قەیس وەیس:

راهێنه‌رێ هه‌لبژارتیێ ئیراقێ یێ سربی فازه‌لین پێكهاتیێ تیما خوه‌ بۆ قۆناغا دویێ یا ڤاڤارتنێن كێشوه‌رێ ئاسیا یا باسكێت بۆلێ ده‌ربازبوون بۆ مۆندیالا جیهانی 2025ێ و ڤاڤارتنێن كۆپا ئاسیا ده‌ستنیشان كرینه‌ و ئه‌ڤه‌ بۆ ماوه‌یێ سێ رۆژه‌ ده‌ست ب راهێنانێن خوه‌ كرینه‌.
د. خالد نه‌جم جێگرێ دویێ یێ سه‌رۆكێ فدراسیۆنا باسكێت بۆلا ئیراقێ گۆت: ب فه‌رمی 21 یاریزان بۆ ناڤێن ده‌ستپێكی بۆ ناڤ رێزێن هه‌لبژارتیێ ئیراقێ بۆ كه‌مپێ راهێنانێ ل به‌غدا هاتینه‌ داخوازكرن ژبۆ پشكداریێ د ڕاهێنانان دا به‌ری ب كه‌ڤنه‌ د ڤاڤارتنێن قۆناغا دویێ یا كێشوه‌رێ ئاسیا ده‌ربازبوون بۆ مۆندیالا جیهانی 2025ێ ب سه‌ركێشییا راهێنه‌رێ سربی فازه‌لین، چاڤه‌ڕێ دهێته‌ كرن ڕاهێنانان ل دووڤ پلانێن كادرێ راهێنانێ به‌رده‌وامبن ژبۆ باشترین به‌رهه‌ڤی بۆ ڤاڤارتنان.
ل دووڤ لیستا هاتییه‌ به‌لاڤكرن هه‌ر ئێك ژ موراد عه‌لی و زنار هشیار ژ یانه‌یا زاخۆ، فه‌رید ره‌عد كوڕێ باژێرێ كه‌رخ یا به‌غدایی و محه‌مه‌د عبدولخالق كوڕێ باژێرێ هه‌ولێرا پایته‌خت و یانه‌یا غاز ئه‌لشیمال و هه‌ردو یاریزانێن ڕه‌ڤه‌ندا كورد ل ئۆرۆپا رێكان عوسمان و میر ناریمان كرینه‌ بۆ ناڤ رێزێن هه‌لبژارتیێ ئیراقێ دا خوه‌ به‌رهه‌ڤكرن بۆ ڤاڤارتنێن رۆژئاڤا ئاسیا و كۆپا ئاسیا.

شاهۆ فەرید:

د داخویانیەكێ دا دادڤانێ دویێ و نوونەرێ ئێكانە یێ پارێزگەها دهۆكێ د خۆلا ستێرێن ئیراقی یا فوتبۆلێ‌ دا ئەدهەم عیسا بۆ رۆژنامەیا ئەڤرۆ گۆت: ئەڤی وەرزی بتنێ 45 دادڤانێن هاریكار هێلاینە د ناڤ وەرزێ‌ نوو یا خولێ‌ دا، بزاڤ ئەبوو كو هەر پارێزگەهەكێ دادڤانەكێ هاریكار یان هەتا دو داڤان بهێنە ژێگرتن.
زێدەتر ناڤهاتی گۆت: هەر ژ دەستپێكێ‌ بزاڤ دهاتە كرن كو كۆمەكا دادڤانان مانا وان دخولێ‌ دا مسۆگەر بكەن پشتی تاقیكرنێن تیۆری و پراكتیكی وەكی خولێن پێشكەفتی كار ل سەر وان بهێتە كرن و دووڤچوونەكا تەسەل ل سەر هەموو لایەنان بهێتەكر كو ئەو دادڤا یێ‌ بەرهەڤبیت پاشی ئەركێ‌ بڕێڤەبرنا یارییان بۆ بهێتە ڕاسپاردن، بۆ یاریێن گرنگ دێ دادڤانێن بیانی ژی ل سەر خولێ‌ هێنە زێدەكرن كو زێدەتر مفایی ژ ئاست و شارەزاهییا وان وەربگرم، ئەڤ سالە خولێن باش بۆ دادڤانێن سەرەكی و ڤارێ هاتبوونە ڤەكرن، پشتی هەر گەرەكێ ژی كۆمبوونا دادڤانان لسەر هەر دەه یاریان دهێتە ئەنجامدان، وانەیێن پێشكەفتنێ ئاستی گەلەك مفا هەبوویە.
ئەدهەم عیسایی گۆت: ئەو گڤاشتنا ل سەر مە دادڤانا هەی گەلەكە و ئەڤە ماوەیێ پێنج هەیڤە مە پاداشتێن خوە یێن دارایی وەرنەگرتنە هێشتا یێن وەرزێ پێشتر ماینە، پشتی هاتنا لالیگایێ ماف و گیانێ دادڤانی پتر هاتیە پاراستن، هەموو حەفتیان كۆمبوونا ئۆنلاین دگەل مە دهێتەكرن و چارەسەكرنا شاشیا دهێتە بەحسكرن، هێشتا كێماسی هەنە ژلایێ كۆمپانیا عەشتار یا پەخشێ یاریا ژبەر كێماسێن كامیران و زوو نە بریاردان ل سەر فاۆل و دانا كارتا دبیت لایێن یاریگەهێ باشی دیارنەكەن، لێ دەم بۆ دەمی گوهۆڕینێن باشێن خولێ دا دهێنەكرن و سەرپەرشتیا عەدنان دەرجالی و لالیگایێ خۆل دێ هێشتا پێشكەفتنێ خوە بینت.

چاڤەڕێ‌ دهێتە كرن ئەڤرۆ نەهـ یاری ژ گەڕا چارێ‌ یا قارەمانییا یانەیێن ئۆرۆپا قارەمانێن خولا چامپیۆنز لیگ یا فوتبۆلێ‌ بهێنە ئەنجامدان، پشتەڤانێن وەرزشی ل پرانییا وەلاتێن جیهانێ‌ دێ‌ چاڤ ل یاریێن ئاگرین و ب هێزبن.
ئایندهۆڤن و جێرۆنا ڤەگەڕیان بۆ رێزێن پێشیێ‌
بریارە ل دەستپێكا ڤەكرنا گەڕا چارێ‌ دو یاری بڤی شێوەیی بهێنە كرن، یانەیا ئایندهۆڤن یا هۆلەندی ب ژڤانە دناڤ ئەرد و یاریگەها خوە دا مێڤاندارییا جێرۆنا یا ئسپانی بكەت، ئایندهۆڤن رێزا 28ێ‌ ل سەر ئاستێ‌ گشتی یێ‌ خولێ‌ ب دو خالان ژ دو وەكهەڤیان بوویە، جێرۆنا خودانا سێ‌ خالایە رێزا 24ێ دهێت ژ ئێك سەركەفتن، یارییا دویێ‌ یا ڤی دەمی دێ‌ دناڤبەرا سلۆڤان براتیسلاڤا یا سلۆڤاكی و مێڤانا وێ‌ دینامو زاگراپ یا كرواتی، یانەیا سلۆڤان ل دووماهییا رێزبەندیا گشتی دهێت كو 36ێ‌ یە بێ‌ چو سەركەفتن، دینامۆ زاگراب چار خال هەنە ژ سەركەفتن و وەكهەڤیەكێ‌ رێزا 22ێ‌ دهێت، بۆ زانین هەر دو یاری دێ‌ ل دەمژمێر 8:15ی شەڤ هێنە كرن.
حەفت یاری ل دەمژمێر11ی شەڤ ژ وانا ئاگرینن دێ‌ هێنە كرن
هەموو جەماوەرێ‌ وەرزشی چاڤەڕێ‌ چەند یاریێن ئاگرین یێن ئەڤ شەڤە نە، ژ وانا یارییا ریال مەدرید یا ئسپانی دگەل مێڤانا وێ‌ ئەی سی میلان یا ئیتالی ل سانتیاگۆ بیرنابیۆ هێتە كرن، یانەیا ئسپانی دو سەركەفتن و خوسارەتیەك هەیە ل رێزا 12ێ‌ دهێت، میلان بتنێ‌ ئێك سەركەفتن هەیە رێزا 25ێ‌ دهێت، ئەڤ یارییە ئاگرینە و هەردو تیم پێدڤی ب سەركەفتێ‌ هەنە.
لیڤەرپۆل چاڤ ل سەرێ‌ لیستێ‌ یە
ژلایێ‌ خوەڤە یانەیا لیڤەرپۆل یا ئنگلتەرایێ‌ دێ‌ مێڤاندارییا هەڤڕكا خوە بایرن لیڤەركۆزن یا ئەلمانی كەت د یارییەكا پڕی هەڤڕكی دا، یانەیا ئنگلتەرای نەهـ خال كۆمكرینە ب جوداهییا گۆلان رێزا دویێ‌ ل سەر لیستا گشتی دهێت، لیڤەركۆزن حەفت خال كۆمكرینە و رێزا شەشێ‌ دهێت، ئانكو ئەڤ یارییە ژی ئاگرینە سەرباری دەنگۆباسان خویاكرییە یانەیا ئەلمانی دێ‌ بێ بەهر بیت ژ 11 یاریزانێن خوە ژ وانا مارسێل سابیتز، رامی، جێمی جێتێنس، فالدیمار و جولیان.
مانچستەر ستی و یۆڤانتۆس د تاقیكرنێن ب زەحمەت دانە
ژلایێ‌ خوەڤە یانەیا مانچستەر ستی یا ئنگلتەرایێ‌ دێ‌ ل یاریگەها خوسێ ڤالادی بیتە مێڤانا سپۆرتینگ لەشبۆنە یا پۆرتۆگالی یارییەكا ب سانەهی نابیت بۆ مان ستی ئێك ژ بەربژارێن ناسناڤی، د سێ‌ یاریێن بۆریدا حەفت خال كۆمكرینە رێزا سێیێ‌ دهێت، لێ‌ سپۆرتینگ لەشبۆنە ژی هەمان خال كۆمكرینە و كێمترییا خالات رێزا هەشتێ‌ دهێت، ژلایێ‌ خوەڤە یانەیا یۆڤانتۆس یا ئیتالی دێ‌ ل فرەنسا بیتە مێڤانا لیل د یارییەكا ب زەحمەت دا بۆ یانەیا خانما پیرەژن، ژبەركو یانەیا لیل شیایە د سێ‌ یاریێن بۆری دا دو سەركەفتنان بینت و شەش خالان كۆمبكەت رێزا 15ێ‌ ل پشت هەڤڕكا خوە یۆڤانتۆسێ‌ بهێت ئەوا رێزا 14ێ‌ ب هەمان خال بتنێ‌ جوداهییا گۆلەكێ‌.
ژ یاریێن دی یێن ب هێز
سێلتیك یا ئسكۆتلەندی خودانا چار خالان دێ‌ مێڤاندارییا لایبزیك یا ئەلمانی كەت ئەوا د سێ‌ یاریێن بۆری دا چ سەركەفتن نە ئیناین، بۆرۆسیا دۆرتمۆند یا ئەلمانی دناڤ ئەرد و جەماوەرێ‌ خوە دا دێ‌ مێڤاندارییا شتۆرم گراتس یا نەمسایی كەت، بۆرۆسیا حەفت خال كۆمكرینە رێزا 11ێ‌ دهێت و شتۆرم چو سەركەفتن نینن رێزا 32 دهێت، مۆناكۆ یا فرەنسی دێ‌ بیتە مێڤانا پۆلۆنیا یا ئیتالی، یانەیا فرەنسی حەفت خال هەنە د بەرانبەر دا پۆلۆنیا بتنێ‌ ئێك خال هەیە.
لیستەیا گشتی بۆ هەر 36 یانەیان هاتیە دانان
هەر 36 یانەیێن پشكدار ل سەر چار ئاستێن جودا و دووڤ پلەكرنا وەرزێ‌ بۆری هاتبوونە بەلاڤكرن ئەوا پۆلینكرن ژلایێ‌ فیدراسیۆنا فوتبۆلا ئۆرۆپا هاتیە دانان، یاریێن وان ب شێوەیێ‌ خول ئێك قۆناغ دهێنە كرن، هەر تیمەك دێ‌ هەشت یارییان كەت، چار یاری د ناڤ ئەردێ‌ خوە دا و چار ژ دەرڤەیی یاریگەهێ‌، ل دووماهیێ‌ دێ‌ رێزبەندی بۆ هەر36 تیمان د ئێك لیستە دا هێتە دانان، ئەو تیمێن ل رێزا ئێكێ‌ هەتا هەشتێ‌ ئێكسەر دێ‌ دەربازبنە قۆناغا 16ێ‌، ئەو یانەیێن رێزا نەهێ‌ هەتا 24ێ‌ دێ‌ یاریێن خوە ب شێوەیێ‌ دو گەڕ ئەنجامدەن ژبۆ دەربازبوونا هەشت تیمێن دی بۆ قۆناغا 16ێ‌، لێ‌ ئەو یانەیێن رێزا 25 هەتا 36ێ‌ دێ‌ ژ قارەمانیێ‌ هێنە دوورئێخستن.
ئەلمانییا دێ‌ یارییا دووماهیێ‌ مێڤان كەت
بۆ زانین د قۆناغا 16ێ‌ دا دێ‌ شێوازێ‌ هاتنۆچوون دناڤبەرا یانەیان هێتە كرن هەتا دگەهیتە یارییا دووماهیێ‌، بڕیارە یاریێن ئێكێ‌ ل 17ێ‌ هەتا 19ێ‌ ئەیلۆنا بهێت دەستپێكەت، یاریێن دویێ‌ ل ئێك و دو یا چرییا ئێكێ‌ هێنە كرن، ل 22و 23ێ‌ هەمان مەهـ یاریێن گەڕا سێیێ‌ نە، دێ‌ بەردەوامبن هەتا یارییا دووماهیێ‌ ل 31ێ‌ ئەیارا سالا 2025ێ‌ ل یاریگەها ئالیانز ئارینا یا بایرن میۆنخ وەلاتێ‌ ئەلمانییا هێتە كرن.
ئەڤرۆ چامپیۆنزا ئاسیا و كەنداڤی یا هەیی
بڕیارە ئەڤرۆ ژی كۆمەكا یاریێن دی ژ چامپیۆنزا ئاسیا بۆ یانەیێن پیشەكار ژ چارچووڤەیێ‌ گەڕا سێیێ‌ بڤی شێوەیی بهێنە كرن.
سێنترەل كۆست، ئوسترالیا- شێنگهای شنهۆا،چین، 12ێ‌ نیڤرۆ.
ڤێسێل كۆپی، چاپانی- گۆتنگچۆ، كوریا باشۆر، دویێ‌ نیڤرۆ.
كاواسكی فرۆنتال، چاپان- شنگهای، چین، دویێ‌ نیڤرۆ.
جۆهۆر دارۆل، مالیزی- ئۆلسان هیۆندای، كوریا باشۆر، چارێ‌ ئێڤاری.
باختاكۆر، ئۆزپاكستانی- رەیان، قەتەری، شەشێ‌ شەڤ.
نەسر، سعۆدی- عەین، ئیماراتی، 10ی شەڤ.
وەحدات، ئۆردنی- ئیستقلال دۆشنبە، تاچاكستانی هەشتی شەڤ.
سەبهان ئەسفەهان، ئیرانی- ئەلشاریقە، ئیماراتی، هەشتی شەڤ.
كۆپا كەنداڤی:
ئەلقادسیە، كوێتی- ئتیفاق، سعۆدی، 5:45 مەغرەب.
ئەلریفاع، بەحرێنی- ئەلعەرەبی، قەتەری، هەشتی شەڤ.