زنار تۆڤی:
كەریم سلێمان، بریكارێ وەزارەتا چاندنا حكومەتا هەرێما كوردستانێ، بۆ رۆژناما ئەڤرۆ دیار كر، سالانە پلانەك بۆ چاندنێ دهێتە دانان، ئەڤ سالە ل سەر ئاستێ هەموو ئیراقێ ڕێژەیا وەرگرتنا گەنمی یا كێمبوو، ژ ئەگەرێ وی پارەیێ ژ لایێ وەزارەتا داراییا ئیراقێ ڤە هاتیە دیاركرن.
كەریم سلێمان گۆت: «پار هندەك جۆتیار هەبوون 100 دۆنەمێن ئەردی كربوونە گەنم، گەنمێ وان ژی ژ لایێ وەزارەتا بازرگانیڤە هاتە كڕین، بەلێ ئەڤ سالە دڤێت جۆتیار نیڤا ئەردێ پار بكەنە گەنم، داكو گەنمێ وان ل دووڤ پلانا چاندنێ ژێ بهێتە كڕین و گۆت: «بۆ سالا بهێت، هەكە جۆتیار یێ پێگیر نەبیت ب پلانا چاندنێ، وەزارەتا بازرگانی، وەزارەتا چاندنێ و وەزارەتا دارایی وی گەنمی ژ جۆتیاری ناكڕن».
گۆتژی: «نوكە جۆتیار یێ ئازادە گەنمی یان هەر بەرهەمەكێ دیتر ل ناڤا ئەردێ خۆ بچینیت، بەلێ هەكە پتر ژ وێ رێژەیا بۆ هاتییە دیار كرن گەنمی بچینیت، دڤێت ئەو بخۆ بزاڤا بازاڕكرنا گەنمێ خۆ بدەت، هەروەسا هەموو جۆتیار و پارێزگەهـ هاتینە ئاگەهدار كرن، كا ل هەر پارێزگەهەكێ دێ چەند رێژەیا گەنمی ژێ هێتە وەرگرتن».
نيشاندان