سندس سالح :
ئاكنجیێن گوندێ(جدیدكێ) كو دكه‌ڤیته ده‌ڤه‌را به‌رواری ژۆریا داخوزا چێكرنا رێكا گوندێ خوه دكه‌ن و موختارێ گوندی ژی دبێژیت: مه چه‌ندین جاران داخوزازیا گوندیان گه‌هاندیه جهێن شۆله‌ژێ لێ مخابن هه‌تا نوكه چو به‌رسڤ نه‌بووینه.
عه‌مانوئێل زه‌یا، موختارێ وی گوندی بۆ رۆژناما ئەڤرۆ دبێژیت: گوندێ مه ژ (45) مالان پێك دهێت، ل نیڤا گوندی را رۆباره‌ك ده‌رباز دبیت ل وه‌رزێ زڤستانێ و ده‌مێ بارینا بارانێ هاتن و چوون نامینت و قوتابیێن گوندی ژبه‌ر ئاڤ رابوونێ نه‌شێن بچنه قوتابخانه‌یا خوه و ل سالا بۆری سێ رۆژان قوتابی نه‌شیان بچنه لایێ دی قوتابخانێ، هه‌ر چه‌نده وه‌لاتیه‌كێ خه‌لكێ گوندی ژ سه‌ر كیستێ خوه (قه‌سیسه‌ك) چێكریه، لێ ئاڤ دسه‌را ده‌رباز دبیت، له‌ورا داخوازا مه ژ جهێن شۆله‌ژێ ئه‌وه بله‌ز رێكا مه بهێته چێكرن و ل جهێ قه‌سیسێ پره‌ك بهێته دانان دا ژ وێ ئاریشه‌یێ ده‌ربازببین.
هه‌روه‌سا گۆت: مه ئاریشه‌یا ئاڤێ ژی هه‌یه، چنكو هێشتا بۆریێن گوندی ئاسنن و هه‌موو یێن ژه‌نگی بووین و گه‌له‌ك جاران ب نڤیسار و سه‌ره‌دان مه ئه‌ڤ چه‌نده گه‌هاندیه جهێن شۆله‌ژێ لێ مخابن هێشتا چاره نه‌كرینه، راسته هنده‌ك جاران ب زاره‌كی گۆتیه مه بلا، لێ هێشتا ب كریار چو بۆ گوندی نه‌هاتیه كرن، بۆ زانین ڤی گوندی ژی وه‌كو پرانیا گوندێن دی ل سه‌رده‌مێ شۆڕه‌شێ گه‌له‌ك خزمه‌تا شۆڕه‌شێ و پێشمه‌رگه‌ی كریه.
نيشاندان