ل گه‌ل ڤان شیره‌تێن ساده‌، دێ شێی كێبله‌كێ USB یێ گه‌له‌ك باش بۆ چارچكرنا مۆبایلا خوه‌ ب ده‌ست ئێخی یێ ب له‌ز و پاراستی، دێ خوه‌ ژ ئاریشێن كارنه‌كرنا ژ نشكه‌كێ ڤه‌ پاریزی. گه‌له‌ك یا گرنگه‌ كێبلێن ساده‌ و یێن بارزگانی یێن ئه‌رزان نه‌كری چونكو كوالێتیا وان گه‌له‌ك یا خرابه‌.
پتریا جاران ل ده‌مێ كرینا مۆبایله‌كا نوو، كێبلێ چارچكرنێ یێ ل گه‌ل قالكا وێ هه‌یی، به‌لێ ل ده‌مێ هه‌كه‌ مۆبایله‌كا ده‌ستێ دویێ بكری، یان ژی پێدڤی ب كێبله‌كێ زێده‌ ببی یان یێ وێ یێ ئورجینال ژی ناڤ بچیت ژ به‌ر هه‌ر ئه‌گه‌ره‌كی یان ژی به‌رزه‌ ببیت، بابه‌ت ئالۆز دبیت.
هه‌كه‌ ته‌ كێبله‌كێ خه‌له‌ت بكارئینا، دبیت تووشی هنده‌ك ئاریشێن نه‌خۆش ببی. دبیت مۆبایلا ته‌ ب له‌زا جاران چارچ نه‌كه‌ت، یان دبیت ڤه‌گوهاستنا داتایان یا بێ سه‌روبه‌ر بیت، یان ژی دبیت هه‌تا ئه‌و كێبلێ ته‌كری ل سه‌ر سه‌ركێ چارچكرنا ب له‌ز نه‌گۆنجیت.
د سه‌ر ڤێ چه‌ندێ را، بكارئینانا كێبلێن نه‌یێ باوه‌رپێكری یان یێن بارزگانی یێ دبێ كوالێتی و ئه‌رزان پلا گه‌رمیا مۆبایلا ته‌ گه‌له‌ك گه‌رم كه‌ت ل ده‌مێ چارچكرنێ، ئه‌ڤه‌ ژی دبیت پاتریێ ژ ناڤ ببه‌ت ب درێژاهیا ده‌می. یان ژی ب دروستی كار نه‌كه‌ت و بۆ ده‌مه‌كێ گه‌له‌ك كێم نه‌مینیت.
دا خوه‌ ژ ڤان هه‌موو ئاریشان بده‌یه‌ پاش، ل ڤێره‌ فێله‌ك یا هه‌یی ل ده‌مێ كرینا باشترین كێبلێ چارچكرنێ بۆ مۆبایلێن زیره‌ك، د سه‌ر وێ چه‌ندێ را كو چ براند بیت یان كێ دروست كربیت. دو رێیێن سه‌ره‌كی بۆ ڤێ مه‌ره‌مێ یێن هه‌ین: زانینا تایبه‌تمه‌ندیێن مۆبایلێ و بكارئینانا كێبلێن باوه‌رپێكری.
– نهێنیا هه‌لبژارتنا باشترین كێبل بۆ مۆبایلێ
به‌ری كرینا كێبلی، یێ پشت راست به‌، ژ بۆ جورێ تو بۆ مۆبایلا خوه‌ بكاردئینی و تایبه‌تمه‌ندیێن وی یێن هۆنه‌ری چنه‌. هه‌كه‌ هه‌تا راده‌كی مۆبایلا ته‌ یا نوو بیت، دڤێت ئه‌و كێبلێ تو دكری USB-C، بیت.
هنده‌ك ژ وان به‌س تشتێ سه‌ره‌كی یێ تێدا وه‌كو USB 2.0، ئه‌وێ چارچ كرنێ و ڤه‌گوهاستنا داتایان ب ره‌نگه‌كێ نه‌یێ ب له‌ز دگه‌هینیت. د سه‌ر ڤێ چه‌ندێ را، هه‌كه‌ مۆبایلا ته‌ رێ ب چارچكرنا ب له‌ز بده‌ت، دێ پێدڤی ب كێبله‌كی بیت ل گه‌ل تایبه‌تمه‌ندیێن USB PD یان چارچا ب له‌ز.
ژ لایه‌كێ دی ڤه‌، بابه‌تێ باوه‌ریێ و هه‌لبژارتنا كێبله‌كێ باوه‌رپێكری یه‌، وه‌كو ئه‌وێن مۆرا USB-IF هه‌ین كو كۆمپانیێن به‌رهه‌مئینانا مۆبایلان شیره‌تا كرینا وی جورێ كێبلا ل بكارئینه‌رێن مۆبایلان دكه‌ن. ئه‌ڤه‌ رێیه‌كا گه‌له‌ك باشه‌ بۆ كرینا كێبلی. ئه‌و كه‌رستێ پترترین پیڤه‌رێن پێدڤی تێدا هه‌ین.
ئه‌ڤه‌ نه‌ ب تنێ وه‌سان هاتینه‌ دروستكرن كو ل گه‌ل مۆبایلا ته‌ بگۆنجن، به‌لێ وه‌سان یێن هاتینه‌ دروستكرن كو مۆبایلا ته‌ ژ گه‌له‌ك ئاریشێن كاره‌بایی ژی ب پارێزن، وه‌كو زڤرینێن كورت یان گه‌له‌ك چارچكرنا مۆبایلێ ب ره‌نگه‌كێ زێده‌ یان زێده‌تر ژ قه‌بارێ وێ یێ سرۆشتی. ل ڤێره‌ رێیه‌كا دژی یا هه‌یی كو بزانی ئه‌ڤ كێبلێ تو بكاردئینی ب كوالێتی و براند یێ باشه‌ یان نه‌. ئه‌ڤه‌ ژی ب ره‌نگه‌كێ ئێكسه‌ر ل سه‌ر پاكیتا كێبلی یا هه‌یی.
ژبیر نه‌كه‌ ئه‌و كێبلێن ل گه‌ل ئامیران دهێن هه‌رده‌م باشترن ژ یێن دی. ئانكو هه‌كه‌ هه‌تا نها ته‌ كێبله‌كێ ئورجینال هه‌بیت، هه‌ڤبه‌ركه‌ ل گه‌ل ئه‌وێ دێ ژ نوو كری. سه‌حكه‌ وان هه‌موو تایبه‌تمه‌ندی و دیزانین و ده‌رێ كێبلی هنده‌ پتر نێزیكی ئێك بن باشتره‌.
هه‌ژی ئاماژه‌ پێكرنێ یه‌ كو تو دشێی پێزانینێن ل سه‌ر ئامیرێ خوه‌ یێ مۆبایلێ ژی ده‌ربێخی و زێده‌تر ئه‌و دیار دكه‌ت كا مۆبایل پێدڤی ب چ جۆرێ كێبلێ چارچكرنێ یه‌ و چو مۆدێل یا باشه‌ بكارئینی. وه‌كو مه‌ پێشتر ژی ئاماژه‌ پێ دایی گه‌له‌ك یا گرنگه‌ هزر د هه‌موو تایبه‌تمه‌ندی و ساخله‌تان دا بكه‌یی بێ كو گرنگیێ ب ناڤێ برانده‌كێ یان جۆره‌كی بده‌یی، چونكو لاسایكرنا ڤان جۆره‌ كێبلا ئێدی بابه‌ته‌كێ رۆژانه‌یه‌. ئه‌ڤه‌ كاره‌كێ گه‌له‌ك باش و گرنگه‌ خوه‌ ژ خه‌له‌تیان ب پارێزی ل ده‌مێ كرینا كێبله‌كی بۆ مۆبایلا خوه‌ یا زیره‌ك.
تشته‌كێ دژی یێ گه‌له‌ك گرنگ و بێژین زێده‌تر ژی ژ كێبلی ئه‌وه‌، سه‌ره‌پلاكێ چارچكرنێ كو دڤێت یێ باوه‌ر پێگری بیت، گوهداریا ناڤی و سه‌نگی نه‌كه‌یی، چونكو ل بازاری هاتینه‌ دیتن ب سه‌نگن و یێن لاسایی بووینه‌ و به‌ر یان ژی ئاسنێ زێده‌ كریه‌ تێدا دا سه‌نگێ وێ زێده‌ ببیت، ئه‌ڤجا ژ به‌ر هندێ دڤێت گه‌له‌ك ب هشیاری سه‌ره‌ده‌ریێ ل گه‌ل ڤان كه‌رستێن مۆبایلاین بكه‌ین، ژ به‌ر كو ئه‌م دزانین كا ژێده‌ری مۆبایلا یێ دروست كیڤه‌یه‌، به‌لێ ژێده‌ری كه‌لوپه‌لێن مۆبایلا پتریا جاران نه‌یێ دیاره‌ یان چینی نه‌، تشتێ چینی ژی ژ هه‌موو جوران یێن هه‌ین بگره‌ ژ یێن گه‌له‌ك خراب و هه‌تا یێ ب كوالێتیه‌كا باش، ئه‌ڤجا ب شاره‌زایی سه‌ره‌ده‌ریێ ل گه‌ل كرینا ڤان كه‌رستێن مۆبایلا بكه‌، چونكو ئێكسه‌ر په‌یوه‌ندی یا ب ژیێ مۆبایلێ ڤه‌ هه‌یی.

بكارئینانا كه‌ڤه‌رێ شاشا مۆبایلێن زیره‌ك دهێته‌ هژمارتن ئێك ژ كردارێن گه‌له‌ك كارا بۆ پاراستنا سكرینا مۆبایلێ ژ كه‌ستنێ و خیچان و ل گه‌ل ڤێ چه‌ندێ د هنده‌ك حاله‌تان دا، دبیت كارتێكرنێ ل سه‌ر سكرینێ و ده‌ستدانا وێ دكه‌ت، دبیت ژی وه‌رگرتنا فه‌رمانا ب كه‌ڤه‌ر ڤه‌ گه‌له‌ك یا كارا و ئه‌كتیڤ نه‌بیت. د سه‌ر ڤێ چه‌ندێ را، دبیت ئاریشان ژی د كارێ خواندنا به‌سمێ دا بكه‌ت هه‌كه‌ ل گه‌ل كیبوردی پێكڤه‌ گرێده‌ن.
ئه‌ڤه‌ بۆ ئامیرێن سامسۆنگ – ل گه‌ل هنده‌ك جورێن دی یێن نیشانێن بازرگانی- رێیه‌ك یا هه‌یی كو وه‌رگرتنا فه‌رمانی ب ده‌ستی ب له‌زتر لێ دكه‌ت ل ده‌مێ گرێدانا كه‌ڤه‌رێ سكرینێ، گه‌له‌ك ژی خه‌لكی ژی نوزانن ئه‌ڤ خزمه‌ته‌ یا هه‌یی.
ئه‌ڤ ساخله‌ته‌ زێده‌تر یێ د مۆبایلێن سامسۆنگ دا هه‌ین، دانه‌یێن نوو، ب رێیا وێ هه‌ستیاریا سكرینێ ب له‌زتر لێ دهێت ب تایبه‌ت ل ده‌مێ كه‌ڤه‌ره‌كی ددانیه‌ سه‌ر سكرینا مۆبایلێ.
بۆ كاراكرنێ، ب تنێ ل سه‌ر ته‌ پێدڤیه‌ ڤان خالێن ل خوارێ ئه‌نجام بده‌یی:
هه‌ره‌ سێتینگ ل سه‌ر مۆبایلا ته‌ یا تایبه‌ت.
هه‌ره‌ پشكا نیشادانێ.
هه‌كه‌ چوویه‌ وێرێ، ل بژارده‌یا (هه‌ستیاریا ده‌ستكرنێ) و كلیلێن ل لایێ راستی كلیك كه‌.
ل ده‌مێ ب دووماهی هاتی، دڤێت تو به‌رچاڤ وه‌رگری و ببینی دێ دروسته‌ هیته‌ سه‌ر سكرینا مۆبایلێ ئه‌وا ب له‌مسێ كار دكه‌ت ب تایبه‌ت هه‌كه‌ ته‌ ئاریشێن ده‌سته‌ڤه‌دانێ هه‌بن ل پشتی دانانا كه‌ڤه‌رێ شاشێ.