موسا خالد:
مەدیاكار (راژان عەبدوللا) كو خەلكا باژێرێ (رانیا) یە، د دیدارەكێ دا بۆ رۆژناما ئەڤرۆ گۆت: نوكە ئەز بەرپرسا تەلەفزیۆن و رادیۆیا دەزگەهێ دەروازەمە و جاران دەنگۆباسان تێدا پێشكێش دكەم، یان هەر چالاكیەكا هەبیت وەكو كوڕو سمیناران یان هەر هەلكەفتەكا رەوشەنیری و نەتەوەی بیت ئەز ب رێڤەدبەم.
ناڤهاتیێ گۆت: ل سالا 2002 من حەزا ڤی كاری هەبوو، چونكو د زارۆكاتیا خوە دا من زۆر چیرۆك دخواندن و ل سەر دەپێ شانۆیێ من وێرەكیا باش هەبوو، لەورا من ل گەلەك رادیۆیان كاركریە، وەكو (دەنگێ كوردستان، كەنالێ زاگرۆس) ل ڕانیە) و هەتا نوكە بەردەوامم، ب دیتنا من رادیۆ دەرگەهەكێ گرنگە مرۆڤ ل ڤێ قوناغێ دەست بكارێ راگەهاندنێ بكەت، بەرهەڤ بیت بۆ داهاتی ئافرەتێن هەرێما كوردستانێ هەتا رادەیەكێ باش شیاینە د كارێ راگەهاندنێ دا رۆلەكێ مەزن بگێڕن و خزمەتا جڤاكی بكەن ب ئەكادیمی و زانستیانە رێژەیەیا پشكداریا ئافرەتان جودا ژ سالێن بۆری زێدەترە لێ هاتینە و نوكە تەكنولۆجیا یا گەهشتیە ئاستەكێ پێشكەفتی و هەر ئیك ژمە ب ساناهی دشێت بكاربینت و راگەهاندنا دروست دیاركرن و بەلاڤكرنا پێزانینان ئارمانجەكە بۆ هشیاركرنا جڤاكی و رەوشەنبیركرنا جڤاكی پروسەیەكا گرنگە، چونكو ب رێیا راگەهاندنێ مرۆڤ دێ شێت ژینگەهەكا ساخلەم پەیدا بكەت.
نيشاندان