د دیدارەكا كورت دا ستێرێ‌ گەنج یێ تیما تەپا پێی یا یانەیا دهۆك رەوان محەمەد دیار كر سەرباری هنگاڤتنا وی دماوەیێ‌ بۆری دا لێ‌ شیا خوە ل بەر بگریت و نەهێلیت ببیتە رێگر بەرانبەر هیڤی و ئارمانجێن وی دا و خواست پشتەڤانی بۆ گەنجێن دهۆكێ‌ بهێتە دان.
زێدەتر ناڤهاتی بۆ رۆژنامەیا ئەڤرۆ گۆت: نەخۆشترین قۆناغ ئەوە یا یاریزان دەرباز دكەت دەمێ‌ تووشی هنگافتنێ‌ دبیت، بۆ ماوەیێ‌ هەشت هەیڤان ژبەر هنگاڤتنێ‌ ژ یاریگەهان دووركەڤتم دەمێ‌ دگەل تیما لاوان دا، لێ‌ من نە هێلا ببیتە رێگر بەرانبەر ئەوان هیڤی و ئارمانجێن من هەیین بەردەوامیێ‌ بدەمێ‌ هەتا ب گەهمێ‌، ب پشتەڤانییا خودێ‌ و خێزانا خوە و یانەیێ‌ و راهێنەرێن خوە شیام ب شێوەكێ‌ بەرنامە ڤەگەڕێمە د ناڤ یاریگەهان دا سۆپاس بۆ هەر لایەنەكێ‌ هاریكاریا من كری، د نوكە دا ئەز یێ‌ د قۆناغا پێشئێخستنا ئاستێ‌ خوە و بەردەوامی بەر ب ئارمانجێن مەزن و من باوەری ب شیانێن خوە هەیە، بۆ ڤێ‌ چەندێ‌ ژی ب پلان و بەرنامەیێن رێكخستی یێن راهێنانێ‌، خوارنێ‌ هاتینە دانان ژبۆ پاراستن و پێشڤەبرنا ئاستێ‌ خوە, ژبەركو من رێكەكا درێژ یا هەیی هەتا بگەمێ‌
ژلایەكێ‌ دووڤە ناڤهاتی ل دۆر ئەوان هیڤی و ئارمانجان گۆت: هەر یاریزانەكی حەز و ئارمانج هەنە یامن ژی رۆژەك بهێت بۆ هەلبژارتیێن كوردستان و ئیراقێ‌ بكەم، دیسان یانەیێن مەزن یێن جەماوەری یان ژی پیشەكارەك بم ل دەرڤەیی وەلاتێ‌ خوە یاریێ‌ بكەم، ئەڤە ئارمانجە ب سانەهی نینن لێ‌ رژدییا من و پشتەڤانی دێ‌ بزاڤێ‌ كەم ب گەهمێ‌ و د نوكە دا ئەز ل سەر رێكەكێ‌ دچم بتنێ‌ هزرا من پێشئێخستنا ئاستێ‌ خوەیە و سەركەفتنا تیمێ‌ یە.
ستێرێ‌ گەنج یێ‌ دهۆكێ‌ ئەوچەندە نە ڤەشارت كو ئەڤە سێ‌ سالە گرێبەستێن جودا ژ یانەیێن كوردستانی، ئیراقێ‌ و دەرڤە بوو هاتینە لێ‌ ژبۆ خاترا یانەیا دهۆكێ‌ چاڤێ‌ خوە گرتییەو گۆت: نوكە بۆ من یا گرنگ سەركەفتنا تیما مە و ژ رێزێن دووماهیێ‌ بگەهینە پێشیێ‌ هەروەسان دێ‌ شەڕی كەین بۆ دەستڤە ئینانا ناسناڤێ‌ كۆپا كوردستانێ‌ و گۆت: هیڤییا من ئەوە پشتەڤانییا یانەیێ‌ و یاریزانێن پارێزگەهێ‌ بهێتە كرن ژبەركو مە یاریزانێنباش هەنە لێ‌ پێدڤی ب پشتەڤانیێ‌ نە.

رێڤەبەرییا گشتی یا وەرزشی ل هەرێما كوردستانێ‌ نووترین رێنما بۆ دانا مۆلەتا ب دامەزراندنا یانەیێن وەرزشی ل هەرێمێ‌ ئەوا پشتی وەزیرێ‌ رەوشبیری و لاوان ل حوكمەتا هەرێمێ‌.
د داخویانیەكێ‌ دا جەمال سلێمان رێڤەبەرێ‌ وەرزشی ل پارێزگەها دهۆكێ‌ بۆ رۆژنامەیا ئەڤرۆ گۆت: ل دووڤ نڤێسارا فەرمی یا رێڤەبەرییا گشتی یا وەرزشی و پشتی وەزیرێ‌ رەوشەنبیری و لاوان رازیبوون ل سەر دایی ب فەرمی ئەو نەهـ خالێن بۆ دانا مۆلەتكرنا یانەیێن وەرزش ل كوردستانێ‌ بوونە رێنما و دێ‌ كا پێ هێتە كرن، ئەڤچەندە ژی پێخەمەت زێدەتر رێكخستنا یانەیان و ب شێوەكێ‌ ئەكادیمی هەمی كارێن وان بهێنە بڕێڤەبرن.
هەروەسان ناڤهاتی گۆت: ژ ئەوان خالێن بووینە رێنما ئەو ژی هەر داخوازیەكا دانا مۆلەتێ‌ بۆ یانەیەكێ‌ هەبیت دێ‌ برێیا رێڤەبەریێن وەرزشی ل باژێرێن خوە بۆ رێڤەبەرییا گشتی یا وەرزشی و دووڤدا بۆ وەزارەتا رەوشەبیری و لاوان هێتە هنارتن، دڤێت ژێرخانەیا وەرزشی هەبیت وەكو یاریگەهـ، هۆل، مەلەڤانگەهـ و بارەگایێ‌ كارگێریێ‌، ئەو كەسێن دامەزرێنەر دڤێت كەسێن خودان شیان و شارەزاهی هەبیت و كێمتر ژ 18 سالی نەبن و هژمارەیا وان 10 كەسان زێدەتر نەبیت.
زێدەتر جەمال سلێمانی دیار كر ژ گرنترین ئەوان خالێن رازیبوون هاتینە كرن ئەوژی پشتی رازیبوونا فەرمی بۆ دامەزراندنێ‌ دهێتە كرن دێ‌ ل دووڤ یاسایا 18 یا ئیراقێ‌ سالا 1986ێ‌ كارپێ هێتە كرن، دیسان دڤێت سۆزنامەیا دادگەهێ‌ یا پەسەندكری هەبیت كو ئەو داخوازا هیچ هاریكاریەكا ماددی یان مینحا حوكمەتا هەرێما كوردستانێ‌ ناكەت، هەروەسان دڤێت بەری دانا مۆلەتێ‌ كێمتر ژ پێنج یاریێن وەرزشی نەبیت و هەكە زێدەتر بیت ژی دورستە.

قەیس وەیس:

دهێتە چاڤەڕێ‌ كرن ئەڤرۆ دەست ب هەڤڕكیێن قۆناغا دویێ‌ یا خولا پلا نایابا كوردستانێ‌ یا تەپا پێی بهێتە كرن كود بیتە یاریێن 17ێ‌ ژ كاروانێ‌ وەرزێ‌ ئەڤ سالە یێ‌ خولێ‌، هەردو یانەیێن ئاكرێ‌ و زاخۆ دێ‌ د ناڤ ئەرد و جەماوەرێ‌ خوە دا بزاڤێن سەركەفتنێ‌ كەن پێخەمەت ڤەگەڕیان بۆ پێشیێ‌ و پێشەنگییا رێزبەندیێ‌.
شەڕێ‌ ئاكرێ‌ بۆ ڤەگەڕاندنا پێشەنگیا خوەیە
ل یاریگەها خوە تیما یانەیا ئاكرێ‌ دێ‌ تیما یانەیا دەربەندیخان مێڤان كەت د یارییەكا ئاگرین دا ئەوا دێ‌ بزاڤێن نوونەرا پارێزگەها دهۆكێ‌ سەركەفتن بیت ژبۆ راوەستاندنا ژ دەستدانا خالان و ڤەگەڕاندنا سەرێ‌ لیستێ‌، ئاكرێ‌ ب28 خالان رێزا دویێ‌ دهێت و ب تنێ‌ كێمتر شەش گۆلان ژ خودانا سەرێ‌ لیستێ‌ یانەیا شێروانە ئەوا هەمان خال كۆمكرین دیسان یەكسانی د هەشت سەركەفتن، چار وەكهەڤی و چار خوسارەتیان دا هەنە، د بەرانبەر دا تیما دەربەندیخان ژی هیڤیێن مەزن هەنە پێشڤە بهێتە رێزێن ئێكێ‌ ئەوا 24 خال كۆمكرین و رێزا شەشێ‌ دهێت.
زاخۆ دێ‌ دێربیێ‌ كوردستانێ‌ مێڤان كەت
د یارییەكا دی دا تیما یانەیا زاخۆ ل یاریگەها دەلال و دناڤ جەماوەرێ‌ خوە دا دێ‌ یانەیا هەولێر مێڤان كەت كو دهێتە هژمارتن دێربیێ‌ كوردستانێ‌ و تایبەتمەندیا خوە یا هەیی بۆ جەماوەرێ‌ هەردو یانەیان، كوڕێن خابووری ب كۆمكرنا 22 خالان رێزا حەفتێ‌ دهێت ژ چار سەركەفتن و 10 وەكهەڤی و دو خوسارەتیان و یارییا ئەڤرۆ دێ‌ زلهێزییا كورێن خابووری بیت و بەردەوامییا سەركەفتنان، ژلایێ‌ خوەڤە تیما هەولێرێ‌ ئەوا د كاودانێ‌ هەستیار دا دەرباز دكەت ب17 خالان رێزا 12ێ‌ دهێت دێ‌ بزاڤێ‌ كەت بڕێیا دێربیێ‌ كوردستانێ‌ زەبلەكێن خوە نیشابدەت و ڤەگەڕیتە سەركەفتنان، ژ یاریێن دی یێن ئەڤرۆ، چوارقۆرنە- سیروانی نوو، ئارارات- شەقلاوە، بۆ زانین هەمی یاری دێ‌ ل دەمژمێر 2:15 پشتی نیڤرۆ هێنە ئەنجامدان.

ب شێوەكێ‌ فەرمی فیدراسیۆنا ئیراقێ‌ یا یارییا پایسكلان كوڕێ‌ باژێرێ‌ دهۆكێ‌ هشیار فەریق وەكو سەرۆكێ‌ لژنەیا دادڤانان بۆ ماوەیێ‌ دو سالان دەستنیشانكر و فیدارسیۆنا هەمان یاری ل پارێزگەها دهۆكێ‌ وەكو نموونەترین فیدراسیۆن ل ئیراقێ‌ هەلبژارت.
ل دۆر ڤێ‌ یەكە هشیار فەریق سەرۆكێ‌ فیدراسیۆنا پایسكلان ل كوردستانێ‌ یە بۆ رۆژنامەیا ئەڤرۆ گۆت: فیدراسیۆنا ئیراقێ‌ یا یارییا پایسكلان نڤێسارا فەرمی پێشكێشی من كر وەكو ئەركێ‌ سەرۆكاتییا دادڤانێن ئیراقێ‌ وەربگرم، ئەڤچەندە ژی هات پشتی دووماهی كۆمبوونا فیدراسیۆنا ئیراقێ‌ و دانانا لژنەیێن نوو پشتی یێن وەرزێ‌ بۆری هاتینە هەلوەشاندن، بۆ وەرزێ‌ 2024 و 2025ێ‌ چەند لژنەیێن نوو هاتنە دانان ژ وانا یا دادڤانێن ئیراقێ‌ ودەستنیشانكرنا من ژی دەرێژەپێدانە كو ئەز ب فەر بینم بەردەوام خزمەتا وەرزشا كوردستانێ‌ ب گشتی و پارێزگەها دهۆكێ‌ بكەم.
هەروەسان ناڤهاتی دیاركر ژبەركو ئەڤە چەندین سال بوو وەكو ئەندامێ‌ فیدارسیۆنا ئیراقێ‌ و چەندین جاران لژنەیا دادڤانان وەرگرتبوو ئەڤەژی ژبەر ئەوێ‌ باوەریێ‌ و پشت بەشتن ب شیانێن من بووینە و گۆت: هەروەسان د پێنگاڤەكا دی یا نوودا فیدارسیۆنا ئیراقێ‌ ب فەرمی فیدراسیۆنا پایسكلڤانێن پارێزگەهێ‌ ب خەلاتێ‌ باشترین فیدارسیۆن دەستنیشانكر بۆ وەرزێ‌ 2023ێ‌ پشتی شیایین بنیاتەتێ‌ رێكخستی یێ یاریزانان پەیدا بكەن و ل سەر ئاستێ‌ ئیراقێ‌ یێن ئێكێ‌ بهێن.

ب شێوەكێ‌ فەرمی ماری لویز ئیتا وەكو ئێكەم خانما راهێنەر چوو د دیرۆكا خولا ئەلمانییا یا تەپاپێی بۆندسلیگایێ‌ دا ل سەر ئاستێ‌ زەلامان پشتی بوویە راهێنەرا تیما خوە یۆنیۆن بەرلین ل جهێ‌ راهێنەرێ‌ ئێكێ‌ یێ‌ كرواتی نیناد بیلیكا ئەوێ‌ ژبەر سزایێ‌ نە شیایی دناڤ یاریگەهێ‌ دا بیت.
ماری لویز ئیتا د بنەرت دا هاریكارا راهێنەری یە، لێ‌ ژبەر سزایێن كارگێری یێن فیدراسیۆنا تەپا پایێی یا ئەلمانیا نەشیا سەرپەرشتیا تیما خوە د گەڕا 19ێ‌ یا خولا بۆندسلیگایێ‌ برێڤەببەت ئەوا ئیتا بوویە راهێنەر د یارییا تیما وان یۆنیۆن بەرلین بەرانبەر دارمشتاد و شیا ب گۆلەكێ‌ بەر ب سەركەفتنێ‌ ژی ببەت كو بوویە ئێكەم خانما راهێنەر بچیتە ددیرۆكا وەرزشا تەپا پێی یا كوڕان ل ئەلمانیا دا.

د داخویانیەکێدا راھێنەرێ تیما ته‌پا پێی یا یانەیا ئاکرێ ئاشکرا کر پشکداریا وان د کۆپا کوردستانێ نه‌ بتنێ پشكدارییه‌ به‌لكو دێ ھەڤرکیێ ل سەر ناسناڤی کەن.
زێدەتر ھەژار سابر بۆ ئەڤرۆ گۆت: وەکو راھێنەر ژ ئاست و شیانێن یاریزانێن خوه‌ رازیمە، دو یاریزان دناڤ پێکھاتیێ تیمێ زێده‌بوویه‌ بۆ قووناغا دویێ یا خۆلا نایابا کوردستانێ ئێک ھێرشبەرە و یێ دژی ل ھێلا ناڤەراست یاریێ دکەت.
ناڤبری گۆتژی: ئەگەرەکێ زۆر یێ ھەی پشکداری خۆلا ئیراقێ بکەین ئەگەر رەوشا ئابوری یا باش و بەردەوام من راگەھاندیە پشتەڤانێن یانەیا ئاکرێ نمرە ئێکن ل سەر ئاستێ کوردستانێ و یاریزانێن ژمارە 12 نە بۆ تیما یانەیا ئاکرێ و رۆلەکێ مەزن ھەیە ل سەرکەفتنێن یانەیێ، لێ تەمامنەبوونا یاریگەھێ گەلەک کاریگەری ل پلانێن یانەیێ کریە وەک راھێنەر و کاریگەری پتر ل ئاستێ یاریزانا دایە چەندین جارە دەنگێ خوه‌ دگەھینین جھێن بەرپرس کو لەز ل تەمامکرنا یاریگەھا ئاکرێ بھێتە کرن بۆ وێ چەندێ بشێین کارێن باشتر بکەین بۆ وەرزشا ئاکرێ .