون و شەڤەكا تاری و یا باران بوو و نێزیكی حاجی ئومەران بوو و و ئەڤە ل سالا 1981 بوو وەك دیار كو دەڤەرا حاجی ئومەران گەلەك یا دژوارە وەك سەقا وی دەمی شەرێ‌ ئیراق و ئیرانێ‌ بوو و ل چوونا مە ل دەڤەرێ‌ تەنشتەكا مە هێزێن ئیرانێ‌ بوون و تەنشتەكا دیتر هێزێن ئیراقێ‌ بوون، و بەر ئێكو دو دراوستیاین بوون و ب چەكێ‌ مەزن دهاڤێـتە ئێك و دوو و هەر دو هێزێن وەلاتان خوە دیار ناكەن، و زێدەتر دهاڤێتنە ئێك و دو و دەمێ‌ ئەم نێزیكی سنوری بووین هێزێن ئیراقێ‌ زانیاری هەبوون كو ئەم یێ‌ بەرەف حاجی ئومەران ڤە دهێن و ئەم دیتن و چەند توپ هاڤێتنە مە و سوپاس بۆ خودێ‌ ئەم ب سلامەتی دەربازبووین و چەند هێز ژ مە هاتنە ناف حاجی ئومەران و هاتنە ناف ئاخا ئیراقێ‌ و هندەك بارەگا هەبوون و ئەو بارەگا ژناڤبرن و سوتن و چەند دەسكەفت ب دەست ڤە هاتن و زڤرین و بریار هات و گۆتن خوە ڤەكێشن و وەرنە جهێن خوە وێ‌ شەڤێ‌ وێ‌ تاریێ‌ وێ‌ برسێ‌ وێ‌ رێكا نەخوش و سەقا ژی گەلەك نەیێ‌ هاریكار بوو و ئێكسەر ئەم زڤرینە جهێن خوە و چار پێنچ دەمژمێران هەرە و هەر هەمان دەم چار پێنچ دەمژمێران بزڤرە ئەڤە گەلەكە و چەند پێشمەرگێن مە بریندار بوون و ئەف هێرشا مە ل ئێزگێ‌ دەنگێ‌ كوردستانێ‌ هاتە خواندن وی دەمی دناڤبەرا مە و حزبا دیموكراتا ئیرانێ‌ ژی یا نەخوش بوو و گەلەك ئاستەنگ بۆ پێشمەرگەیێ‌ مە دروستكرن و چەند پێشمەرگەیێن مە ب ئەلغامێن دیموكراتا ئیرانێ‌ شەهید بوون، و پشتی زڤرین و ماوەك دەربازبوو گۆتن دێ‌ بارەگایێ‌ هەوە چیتە گوندەكی هەر ل سنورێ‌ ئیرانێ‌ دا و پشتی ماوەكی و شەرێ‌ مە و دیموكراتێ‌ ژی هەبوو دناڤبەرا مە دا گەلەك یا نەخوش بوو وی سەردەمی، پشتی ماوەكی بریارهاتەدان كو دێ‌ خولەكا لاسلكیێ‌ ڤە بیت بۆ پێشمەرگان و هەر كەسەكێ‌ حەز و ڤیان هەبیت پشكدار بیت و من ژی گۆت دێ‌ چمە وێ‌ خولێ‌ و حەزدكەم ئەز پشكداریێ‌ تێدا بكەم و چوومە خولێ‌ و گۆت و گۆتن شەش هەیڤن و خول گەلەك یا بحزمەت بوو چونكە نە هەما ئامیر بوو دێ‌ دانیە بن گوهێ‌ خوە دێ‌ دەنگ چیت بەلكو بتنێ‌ نیشان بوون و دڤێت تو ئەوا نیشانا و هژماران ژی ژ بەر بكەی و دڤێت ئەو هژمار دانایە بەرەك و ئەوا هژمارا دێ‌ داینە بەر خشتەی و دێ‌ بیتە نامە و دێ‌ زانی پەیام چەوا یە و ئەڤە وەك نهێنیێ‌ بوو دا دوژمن نەزانیت دناڤبەرا ئەڤان هەر دو كەسێن پەیوەندیێ‌ دكەن چ هەیە و چ نینە و دەمێ‌ ئەم ژ خولێ‌ دەركەفتین جەنابێ‌ سەرۆكی هاتە دەف من و دەست خوشی ل مەكر ئەم نێزیكی (18) پێشمەرگان بووین و ل سنورێ‌ هەمی لقێن پارتی دیموكراتی كوردستان پشكداری تێدا كربوو و پشكداربوون من ل سەر ئاستێ‌ هێزا (صەبری نێروەی) بوو و پشتی خول ب دووماهی هاتی مە زانی كار ب مەیە و دێ‌ هێنە بەلاڤەكرن ل سەر هێزێن پێشمەرگەی و هەر ئێك ژ مە چاڤەرێی ناڤێ‌ خوە بوو كا دێ‌ بۆ كیش دەڤەرێ‌ هێتە رەوانەكرن،پشتی ب دوماهی هاتنا خولێ‌ بۆ ماوەكی ئەز هاتمە ڤەگوهاستن بۆ سەركردایەتیێ‌ ل (راژان) دووڤ دا هندەك هێزێن مە بۆ (خنێرە) ل ئیراقێ‌ هاتنە ڤەگوهاستن و راگەهاندنا مە ل (زێوە) بوو و هاتە ڤەگوهاستن بۆ (خنێرە) و بەرەكێ‌ جوت هاتە دروستكرن و ئێزگێ‌ دەنگێ‌ كوردستانێ‌ ژی هاتە وێ‌ دەڤەرێ‌ وئە ژی بۆ وێ‌ دەڤەرێ‌ هاتمە ڤەگوهاستن و هەمی لقێن كوردستانێ‌ و هەر هێزكا پێشمەرگێ‌ كوردستانێ‌ تێدا هەبیت و هەر چالاكیەكا بهێتە ئەنجامدان دێ‌ گەهیتە دەستێ‌ مە و ئەم دێ‌ رادەستی ئێزگێ‌ كوردستانێ‌ كەین و ئێزگە دێ‌ وی نووچەی یان چالاكیێ‌ بەلاف كەت و دەڤەرا چیایی بوو و مرۆڤ تێدا نەبوون و ژیان گەلەك یا بزحمەت بوو و بتنێ‌ پێشمەرگە بوو و دو هەیڤان یان سێ‌ هەیڤان مە خێزان و كەس و كارێن خوە نەدیتن و مووچەكێ‌ گەلەك باش بوومە هات بوو دەست نیشانكرن.
هەمان پێشمەرگەی گۆت: پشتی ماوەكی و مووچە ب مەهاتیەدان ب هاریكاریا هندەك مرۆڤێن خوە و ئێدی كاودانێن مەیێن دارایی خوشتر لێ‌ هاتن و ئەم رابووین ب كرینا خانیان خوە ل (رزا)یێ‌ و ئێدی مە كرێ‌ نەدان و حالێ‌ مرۆڤێن مە خوشتر بوو ژ مە و ئەڤە نێزیكی سالا 1985 بوو.