NO IORG
نووترين نووچه
Authors Posts by naci bedel

naci bedel

15011 POSTS 0 COMMENTS

35

ئاكرێ‌، رەمەزان زەكەریا:

د سالا بۆری دا ل سنوورێ دەڤەرداریا ئاكرێ و بەردەڕەش رێكێن سەرەكیێن هەژمارەكا گوندێن دەڤەرێ هاتینە قێركرن، كاركرن ل رێكێن وان گوندێن پێدڤی ب قێركرنێ و سەخبێركرنێ دێ بەردەوام بیت.
ئەندازیار محسن میرانی، رێڤەبەرێ رێك و پران ل دەڤەرداریا ئاكرێ بۆ ئەڤرۆ گۆت: “د كابینا نەهێ یا حوكمەتا هەرێما كوردستانێ‌ دا، گرنگی دایە قێركرن و دروستكرنا رێك و پران، ل دەستپێكا سالا بۆری هەتا نوكە ل سنوورێ دەڤەرداریێن ئاكرێ و بەردەڕەش رێكێن چەندین گوندان هاتینە قێركرن و هەژمارەك ژی نوكە د قووناغا بجهئینانێ دانە”.
ناڤبری گۆتژی: “ب گوژمێ نەهـ ملیار و 500 ملیۆن دیناران رێكا 48 گوندان ژ لایێ رێڤەبەریا رێك و پران ل ئاكرێ هاتینە قێركرن و سەخبێركرن، پتریا وان ژی ب دووماهی هاتینە، هندەك ژی د قووناغا بجهئینانێ دانە، ئەڤە ژی بوویە رێخۆشكەر، كو وەلاتی گرنگیێ ب كەرتێ چاندنێ و ئاژەلداریێ ل گوندێن خوە بدەن”.

27

دهۆك، لەزگین جوقی

رێڤەبەرێ‌ گشتیێ‌ گەشت و گوزارێ‌ ل پارێزگەها دهۆكێ‌ دیاركر، ب چاڤدێریا د. علی تتر ، پارێزگارێ‌ دهۆكێ‌ دئاهەنگەكا مەزن یا جەماوەرێ‌ بۆ سالا نوی ل پاركا نەروز هاتە كرن و ل هەمی زالگەهان پێشوازی ل گەشتیاران هاتە كرن بۆ سالا نوی و گۆت: بۆ ئەڤ سالە گەلەك پلان هاتینە دانان و دێ‌ رێبەرێن گەشتیاری هێنە چاپكرن و ئەلبووما پارێزگەها دهۆكێ‌ دێ‌ هێـتە دروستكرن و ئەڤە ئێكەمین جارە ئەلبووم بۆ خزمەتا گەشت و گوزارێ‌ دهێـتە چێكرن».

پ. د. خەیری عەلی، رێڤەبەرێ‌ گشتی یێ‌ گەشت و گوزارێ‌ ل پارێزگەها دهۆكێ‌ راگەهاند، هەر ژ رۆژا 1/1/2023ی هەتا دووماهیا سالێ‌ پتر ژ دوو ملیۆن و 400 هزار گەشتیاران هاتینە دهۆكێ‌ و هاتنا گەشتیاران بۆ دهۆكی یا بەردەوامە، ب سالا نوو ژی دێ‌ هژمارەكا مەزن گەشتیاران قەستا دهۆكێ‌ كەن و نوكە دەست ب پێشوازیا گەشتیاران هاتیە كرن بۆ سالا نوو.
ئاشكەرا كر، كار هاتیە كرن دگەل كومپانیێن بیانی بۆ ئینانا گەشتیارێن بیانی، دا كو ب تنێ‌ پشت بەستن ل سەر گەشتیارێن نافخۆیی نەبیت، ئەم هەولددەن گەشتیاریان ژ دەولەتێن بیانی قەستا دهۆكێ‌ بكەن».
د. خەیری عەلی، خۆیا كر، كابینا نەهێ‌ یا حكومەتا هەرێما كوردستانێ‌ گرنگیەكا مەزن دایە كەرتی گەشت و گوزارێ‌، نوكە ل دهۆكێ‌ دەست بجهئینانا هژمارەكا مەزن یا پرۆژەیێن گەشت و گوزارێ‌ هاتیە كرن، ب تایبەتی ژی ل ئامێدیێ‌، پشتی ئەڤ پرۆژە ب دووماهی دهێن دێ‌ پتر كەرتی گەشت و گوزارێ‌ باش بیت و دەلیڤێن كاركرنێ‌ بۆ گەنجان پەیدابن».
رێڤەبەرێ‌ گشتی یێ‌ گەشت و گوزارێ‌ ل پارێزگەها دهۆكێ‌ گۆت: بازارێ‌ سەرێ‌ سالێ‌ هاتبوو دانان بۆ پتر پشڤەبرنا كەرتێ‌ گەشت و گوزارێ‌ ل پارێزگەها دهۆكێ‌ و بۆ ئەڤ سالە گەلەك پلان هاتینە دانان و دێ‌ رێبەرێن گەشتیاری هێنە چاپكرن و ئەلبووما پارێزگەها دهۆكێ‌ دێ‌ هێـتە دروستكرن و ئەڤە ئێكەمین جارە ئەلبووم دهێـتە چێكرن بۆ خزمەتا گەشت و گوزارێ‌«.
تەكەز كر، ل سالا بهێـت پێشانگەها گەشتیاری یا نێڤدەولەتی ل دهۆكێ‌ دێ‌ هێتە ڤەكرن و ئەڤە دێ‌ بیتە پێشانگەها دوویێ‌ یا نێڤدەولەتی و گەشتیاری ل پارێزگەها دهۆكێ‌ دهێتە ڤەكرن و مەرەم ژێ‌ ئەوە پتر كەرتێ‌ گەشت و گوزارێ‌ پێشڤەبچیت».

11

رەمەزان زەكەریا

بەتەلیۆنا ژینگەهپارێزیا مێرگەسۆر ل سەر گۆرستانا هەشت هزار شەهیدێن جینۆسایدكری یێن بارزانی هەوا چاندنا هەشت هزار بەروویا ئەنجامدا وەك رێزگرتن بۆ خوینا هەشت هزار شەهیدێن جینۆسایدا هەشت هزار بارزانیان.

تاهر سالح ئالكەیی، چالاكڤانێ ژینگەپارێز ل دەڤەرا بارزان بۆ ئەڤرۆ گۆت: هەوا چاندنا هەشت هزار بەروویا ل سەر گۆرستانا شەهیدێن جینۆسایدا بارزانیان گەلەك یا گرنگ و پێدڤی بوو راستە ل دەڤەرا بارزان رێژا ژینگەهـ پارێزیێ پترە ل هەموو دەڤەرێن دی و هەر تاكەك خۆ ب ژینگەپارێز دزانیت بەلێ چەند رێژا ژینگەهێ و كەسكاتیێ پتر ببیت ژیان ساخلەم تر دبیت، مە پشكداری ل هەوا دوو رۆژیا چاندنا هەشت هزار بەروویا كر.
حەسەن دولەمەری، فەرماندێ بەتەلیۆنا ژینگەه پارێزیا مێرگەسۆر بۆ ئەڤرۆ گۆت: بۆ رێزگرتن ل خوینا هەشت هزار جینۆسایدكریێن بارزانی كو زۆلم لێهاتە كرن و ئەنفالكرن هەشت هزار بەروو ل گۆرستانا شەهیدێن جینۆسایدكری هاتنە چاندن.
ناڤبری گۆتژی: دارا بەروویێ دارەكا پیرۆزە ژلایێ مە ل سەر فەرمانا سەرك بارزانی كو دارا بەروویێ ب ساناهی ناهێتە سۆتن و ژناڤ ناچیت و یا گونجایە بۆ دەڤەرا مە مە هەلبژارد بۆ چاندنێ ل گەل كەش و هەوایێ دەڤەرێ ب باشی دگونجیت.
ناڤهاتی گۆت: هەوا چاندنا دار بەرویا بۆ دەمێ دوو رۆژا بەردەوام بوو هەر تاكەك ل خەلكێ دەڤەرا بارزان بەرپرسن ل ژینگەها خۆ كو ب پاقژی راگرن ل سەر فەرمانا شێخ عەبدولسەلام بارزانی و سەرۆك مسعود بارزانی، پەیاما وان ژینگە پارێزی و ژینگە دۆستی بووە بۆ خەلكێ دەڤەرێ هەتا نوكە ژی دلسۆزی بۆ ژینگەهێ بەردەوامە.

9

بەرپەرێ‌ ساخلەمیێ‌:

ئێك: تووشبوون ب تەوشێ‌ خوینێ‌ یێ‌ كۆژەك:
پشتی زەلامەك بۆ دەمەكێ‌ درێژ مایە د شكەفتەكا بن ئاڤێ‌ ڤە، تووشی تەوشیا خوینێ‌ یا كۆژەك بوو و بوو ئەگەر شلەمەنی بچنە دناڤ دەمارێن خوینا ویدا.
نۆشداران زوی زانی كو نیشان و سەرباركێن وی د دەگمەنن و شیان ب رێیا ئامیرێن تایبەت خوینا وی پاقژبكەن و چارەسەریا وی هاتەكرن.
دو: دیتنا تەڤنپیركەكێ‌ د گۆهێ‌ ژنەكێ‌ دا:
ل تایوان نۆشداران دیاركر كو تەڤنپیركەك ب درێژیا 0.25سم د گوهێ چەپێ‌ یێ‌ ژنەكێ‌ دایە و بۆ دەمێ‌ چار رۆژان وێ‌ ژنێ‌ هندەك دەنگێن غەریب گوهلێ‌ دبوون، بەلێ‌ وێ‌ هزر نەدكر كو تەڤپیرك دناڤ گوهی دایە.
سێ‌: هاتنا گەڤزێ‌ ل سەر ئەزمانێ‌ زەلامەكی:
هندەك خالێن سڤك یێن كەڤزێ‌ ب رەنگێ‌ كەسك ل سەر ئەزمانێ‌ زەلامەكی وەراركر، دبێژنە ڤی حالەتی ئەزمانێ‌ ب موی، كو ب رێكا ب كارئینانا تشتێن دڕ وەكو فرچێن ددانا و خوارنێن رەق دشێن خۆ ژێ‌ قورتال بكەن، دۆرێن 13% یا مرۆڤان د قۆناغەكا ژیانا خۆ دا تووش دبن و دبیت هەر ئێكی رەنگەك هەبیت ئەو ل سەر جورێ‌ خوارنا ژلایێ‌ وی دهێتە خوارن دمینیت.
چار: هندەك جورێن نوی یێن بەكتریا پشتی لەقدانا پشیكەكێ‌:
زانایان جورەكێ‌ نوی یێ‌ بەكتریا دیاركر پشتی كو پشیكەكا بەردای چەند لەقەك ل زەلامەكی داین، دەست و پێن وی سۆر بوون و وەرمین، بەلێ‌ ئەو زەلام ب تەمامی چارەسەربوو پشتی بۆ دەمێ‌ پێنج رۆژان ئەنتی بایوتیك خوارین.
پێنج: راكرنا كورپەلەكی دناڤ مەژیێ‌ زارۆكەكێ‌ ئێك سالی دا:
تیمەكێ‌ نۆشدارێن نشتەرگەر رابوون ب راكرنا كورپەلەكی دناڤ مەژیێ‌ زارۆكەكێ‌ ئێك سالی دا د حالەتەكێ‌ نۆشداری یێ‌ كێم وێنەدا، ئەو كۆرپەلە جێمكێ‌ وی بوو د ئێك هەڤالبچووك دا، ئانكو هەردو ژ هێدانكەكێ‌ چێببوون و ئێك هەڤالبچووك هەبوو، بەلێ‌ د كیسەكێ‌ جودادا، ل دەمێ‌ دۆگیانیێ‌ ئێك ژێ‌ پویچ دبیت، بەلێ‌ شوونوارێن وی مابوونە دناڤ مەژیێ‌ یێ‌ دیتر دا و پشتی زارۆبوونێ هاتە دەرخستن.

97

پشتی بۆرینا 12 یارییان ژ خولا ستێرێن ئیراقێ‌ یا تەپا پێی چەندین گوهۆڕین و ژێهەلی و ژووردانی یا تیمێن كوردستانی د خولی دا پەیدا بوون بەری دەستپێكرنا سالا نوو یا 2024ێ‌ و بڕیارا راوەستیانا خولێ‌ بۆ ماوەیێ‌ نێزیكی 40 رۆژان ژبەر پشكدارییا هەلبژارتیێ‌ ئیراقێ‌ د قارەمانییا ئاسیا دا هاتە دان ئەوا دێ‌ هەڤڕكیێن وێ‌ ل 12ێ‌ ڤێ‌ مەهێ‌ هەڤڕكیێن وێ‌ ل وەلاتێ‌ قەتەر هێتە كرن.
زاخۆ چاڤەڕێ‌ ئێكلاكرنا ئەنجامێ‌ یارییەكێ‌ یە
ب دووماهی هاتنا سالا 2023ێ‌ هەلوەستێ‌ یانەیێن كوردستانی د خولێ‌ دا ب ڤی رەنگ بووینە، تیما یانەیا دهۆك 18 خال كۆمكرینە ژ پێنج سەركەفتن، سێ‌ وەكهەڤی و چار خوسارەتی هەنە گەهشتییە رێزا شەشێ‌، ژلایێ‌ خوەڤە تیما زاخۆ ل رێزا 11ێ‌ دهێت ب 15 خالان ب سێ‌ سەركەفتن، شەش وەكهەڤی و دو خوسارەتی دگەل هەلاوستینا ئەنجامێ‌ یارییا وان دگەل شورتە و چاڤەڕێ‌ بوونا بڕیارا نەرازیبوونا تیما زاخۆ ل سەر پشكداریكرنا نە یاسایی یا یاریزانێن پیشەكارێن تیما شورتە، ژلایێ‌ خوەڤە هەولێرێ‌ د رەوشەكا باش دا نینە ئەوا بتنێ‌ 12 خال كۆمكرین، ژ سێ‌ سەركەفتن، سێ‌ وەكهەڤی و شەش خوسارەتی هەنە رێزا 15ێ‌ دهێت، بەرانبەر دا یانەیا نەورۆز 19 خال كۆمكرینە ژ پێنج سەركەفتن، چار وەكهەڤی و سێ‌ خوسارەتی هەنە رێزا چارێ‌ دهێت.
یانەیێن كوردستانی دخوازن پشتەڤانییا تیمێن وان ژی بهێتە كرن
د هەلوەستەكێ‌ هەڤپشت یێن هەر چار یانەیێن كوردستانی د خولێ‌ دا دهۆك، زاخۆ، هەولێر و نەورۆز داخواز ژ سەرۆك كۆمارێ‌ ئیراقێ‌ و وەزیرێ‌ وەرزش و لاوێن ئیراقێ‌ هاتیەكرن پشتەڤانییا دارایی ل یانەیێن وان ژی بهێتە كرن و بڕیارا حوكمەتا ئیراقێ‌ ب راوەستینن ئەوا یانەیێن كوردستانێ‌ ژ شایستەیێن دارایی بێ‌ بەهركرین د بەرانبەر دا هەر 16 یانەیێن دی دێ‌ وەرگرن، ئەڤچەندە ژی ب نە دادپەروەری هژمارتییە، ل دووڤ بەیاننامەیا یانەیێن كوردستانی هاتییە: سەرۆك كۆمارێ‌ ئیراقێ‌ و وەزیرێ‌ وەرزش و لاوان، كۆمەلا گشتی و لژنەیا تەنفیزی و فیدراسیۆنا تەپا پێی یا ئیراقێ‌، ئەم یانە و فیدراسیونێن تەپا پێی ل هەرێما كوردستانێ‌ بەردەوام بووینە ل سەر پشتەڤانییا پێشئێخستنا وەرزشێ‌ و دیرۆك بەلگەیە ل سەر ڤێ‌ یەكێ‌، لڤێ‌ دووماهیێ‌ حوكمەتا فیدرال بڕیار دابوو پشتەڤانییا 16 یانەیێن دخولا ستێرێن ئیراقێ‌ دا بكەت بمخابنی ڤە هەرچار یانەیێن دهۆك، هەولێر، زاخۆ و نەورۆز ژ پشتەڤانیێ‌ بێ‌ بەهركرییە ئەڤە ژی پێشهاتەكێ‌ خرابە و نە دادپەروەری پەیدا دبیت و دژی بنەمایێن هەڤسەنگیێ‌ و یەكسانیێ‌ یە، لەوما ئەم نە چارین كۆمبوونەكا بلەز دانین و بڕیارا بایكۆتا چالاكیێن وەرزێ‌ 2023-2024 بكەین هەتا داخوازییا مە بهێتە بجهئینان، ئەم دەنگێ‌ خوە دگەهینە سەرۆكێ‌ كۆمارا ئیراقێ‌، سەرۆك وەزیر و راوەشكارێن وی و وەزیرێ‌ وەرزش و لاوان ل حوكمەتا ئیراقێ‌ كو بڕیارا پشتەڤانیێ‌ بۆ یانە و فیدراسیۆنێن وەرزشی ل هەرێما كوردستانێ‌ بكەن.
دووماهی داخویانیێن كادرێ‌ راهێنانێ‌
پشتی تیما زاخۆ د دووماهی یارییا خوە دا تووشی خوسارەتیێ‌ بوویی بەرانبەر یانەیا كارەبا ب دو گۆلان بێ‌ بەرانبەر، هاریكارێ‌ راهێنەرێ‌ زاخۆ نەبیل عەبدولرەزاق دیار كر ئەگەرێ‌ خوسارەتیێ‌ كادرێ‌ راهێنانێ‌ و یاریزان بەرپرسیارن و گۆت: سەرباری تیما مە گەلەك یاریان دا باشتر بوویە و كۆنترلا تەپێ‌ هەبوویە لێ‌ پێنگاڤا دووماهیێ‌ یا تۆماركرنا گۆلێ‌ نەبوویە و دیسان خەلەتیێن كەسۆكی یێن یاریزانان ئەگەرێن هاتنا گۆلان ل سەر تیمێ‌ بوویە، لەوما د ماوەیێ‌ بهێنڤەدانێ‌ دا دێ‌ بزاڤێن چارەسەكرنا كێماسیان كەین، ئێدی نابیت ئەم ل سەر ڤێ‌ رەوشێ‌ بمینن، تیما زاخۆ خودان مەزنترین جەماوەری دڤێت بۆ یاریێن بهێت كەیفخوەش بكەین.
راهێنەرێ‌ نوو یێ‌ یانەیا دهۆكێ‌ ئەحمەد خەلەف ب پشتگەرمی ڤە گۆت: ب دەستكاربوونا من سۆپاس بۆ خودێ‌ د هەردو یاریێن دەستپێكی دا شیاین شەش خالان دەستڤە بینن و ئەڤە ژی ئارمانجا مە بوو، دەمێ‌ بهێت ئەم پێدڤی ب زێدەتر كاركرنێ‌ نە و ئێدی دڤێت ئەم ب سانەهی سەركەڤین نەك ب زەحمەت لەوما راوەستیانا خولێ‌ دێ‌ ب پلان بزاڤێ‌ كەین مفایی ژێ‌ وەربگرین.
هەلوەستێ‌ گشتی یێ‌ رێزبەندیا خولێ
یانەیا جەوییە ب 30 خالان سەرێ‌ لیستێ‌ دهێت، شورتە ب25 خالان، زەورا ب23 خالان رێزێن دویێ‌ و سێیێ‌ دهێن، نەورۆز ب19 خالان، نەفت میسان و دهۆك و حدوود ب18خالان رێزێن چارێ‌ هەتا حەفتێ‌ دهێن، تەلەبە ب17خال، كارەبا ب16 خال، هەر ئێك ژ نەفت، زاخۆ و مینا ب15خال رێزێن هەشتێ‌ هەتا 12ێ‌ دهێن، نەجەف ب13خال، ئەلقاسم و هەولێر 12 خال، كەرخ، نەفت ئەلبەسرا و ئەمانەت بەغدا هەرئێك ب11 خالان و كەربلا ب 10 خالان رێزێن هەشتێ‌ هەتا 19ێ‌ دهێت و یانەیا نەفت ئەلوەسەت پێنج خالان رێزا دووماهیێ‌ دهێت.
خودانێ‌ زووترین گۆل د خولێ‌ دا
پشتی ب دووماهی هاتنا گەڕا 12ێ‌ ئەیمەن حسێن هێرشبەرێ‌ یانەیا جەوییە ب تۆماركرنا 10 گۆلان سەرێ‌ لیستێ‌ دهێت، دیسان یاریزانێ‌ كورد و خەلكێ‌ ئاكرێ‌ و یانەیا حدوود ئیبراهیم غازی هەشت گۆل هەنە، ل سەر ئاستێ‌ یانەیێن كوردستانی، پیشەكارێ‌ نەورۆز ئیبراهیم تۆمیوا حەفت گۆل هەنە، هەڤالێ‌ وی محەمەد سامی چار هەنە، هێرشبەرێ‌ دهۆكێ‌ یانیك زاكێری، و یێ‌ زاخۆ گۆستاڤۆ هێنریك و یێ‌ هەولێرێ‌ شێركۆ كەریم هەر ئێك سێ‌ گۆل هەنە.

30

رەمەزان زەكەریا

دداخویانیەكێدا راهێنەرێ تیما تەپا پێی یا یانەیا ئاكرێ ئاشكراكر ئێكەمین پێنگاڤ د شەش یاریان دا ب سەركەفتیانە و ئەڤ سەركەفتنە تۆماركری یا پێكڤە گرێدایی بوو پلانا راهێنەری و پشتەڤانیا دەستەیا كارگێری و پشتەڤانیا جەماوەرێ‌ یانەیێ‌ رولەكێ باش هەیە هێزێ ددەن یاریزانان.
زێدەتر هەژار سابر بۆ رۆژنامەیا ئەڤرۆ گۆت:هەر یاریەكا یانەیا ئاكرێ‌ ئەنجاددەت من گۆتیە یاریزانان و تشتەك دلێ وان دا چاندیە كو مە سێ خالێن یاریێ‌ دڤێن وەسا هزر بكەن كو هەر یاریەكا ئەنجاددەین یاریا دووماهیێی یە .
ناڤبری گۆتژی: ئەركێ من یێ‌ گران دبیت ب ڤان سەركەفتنا ڤیان بۆ من دروست دبیت و بۆ هەموو یانێ ژی كو سەركەفتنێن مەزنتر تۆمار بكەین بۆ ڤێ چەندێ ژی كاروپلان زێدەتر دبن و ئەرك و ماندیبوون ژی پتر دبن، مە چەندین راهێنەرێن كورد یێن هەی كو خودان سەربوورن وئەزموون یا هەی ئەگەر گرنگی ب راهێنەرێن گەنج بهێتە دان مە زۆر گەنجێن هەی بەرهەمدار یێن هەی ل ناف كوردا.
ل دووماهیێ‌ راهێنەرێ‌ ئاكرێ‌ گۆت: هەتا نوكە چو یانەیەكێ ب فەرمی داخوازا من نەكریە چنكی هەموو دزانن ئەز یێ گرێدایمە ب گرێبەستا خۆ دگەل یانەیا یاكرێ یا وەرزشی.

146

د داخویانیەكێ‌ دا هێرشبەرێ‌ گەنج یێ‌ تیما تەپا پێی یا یانەیا دهۆك و هەلبژارتیێ‌ ئۆلمپیێ‌ ئیراقێ‌ دیار كر ئەوی پشكداری د كەمپێ‌ راهێنانێ‌ دا نە كرییە ئەوا ژلایێ‌ راهێنەرێ‌ ئیراقێ‌ رازی شنێشل ل باژێرێ‌ بەغدا دانایی پێخەمەت بەرهەڤیێن وان بۆ یاریێن دووماهییا ئاسیا ئەوا دێ‌ ل قەتەر هێتە كرن.
زێدەتر سیابەند عەگید بۆ رۆژنامەیا ئەڤرۆ گۆت: هەرچەندە ژلایێ‌ راهێنەرێ‌ ئۆلمپیێ‌ ئیراقێ‌ هاتبوومە داخوازكرن بۆ كەمپێ‌ راهێنانێ‌ ل بەسرا لێ‌ ژبەركو د یارییا حەفتییا بۆری یا تیما مە دگەل ئەمانەت بەغدا تووشی هنگاڤتنا رانی بوویمە و دێ‌ بۆ ماوەیێ‌ نێزیكی دو حەفتییان دووركەڤم لەوما نە چاربووم پشكداری كەمپێ‌ نەبم.
هەروەسان ناڤهاتی گۆت: پشتی چارەسەرییا خوە دكەم دوبارە دێ‌ ڤەگەڕیمە د ناڤ رێزێن ئۆلمپیێ‌ ئیراقێ‌ دا و لەزێ‌ د ڤەگەڕیانێ‌ دا ناكەم هەتا بزانم ب هەمی لایەكی ڤە یێ‌ بەرهەڤم و ب زانم دێ‌ باشترین شێوە و ئاستەكێ‌ بلند نیشان دەم.
بۆ زانین رازی شنێشل شەش یاریزانێن یانەیێن كوردستانی بۆ ناڤر ێزێن ئۆلمپیێ‌ ئیراقێ‌ داخوازكریینە ئەوژی، ئاكۆ خزیر، سیابەند عەگید و عەبدولرەحمان زەید ژ دهۆكێ‌، مونتەزر عەبدولئەمیر ژ زاخۆ، ئەحمەد مكنزی، زێدان عەبدولجەبار و هەلۆ فائیق ژ هەولێرێ‌، هەروەسان یاریزانێ‌ ڕەڤەندا كورد ل سوید و خەلكێ‌ باژێرێ‌ ئاكرێ‌ یوسف ئەلئیمام.

66

د دیدارەكێ‌ دا راهێنەرێ‌ تیما فوتسالا یانەیا ئافرەتێن دهۆكێ‌ دیار كر بۆ وەرزێ‌ نوو یا خولا كوردستانێ‌ ئەو گەشبینن دێ‌ پشكدارییەكا سەركەفتی و بزاڤێن دەستڤە ئینانا دەستكەفتەكی بۆ ناڤێ‌ پارێزگەهێ‌ كەن.
زێدەتر خەیری ئەحمەد گۆت: پێخوەشحالم بۆ وەرزێ‌ نوو یێ‌ خولا كوردستانێ‌ ئەركێ‌ راهێنەراتییا تیما باژێرێ‌ خوە وەربگرم ب كۆمەكا یاریزانێن كچێن باژێری و چەند یاریزانێن شارەزا و پلان و ئارمانجێن مە و كارگێریێ‌ ئێكن ئەوە كو بزاڤێ‌ بكەین بۆ دەستڤە ئینانا دەستكەفتەكێ‌ نوو ب ناڤێ‌ پارێزگەها دهۆكێ‌، پێنەڤێت ئەڤ ئارمانجە ژی ب سانەهی نابیت لێ‌ رژدین بۆ هەر یارییەكێ‌ ب هەمی شیانێن خوە كاربكەین هەتا بگەهینە هیڤیێن خوە و ئەڤە ژی پلانە ب هەڤكاری دگەل كارگێریێ‌ و پشتەڤانییا دارایی یا پارێزگارێ‌ دهۆكێ‌ هێـتە بجهـ ئینان.
ژلایەكێ‌ دووڤە ناڤهاتی گۆت: د دو یاریێن بۆری دا ژ كۆما مە شیایینە سەركەفتنێ‌ بینن ئەڤە ژی پالدەر بۆ یاریێن دووڤدا بەردەوامیێ‌ بدەینە ئانجامێن باش، هندەك یانە ژی هەنە د خولێ‌ دا خودان ئاست و شیان و هیڤیێن وان ژی وەكو یێن مە نە لەوما دێ‌ هەڤڕكییەكا باش هەبیت و گەشبینن ئەو هیڤیێن مە هەین ب گەهینی و ناڤێ‌ پارێزگەها دهۆكێ‌ بلند بكەین.

43

ئامادەكرن: باڤێ نازێ

داخویانی:
من ژ هەر باخچەكێ گولەك ژ خوە رە دزی.
وە ژی ماف هەیە, ژ شوونا گولەكێ, چەند گولان ژ بۆ خوە ببن.
باڤێ نازێ.
ژ گۆتنێن رێیا دەربرینێ
– ئاگر, ب چاڤان دكەت. (ب هەموو هێزا خوە دچوو خوەستەكا خوە).
– ئاگر, د ناڤا من دە یە. (دلێ من ل سەر وە دئێشە).
– ئاگر, د ناڤا وی دە یە. (دلێ وی دئێشە).
– ئاگر ژێ دبارە. (پر ب هەلچوونە).
– ئاگر, ژ بۆ زڤستانێ گولە, لێ ژ بۆ هاڤینێ, مرنە. (ل گۆرا دەمێ, مفا ژ تشتان).
– ئاگر, ژ دەڤ دبارە. (پر زڤێر بوویە).
– ئاگر, ژ دەڤێ وی دباریا. (ب توند دچە سەر یەكی).
– ئالگوشكێن وی شكەستینە. (كێم ئاخاڤتنە, یان ژی كێم خوارنە).
– ئالف ژ بۆ دەوارا یە. (مالا خوە نەكە ئالف).
– ئاقلێ وی, ژ كیسێ خەلكێ یە. (ئەو نە ب هشێ خوە یە).
– ئاقلێ خوە ژ سەرێ خوە ناڤێژە. (خوە وندا نەكە).
– ئاقل, ژ خوە رە گرتیە. (نەما وەكو بەرێ, ب هێزر ژیانا خوە دكە).
– ئاسیمان بكەلین. (تشتەكی مەكە. تەمبەلیا خوە بكە).
– ئاسیمان چاوا بێسایبوونێ نابە, وەها ژی بێ ئەوران. (هەر یەك ب خسلەتێن خوە).
– ئاسیمانێ وە نە سایی یە. (ل پشت كەوالیسا تشتەك هەیە).
– ئاشێ نەزانا ب خوە دگەرە. (مرۆڤێ نەزان, نە ب ڤیانا خوە, كارێ خوە دكە).
– ئاڤا ب گیان. (خوەدی هێز و هنەر).
– ئاڤێ گراڤ دكە. (ب مەبەست دچە خاپاندنێ).
– ئاڤێ گراڤ مەكە. (راستیێ نەنخومینە. یاریێ ب قەدەرێ نەكە. یان ژی ئاڤێ شلۆ نەكە).
– ئاڤێ نەكە پەلوول. (راستیێ ڤەنەشێرە).
– ئاخاڤتنا وی ب قلۆچ و پۆش بوو. (ئاخاڤتنا رەق و دەستهلاتداری بوو).
– بابیسۆك لێ رابوویە. (نەما مایە ب دەستێ خوە, یان ژی مال لێ خەرا بوویە).
– باهۆز لێ رابوویە. (كەتیە بەر خەزەبێ).
– با لێ رابوویە.
– باران نابە تۆز. (شەڤ نابە رۆژ. هەر دیاردەیەك د سروشتی دە وەك خوە دمینە).
– بارێ ئاسیمانی گران بوویە. (ئەور گرتیە سەر).
– بارێ ل سەر ملێ تە, نەڤێژە سەر ملێ كەسەكی دن. (ب خوە كارێ خوە بكە و تەمبەلیێ نەكە).
– بارێ خوە دانی. (ب دلێما خوە رابوو. كارێ خوە برە سەری).
– باسكێن وی كەتنە بەر. (نەما یێ فرەیە. یان ژی بێ باوەری بوویە).
– بەنیشت, د دەڤێ خوە دە, پووچ مەكە. (گۆتنا خوە بێواتە نەكە).
– بەر ب نەوالێ ڤە دچە. (رۆژ ب رۆژ ژ مەقامێ خوە دادكەڤە).
– بەرێ دارێ, خەملا وێ یە. (مرۆڤێ خوەدی بەرهەم, هێژایی خوە یە).
– بەس بچرین. (بەس دەرەوا بكە).
– بەتا-وەتا بوو. (بێ شۆپ وندا بوو. ب تەمامی, ژ بەر چاڤان چوو).
– بێ جی و وار بوویە. (تشتەكی وی د ناڤ تشتان دە نەمایە).
– بێ هەڤێرترش هەڤیر نابە هەڤیر. (بێ بزر شینكایی شین نابە).
– بێهنا خوە بەردە. (چاوا خەبات ژ بۆ ژیانێ, وەها ژی بێهنڤەدان).
– بێهنفرەهی, هەسانیا گیانە. (بێهەلچوونی رەهەتیا جانە).
– بێهن لێ چكاندن. (پر تەنگاڤ كرن).
– بێ لڤینە. (مینا كو ئەو مریە).
– بێریكا خوە زوو داگرت. (د دەمەكە كورت دە, بوو خوەدی مال).
– بێریك تژە یە. (پر دەولمەندە).
– بێ شیرێ دایكێ مایە. (لەواز بوویە).
– بێڤلا خوە دخە هەر دەڤەرێ. (ب گۆتنێن ڤالا خوە دخە ناڤ گۆتنێ).
– ب ئالاستنێ, زك تێر نابە. (ل گۆرا تشتان, كرن. یان ژی, ئەو تشتێ تێتە خوەستن بكە).
– ببێژە, لێ نەپێژە. (ئاخاڤتنا خوە ب توندی نەكە).
– ب بلاندایی بفرە. (خوە نزم مەكە).
– ب دەردەكی, دەردەك وندا دبە. (ئێش, ب ئێشێ دەرمان دبە).
– ب دەرەوا نان نایێ خوارن. (بێ كەد ژیان نابە).
– ب دەست و لنگێن خوە هاتیە گرێدان. (ئازادیا خوە ب هەر ئاوایی وندا كریە).
– ب دوژمن رە, زارێ خوەش, لێ ب پشتهشكی. (ب دوژمن رە, ئاخاڤتنا ب یاری و بێیی ژ یا خوە داكەتن).
– بجوو-بجوو و بخە دەڤ. (مقایەتیێ ل زارۆكی بكە).
– ب چاڤەكیل تشتان دنێرە. (مرۆڤەكی یەكالی یە).
– ب چاڤێن خستنێ ل بەر خوە دنێرە و دئاخڤە. (ئەڤ ژی نیشانا ترس و دەرەوێ یە).
– ب چ ئاڤێت تە, ب وێ ژی لێ ڤەگەرینە. (یەك ب یەكێ و خوە ژێ نەهێلە).
– ب چوار چاڤان دنێرە. (تشتەكی ژ بەر چاڤان بەرنادە).
– ب گوهەكی گوهداریێ دكە. (كەسی نابهیسە).
– ب گوهێ وی بگرە. (بلا راستیێ ببێژە. یان ژی دانپێدانێ ب تشتێ كو كریە بكە).
– بهارێ – پەز,
هاڤینێ – رەز,
زڤستانی – ئەز. (كرن, ل گۆرا دەمێ).
– ب هێسرێن خوە چكوسە. (كێم دگری, یان ژی بێگری یە).
– ب كەن دپەقە. (كەنێ ب هیق-هیق و هێسر).
– بكەڤە یارێ خوە. (وەك خوە بمینە).
– ب كێری خوە نایێ. (هەتا نكارە خوە خوەدی بكە).
– ب كراس ژ دایكێ بوویە. (بەختیارە).
– ب كو دە دچە, شۆپا خوە پاقژ دكە. (ئەو تشتێ كو ژ بۆ خوە دكە, ڤەدشێرە, ژ كەسی رە نابێژە).
– ب كو دە دچە, نكارە بچە. (ل هەر دەڤەرێ دەرگەه ل بەر تێنە گرتن. یان ژی, هەر دەم ئاستەنگی دكەڤن بەر كارێ وی).
– بلا بێهنا تە نەكە. (وی نێزی خوە نەكە).
– بلا دلێ مرۆڤی نەشەوتە. (بلا ئەو ل سەر لنگێن خوە بە و هەر دەم د لڤینێ دە بە).
– بلا پێشین ل خوە ڤەگەرە. (بلا هشێ وی بێ سەرێ وی).
– بلا زارۆكێن تە, د بن باسكێن تە دە بن. (ب خوە ب پەروەردە و خوەدیكرنا زارۆكێن خوە رابە).
– ب لەپكێ مریشكێ هاتیە نڤیساندن. (نڤیسا كو نایێ خوەندن).
– ب لەز چوونا پرسێ. (ئەگەرێ نەتێگەهشتنێ یە).
– ب لەزێ مرۆڤ, ب دەرەنگی دكەڤە. (چووین, گەرەك ب دەمێ بە, نە كو ب لەزێ بە).
– ب مقەریسی ژ یا خوە داناكەڤە. (ب سەر هشكی, ل سەر نەرینا خوە دمینە).
– ب پرسێ تو یێ بچی خورسێ. (ب وەرگرتنا زانینێ هەموو رێ ل بەر تە ڤەدبن).
– ب قەب-قەبە. (ژ خوە ئەولەیە. هەر تم دەنگ دبە خوە).
– ب قلۆچێ قایی بگرە, نە ب تەریا وی. (كرنێن درووست بكە).
– ب قوجێ گایی بگرە, نە كو ب تەریا وی. (كرنێن دروست و یێن د جیێ خوە دە بكە, نە كو یێن شاش).
– برا, ژ هەڤ جهێ دبن, لێ هەڤال نا. (دۆستانی, هەتا ژ برایەتیێ شێرینترە).
– براتیا راست, كولیلكا ژیانێ یە. (دۆستانی و هەڤالتیا ژ دل خەملا هەبوونا مرۆڤی یە).
– ب رۆژ بلبلە, ب شەڤ بشكولە. (ل بەر چاڤان تشتەكە, لێ پشت چاڤان تشتەكی دنە).
– برچیبوون, نە برایێ هەر كەسی یە. (نە هەر كەس هەژارە).
– برووسك ژێ دچن. (پر گەرمە).
– ب سەر نەوالێ ڤە هات. (رێیا نە خێرێ كەتە بەر).
– ب توركێ ڤالا كەس دوور ناچە. (دەستڤالا یەك نكارە خوە بگەهینە جیێ دخوازە).
– ب خوە بكاربە. (خوە فلتی مەكە. خوە ژ دەستێ خوە بەرنەدە).
– ب خوەدێ, مێشێ ژی نائێشینە. (پر دلپاكە).
– ب خوەدێ, وی باروود بێهن نەكریە. (ئەو نەكەتیە ناڤ شەر. یان ژی دژواری د ژیانا خوە دە نەدیرتیە).
– ب خوە كەتیە خەفكا خوە. (فناسێن وی ل سەرێ وی پەقیان).
– ب خوەیدانێ, نە ب باویشكێ. (ب كەدێ بژی, نە ب روونشتنێ).
– ب یا سەرێ خوە بكە. (ب ئاقلی كارێ خوە بكە).
– بزنا كولەك, شڤانێ بەزەك, ئێڤاری ل گوهەرێ ب هەڤ رە نە. (خەلك, هەر چەندێ ژ هەڤ دور بن, لێ هەر ئەوێ بگەهێن هەڤ. یان ژی, هەگەر ئەم یێن هەڤن, دوربوونا ژ هەڤ, ژ بۆ چ یە?).
– بیستكەكێ ژی وندا ناكە. (تشتەكێ ژ بەر دەستێ خوە بەرنادە).
– بۆیاخێ تیر بكە. (نە وەكو هەیە, خویا بكە).
– برۆڤێن خوە مەخە گۆڤەندێ. (تشتێن كو نابە – نەكە).

22

ديدار، سالار محةمةد دؤسكى:

1-2

پێشمەرگێ‌ هەر دو شۆرەشێن ئیلون و گولانێ‌ (جەعفەر سلێمان عەلی) یێ‌ بەرنیاس ب (جەعفەر چێی) د دیدارەكا رۆژنامەڤانی دا بەحسێ‌ ژیانا خوە یا پێشمەرگاتیێ‌ دكەت ل هەر دو شورەشان و گۆت:ل سالا 1945 ژ دایك بوویمە و دو سالان چوویمە خواندنێ‌ و پشتی شورەش دەست پێكری، ئێدی مامۆستا نەهاتنە گوندی و دووماهی یا سالا 1961ێ‌ چووم بوومە پێشمەرگە و بابێ‌ من دینارەك كرە بەریكا من دا و دو سال و شەش هەیڤان ئەو دینار ما دبەریكا من دا وی دەمی ئێكانەبووم و دایكا من وەغەركربوو و دەمێ‌ نڤستم من دەستێ‌ خوە دانا سەر پارێ‌ خوە و دو سال و شەش هەیڤان من مال نەدیت، دەمێ‌ پێشمەرگاتیێ‌ چوومە ناف بەرواری و مزیری و زێباری ل گەل رەحمەتی (مەلا مستەفا بارزانی) وی دەمی سەرقولێ‌ مە (سەلیم چەی) بوو، وی دەمی هندێ‌ بچووك بووم هەر من نەدزانی شورەشە هەتا چووینە نەهلێ‌ من مامەك هەبوو بناڤێ‌ ئوسمان و من پرسیار ژێ‌ كر ئەڤە چەم چ دكەین گۆت ئەم یێ‌ داخازا كەركووكێ‌ دكەین یا كوردانە و دێ‌ بینە دەولەت من گۆتێ‌ كەنگی یە گۆت چ نەمایە.
پێشمەرگێ‌ شورەشا ئیلونێ‌ جەعفەر سلێمان چێی بۆ رۆژناما ئەڤرۆ گۆت: دەمێ‌ ئەم ناف زێباری یا بابێ‌ من وی دەمی هاتە بارزان و هاتە دەف خودێ‌ ژێ‌ رازی (شێخ ئەحمەد بارزانی) گۆتێ‌ تنێ‌ من كورەك هەیە، و ئەڤە گەهشتیە پێشمەرگەی من چ پێزانین ل سەر نین و ئەگەر بزڤریتە ڤە ئەز گەلەك حەژێ‌ دكەم چونكە ئەزێ‌ دانعەمربوویم و ئێدی نەشێم شول بكەم وی دەمی ل (نەهلێ‌) بووم و (شێخ ئەحمەد) كەسەك هنارتە دووف من را و هاتمە (تەكیایێ‌) رونشتمە خوارێ‌ و من بابێ‌ خوە شنی دیت و (شێخ ئەحمەد) هاتە دیوانێ‌ و چەند پرسیار ژ من كرن و خواست ل گەل بابێ‌ خوە بچمە مال و من گۆتێ‌ قوربان ناچمە مال، (شێخ ئەحمەد) فەرمان ل (شێخ ئوسمان) كر كو كاغەزەكێ‌ بوو بابێ‌ من بنفیسن و بچیە عومبارێ‌ و دو بارێن گەنمی بۆ بابێ‌ من بهێتە رەوانەكرن بۆ مال و بهێنە هنارتن بۆ گوندێ‌ وی وی دەمی من خواترا خواست و چوومە ناف پێشمەرگەی ڤە و دەربازبووم و هاتمە دەڤەرا سوران و هاتینە گلالە و شێخان و مە شەر كر و مە دو شەهید دان و مە دەردورێن گلالێ‌ گرتن و مە گۆتێ‌ یان خوە رادەست بكەن یان دێ‌ وە هەمیان كوژین و ئەوان ژی گۆتن دو شەڤ و رۆژا دەلیڤێ‌ بدەنە مە وێ‌ شەڤێ‌ هەمی چوونە گوندێ‌ رایەتێ‌ وی دەمی بنگەهەكێ‌ پولیسان وێرێ‌ بوو و مە دەردورێن وی بنگەهی گرتن و 42 رۆژا ئەم ماینە وێرێ‌ و ئابلوقە مە هاڤێتە سەر و نەهاتن و نەچوون نەبوون گومركەكا تیتنێ‌ تەنشت قشلێ‌ بوو و مە عەرد كونكر و هەتا نێزیكی بنگەهێ‌ پولیسان بووین و مە گۆتێ‌ یان خوە رادەست بكەن یان دێ‌ هاڤێینە هەوە و خوە رادەست ژ پولیسێن (گلالە، حاجی ئومران، رایەتێ‌) بوون و چەكێ‌ خوە رادەست كرنو هەر هەمی تشت لێ‌ نەمابوو و هەتا دەوارێن خوە ڤەكوشت بوون و خواربوون ودەمێ‌ ئابلوقە ل سەر حوكمەتێ‌ ب فرۆكێ‌ پەراشوت بۆ دهاڤێتنە خوارێ‌ و بتنێ‌ ئێك پەراشوت گەهشتێ‌ و ئەوێن دی هەمی كەتنە دەردورێن بنگەهێ‌ پولیسان و هەر هەمی مە دەستێ‌ خوە دانانە سەر وی دەمی گەلەك تشت گەهشتنە مە وی دەمی هەرو شەر بوو وی دەمی پێشمەرگە گەلەك بهێزب بوو و هەتا سالا 1963ێ‌ ماینە وێرێ‌، وی دەمی قولێ‌ مە ببوونە دو سەرقول قولەك ل گەل (سەلیم چەی) ل گەل خودێ‌ ژێ‌ رازی (مەلا مستەفا بارزانی) چوونە لایێ‌ كویێ‌ و قولەك ل گەل (مراد ئاغا) چووینە گەلیێ‌ عەلی بەك وی دەمی نێزیكی (30) پێشمەرگابووین و دەردورێن گەلی مە گرتن و 74 لەشكرێ‌ ئیراقێ‌ مە دەستەسەركرن وی دەمی سەركردێ‌ شەری (موقدم عزیز ئاكرەیی) بوو و دەست خوەشی ل مەكر و ئەو گرتی ژی هەمی كرنە شكەفتەكێ‌ ڤە ل نێزیك رەواند و دووف دا (مەلا مستەفا بارزانی) فەرماندا هەمی گرتی بهێنە ئازادكرن و هەمی هاتنە ئازادكرن و بتنێ‌ هاتنە چەكرن و ئێدی جەبهە هاتنە دروستكرن و ل سالا 1967ێ‌ بوو فەرمانا ڤەگوهاستنا من دەرچوو بۆ بارەگایێ‌ بارزانی و نێزیكی (10) كەسا بووین و ماینە ل گەل بارزانی هەتا دووماهی یا شورەشێ‌ ل سالا 1975ێ‌ و مالێن مە هاتینە ڤەگوهاستن بۆ ئیرانێ‌.
ناڤبری گۆت: وی دەمی سەرقولێ‌ مە (عەتەم چێەی) بوو و ب سەركردایەتیا (عومەر ئاغا) مە شەرەكێ‌ مەزن ل گەل حوكمەتێ‌ كر ل دەڤەرا (رانیە) كر و خودێ‌ ژێ‌ رازی (مەلا مستەفا بارزانی) سەرقولێن مە گازیكرن و گۆتێ‌ حوكمەتێ‌ هێزەكا مەزن نێزیكی مەكریە و بۆچوونا هەوە چیە؟، سەرقولێن مە گۆتن دێ‌ هێرش كەین و لەشكەرەك هاتە دروستكرن ژ هێزێن پتریا سەرقولان و ئە ژی ئێك ژوان بووم هاتیمە ژێگرتن بۆ هێرشێ‌ بۆ سەر وی لەشكەری، وی دەمی ئەوا خوە بەرهەف دكر هێرش بكەنە سەر مە و سەركردێ‌ پێشمەرگەی (عەمەر ئاغا ) بوو وی دەمی ئەم نێزیكی (70) پێشمەرگەی بووین و جەنابێ‌ وی گۆت ئەوا هە رەبیەكا گەلەك بزحمەتە و كی دێ‌ چیە وێ‌ رەبیێ‌ من گۆتێ‌ ئەز دێ‌ چمێ‌ و من دو نارنجوك ل گەل خوە برن و من خواست دو مرۆڤ ل گەل من بن و من گۆتێ‌ دەمێ‌ شەهید بم دا جەنازێ‌ من راكەن ل گەل خوە بینن، سەركردێ‌ لەشكەری گۆت تە كی دڤێت دێ‌ ل گەل تەهێت من (ئەحمەد بالەیی و جەعفەر) ل گەل خوە برن و من خوە نێزیك كر و هەتا نێزیكی زێرەڤانێ‌ رەبیێ‌ بوویم و تاڤە هەیڤ بوو وەك رۆژێ‌ بوو و من گۆتە ئەوێن ل گەل خوە دەمێ‌ من نارنجوك هاڤێتن هوون زێرەڤانی ب كوژن و ئەوان فەرمانا من بجهئینا و من نارنجوك هاڤێتن و باوەركە خوە كەسەك ژ رەبیێ‌ قورتال نەبوو و ئێكسەر چوومە رەبیێ‌ و كەسەك مابوو خوە ل مەدا و هەڤالێن ل گەل من تڤنگەك لێدا ژ من ڤەبوو، ئەو هێزا لەشكەری یا حوكمەتێ‌ هەمی هاتنە ژنافبرن و حوكمەتێ‌ ب رێكا خەلكی ژ مەلا مستەفا بارزانی خواست بهێنە جەنازێن خوە و هاتنە جەنازێن خوە و پشتی ڤەگەریاین و خودێ‌ ژێ‌ رازی (مەلا مستەفا بارزانی) ل سەر هێرشا مە ئاگەهدار بووین، جەنابێ‌ وی دەمانجەكا چاردە خوەر ل گەل (30) دیناران و ئەو پارە بەرامبەر (30) دەفتەرێن دولاری یێ‌ نوكە بوو وەك دیاری دامن وی دەمی ئامر هێزا ئەو دەمانجە نەبوو و گەلەك كەیفا من هات.
ناڤبری گۆت: دەمێ‌ ل بارەگایێ‌ بارزانی مووچێ‌ من (40) دینار بوو، (30) دینار مەكتەبا سیاسی دان و (10) دینار بارەگایێ‌ بارزانی دانە من.

نيشاندان1...1,0004644654661,460...1,502زێده‌تر لاپه‌ر 465 ژ 1,502
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : [email protected]
website security
© Copyright 2021 - Rojnameya Evro - Powered by Kurdo Plus
816 queries in 1.044 seconds.
WP Facebook Auto Publish Powered By : XYZScripts.com