عەلی حاجی:

چاڤەڕێ‌ دهێتە كرن ئەڤرۆ ب ئەنجامدانا چار یارییان هەڤڕكیێن گەڕا 14ێ‌ یا خولا ستێرێن ئیراقێ‌ یا فوتبۆلێ‌ ل یاریگەهێن جودا بهێنە ئەنجامدان، یانەیێن زاخۆ و هەولێر دێ‌ بەرانبەر نوونەرێن پایتەختێ‌ ئیراقێ‌ بەغدا بن.
تەلال ئەلبلۆشی گەشبینە تیما وی بەردەوامیێ‌ بدەتە ئەنجامێن سەركەفتی
جەماوەرێ‌ وەرزشی یێ‌ یانەیا زاخۆ ئەڤرۆ ل دەمژمێر پێنجێ‌ ئێڤاری ب ژڤانن بۆ پشتەڤانی و دیتنا یارییا تیما وان ل یاریگەها زاخۆ یا نێڤدەولەتی بەرانبەر تیما یانەیا كارەبا یا بەغدایی د یارییەكا گرنگ دا بۆ كوڕێن خابووری ئەوێن دێ‌ بزاڤێ‌ كەت ب سەركەفتن بەردەوامیێ‌ ب دەنە رێزبەندییا خوە یا پێشیێ‌ و نەهێلێن یانەیێن د ڕێزبەندیێن كێمتر دا جهێ‌ وێ‌ ژێ‌ وەربگریت، زاخۆ ل رێزا سێیێ‌ دهێت ژ حەفت سەركەفتن، چار وەكهەڤی و بتنێ‌ دو خوسارەتی هەنە، دبەرانبەر دا یانەیا كارەبا 15 خال هەنە ل ڕێزا 13ێ‌ دهێت، ڕاهێنەرێ‌ تیما زاخۆ یێ‌ قەتەری تەلال ئەلبلۆشی گەشبینە ل سەر تۆماركرنا ئەنجامێن سەركەفتی و مانا خوە د ڕێزبەندیێن پێشیێ‌ دا.
چەكێ‌ زاخۆ جەماوەرێ‌ وێ‌ یە
دهێتە زانین ئێك ژ مەزنترین پشتەڤان ل سەر ئاستێ‌ ئیراقێ‌ یێ‌ یانەیا زاخۆ یە كو دهندەك یارییان دا هژمارەیا پشتەڤانان دگەهیتە 30 هزار كەسان و زێدەتر، نە بتنێ‌ ل یاریگەها زاخۆ پشتەڤانیێ‌ دكەن بەلكۆ د وەرزێ‌ ئەڤ سالە دا پرانییا یارییان هژمارەكا زوور دگەل تیما خوە شاند كرییە بۆ دەڤەرێن دی یێن ئیراقێ‌، بۆ یارییا ئەڤرۆ دهێتە پێشبینیكرن رێژەیەكا ئێكجار زوور بەرهەڤن و ب چالاكیێن جودا دەستەیا پشتەڤانان كارێن جوان ئەنجامبدەن.
سەرپەرشتێ‌ تیما زاخۆ گەشبینە
ل دۆر دووماهی بەرهەڤیێن كوڕێن خابووری حەمید سەرپەرشتێ‌ تیمێ‌ بۆ رۆژنامەیا ئەڤرۆ دیار كر بەرهەڤیێن وان گەهشتینە ئاستەكێ‌ باش و پلانێن هەر یارییەكێ‌ جوداهییا خوە یاهەیی ل دووڤ ئەو یانەیا یاری دگەل دهێتە كرن، هەموو یاریزان بەرهەڤن و رژدن بۆ سەركەفتنێ‌ و گۆت: ئەم ڕێزێ‌ ل هەر تیمەكێ‌ دگرین و یارییا ئەڤرۆ وەكو یا دووماهیێ‌ ئەم ڕەڤتارێ‌ دگەل دگەین، گەشبینن دگەل پشتەڤانییا جەماوەرێ‌ خوە سەركەفتنێ‌ بینن.
دیدارێن ئاگرین دناڤبەرا زاخۆ و كارەبا
ل دووڤ ئامارێن ئەنجامێن یارییان دناڤبەرا هەردو یانەیان دا، 24 یاریان هەمبەری ئێك بووینە، ئێكەم یارییا وان ل هەشتێ‌ نیسانا سالا 2010ێ‌ بوو ل بەغدا ژ خولا پلا نایابا ئیراقێ‌ ئەوا بێ‌ گۆل وەكهەڤبووین، دووماهی یاری ل وەرزێ‌ بۆری ل 25ێ‌ نیسانا سالا 2024ێ‌ ل پایتەختێ‌ ئیراقێ‌ بەغدا بوو، كوڕێن خابووری شیابوون ب 3-1 گۆلان سەركەفتنێ‌ بینن، سەرجەمێ‌ گشتی یانەیا زاخۆ هەردو تیما نەهـ سەركەفتن ل سەر ئێكودو ئیناینە و شەش وەكهەڤی ژی هاتینە.
ئەمجەد و گۆستاڤۆ سەرێ‌ لیستا گۆلكەران دهێن
هەردو ستێرێن یانەیا زاخۆ یێ‌ بەرازیلی گۆستاڤۆ هێنریك و یاریزانێ‌ هەلبژارتیێ‌ ئیراقێ‌ ئەمجەد عتوان سەرێ‌ لیستا گۆلكەرێن تیما خوە دهێن ب تۆماركرنا حەفت گۆلان، دیسان هەر ئێك، ناسر محەمەدو چار گۆل، هەر ئێك ژ ئەیۆب نناحی گۆلەك، محەمەد عەلی عەبۆد گۆلەك و موسێس گۆلەك، مەحمود فائیز گۆلەك تۆماركرینە.
هەولێر بەرانبەر ئاستەنگا تەلەبە دا
هەر ژ یاریێن ئەڤرۆ تیما یانەیا هەولێر دێ‌ ل پایتەختێ‌ ئیراقێ‌ بەغدا بیتە مێڤانا یانەیا تەلەبە د یارییەكا ب هێز بۆ كوڕێن كەلهە و منارە، ئەوا بڕیارە ل یاریگەها كەرخ دەمژمێر 2:30 پشتی نیڤرۆ بهێتە كرن، تیما هەولێر خودانا 19 خالانە ڕێزبەندییا 10 ب كاتی دهێت ژ پێنج سەركەفتن، چار وەكهەڤی و چار خوسارەتی هەنە، ئانكو ئەنجام و ئاستێ‌ وێ‌ د خولێ‌ دا یا جێگیر نینە، ژلایێ‌ خوەڤە تەلەبە 21 خال كۆمكرینە رێزا حەفتێ‌ دهێت، دیدارێن وان زێدەتر سەركەفتنێن تەلەبە بووینە ب 10 جاران و شەش سەركەفتن هەولێرێ‌ ئینابوون و نەهـ وەكهەڤی هاتینە، ئێكەم یارییا وان هاتیە كرن ل 16ێ‌ ئادارا 2001 بوو ب وەكهەڤی دووماهی هاتبوو، دووماهی یارییا وان ل وەرزێ‌ بۆری بوو ئەو ژی ب وەكهەڤی ب دووماهی هاتبوو.
ژ یارییێن دی یێن ئەڤرۆ تیما زەورا دێ‌ ل یاریگەها خوە مێڤاندارییا نەفت كەت د بەرانبەر دا یانەیا نەجەف دێ‌ ل یاریگەها رومادی بیتە مێڤانا یانەیا ئەلكەرمە د یارییەكا ب هێز دا، چاڤەڕێ‌ ییە یارییێن گەڕا 15ێ‌ ل شەمبییا بهێت دەستپێبكەن.

عەلی حاجی:

د پرێسكۆنفرانسه‌كێ رۆژنامەڤانی دا ب ئامادەبوونا سەرۆکێ یانەیا زاخۆ یا وەرزشی و دەزگه‌هێن ڕاگەهاندنێ، ئەحمەد یاسین یاریزانێ نوو یێ یانەیا زاخۆ هاتە نیشاندان.
عەمار فەرهاد سەرۆکێ یانەیا زاخۆ یا وەرزشی دیار کر بۆ وەرزێ ئەڤ سالە کارگێریا یانەیا زاخۆ پلانەکا رێکوپێک هاتییه‌دانان بۆ هندێ بشێن تیمەکا بهێز دروستبکەن، لدەستپێکا مە کار ل سەر هندێ کر گرێبه‌ستا یاریزانێن خوە یێن باش نووكەین دووڤدا کار د ئینانا یاریزانێن نووبکەین ئەم د سەرکەڤتی بووین، د قوناغا دویێ دا به‌رده‌وام بووین لێ هه‌ر كێماسی هه‌بوون،هەتا گرێبه‌ستا سێ یاریزانان دگەل ئەحمەد یاسین ئیمزاکریە،ئه‌ڤ پێنگاڤه‌ پشتەڤانیا بەردەوام یا گوهدار شێخۆ سەرپەرشتێ ئیدارەیا سەربەخویا زاخۆ دهێتە کرن، چاڤێ مه‌ ل رێزێن پێشێیە و مە باوەرییەکا باش ب تیما خوە هەیە.
ژلایێ خوەڤە ئەحمەد یاسین یاریزانێ نوو یێ یانەیا زاخۆ و هەلبژارتیێ ئیراقێ گۆت: شانازییەکا مەزنە ئەڤرۆ من درێسێ زاخۆ ل بەر خوەکریە، دەستەیا کارگێریا یانەیا زاخۆ هەموو کارەک ئەنجامدان بۆ هندێ ئەم هەموو پێکڤە دڤێ خێزانێ دا شەری بۆ ناڤێ زاخۆ بکەین، ئەوا ل سەر من پێدڤی بیت دێ بۆ ڤێ یانەیێ ئەنجامدەم، پێگەهێ جەماوەریێ ڤێ یانەیێ ژی سەرنچراکێشە و ئەڤە دێ پتر بیتە پشتەڤانی بۆ یاریزانان، تیما زاخۆ ژ تیمێن باشە د خولێ دا و پێدڤیە ئەم هەموو هەست ب بەرپرسیارەتیا ناڤێ زاخۆ بکەین.

سندس سالح سلێڤانەی

د دیدارەكێ‌ دا ئەنداما كارگێریا یانەیا ئافرەتێن دهۆكێ‌ و سەرپەرشتا تیما فوتسالێ‌ دیار كر ل باژێرێ‌ دهۆكێ‌ كچێن وەرزشڤان و یێن ستێر هەنە و شیانێن دەستڤە ئینانا ناسناڤان ژی هەیە هەكە پشتەڤانیا وان بهێتە كرن.
زێدەتر پرژین جیهاد خۆشمان بۆ رۆژنامەیا ئەڤرۆ گۆت: وەكو كچەكا وەرزشڤان و دەرچوویا كۆلیژەیا پەروەردەیا وەرزشی حەزەكا زور هەبوویە كو خزمەتا وەرزشا كچا بهێتە كرن، ژبەر كو تەخا وەرزشڤانێن كچ ل باژێرێ‌ دهۆكێ‌ پێدڤی ب پشتەڤانیێ‌ نە و چاڤدانەكا تایبەت، ب دیتنا من مە ستێرێن باش هەنە ئەگەر ب دروستی چاڤدان بۆ بهێتە كرن و دێ‌ بەر ب ئاستەكێ‌ باشتر و بلند چیت، پرانییا یاریێن وەرزشی مە یاریزانێن هەین، لێ‌ مخابنی ڤی ڤە ئەو پشتەڤانی گەلەك یا كێمە كو بوویە ئەگەر وەرزشا كچان پێش نەكەڤیت و بەر ب ئاستەنگا ڤە بچیت.
ژلایەكێ‌ دیڤە سەرپەرشتا تیما فوتسالا یانەیا ئافرەتێن دهۆكێ‌ گۆت: ل سەر ئاستێ‌ خێزانی ژی پێدڤییە پشتەڤانییا كچا وەرزشڤان بهێتە كرن و ڕێك بوو بهێتە ڤەكرن ئارەزو و شیانێن خوە دناڤ یاریگەهێ‌ دا دیاربكەت لێ‌ هەكە نەبیت دێ‌ نەچار بیت دەستان ژێ‌ بەردەت و یا گرنگتر ئەوە بەردەوامی دانا یاریزانێن كچ ل سەر راهێنانان ب ڤەكرنا ئەكادیمێن وەرزشی و ئەڤە ژی ل سەر مللێن لایەنێن وەرزشی یە هاریكاربن تایبەت لایەنێ‌ دارایی پێخەمەت وەرزشا كچان بەر ب پێشڤە بچت.
ل دور تیما وان یا فوتسالێ‌ پرژینێ‌ گۆت: د نوكە دا ئەم یێ‌ بەرهەڤییا بۆ وەرزێ‌ نوو یا خولا فوتسالا كوردستانێ‌ دكەین ئەوا دێ‌ ل 24ێ‌ ڤێ‌ مەهێ‌ دەستپێكەت، وەرزێ‌ بۆری ئەم قارەمان بووین بۆ وەرزێ‌ نوو دێ‌ هەموو بزاڤان كەین ژبۆ پاراستنا ناسناڤێ‌ خوە، هەرچەندە بزەحمەتە لێ‌ هەكە پشتەڤانی بۆ مە هەبیت گەشبینن دێ‌ پارێزین

چاڤەڕێ‌ یە ئەڤرۆ هەڤڕكیێن گەڕا حەفتێ‌ ژ خولا پلا ئێكا كوردستانێ‌ یا فوتبۆلێ‌ ب ئەنجامدانا سێ‌ یارییان، سوبەهی چار یاریێن دی ژی بەردەوامبن ئەوا بڕیارە هەموو یاری ل دەمژمێر 2:15 پشتی نیڤرۆ هێنە كرن .
ل یاریگەها زانكۆیا دهۆك تیما یانەیا تەناهی دێ‌ مێڤاندارییا یانەیا كۆیە كەت د یارییەكا ب هێز دا بۆ یانەیا پارێزگەهێ‌، تیما تەناهی ژ پێنج یارییان ئێك سەركەفتن، سێ‌ وەكهەڤیی و خوسارەتیەك هەنە ل رێزا 11ێ‌ دهێت ب شەش، تیما هەلۆ خودانا رێزا سێیێ‌ یە ب كۆمكرنا 12 خالان.
ل دۆر دووماهی بەرهەڤیێن وان جاسم شەعبان سەرۆكێ‌ یانەیا تەناهی بۆ رۆژنامەیا ئەڤرۆ گۆت: ئێك ژ یاریێن گرنگ و ب هێز یێن تیما مە دێ‌ ئەڤرۆ بیت بەرانبەر یانەكێ‌ هەڤڕكییا سەرێ‌ لیستێ‌ دكەت، هەموو یاریزان بەرهەڤن و ڕژدن سێ‌ خالان بكەنە دیاری بۆ پشتەڤانان، خولا پلا ئێك هەڤڕكییا وێ‌ یاری بۆ یاری ب هێزتر لێدهێت، ئارمانجا مە یا ئەڤ سالە رێزێن پێشیێ‌ یە و بكەهینە هیڤیێن خوە یێن دەربازبوونێ‌، هەتا دووماهی چركەیا یاریێ‌ دێ‌ شەڕی بۆ سێ‌ خالان كەین، یا دشیان دا بیت دێ‌ بەردەوامبن و بێ‌ هیڤی نابین.
ژ یاریێن دی یێن ئەڤرۆ، خاك دێ‌ مێڤاندارییا زانكۆیا جیهان كەت، شۆرچە دێ‌ بیتە مێڤانا كفری، هەلوەستێ‌ گشتی یێ‌ خولێ‌ بڤی شێوەیە.

1- قەلادزێ‌ 14 خال.
2- بازیان 12 خال.
3- هەلۆ 12 خال.
4- سۆران 10 خال.
5- زانكۆیا جیهان نەهـ خال.
6- كفری حەفت خال.
7- شۆرچە حەفت خال.
8- سێمێل حەفت خال.
9- تەناهی شەش خال.
10- خاك شەش خال.
11- دهۆك پێنچ خال.
12- چەمچەمال پێنج خال.
13- بابان پێنچ خال.
14- كۆیە سێ‌ خال.
15- رەواندۆز ئێك خال.