دیدار: رەمەزان دەشتمری/ زاخۆ
1 – 3
ل سەر دەمێ شۆڕەشا 26ی گولانا پێشكەفتنخواز دا، خەباتا چەكداری و شۆڕەشگێڕی و نیشتمان پەروەری و پارتیزانی ل دژی دەستهەلاتا حكومەتا ئیراقا ژنافچویی دهاتكرن، و كەسێن نیشتمان پەروەر و هەست بەرز زەند و باسێن خۆە هەلددان و بەرپێكێن خۆە دشداندن و خۆە ددانە ملێن خۆە و جانتێن خۆە ددانە ملێن خۆە و چەكێ شەرەفێ ب ملێن خۆەڤە دهەلگرتن و شەڤ و ڕۆژ دكرنە ئێك و خزمەت بۆ گەل و وەلاتی دكرن.
ڕۆژنامەیا ئەڤرو دیدارەكا تایبەت دگەل پێشمەرگەیێ پەكەوتوو عادل محەمەد سەفەر سازكر دبێژت: ل سالا 1968ی ل بەربنارا چیایێ كێڕەیێ و گوندێ دەركارا نێریا یا سەر ب ناحیا دەركار عەجەم سەر ب قەزا زاخۆ ژدایكبوویمە. دژیێ شەش سالیێ من قەستا قوتابخانێ كریە و هەتا پولا شەشێ سەرەتایی خواندی یە. ل سالا 1977ی مالامە ژ گوندێ دەركارا نێریا بۆ كومەلگەها تلكەبەرێ هات ڤەگوهاستن. ل بهارا سالا 1981ی ئەز و دگەل پسمامەكی خۆە ب ناڤێ فەرمان حەسەن و كەسەك دیتر ب ناڤێ ب ناڤێ خالد عەلی دناڤ ڕێزێن پارتی دیموكراتی هاتین ڕێكخستن و پەیوەندیێن هێلا مە یا ڕیكخستنێ هەر ئێكسەر دگەل لیژنا ناوچا زاخۆ یا پارتی دیموكراتی كوردستان ڤە هەبین. هەر وەسا ئەڤێ هێلا مە یا ڕیكخستنێ دهاتین بۆ گوندێ نوردینا مە بەلاڤوك و چاپەمەنی ب نهێنی بۆ ناڤ كومەلگەها تلكەبەرێ دئینان و ب شەڤێ ل ناڤ جادە و كولانێن گشتی بەلاڤ دكرن. ل ڤێرێ مە چەندین كار و چالاكی دناڤ جەڕگێ باژێڕێ زاخۆدا ئەنجامدان. ب ڕاستی ل ئەوی دەمی ل كومەلگەها تلكەبەرێ چەندین گەنج ب هسەتەكا نەتەوەیی و نیشتمان پەروەری ل ناڤ گەنجاندا بەلاڤ دكرن و خزمەتا نهێنی و پوستەر و چاپەنیێن پارتی دیموكراتی كوردستان و شۆڕەشێ ل ناڤ دام و دەزگەهێن حزبی و حكومی بەلاڤ دكرن. ل دەسپێكا سالا ل هەیڤا ئێك سالا 1983ی من پەیوەندی ب ناڤ رێزێن شۆڕەشا 26ی گولانا پێشكەفتنخواز دا كر. هەر ئێكسەر ئەز وەك پێشمەرگە دگەل ڕێكخراوا دلبرین یا سەر ب لیژنا ناوچا زاخۆ بیم پێشمەرگە و بۆ جەولێ هاتن دەڤەرێ. ل دوماهیا سالا 1983ی ئەز ژ بارەگایێ لیژنا ناوچا زاخۆ بۆ سنورێ بارەگایێ لیژنا ناوچا شێخان هاتین ڤەگوهاستن و ئەركێ مە پێشمەرگایەتیێ كەتە دگەل ڕیكخراوا شەهیدێن ڕكاڤا و هەر ئێكسەر بۆ دەڤەرێ هاتن بۆ جەولێ و چەند چالكیێن لەشكری ل سنورێ لیژنا ناوچا شێخان دگەل عەسكەرێ حكومەتا ئیراقێ هاتن ئەنجامدان.
پێشمەرگەیێ شۆرەشا گولانێ هەروەسا گۆت: ل بهارا سالا 1984ی ژ سنورێ لیژنا ناوچا شێخان بۆ سنورێ لیژنا ناوچا زاخۆ رێكخراوا دلبرین هاتم ڤەگوهاستن، ل پایزا سالا 1984ی پێشمەرگەیێن ڕیكخراوا دلبرین و پێشمەرگەیێن ڕێكخراوا شەهید حەمید حەفزوللا و ڕێكخراوا شەهید شەهباز سالح و دگەل كارگێریا لیژنا ناوچا زاخۆ هاتن بۆ دەڤەرا گوندێ خرابابكێ و ب چەكێ توپا 120 ملم بارەگایێ فرقا زاخۆ یا عەسكەری هات توپبارانكرن. ئەم هەژمارەكا پێشمەرگەیی و دگەل فەرماندە حەمید خواستی بۆ ئەوان زویرێن پشكا فرقا زاخۆ دا چاڤدێری و ڕەسەدیێ بكین، ل ڤێرێ مەفرەزەیەكا ئیستخباراتا عەسكەری كەفت دناڤ بوسەیا مە دا و دەملدەست تەقە ژلایێ پێشمەرگەیی ڤە لێ هاتكرن و زەرەر و سیانێن مەزن ب ئەڤێ مەفرەزا ئێستخبارتێ كەتن و ب سەركەفتیانە ئەڤ چالاكیا توپباركرنا فرقا زاخۆ ژلایێ پێشمەرگەیێن لیژنا ناوچا زاخۆ ڤە هات ئەنجامدان، هەر وەسا ل هاڤینا سالا 1985ی هێلاشەكا عەسكەری و فەوجێن جاشان هیرشی دەڤەرا گوندێن سەرسویلافكێ و گوندێ ناڤكەنداتالاكرن، ل ئەوی دەمێ پێشمەرگەیێن ڕێكخراوا مە یا دلبرین ل گوندێ لێڤو دئێكی دایی، دەمێ مە زانی كو ئەڤە عەسكەرێ حكومەتا ئیراقێ و دگەل فەوجێن جاشان هێری دەڤەرێ كرن و هەر ئێكسەر پێشمەرگە بلەز هات بۆ بەرسینگرتنا ئەڤێ هێزا دوژمنی ئەوا بۆ سەر ئەوێ دەڤەرێ ئینایی و ئەم هەژمارا چوار پێشمەرگەیان ئەوژی( عادل مەحمەد سەرفەر، سەعید عەبدوللا جبێ، حاجی حەسەن ماسێ، تاهر فندی نوردینی) هەر ئێكسەر ئەم ل بەراهیكا هەڤالێن خۆە بۆ نهالا ڕویبارێ هاتین و ژ هەڤالێن خۆە ڤەقەتیان شەڕی دەستپێكر و ئەم كەفتن بەراهیكا ئەڤێ هێزا عەسكەری و فروكەیێن هەلیكوپتەر ل هنداڤی مە دەوردان و ئەم وەسا نێزیكی ئەڤێ هێزا عەسكەری و جاشا بین كو ئەڤان فڕوكەیێن هەلیكوپتەر نەدزانی كو ئەم پێشمەرگەینە یان ئەم هەڤالێن ئەوانین. ب ڕاستی ئەم ل ڤێرێ گەلەك تەنگاڤ بین و مە بۆ خۆە گوت ئەڤە ئەو ڕۆژا ئەوا ئەم تێ بچین و هەڤالێن مەژی چ تشت ژ مە نزانین. هەتا بورینا سێ دەمژمێران ئەم ب ئەڤی ئاوایی مان كو دەمێ ئەڤ فرەوكە ل سەر سەرێ مە چوین و هەر ئێكسەر مە ئەوان هەر چوار پێشمەرگەیان ب ئێك دل و ئێك دەست هێرشی ئەڤێ هێزا عەسكەری و جاشان كر و ئەڤ هێزا حكومەتێ پاشدا شكەست و هەتا ل سەر جادا گشتی ئەڤ هێزە ب سەرشوری پاشدا زڤڕی و ئەمژی ب سەرفرازی و ب سەر بلندی بۆ جهێن خۆە یێن ئارام ڤەگەڕیانەڤە،
نيشاندان