هەرهین محەمەد:

شارەزایەكێ‌ وارێ‌ سەقاناسیێ‌ دا دەتە دیاركرن، رێژا پێدڤی ل پارێزگەها دهۆكێ‌ یا سالانە 530 ملیمن بارانێ‌ نە، ئەڤ سالە ل سەنتەرێ‌ پارێزگەها دهۆكێ‌ زێدەتری 330 ملیمێن بارانێ‌ بارینە كو دهێتە چاڤەرێكرن زێدەتر سەرجەمێ‌ سالانە یێ‌ پارێزگەهێ‌ باران بباریت و دهێتە چاڤەرێكرن ئەڤ سالە بگەهنە زێدەتری 600 ملیمان د ناڤ سەنتەرێ‌ دهۆكێ‌ دا ب بارن.

وار شەوكەت، شارەزا د وارێ‌ كەش و هەوای دا دبێژیت: ب بەراوردی ئەڤ سالە ل گەل سالا بوری ل سەر ئاستێ‌ پارێزگەها دهۆكێ‌ بارانێن گەلەك باش بارینە و د دەمەكی دا ل هەیڤا 11 و 12 ل سالا بوری باران هەبووینە بۆ ژێرخانا ئاڤا بن ئەر دو سەر ئەرد و چاندنێ‌ ژی وێستگەهێن كەشناسی ژ دو جۆرێن ویستگەهان پێك دهێن، یێن (كلاسیك و ئوتوماتیك)، د دابەشكرینە ل سەر ئاستێ‌ پارێزگەها دهۆكێ‌، بەلێ‌ د راستی دا مە پێدڤی ب چەند ویستگەهێن دیتر هەنە ل وان دەڤەرێن مە ویستگە لێ‌ نەبیت، هەلبەت وێستگەهێن ئوتوماتیك گەلەك د پێشكەفتی نە و پتریا وەلاتێن جیهانی پێ‌ كاردكەن.
زێدەتر ژی گۆت: ئەڤ سالە ل سەنتەرێ‌ پارێزگەها دهۆكێ‌ زێدەتری 330 ملیمێن بارانێ‌ بارینە كو دهێتە چاڤەرێ‌ كرن زێدەتر ژ سەرجەمێ‌ سالانە یێ‌ پارێزگەهێ‌ باران بباریت، رێژا پێدڤی ل پارێزگەها دهۆكێ‌ یا سالانە 530 ملیمن و هێشتا دەمێن باران بارینێ‌ گەلەك یێن ماین ل پێشیا مە، دهێتە چاڤەرێكرن ئەڤ سالە بگەهنە زێدەتری 600 ملیمان دناڤ سەنتەرێ‌ دهۆكێ‌ دا.
زێدەتر دبێژیت: مە چار پێنچ سالێن كێم یێن بارانی یێن هەین كو نەگەهشتبنە سەرجەمێ‌ سالانە، ل وی دەمی مەترسیا هشكەسالیێ‌ پەیدا دبیت، نەكو باران سالەكێ‌ كێم ببارن ل وی دەمی دبیتە كێم بارانی ژ بۆ روو ب رووبوونا مەترسیا هشكەسالیێ‌ و خۆشبەختانە حوكمەتا مە چەندین سكرێن بچووك و ناڤنجی ل دەڤەرێن جودا جودا دروستكرینە كو چەكەكێ‌ بهێز دهێتە بكارئینان ژ بۆ چەندین مەرەمێن بهێزكرنا ژێرخانا ئابووری، وەكو مەرەما چاندنێ‌، یان گەشتوگوزاری و ژ بۆ بەرهەنگاربوونا هشكەسالیێ‌، ئێك ژ وان فاكتەرێن بهێز د دەستێ‌ حوكمەتا مە دا بەردەوام بن ل سەر چێكرنا سكران.

دووڤچوون:

بەرپرسێ هوبا تەكنیكی ل باژێرڤانیا تەناهی دیار كر، د سالا بوری 2023 ب كوژمێ ئێك ملیار دیناران 16 جادە ل تاخێ تەناهی و میتان هاتنە قێركرن و كەتینە خزمەتا ولاتیاندا، د پلانا مە دا بۆ ئەف سالە 2024 ل تاخێ تەناهی و میتان ب كوژمێ ملیارەك و چارسەد ملیۆن دیناران دێ جادان قێركەین.

ئەندازیار حەمید عەبدولرەحمان بەرپرسێ تەكنیكی ل باژێرڤانیا تەناهی و سەرپەرشتیارێ چێكرنا پروژان راگەهاند، هژمارا جادێن ل تاخێ تەناهی هاتینە قێركرن شازدە جادەنە، بەردەوام لژنێن كەشفان دگەرن بۆ دەستنیشانكرنا جادان بۆ وێ یەكێ دا بهێنە قێركرن.
گۆت ژی: هندەك پروژێن دی مە یێن هەین دێ د ئەڤ سالەدا هێنە بجهئینان، ئەو ژی ب كوژمێ 400 ملیۆن دینارایە ل تاخێ میتان و كێڤلا د دەمێن بهێت دا، هەروەسا ل تەناهیێ ژی دا ب كوژمێ 21 ملیار دیناران هندەك جادێن سەرەكی و دوو جادێن 60 و دوویێن 30 دێ هێنە قێركرن د ئەف سالەدا، هەروەسا ئەو جادا سەرەكی یا تاخێ تەناهی د پلانێدایە بییتە جودسایدی زێدەتر خزمەتا ولاتیاندا بكەت گەلەك پروژێن دی مە یێت هەین.
گوتژی: جادێن تاخێ حەوشكا ئێك و حەوشكا دوو دێ هێتە چێكرن كو هەر ئێك ژ وا ب كوژمێ 850 ملیۆن دینارایە لسەر بودجا باژێرڤانیا تەناهیێ یە هەروەسا پروژێن ئاریان ستی ژی دێ مفادار بیت ل وی كوژمێ 21 ملیاری ب شێوەیەكێ گشتی خەلك هەمی دێ مفاداربیت ل وی 21 ملیار دیناری.

دا دیار كرن، ل تاحێ حەوشكێ قوتابخانەكا دوو قاتی د قوناغا بجهئینانێدایە، هەروەسا چێكرنا یاریگەهەكێ و پاركەكێ هەر ل وی تاخی.
ئاشكرا ژی كر، ئەڤ پرۆژە هەموو هندەك هاتینە بجهئینان و هندەك د قوناغا بجهئینانێدانە و هندەك ژی د دەمێن بهێت دا دێ دەست ب كارێ وان هێتە كرن و هەموو ژی ب كوژمێ 23 ملیار و 500 ملیۆن دینارانە.