چاڤه‌ڕێ دهێته‌ كرن ئه‌ڤرۆ دو یاریێن مایی ژ هه‌ڤڕكیێن گه‌ڕا ده‌هێ یا خولا ستێرێن ئیراقێ یا فوتبۆلێ بهێنه‌ كرن، یانه‌یا دهۆكێ پشتی ڤه‌قه‌تیانه‌كا درێژ دێ ڤه‌گه‌ڕێته‌ خولێ و مێڤاندارییا یانه‌یا دیالا كه‌ت، ژلایێ خوه‌ڤه‌ جه‌وییه‌ ل یاریگه‌ها شه‌عب مێڤاندارییا یانه‌یا نه‌فت ل پایته‌ختێ ئیراقێ به‌غدا بكه‌ت.
ئه‌لهۆیێن چیا ب پشت گه‌رمی دێ د ناڤ ئه‌رد و جه‌ماوه‌رێ خوه‌ دا ڤه‌گه‌ڕێته‌ خولا ستێرێن ئیراقێ و مێڤاندارییا یانه‌یا دیالا كه‌ت ئه‌وا دێ ل ده‌مژمێر 5:15 مه‌غره‌ب ل یاریگه‌ها سه‌ره‌كی هێته‌ كرن، پشته‌ڤانێن دهۆكێ غه‌ریبیا خولا ئیراقێ دكه‌ن و چاڤه‌ڕێ سه‌ركه‌فتنا تیما خوه‌ نه و ب مۆراله‌كا بلند دێ هێنه‌ جهێ خوه‌ یێ پشته‌ڤانیكرنێ ل یاریگه‌هێ‌، د نوكه‌ دا یانه‌یا دهۆك ب شه‌ش یارییان ب تنێ پێنچ خال كۆمكرینه‌ ل رێزا 18ێ دهێت و مێڤانا وێ دیالا چار خال كۆمكرینه‌ ل رێزا 19ێ دهێت
پشتی تیما یانه‌یا دهۆك ژ گه‌هشتا خوه‌ یا یاریێن كۆپا كه‌نداڤی هاتی د ماوه‌یێ مه‌هه‌كێ دا سێ یاریێن وێ یێن خولا ستێرێن ئیراقێ هاتبوو پاشئێخستن دگه‌ل هه‌ر ئێك ژ شورته‌، ئه‌لقاسم و نه‌ورۆز و مژویلی یاریێن كۆپا كه‌نداڤی بووی و سێ یاریێن خوه‌ به‌رانبه‌ر مێڤاندارا خوه‌ زه‌فار یا عومانی كری ب گۆله‌كێ وه‌كهه‌ڤ بووی، دووڤدا یانه‌یا نه‌سرا ئیماراتی بوو مێڤانا وێ و ب دو گۆلان وه‌كهه‌ڤبوون، دیسان یا سێ شه‌مبییا بۆری ل ئیماراتێ بۆ مێڤانا نه‌سر ب دو گۆلان به‌رانبه‌ر گۆله‌كێ تووشی خوساره‌تیێ بوو.

قەیس وەیس:

پشتی ب دووماهی هاتنا یاریێن گەڕا شەشێ‌ ژ هەڤڕكیێن قۆناغا ئێكێ‌ یا خولا فوتبۆلا كوردستانێ‌ یانەیا شێروانە بەردەوامە ل سەر پاراستنا سەرێ‌ لیستێ‌ و ئاگرێ‌ دو پێنگاڤا پێشڤە هات و زاخۆ رێزبەندبا خوە پاراست.
تیما یانەیا شێروانە بەردەوامی دا سەرێ‌ لیستێ‌ پشتی سەركەفتنا پێنجێ‌ د خولێ‌ دا ئینایی و ب سەركەفتی ل سەر یانەیا هەولێرێ‌ ب دو گۆلێن پاقژ، ژلایێ‌ خوەڤە یانەیا ئاكرێ‌ ژ چار یارییان سەركەفتنا سێیێ‌ ئینا ئەوا ژلایێ‌ خوەڤە ل هەولێرا پایتەخت ب سەركەفتی ل سەر یانەیا برایەتی ب گۆلەكێ‌ بێ‌ بەرانبەر، ئەڤ سەركەفتنە بۆ ئەگەر یانەیا پایتەختێ‌ نەورۆز و قارەمانا وەرزێ‌ بۆری دو پێنگاڤێن دی بەر ب پێشڤە ببەت، ژلایەكێ‌ دووڤە یانەیا زاخۆ ژ هەولێرا پایتەخت و باژێرێ‌ پیرمام ب خالەكێ‌ ڤەگەڕیا پشتی دگەل خودانێن ئەردی پێشمەرگەیا هەولێر ب گۆلەكێ‌ وەكهەڤ بووی.
ژ ئەنجامێن یاریێن دی، یانەیا دەربەندیخان مەزنترین ئەنجام د وەرزێ‌ ئەڤ سالە دا تۆماركر پشتی سەركەفتن ل سەر مێڤانا خوە یانەیا سەید سادق ب حەفت گۆلان بەرانبەر گۆلەكێ‌ ئینایی، هەروەسان پێشەسازی 1-0 هندرین، چوارقۆرنە 1-1 ڕانیە، سیروانە نوو 1-1 شەقلاوە، یانەیا ڕزگاری یا چاڤەڕێ‌ كری بوو.
هەلوەستێ‌ گشتی پشتی ب دووماهی هاتنا هەڤڕكیێن گەڕا شەشێ‌ بڤی ڕەنگی نە.
1- شێروانە 16 خال.
2- پیشەسازی 13 خال ژ پێنج یارییان.
3- پێشەرگەیێ‌ هەولێر 11 خال.
4- زاخۆ 11 خال.
5- دەربەندیخان 10 خال.
6- ئاكرێ‌ نەهـ خال ژ چار یارییان.
7- رزگاری هەشت خال ژ پێنج یارییان.
8- سیروانی نوو هەشت خال ژ پێنج یارییان.
9- ڕانیە حەفت خال.
10- برایەتی حەفت خال.
11- چوارقۆرنە سێ‌ خال ژ پێنج یارییان.
12- شەقلاوە سێ‌ خال.
13- هندرین دو خال ژ پێنج یارییان.
14- سەیدسادق دو خال.
15- هەولێر ئێك خال ژ پێنج یارییان.
پێنچ گۆلكەرێن ئێكێ‌ یێن خولێ‌.
هێرشبەرێ‌ یانەیا دەربەندیخان فەرحان شكۆر پشتی تۆماركرنا سێ‌ گۆلان د ڤێ‌ گەڕێ‌ دا پێشڤەهاتە سەرێ‌ لیستێ‌ ب حەفت گۆلان، پیشەكارێ‌ بەرازیلی یێ‌ یانەیا زاخۆ گێلێرمی سانتۆس رێزا دویێ‌ دهێت ب چار گۆلان، پیشەكارێ‌ پێشمەرگەیا هەولێرێ‌ فرانسیس دادزی ب چار گۆلان رێزا دویێ‌، دیار عەلی ژ ڕانیە و عومەر عومەر ژ زاخۆ ب سێ‌ گۆلان رێزێن چارێ‌ و پێنجێ‌ ل دووڤ ئێك دهێن.

عەلی حاجی:

د داخویانیەکێ دا ڕاهێنەرێ تیما یانه‌یا زاخۆ یا ژیێ ل بن ٢١ سالیێ دا بۆ رۆژنامەیا ئەڤرۆ دیار کر ئەو دێ ڤەگەرن سەر ڕێیا دروست و وان تیمەکا باش بۆ خولا ئیراقێ یا تەپاپێی هەیە.
زێدەتر عەدنان خێروللا گۆت: د ماوەیێ دوو گەرێن بوری دا تیما مە یا ژیێ د بن ٢١ سالیێ دا نەشیایە چو سەرکەڤتنان تومار بکەت د خولا ئیراقێ یا فوتبۆلێ دا، لێ مە تیمەکا باش و ڕێک و پێک هەیە بتنێ یاریزانێن مە پێدڤی ب دەمی هەنە هەتا کو بشێن ئاستێ خوە یێ راستەقینە پێشکێش بکەن، ئەم یێ ل سەر ڕێیەکا دروست دچین و تیما مە ژی بەردەوامە ل سەر هندێ کو بشێن هەماهەنگیەکا دروست دناڤبەر هەمی یاریزانان دا پەیدا بکەن، پرانیا یاریزانێن مە بۆ ئێکەم جارە یاریێ دگەل ئێک بکەن ژبەر هندێ هەتا نوکە ئەو پێکڤە گرێدانە دروست نەبویە.
ناڤبری گۆت ژی: پێدڤیە ژی هەموو یاریزانێن مە پتر خوە ب واستینن داکو بشێن جهەکێ سەرەکی دناڤ پێکهاتیێ تیما مە دا پەیدا بکەن و ئەم پشت راستین ژی د نێزیکترین دەم دا دێ شێن ئێکەم سەرکەڤتن تومار کەین.
بۆ زانین خولا ئیراقێ بۆ ژیێن ل بن 21 سالی دا دهێته‌ هژمارتن وه‌كو یا ردیف بۆ هه‌موو یانه‌یان، ئه‌وا ل دووڤ سیسته‌مێ لالیگا یا ئسپانی فدراسیۆنا ئیراقێ دانایی پێخه‌مه‌ت پێشئێخستنا ئاستێ وه‌رزشا فوتبۆلێ.

پەروین سەلاح:

ب فه‌رمی تیما باسکێت بۆلا یانەیا دهۆك وه‌كو قاره‌مانا خولا پلا دو یا ئیراقێ هاته خه‌لاتكرن و ده‌ربازبوو پلا ئێكا وه‌رزێ بهێت پشتی شیایی د یارییا دووماهیێ دا ب سه‌ركه‌ڤیت ل سه‌ر یانه‌یا سۆلاڤا نوو ب ئه‌نجامێ 75-35 خالان، د یارییا واندا ئه‌وا ل ئه‌ینییا بۆری ل هۆلا گرتییا یانه‌یا دهۆكێ ژ چارچووڤه‌یێ قۆناغا دووماهیێ یا ده‌ربازبوونێ هاتییه‌ كرن.
ل دور ڤێ ده‌ستكه‌فتێ میقداد رەعدی راهێنه‌رێ تیما دهۆكێ د دیدارەکێ دا بۆ رۆژناما ئەڤرۆ گوت: دلخوه‌شین کو ب شێانێن كوڕێن باژێرێ خوه‌ ئه‌ڤ ده‌ستكه‌ڤته‌ ئینایی و دوباره‌ ناڤێ یانه‌یا دهۆك ڤه‌گه‌ڕیته‌ خولا ئیراقێ وه‌كو پێنگاڤا ئێكێ ژ پلا دو پێشڤه‌ بهێن بۆ پلا ئێك، ئه‌م ل سه‌ر پلانا خوه‌ به‌رده‌وامین و ئارمانجا مه‌ بۆ قۆناغێن بهێت هه‌ڤڕكییه‌ هه‌تا بگه‌هینه‌ جهێ خوه‌ یێ دروست، هه‌رچه‌نده‌ ل قۆناغێن بهێت ئەرکێ مە زەحمەتر کەفتی چنکو دێ هەڤرکێن مە ب هێزتر بن، له‌وما ژی پێدڤیە ئەم زێده‌تر خوه‌ زەحمەت بدەین دا بشێین خولا پلە ئێکا ئیراقێ ئاستەکێ باش پێشکێش بکەین، ناڤهاتی گوتژی: سالا بهێت ئەم دێ قۆناغا دویێ دەسپێکەین کو پلە ئێکا ئیراقێ یە دێ بیتە پلەکا باش و پلا باش یا نوکە ژی دێ بیتە خولا پێشە کارێن ئیراقێ و ئەم دێ هەمی بزاڤان كه‌ین و بەرهەڤیان کەین باشترین شێوه‌ بۆ قۆناغا پلە ئێکا ئیراقێ و هەڤرکەکێ ب هێز بین.
میقداد رەعه دی ل دیڤدا ئاماژە کر: هیڤی و ئارمانجێن مە ئەون بۆ سالا بهێت دا ئەگەر ئەم پلە ئێکا ئیراقێ دا بشکداریێ بکەین، هەڤرکەکێ ب هێز بین و دەربازبینه‌ چار گوشا زێرین و ئەگەر ئەم ماینە ل پلە ئێکا ژی بۆ سالا دووڤدا ئەم دێ هەمی بزاڤان کەین ببینە سەرکێشن خولێ و بچینە پلەكا باشتر یا ئیراقێ، هه‌روه‌سان ناڤهاتی ده‌رباره‌یی ئاستێ یاریزانان بۆ هەردو خولێن پلە ئێك و دو یا خولا پلە ئێکا ئیراقێ گوتژی: ئارمانجا من یا سەرەکی ئەز ڤان یاریزانان بەرهەڤبکەم بۆ خولا پێشە کارێن ئیراقێ و پلا نایابا ئیراقێ و هه‌تا رادەکێ باش ژ ئاستێ یاریزانان رازی مە بەس ژلایەکی دووڤە ئاستێ کرنا یاریێ ژبەرکو ڤێ تیما مە گەلەك قارەمانی نە کرینە هندەك یاریان دا دابینی بارودۆخێ وان یێ دەروونی کارتێکرن دکر بیت مە گەلەك دەلیڤە ژ دەستدان گەلەك ئەو تشتێ دشیاندا نە دکرن و ئەڤێ دەم پێ دڤێت و ئانەهیا خودێ ب کرنا یاریا بەردەوام و پشکداریکرن د قارەمانیێن جودا دا ئەو ژی دێ چارەسەربیت.

ل باژێرێ‌ میمامی یا وەلاتێ‌ ئەمریكا پشككێشانا مۆندیالا جیهانی 2025ێ‌ ل سەر ئاستێ‌ یانەیان هاتە ئەنجامدان ئەوا بۆ جارا ئێكێ‌ د دیرۆكا قارەمانیێ‌ دا 32 یانە پشكداربن هاتینە بەلاڤكرن ل سەر هەشت كۆمان، یاریێن وێ‌ ل دووڤ سیستەمێ‌ خول ئێك قۆناغ دو یانە ژ هەر كۆمەكێ‌ دێ‌ دەربازبنە قۆنانا هەشتێ‌، ئەوا یاریێن وێ‌ دێ‌ ل 15ێ‌ خزیرانێ‌ هەتا 13 تەمووزا سالا 2025ێ‌ وەلاتێ‌ ئەمریكا مێڤاندارییا وێ‌ كەت، ئەنجامێ‌ پشككێشانێ‌ بڤی شێوەیە:
كۆما ئێكێ‌: پالمێراس- بەرازیل، پۆرۆتۆ- پۆرتۆگال، ئەهلی- مسر، ئینتەر میمامی- ئەمریكا.
كۆما دویێ‌: پاریس سانجێرمان- فرەنسا، ئەتلەتیكۆ مەدرید- ئسپانیا، بۆتاڤۆگۆ- بەرازیل، سیاتل ساندرز- ئەمریكا.
كۆما سێیێ‌: بایرن میۆنخ- ئەلمانیا، ئۆكلاند ستی- نیۆزیلەندا، بۆكا جۆنیۆرز- ئەرجەنتین، بەنفیكا- پۆرتۆگال.
كۆما چارێ‌: فلامینگۆ- بەرازیل، ئەلتەراجی- تونس، چێلسی- ئنگلتەرا، كلۆپ لیون- مەكسیك.
كۆما پێنجێ‌: رێڤەر پلێت- ئەرجەنتین، ئۆراوا ریدز- چاپان، مۆنتێری- مەكسیك، ئینتەر میلان- ئیتالیا.
كۆما شەشێ‌: فلۆمینینسی- بەرازیل، بۆرۆسیا دۆرتمۆند- ئەلمانیا، ئۆلسان هیۆندای- كوریا باشۆر.
كۆما حەفتێ‌: مانچستەر ستی- ئنگلتەرا، ویداد- مەغرب، ئەلعەین- ئیمارات، یۆڤانتۆس- ئیتالیا.
كۆما هەشتێ‌: ریال مەدرید- ئسپانیا، هیلال- سعۆدیە، باچۆكا- مەكسیك، رێدبۆل سالزبۆرگ- نەمسا.
پاداشتێن بۆ كۆپایێ‌ هاتییە دانان
ل دووڤ ئاژانسا Sports Illustrated یا ئەمریكی بوهایێ‌ گشتی یێ‌ پاداشتان بۆ قارەمانیێ‌ هاتییە خەملاندن نێزیكی(2.65) ملیار دۆلارن كو دهێتە هژمارتن بوهاترین پاداشت بۆ قارەمانیەكێ‌ هاتبیتە دانان، دگەل دا هندەك پاداشتێن دی هەنە.