دلـشـاد عەبدوللا:

کچەکا ٢٤ سالى بۆ رۆژنامەیا ئەڤرۆ گوت: ژ رۆژا ئەس هاتیمە سەر دونیایێ بابێ من سوز دابو برایێ خو کو من بدەتە کورێ وى ئانکو ژ پسمامێ من

( ش.خ ) ئەو کچەیە گۆت: (من زانکو دوماهیک ئینایە نوکە ل دەرمانخانەکێ کار دکەم، بابێ من زوریێ ل من د کەت داکو من بدەتە پسمامێ من لێ ئەخلاقێ وی یێ باش نینە و پەیوەندیێن نە باش یێن هەین هەر جار ئێک سکالایێ لێ دکەت ژبەر شولێت خراب و دەینا مامێ من بەس یێ ب مشکلێت ویڤە)
ڤێ کچێ د بەردەوامیا ئاخفتنێن خۆدا گۆت: (من گەلەک هەول دان ڤی بابەتی بکرم بەس کەس نەبووهاریکاریا من بکەت بابێ من دبێژیت من ئاخفتنا خو یا دگەل گوتى و برایێ من باشترە ژ کەسەکێ دی) .
ڤێ کچا ٢٤ سالى گوتژى: (هەر جار بابێ من دبێژیت کچ نە وەکی کوڕییە و کور چەند یێ خراب بیت هەر دێ چێبیت و هەکە تو شوى پێ بکەى دێ چێبیت، ئەز نزانم چ بکەم شوی پێ بکەم یان ژی خو بکوژم، هیڤی دکەم رێکە چارەکێ بو من بێژن).
چارەسەرى
جهێ داخێ یە کو ل ڤی سەردەمی هێشتا هندەک خێزان مابن ب ڤی شێوەی سەردەریێ ل گەل کچێن خو بکەن، دڤێت تو باوەریێ بو بابێ خو چێکەی کو ژیانا تە و یا وی گەلەک یا ژێک جودایە،بزاڤێ بکە فشارێ ل ل سەر بابێ خو بکەی ب رێکا هندەک کەسێن مەزن کو کاریگەریێ ل سەر بابێ تە بکەن و بو دیار کەن کو برایێ وى یێ باشە بەلێ کورێ وی نە یێ گونجایە و رەوشتی وی یێ باش نینە و باشترە تە نەدەتێ دەستا ژ ڤی بابەتی بەردەت.
بلا ئاگەهداریا پسمامێ تە بکەن کو تە نوکە لبەر نینە شوی بکەی و بلا خو هیڤیا تە نەگریت، گەلەک کەس هەنە رەنگە تشتا ب رێکا هێزێ و خورتێێ ب دەست ڤە بینن، بەلێ ئەڤینی و حەزژێکرن ب رێکا خورتێێ ب دەستڤە ناهێت و دەست ژ ڤێ عەقلیەتێ بەردەن، دانە شویا کچێ ب زورى توندوتیژیە و د بیتە ئەگەرێ ئاریشا بو هەردوو لایەنا .
ژلایەکێ دیڤە هەکە شویکرنا ب زوری بیت خێزانەکا سەرکەفتی نابیت و گەلەک جارا خێزان دهێتە هەلوەشاندن، ئەڤجا هەکە هاتو زوری لتە هاتە کرن ئەڤە دکەڤیتە دبن یاسایا توندوتیژیا خێزانی ژ یاسایا ژمارە ٨ یا سالا 2011 ماددێ ٧ کو هەر کەسێ توندوتیژیێ بکار بینیت ئەوا د ماددێ دوویێ دا هاتی کو زورى ب شوی دان ل دویڤ ماددێ حەفتێ ئێک ژ ڤان هەردووسزایا سزایێ وێ زیندانە کو ژ شەش هەیڤا کێمتر نینە و ژ سێ سالا زێدەتر نینە و غرامە ژى ئێک ملیونە هەتا پێنج ملیون دینارایە.

بێوار حەمدی:

بسپورەكا زانستێن جڤاكی بو روژنامەیا ئەڤرۆ دیار كر، چینا بچویك دناڤ چینان دا هەیە دبێژنێ چینا مووچە خۆرا و ئەڤ چینە نەشێت كارتێكرنێ ل سەر بازاری بكەت و گۆت: دەمێ‌ سامانێن وەلاتی بەهرا چینەكێ‌ بتنێ‌ بن، هینگێ‌ پەیوەندی و گرێدانا تاكەكەسی ب وەڵاتی ڤە گەڵەك لاواز دبیت.

د. سەمیا سەعید ماموستایا زانكۆیێ و بسپوڕ دبوارێ زانستێن جڤاكی دا، د دیدارەكێ دا دیار كر كو هەبونا چینان دناڤ جڤاكی دا دبیتە ئەگەرێ پەیدابونا هەڤركیەكا ڤەشارتی دناڤبەرا چینان دا و گۆت: (دەمێ‌ سامانێن وەلاتی بەهرا چینەكێ‌ بتنێ‌ بن و رەنگەكێ نە یەكسان ل سەر هاولاتیان دهێنە بەلاڤ كرن هینگێ‌ پەیوەندی و گرێدانا تاكەكەسی ب وەڵاتی ڤە گەڵەك لاواز دبیت).
د. سەمیایێ د بەردەوامیا ئاخفتنێن خۆدا گۆت: (ژ چینێن دیارێن جڤاكی چینا سەرمایەدارا، چینا پاڵە و جوتیارا و چینا هەژارا، هەلبەت چینا سەرمایەدارا ئەو چینا مەزنە یا دەستهەلاتێ دكەت و ب سەروەت و سامانێ دەولەتێ دبیتە خودان پارەیەكێ مەزن و هێزەكا مەزن و هێزێ بو دەستهەڵاتێ چێدكەت كۆ دشێت كارتێكرنەكا مەزن د سیاسەتا وەڵاتی دا بكەت).
ماموستایا زانكویێ گۆتژی (د گەلەك كاران دا دەولەت پەنایێ ژبو ئاغا و دەرەبەگان دبەت ژبۆ ڕاكێشانا پشتەڤانیا ڤێ چنێ‌ بۆ سیاسەتا خۆ، د بەرامبەر دا گەلەك دەلیڤا بو ڤێ چینێ‌ چێدكەت كۆ بشێت ڕوژ بۆ ڕوژێ خو خورتتر لێبكەت).
د. سەمیایێ دیار كر ژی، چینەكا دی یا بچویك هەیە كۆ دبێژنە ڤێ چینێ‌ مووچە خۆر، ئەڤ تەخە نەشێت كارتێكرنێن مەزن ل سەر بازاری بكەت، چونكی ل سەر موچەی دژین و چ ژێدەرێن دی نینن، ئەڤ چینە جار جار دهێتە خارێ و دبیتە پارچەیەك ژ چینا هەژارا و گۆت: (وەڵاتێ مە نە وەڵاتەكێ پیشەسازیە لەوما ئەو رەنگێ چینا پاڵەیان و جوتیاران نینە كو بشێن كارێن مەزن و پڕوژەێن مەزن یێن پیشەسازی ئەنجام بدەن ژبەركۆ ئابورێ مە ب وان ڤە یێ گرێدایی نینە).

بامەرنێ‌ ، سالار محەمەد دۆسكی:

هەمان پێشمەرگەیي گۆت: ل سالا 1969 ل هێرشا بەنداڤا (دوكان) موقدەم (عەزیز ئاكرەیی) و چووینە چیایێ‌ (سلفی) و موقدەم (عزیز ئاكرەیی) ب توپان ل دوكان دا و (محەمەد عەبدوللا بارمەرنی) هێرشی رەبیێ‌ كر و بازوك بەردایێ‌ وی دەمی (عجیل گراڤی) ئامر سری بوو و ئەوی هێرشی فەوجێ‌ كر وی دەمی مە غەدارێن كون كون هەبوون و و (عەجیل) و شوفێرێ‌ دەبابێ‌ پێكڤە هاڤێـتە ئێكو دو و هەر دو كەتن و لدورا (خەلەكان) مە رادەستی (د.خالد) كربوو و مە دوكان ستاند و (د.خالد) دەردورا (خەلكان) بەردا و حوكمەتا ئیراقێ‌ هاتەمە و مە هندەك شەهید و بریندار دان و هندەك شەهید و بریندار مە هێلان و زێدەتر مە ل گەل خوە ئینان و مە شەهیدێن خوە ڤەشارتن، ئێكێ‌ دگۆتنێ‌ (سالح نەڤینێ‌ حەجی سەمەدێ‌ بامەرنی) یە و دەمێ‌ مە هێرشی رەبیا ئێك كری وی دەمی هندەك بوری هەبوون و ب رێكا ئەوان بوری یا ئەلغام دپەقاندن و مە پشكداری خولكان كربوو و شارەزایەكا باش مە وەرگرت بوو ل سەر تەقینا ئەلغاما و (سالحی) مەكینا گازێ‌ بر دا ئاگری بەردەت و دا ئەلغام ب پەقن و مەكینێ‌ ئاگر هەلكر ئاگر نەهلبوو و (محەمەد)ی ئاخفتن گۆتنێ‌ و گۆت تە بۆچی ئاگر نەبەردایێ‌ وی گۆت هەوایێ‌ دهێت و گۆت هەرە بەردێ‌ ڤە و جارا ئێكێ‌ دەمێ‌ چووی ئاگر بەردەتێ‌ قاپیتێ‌ خوە دانا بوو سەر سەرێ‌ خوە و جارا دووێ‌ دەمێ‌ چووی قاپیت نەدانا بوو سەر سەرێ‌ خوە و ل گەل هەلكرنا ئاگری هەمی ئەلغام پێكڤە دپەقن و زێرەڤانیچ رەبیا ئێك چەند گولەكان بەردەتێ‌ وئێكسەر دسینگێ‌ وی دكەڤن و پشتا وی دەركەڤن و هەمی یا هێلا و نایفێ‌ برایێ‌ من ئاخفتن گۆتن و دا پشتا خوە و راكر .
هەمان پێشمەرگەیێ‌ شۆرەشا ئیلۆن و گولانێ‌ ئەو ژی گۆت: ل نسكۆیا سالا 1975ێ‌ وەك هەر كوردەكێ‌ دلسوز بۆ مللەت و ئاخا خوە ئەم بەرەف وەلاتێ‌ ئیرانێ‌ ڤە چووین و (21) سالان ل وەلاتێ‌ ئیرانێ‌ بووم و ل هەوە ئەنفالان ژی هەر ئەم ل ئیرانێ‌ بووین و هەتا سالا 1995 ڤەگەریایمە كوردستانا ئازاد و هەر دو شۆرەشان پێشمەرگە بووم و هەمان دەم ل وەلاتێ‌ ئیرانێ‌ مە كار ژی دكر و مە پێشمەرگاتی ژی دكر و هەتا نوكە یێ‌ بەردەوام و پەشێمان نینم ژ خەبات و بەرخودانا خوە بۆ ڤێ‌ ئاخا پیرۆز.
هەمان پێشمەرگەیێ‌ هەر دو شۆرەشێن ئیلۆن و گولانێ‌ ئەو ژی گۆت: هەر دو شۆرەشان ل گەل سەرهلدانێ‌ و پشتی سەرهلدانێ‌ ژی پشكداری گەلەك شەران و چالاكیێن پێشمەرگەی و لەشكری بوویمە، ل شەرێ‌ داعش جێگرێ‌ ئامر فەوجی بووم و رەبیا مە ژ كەسكێ‌ وێ ڤەتر بوو و (فەریق جەمال) پەیوەندی كر و گۆت ئەف شەڤە هشیاری خوە بوون و زانیاری هەنە كو ئەڤ شەڤە ب ماتوران هێرشی هەوە بهێتەكرن و مە گۆتێ‌ دبەرهەڤین وێ‌ شەڤێ‌ هندا تاری بوو و مێژەكا مەزن گرت بوو وێ‌ شەڤێ‌ و نەهاتن و ب ئارپیچكی و بازوكا هاڤێتەمە و دووڤ هێرش كر و پشتی هێرشێ‌ ئێكسەر پێشمەرگە ل بەر سینگی راوستیا و شكاندن و بوومن گەلەكا ب مەترسی بوو چونكە داعش ژ هەمی ئالینا ڤە هێرشی رەبیا مە كر و هزر و خەما وا ئەو بوو كو چ پێشمەرگە ب ساخی قورتال نەبن و ئەگەر رەبیا مە هاتبا ستاندن دا ئەو رەبیێن ژ مە پێدا و نێزیكی مە ئەو هەمی گەلەك ب ساناهی دا كەڤنە دەستێ‌ تیرۆرستێن داعش و مە خوە رادەست نە كر و ئەم نێزیكی (30) پێشمەرگەیان بوون و بێ‌ ترس و لەرز وەكی شێران بەر سینگێ‌ ئەوان تیرورستان راوستیان و تێكشكاندن و من كەمینەك ل پشتێ‌ دانا و من گۆتێ‌ هەتا ئەز رەمیێ‌ نەكەم نابیت چ پێشمەرگە رەمیێ‌ كەن و دیسا مە چەند نیشان دناڤبەرا خوە دا دیاركرن كو ئەگەر شەهید بیت چەوا دەستێ‌ خوە بلند بكەت و ئەگەر بریندار هەبن چەوا دەستێ‌ خوە بلند بكەت و ئەڤە كو ب چ رەنگان دەنگێ‌ پێشمەرگەی بلند نەبیت و بتنێ‌ نیشان و ئاخفتن ل گەل ئێك و دو ب نیشانێن دەستی بیت و لڤین و هێرش ژ دەف من دەستێ‌ بكەت و من گۆتێ‌ وی دەمی دێ‌ رەمیێ‌ كەن ئەگەر هەوە دیت تیرورست بەرەف هەوە ڤە هاتن و سوپاس بو خودێ‌ ئەم شیاین تیرورستا بشكێنین و ب سەركەڤین.
هەمان پێشمەرگەی گۆت: شەرێ‌ دوكان ژی ژ شەرێن مەزن بوو كو من پشكداری تێدا كری و ژ شەرێن مان و نەمانێ‌ بوو و دهێتە هەژمارتن ژ شەرێن بناڤ و دەنگ ل شورەشا ئیلونا مەزن و كەسانێن بناڤ و دەنگ ل گەل مە دابوون.
هەمان پێشمەرگەیێ‌ شۆرەشا ئیلۆن و گولانێ‌ ئەو ژی دیاركر كو دژیێ‌ پێشمەرگاتیێ‌ دا سێ‌ جاران بریندار بوویە و دەمێ‌ كاك (عەباس)شەهید بووی ئەز و برایێ‌ من نایف بریندار بووین و تڤەنگەك من كەفت لایێ‌ دا دا دەركەفت و پێ‌ من ژی بریندار ب بوو، ل سالا 1988 شەرێ‌ (خواكوركی) ئێكەم شەر و باوەركە چ شەر ژی وی شەری بوومن مەزنتر نەبوون ل شورەشا گولانێ‌ و پێشمەرگێ‌ چاف نەترس (خالد شلی) قورتالكرم و هەشت پێشمەرگە ل گەل من بوو و گۆتن هندەك كەل و پەلێن مەیێن پاریەتی ماینە و كی دێ‌ چیتێ‌ من گۆتێ‌ ئەز دێ‌ چمێ‌ و من داخازا هەشت پێشمەرگا كر ل گەل من بهێن وی دەمی (فازل میرانی و نەجمەدین یوسفی) بوون و دەمێ‌ چوویم دا ئەوان كەل و پەلان ل گەل خوە بینم ل سەر سنوری كەمینە ل بەر مە هاتبوو دانان و ژ ئەوان هەر هەشت پێشمەرگان چار شەهید بوون و دو بریندار بوون و ئەز ی بریندار بوون و هاتمە رەوانەكرن بۆ (نەغدە) بۆ چارەسەركرنێ‌ و دەمێ‌ گولە لمن داین ل لایێ‌ دی دەركەفت بوونن.
هەمان پێشمەرگەیێ‌ ئیلۆن و گولانێ گۆت: ل دەسپێكا هەلبوونا ئاگرێ‌ شورەشا گولانێ‌ گەلەك كەیفا من هاتن ل سەرهلدانا پیرۆز سالا 1991ێ‌ و ئازادكرنا هەمی باژێرێن كوردستانێ‌ گەلەك كەیفا من و خێزانا من و هەمی كوردان هات و نەخوشترین نەخوشیا من و خێزانا خوە دیتی دەمێ‌ ئەم دەربەدەری كولانێن ئیرانێ‌ بووین.
ل دووماهیێ‌ هەمان پێشمەرگەی گۆت: داخازێ‌ ژ سەرۆك و پارتا خوە دكەم چاڤدانێ‌ ل خێزانێن شەهیدان بكەن و پێشمەرگەی ل بەرچاف وەربگرن و ئەڤا من كری هەمی بێ‌ بەرامبەرە و من شورە بەرامبەر پاران نەكریە و بۆ پاران ژی ناكەم.