سیستەمێ كاركرنێ یێ ئەندرۆید دهێتە هژمارتن ئێك ژ سیستەمێن كاركرنێ یێن گەلەك گرنگ و هەرە بەربەلاڤ ل جیهانێ و ب ساناهی ژی بۆ كاركرنێ و دبیت چو كەس نەبن ب رەنگەكی ژ رەنگان هەلگرێن تشتەكی ژ سیستەمێ ئەندرۆید نەبن.
د هەمان دەم دا گەلەك تشتێن نهێنی یێن د مۆبایلێن مە دا هەین كو ئەم چو ژ كارێ وان نزانین و زێدەتر كارێ پرۆگرامەرایە، بەلێ هندەك ژ وان تشتان د پێدڤی نە د ژیانا خوە یا رۆژانە دا بزانین ژ بەر هندێ ژی دێ بزاڤێ كەین جاران هندەك ژ وان كارێن گرنگ یێن مۆبایلان بۆ هەوە دیار بكەین و ب تایبەت كودێن نهێنی یێن مۆبایلان.
ئەڤ كودێ ئەڤرۆ دێ بۆ هەوە دەستنیشان كەین یێ تایبەتە ب مۆبایلان ڤە دەمێ پڕ دبیت یان كارێ وێ خاڤ دبیت. ئەڤە ژی كارێ مرۆڤی ب ساناهیتر لێ دكەت. ئەڤ هێمایێ گرنگ كو (#9900#*) دهێتە بكارئینان ل دەمێ جهێ ڤالا د مۆبایلێ دا نەمینیت و گەلەك ژ تشتێ زێدە و بێ مفا یێ ژ ئەنجامێ كارێ رۆژانە د مینیتە د مۆبایلێ و ب فایلێن بێ مفا دهێنە هژمارتن، دهێنە دیلێتكرن.
ئەڤ كودێ نها بەحس ژێ دكەین مە ل سەر مۆبایلا سامسۆنگ دایە كاری و كار كریە و دشیان دایە بۆ مۆبایلێن دی ژی تێست بكەن و دبیت كار بكەت.
كاركرن ب ڤی رەنگی یە:
داخوازا كودێ (#9900#*) بكە، بەلێ دوگما پەیوەندی لێ نەدە، دێ پەنجەرەكا نوو بۆ تە ڤەبیت چەند هەلبژارتنن و ژ وان ژی »Deletedumpstate/logcat» هەلبژێرە و كلیك بكە.
ب ڤێ چەندێ دێ شێی رێژەكا باش ژ قەبارێ مۆبایلا خوە یێ پڕ ڤالا كەیی كو ژ 50 كیلۆ بایتان دەست پێ دكەت هەتا دگەهیتە ئێك گێگا بایت. ژ بەر هندێ ژی ئەم شیرەتا وێ چەندێ ل هەوە دكەین ل هەردەمێ پێدڤی ڤی كودێ نهێنی بكاربینن.
ب ڤی كودی مۆبایلا خوە رزگار بكە
نيشاندان