NO IORG
نووترين نووچه
Authors Posts by naci bedel

naci bedel

15011 POSTS 0 COMMENTS

32

جۆزپ بۆریل بەرپرسێ سیاسەتا دەرڤە یا ئێکەتیا ئۆرۆپا راگەهاند، ئێرشێن بەردەوام یێن حوسییان ل سەر گەمیێن بازرگانی مەترسیەکا خوە یا مەزن بۆ هەموو جیهانێ هەیە، بەردەوامیا ئێرشێن حوسییان دێ رێ بۆ قەیرانەکا گەلەک مەزن د ئاستێ جیهانێ دا ڤەکەت، وەکو ئێکەتیا ئۆرۆپا ئەو پشتەڤانیێ ل ئێرشێن ل سەر حوسییان دکەن، چونکی حوسی یێن بووینە مەترسی ل سەر هەموو جیهانێ و دڤێت مەترسیان وان ل سەر دەریا سۆر نەمینیت.
ئەو یەک د دەمەکێ دایە پشتی ئێرشا هێزێن ئەمریکا و بریتانیا ل سەر حوسیێن یەمەنێ، وەلاتێ ئەلمانیا ژی پشتەڤانیا خوە بۆ ئێرشێن ل سەر حوسییان دیار کربوو و داخواز ژ هەموو وەلاتێن ئێکەتیا ئۆرۆپا کربوو ل هەمبەر مەترسیا حوسییان ل سەر بازرگانیا جیهانی پشتەڤانیێ ل ئێرشێن ل سەر حوسییان بکەن.
هەرچەندە حوسیێن یەمەنێ گەفا ڤێ یەکێ کربوون دێ ب توندی بەرسڤا ئێرشان دەن لێ هەتا نها ب کریاری نەشیاینە ل دژی ئەمریکا و بریتانیا چو کارەکێ بکەن.

30

جۆن کێربی شیرەتکارێ ئاسایشا نەتەوەیی ل کۆچکا سپی یا ئەمریکا راگەهاند، ئێرشێن ڤێ دووماهیێ ل سەر حوسیێن یەمەنێ د جهێ خوە دا بوو و ئەمریکا و هەڤپەیمانێن خوە دخوازن مەترسیان حوسییان ل سەر دەریا سۆر و گەمیێن بازرگانی نەهێلن.
ناڤهاتی ئەو یەک ژی دیار کر، ئێرشێن ل سەر حوسییان کارەک ل دژی ئیرانێ نینە، چونکی ئەمریکا نەڤێت شەرێ ئیرانێ بکەت و د بەرنامێ ئەمریکا دا تشتەک وەسا نینە، بەلکو یا نها هاتیە کرن تنێ ئێرشەکە ل سەر حوسییان بوویە و ئەو یەک بۆ ئاسایشا جیهانێ ب گشتی یا گرنگە، ژ بەر ڤێ یەکێ ژی دڤێت بەرپرسێن ئیرانێ خواندنێن شاش بۆ ئێرشا ل سەر حوسییان نەکەن، چونکی هەتا مەترسیا حوسییان ل سەر دەریا سۆر بەردەوام بیت ئەمریکا ژی دێ ئێرشی حوسییان کەت، چونکی نها حوسی بووینە مەترسیەکا مەزن ل سەر گەمیێن بازرگانی ل دەریا سۆر.

24

دیزاینێن هەردو پڕۆژەیێن گەشتیاریێ‌ سكرێ‌ دهۆكێ‌ و جۆتسایدێ‌ دهۆك بۆ باعەدرێ‌ دهێنە بەرهەڤكرن.
د. عەلی تەتەر، پارێزگارێ دهۆكێ ب بەرهەڤبوونا جێگرێ پارێزگاری و لایەنێن پەیوەندیدار سەرپەرشتیا كۆمبوونەكا تایبەت ل دۆر دیزاینێن پڕۆژەیێ گەشتیاریێ دەرۆبەرێن سكرێ دهۆكێ و پڕۆژەیێ جۆتسایدێ دهۆك بۆ باعەدرێ كر و دۆپاتی ل پێداچوونەكا بلەز و ب كوالێتی بۆ دیزاینا هەردو پڕۆژەیان كر و لایەنێن پەیوەندیدار راسپاردن ب شێوەكێ مەیدانی بكەڤنە د كاری دا.
دیسا ل رۆژا 11/1/2024 د. عەلی تەتەر، پارێزگارێ دهۆكێ ب بەرهەڤبوونا ماجد سەید سالح، جێگرێ پارێزگارێ دهۆكێ پێشوازی ل دەستەكا نوو یا ژوورا بازرگانی و پیشەسازیا پارێزگەها دهۆكێ ب سەرپەرشتیا شوكری جەمیل، سەرۆكێ ژوورا بازرگانی و پیشەسازی یا دهۆكێ‌ كر و د هەڤدیتنێ دا دانوستاندن ل دۆر بەرنامە و پلانێن ژوورا ناڤبری هاتە كرن.
دیسا د. عەلی تەتەر، پارێزگارێ دهۆكێ د هەڤدیتنەكێ دا ل گەل جونەید والی سروش، رێڤەبەرێ پشكا كەلتۆری ل رێكخراوا نێڤدەولەتی یا یونسكۆ ل ئیراقێ باس ل بەرنامە و پلانێن رێكخراوا ناڤبری ل پارێزگەها دهۆكێ كرن.

20

دهۆك، لەزگین جوقی:

ئەندامەكێ‌ فراكسیۆنا پارتی ل جڤاتا نوونەرێن ئیراقێ‌ دبێژیت: ئەم دخوازین وەزارەتا كۆچ و كۆچبەرێن ئیراقێ نێزیكی سەندوقا ئاڤەدانیا شنگالێ نەبیت.
عەلی عەباس، پەیڤدارێ وەزارەتا كۆچ و كۆچبەرێن ئیراقێ راگەهاند، ڕێككەفتن ل گەل پارێزگارێ نەینەوا هاتییە كرن، كو 50 دۆنەمێن ئەردی ل شنگالێ بۆ دروستكرنا یەكەیێن ئاكنجیبوونێ بهێنە تەرخانكرن و گۆت: «ئەڤ پەكەیێن ئاكنجیبوونێ دێ بۆ وان ئاوارەیان بن یێن ڤەدگەڕنە شنگالێ وخانی نەبن، دیسا ئەو یەكەیێن ئاكنجیبوونێ‌ بێ بەرامبەر بۆ ئاوارەیان دێ‌ هێنە دروستكرن، لێ هەژمارەیا وان و دەمێ تەمامبوونا پڕۆژەی د دیار نینن، ژ بەركو پێدڤی ب ڕازیبوونا وەزارەت و لایەنێن پەیوەندیدارن».
مەحما خەلیل، ئەندامێ جڤاتا نوونەرێن ئیراقێ ژی بۆ ئەڤرۆ گۆت: «ئەم رازی نابین، كو وەزارەتا كۆچ وكۆچبەرێن ئیراقێ پارەی ژ سەندۆقا ئاڤەدانیا شنگالێ دەربێخیت بۆ ئاڤاكرنا خانیان یان چێكرنا كۆمەلگەهەكا ئاكنجیبوونێ بۆ وان ئاوارەیێن زڤرینە شنگالێ‌، ئەم د گەل داینە خانی بۆ خەلكێ شنگالێ‌ ل گوند و كۆمەلگەهێن وان بهێنە ئاڤاكرن، ئەو كەسێ خانیێ وی خرابوویی ل جهێ خانیێ وی خانیەكێ دی ژ لایێ حوكمەتا ئیراقێ ڤە بۆ بهێتە ئاڤاكرن».
مەحما خەلیل گۆتژی: «مە ب نڤیسارەكا فەرمی داخوازكریە كەسەكێ شنگالێ ئیدارا سەندۆقا ئاڤادانیا شنگالێ بكەت، كو 50 ملیار دینار بۆ هاتینە تەرخانكرن و مە دڤێت ئەو پارە هەمی بۆ ئاڤەدانیا شنگالێ‌ بهێتە مەزاختن، ئەم رازی نابن وەزارەتا كۆچ و كۆچبەران مایتێكرنێ تێدا بكەت».

27

د ماوێ 24 دەمژمێرێن بۆری دا، پێلەكا سەرمایێ پرانیا دەڤەرێن پارێزگەها دهۆكێ ڤەگرتینە و د ئەنجام دا رێژەكا باش یا بەفرێ ل خالا گۆمركیا سەرزێری و سەنتەرێ ناوچەداریا كانی ماسێ یا سەر ب دەڤەرداریا ئامێدیێ ڤە بارییە و سەقایێ وێ دەڤەرێ گەلەك ساربوویە.
مستەفا ئەحمەد، ژ هۆبا چاندنا كانی ماسێ، بۆ رۆژناما ئەڤرۆ دیار كر، د 24 دەمژمێرێن بۆری دا پێلەكا بەفرێ دەڤەرا كانی ماسێ ڤەگرتیە و د ئەنجام دا 35 سەنتیمەترێن بەفرێ ل خالا گۆمركیا سەرزێری بارینە، هەروەسا 7 سەنتیمەترێن بەفرێ ژی ل سەنتەرێ ناوچەداریا كانی ماسێ بارینە و بەفر ل چەندین گوندێن وێ دەڤەرێ بارییە و سەقایێ وێ دەڤەرێ گەلەك ساربوویە، هەروەسا رێیا هاتنوچوونێ ژ بەفرێ هاتیە رامالین و نوكە هاتنوچوونا رێڤینگان ل دەرگەهێ نێڤدەولەتیێ سەرزێری ب رەنگەكێ ئاسایی یا بەردەوامە.

17

ئامێدیێ، مەحمود نهێلی:

شەڕ و تەقە یا بەردەوام یا د ناڤبەرا چەكدارێن پەكەكێ و لەشكرێ توركیا دا ل سۆرێ سگێرێ یێ گرێدایی دەڤەرداریا ئامێدیێ و چەند دەڤەرێن دی وەلاتی بێزاركرینە و گەلەك جاران ژی گوللەیێن شەڕی گەهشتینە مالێن وەلاتیان و زیان گەهاندینە خەلكی ل وێ دەڤەرێ.
ل رۆژا 12/1/2014 شەڕەكێ دژوار د ناڤبەرا گەریلایێن پەكەكێ و لەشكرێ توركیا دا ل سۆرێ سگێرێ یێ گرێدایێ دەڤەرا نهێلێ ل دەڤەرداریا ئامێدیێ دروست بوویە و ل گۆر راگەهاندنا وەزارەتا بەرەڤانیا توركیا د ڤی شەڕی دا نەه سەربازێن توركیا هاتینە كوشتن و زیانێن زۆر ژی گەهشتینە چەكدارێن پەكەكێ.
ل گۆر ئاخڤتنا شاهد حالان، یەكسەر پشتی شەڕی فڕۆكێن شەڕكەر یێن لەشكرێ توركیا گەهشتینە ئەسمانێ دەڤەرێ و ئەو دەڤەر ب دژواری هاتە بوردۆمان، دیسا هەر ل هەمان رۆژ، دو ترۆمبێلێن گەریلایێن پەكەكێ ژ لایێ فڕۆكێن بێ فڕۆكەڤانێن توركیا ڤە ل گوندێ سەرگەلێ یێ هەمان دەڤەر هاتنە بوردۆمانكرن و د ئەنجام دا دو گەریلا بریندار بوون.

31

ئاكرێ‌، رەمەزان زەكەریا:

ل سەنتەرێ ناوچەداریا دینارتە و گوندێن دەردۆر گەرا دویێ یا گازا سپی دێ‌ هێتە بەلاڤكرن، كو بڕیارە نێزیكی شەش هزار سەرۆكخێزانان ژێ‌ مفادار ببن.
سەربەست سەبری، رێڤەبەرێ ناوچەداریا دینارتە ب وەكالەت بۆ ئەڤرۆ گۆت: «ل سەنتەرێ ناوچەداریا دینارتە و گوندێن دەردۆر گازا سپی ل سەر مالان دێ‌ هێتە بەلاڤكرن، كو ئەڤە گەرا دویێ یە، بۆ ڤێ قووناغێ دێ پێنج هزار و 909 سەرۆكخێزان مفادار بن.
ناڤبری گۆت: «پلێتێن گازێ برێكا بریكارێن ئاهێن خوارنێ هاتینە بەلاڤكرن و گاز دێ گەهیتە هەموو مالان و بۆ هەر سەرۆكخێزانەكێ 100 لێتر دێ‌ هێنەدان».

21

فەهیما ئیبراهیم

تە ئەو هەموو ترسا دچاڤێن من دا نە ددیت، نەخێر تە نە ددیت! من هزردكر تو یێ هەست ب ئازارێن من دكەی، تە نە دزانی ل پشت پەردا رۆندكان ئازارێن من دڤەشارتینە. گەلەك زەحمەتە هەستێن تە ددۆرپێچكری بن، هەستێ تنێبوونێ ل سەر هەر هەستەكی زال بت، هەست ب هەبوونا رحان ل دۆر خوە ناكەم، هەر وەكو كەسانێن ل دۆر من هەموو دبێ رح و جانن. من پێكولكرن زالبوونێ ل سەر وێ پارچەیا مایی ژ هەستێن خوە بكەم، گەهشتمە وێ باوەرییێ كو حەزژێكرن مەزنترین درەوە، دەستپێكەكا بێ دوماهیكە، بەلكو دەستپێك ب ژانتربت ژ دوماهیكێ، هەستێ دووربوونێ ژ هەر هەستەكی پتر من د ئازرینت، حەزدكەم ژ هەر كەسەكی، ژ هەر تشتەكی دووركەڤم، جاران حەزدكەم ببمە پەڕێ بالندەیەكی و دگەل بای بفڕم.
خوزی چوونا تە خەون با، یان درەوا نیسانێ با، عشق د هەمبێزەكا ساردا زوی دمرت، و هێشتا ئەزا ل بەندا بێدەنگییا تە، هەر دەمێ پێكولا دەرئێخستنا پەیڤەكێ، گۆتنەكێ دكەم، پەیڤ ژ من درەڤن.
دووربكەڤم یان بمرم وەك هەڤە، باش دزانم خرابترین هەست ئەوە تو بترسی ژ دووربوونێ، ژ تنێ بوونێ، ژ خیانەتێ. بێهیڤیبوون ژ قەدەرێ مەزنترە، دەربازبوون ژ توخیبێن مرنێ، ژ وان هەموو بارگرانییا ژیانێ ل سەر ملێن من دانای، تشتێ ژ هەموویان پتر من دئازرینت ئەوە نەشێم سالۆخەتا وان هەموو ئازاران بكەم یێن دەروونێ من داگرتین. دناڤ ڤێ جیهانا ئالۆز دا ل شرۆڤەكرنا دگەڕم، ل چارەیان دگەڕم، هەستپێدكەم ئەڤ گەردوونە تێرا خەمێن من ناكەت، تێرا ئازارێن من ناكەت، تێرا دەردێن من و تە ناكەت، پشتگوهاڤێتنا تە و خەمسارییا تە من ئازارددەت، من پارچەپارچە دكەت. دەربازبوونا ڤێ تارییێ من ژ شەڤێ دترسینت.
تێگەهێ پەیڤا ترسێ و ئازارێن من تێكەلبووینە، دبت پەیڤەك برینێن من سارێژكەت، و پەیڤەك من ب ڤەگەرینتە خالا دەستپێكێ، من تو ل گۆپیتكا ئازارێن خوە ژ دەستدای، تە دڤیا رامانا دووركەتنێ نیشا من ب دەی، من بۆ تە دوپات كر بێی تە ژیان دژی منە، دناخێ من دا چیڕۆك و هەستێن تێكشێلای هەنە، تو مینا گەڕۆكەكێ دەربازبووی بێ ناڤەرۆكا دەردو ئازارێن من بخوینی، تو چووی و تە هەموو ئازار ل پشت خوە هێلان، بێ كو ئێك جار ل پشت خوە بزڤڕی، تە دا رێ و ئەز مینا چیرۆكەكا بێ ناڤەنیشان و ژبیركری هێلام.
ئەڤ نامەیا تە نڤیسی، تە پێچا و دناڤ دەستێ‌ خوە دا قورمچاند و هاڤێتە بن وێ‌ ماسەیا درێژ و پان. ژ جەزۆكی تە فنجانا قەهوێ‌ داگرت و تە پالێ‌ خوە دا دیواری و ڕك وڕك چاڤێ‌ تە ما ل تابلۆیێ‌ (جۆڕنیكا) و ئەو رۆناهییا ل پشت پەنجەرێ‌ دهاتە دیتن، چركە ب چركە كز دبوو.
پشتی تە ساكۆیێ‌ خوە كرییە بەرخوە، تە دەرگەه ل پشت خوە گرت و دناڤ وێ‌ جاددەیا مژەویرا تو غەوارەبوویی. تلێن تە دبەرویكا ساكۆیی دا ئەو كاغەز قورمچاند یا تە ل سەر نڤیسی، ژیانێ‌ نەكە بار و پشتی.

19

هەیام عە‌بدولرەحمان

شاهسوارێ ئاڤەدانێ كورێ مەسعود بارزانی
شێر و دلێرێ چاڤ نە ترس هەمی كەس ڤێ دزانی
هێڤی و ئۆمیدا گەلی بۆ خاك و نشتمانی
ئێمناهی و ئارامی تو بۆ كورد و كوردستانی
برا گەورە هەر بژی تو گۆرانكاری تە ئانی
شۆپ و رێكا بابۆ گرتی فەرمۆ نە پەشێمانی
تو چ بچینی دێ بینی بەرهەمەكی جوانی
نەڤیێ بارزانی باڤێ خەبات ب تێكۆشانی
وەلات ب خوینێ هات ئاڤدان بوو رەمز و نیشانی
برا گەورە هەر ل پێش بی ب قەوەتا یەزدانی

59

سیپان مستەفا

هەكەر تو رحێ نەدەیە من، پڕسیارا ژیانێ ژی ژمن نەكە، نە دار بەریا چیایمە دێ بێ ئاڤ ژیم، نە دارقەسپا بیابانا مە دێ ل بەر گەرما رۆژەكا دژوار دێ بەرهەمی بۆ تە دەم.
ئەز پەرییەكا دەریاییمە بێ پێل وئاڤا زەلال نەشێم بێژیم، هەكەر تو نەبیە بایەكێ هین و ئەگەر نەبیە هوزانڤانەكی تل و دەست زێرین، بۆ تە نابمە گولبەیبین، ڤێجا گوهێ خۆ ژسینگێ من ڤەكە، هەناسا من گەلەك یا بێ دەنگە، هاتن وچوونێن تە هەر وەك هەڤن، چ ژ ژێی من زێدە ناكت. هاتناتە من ناكەتە بێهن و گولاڤ، من ناكەتە دەشت و زۆزان، من ناكەتە روحەكا پری ڤیان، من ناكەتە بە فرو باران، من ناكەتە خۆناڤا بەرێ سپێدەیان، من ناكەتە گولەكا سۆر ل سەرێ گڕان. ڤێجا نەهاتنا تە بۆ من دەمە چاڤێ من هەردەم لێ سەرە.
ژ هاتنا تە بێ باوەڕم، چ جاران روح و جەسەد دویری هەڤ ناژین، چ جاران هەناسە بێ با ناهێت وناچیت. چ جاران خوین و گۆشت ژئێك ڤەنابن. چ جارا دل بێ لێدان خۆ نا قوتیت، چ جارا ماسێن ئاڤێ بێ ئاڤ ناژین، ڤێجا چەوا تو پرسیارا ژیانێ ژمن دكەی، تە جارەكێ دیتییە مری ددەمێ شویشتنێدا روح هەبیت یان د گۆریدا گازی تە بكت؟ یان خوین دجەستەیێ ویدا بهێت و بچیت؟ هەكەر ئەڤە هەمی بۆ تە نەبنە نیشان كۆ روح بێ پەیڤێن خۆش و بێ ئاواز وستران بێ كەیف وسەما، و بێ هەمبێزێن گەرم و بێی نێرینێن دژوار، ئەڤ جەستەیە نا كەتن ژیانێ هەی روح و گیان.
نە بیە روح بۆ من پسیارا ژیانێ ژی من نەكە، نەداربەریا چیامە بێ ئاڤ بژیم، نە دارقەسپا بیابانا مە ل بەر رۆژەكا دژوار بژیم، ئەز پەرییەكا دەریاییمە، دگەل پێل و بایێن هین دی ژیم، ڤێجا چ جارا داخازا ژیانێ ژی من نەكە، هەكە نەبیە هوزانڤانەكێ دەست زێرین، یان نەبیە دەرمانێ برینەكا پری خوین .

نيشاندان1...1,0004494504511,450...1,502زێده‌تر لاپه‌ر 450 ژ 1,502
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : [email protected]
website security
© Copyright 2021 - Rojnameya Evro - Powered by Kurdo Plus
816 queries in 0.737 seconds.
WP Facebook Auto Publish Powered By : XYZScripts.com