ئه‌ڤرۆ، نه‌وزاد هلۆری:

ب مه‌ره‌ما پشته‌ڤانیكرنا وان جۆتیارێن گه‌نم چاندی، دوهی ل سنوورێ پارێزگه‌ها دهۆكێ ده‌ست ب وه‌رگرتنا گه‌نمێ جۆتیاران هاته‌ كرن، بڕیاره‌ ل ده‌ستپێكا هه‌یڤا بهێت ل زاخۆ ژی ده‌ست ب وه‌رگرتنا گه‌نمی بهێته‌ كرن.

ئه‌حمه‌د جه‌میل ئه‌بوزێد، رێڤه‌به‌رێ گشتی یێ‌ چاندنێ ل پارێزگه‌ها دهۆكێ بۆ ئه‌ڤرۆ گوت: (هه‌ر چه‌نده‌ ل رۆژا 25/5/2022 بڕیاربوو ده‌ست ب وه‌رگرتنا گه‌نمی بهێته‌ كرن، به‌لێ ب شێوه‌یه‌كێ گشتی دوهی ده‌ست ب پرۆسا وه‌رگرتنا گه‌نمێ جۆتیاران ل هه‌ردو سایلۆیێن فه‌یدیێ‌ و شێخان هاته‌ كرن و جوتیار دشێن گه‌نمێ خوه‌ راده‌ست بكه‌ن).

زێده‌تر گوت: (ب گوره‌ی پلانا وه‌زاره‌تا چاندنێ یا هه‌رێمێ هه‌ر جۆتیاره‌كێ ناڤی‌ وی‌ و رێژا وه‌رگرتنێ تێدا بیت دێ هه‌موو گه‌نمێ وان هێته‌ وه‌رگرتن، ئه‌ڤ ساله‌ ب ستانداره‌كێ دیاركری گه‌نم دێ هێته‌ وه‌رگرتن و پله‌ ئێك و دو و سێ نینه‌، ئه‌و گه‌نمێ، كو ژ لایێ سایلۆیان نه‌هێته‌ وه‌رگرتن، ب هه‌مان شێوه‌ ژ لایێ هه‌ردو كۆمپانیێن قه‌یوان و خوشناو دێ هێته‌ وه‌رگرتن).

ل سنوورێ پارێزگه‌ها دهۆكێ دو سایلۆ هه‌نه‌، ل گه‌ل سایلۆیه‌كێ ل سنوورێ ئیدارا سه‌ربخوه‌ یا زاخۆ، سالانه‌ رێژه‌یه‌كا زۆرا گه‌نمێ جۆتیاران لێ‌ دهێته‌ وه‌رگرتن.

هه‌ولێر، سولین سلێمان:

وه‌زاره‌تا كاره‌بێ یا حوكمه‌تا هه‌رێمێ‌ بڕیار دایه‌، د وه‌رزێ‌ هاڤینێ‌ دا و ب مه‌ره‌ما باشتركرنا ره‌وشا كاره‌با نیشتمانی هه‌ژماره‌كا وێسگه‌هێن نوو یێن به‌رهه‌مئینانا كاره‌بێ دێ‌ كه‌ڤنه‌ كاری.

حسێن حه‌مه‌د قادر، رێڤه‌به‌رێ كاره‌با هه‌ولێرێ‌ ب وه‌كاله‌ت بۆ رۆژناما ئه‌ڤرۆ دیار كر، بڕیاره‌ هه‌یژماره‌كا وێستگه‌هێن به‌رهه‌مئینانا كاره‌بێ بۆ وه‌رزێ‌ هاڤینێ‌ بكه‌ڤنه‌ كاری، داكو ره‌وشا كاره‌بێ‌ د وه‌رزێ‌ هاڤینێ دا یا باش بیت و ده‌مژمێرێن دانا كاره‌بێ‌ ژی زێده‌تر لێبهێن.

حسێن گۆت: “ئه‌م به‌رده‌وام بزاڤان دكه‌ین ره‌وشا كاره‌با نیشتیمانی باشتر لێ‌ بكه‌ین، ژ بۆ ڤێ چه‌ندێ ژی گوژمه‌كێ‌ پاره‌ی ژ لایێ حكومه‌تا هه‌رێما كوردستانێ ڤه‌ ژ بۆ به‌رهه‌مئینانا كاره‌بێ‌ هاتیه‌ دابینكرن، دیسا ئه‌م وه‌كی وه‌زاره‌تا كاره‌بێ كار ل سه‌ر باشتركرنا كاره‌بێ د وه‌رزێ هاڤینێ دا دكه‌ین”.

ناڤهاتی ئاشكرا ژی كر، بڕیاره‌ شێوازێ كاره‌با (پرید په‌ید) ژ بۆ هه‌موو هه‌رێما كوردستان بهێته‌ دانان، جارا ئێكێ‌ ژی ئه‌ڤ شێوازه‌ ل پارێزگه‌ها هه‌ولێرێ دێ هێته‌ تاقیكرن، داكو بشێین رێژه‌یا دانا كاره‌بێ زێده‌تر لێ بكه‌ین.

ل ڤێ‌ دووماهیێ‌ ڤه‌كرنا لایفان د تورێن جڤاكی دا به‌رب زێده‌بوونێ‌ یه‌ و هه‌كه‌سه‌ك ژ بۆ مه‌ره‌مه‌كێ‌ لایفان ڤه‌دكه‌ت چو به‌رنیاس بوون بیت، یان ب ده‌ست ڤه‌ ئینانا داهاته‌كێ‌ هه‌یڤانه‌ ژلایێ‌ كومپانیان ڤه‌ و ل دور ڤێ‌ چه‌ندێ‌ ژی ماموستایه‌كێ‌ زانكویێ‌ دبێژیت: ڤه‌كرنا لایفان كارتێكرنا خوه‌ یا نه‌رێنی ل سه‌ر جڤاكی هه‌یه‌ و دڤێت ڤه‌كرنا لایفان یا سنورداربیت.

ئه‌ڤرۆ، هه‌رهین محه‌مه‌د:
ئاشتی ئسماعیل، ماموستایێ‌ زانكۆیێ‌ یه‌ و ده‌ته‌ دیاركرن كو ڤه‌كرنا لایفان دسوشیال میدیایی َدا به‌رب زێده‌بوونه‌ و نه‌ بتنێ‌ ل فێسبووكی، به‌لكۆ ل هه‌موو تورێن دی و ئه‌ڤێ‌ یه‌كێ‌ ژی كارتێكرنا خه‌ یا نه‌رێنی ل سه‌ر ته‌خه‌كا جڤاكی هه‌یه‌ و ب تایبه‌تی ل ڤێ‌ دووماهیێ‌ ل تورا تیكتوكی هه‌ڤركی دهێته‌ كرن دناڤبه‌را دو كه‌سان دا و ئاخفتن و لڤینێن نه‌جوان دهێته‌ گۆتن و كرن و دبیت ئه‌و كه‌سێن ڤان دبینن چاڤلیچكرنا وان بكه‌ن دا كو بتنێ‌ بكه‌ڤیته‌ سوشیال میدیایێ‌ و ته‌ماشه‌ڤانێن وی زێده‌بن و به‌رنیاس بیت و یاگرنگ ئه‌وه‌ ڤه‌كرنا لایفا یا سنوردار بیت و نه‌ هه‌كه‌سێ‌ هه‌بیت لایفان ڤه‌كه‌ت و هه‌رتشته‌كی هه‌بیت بێژیت و بكه‌ت.
گه‌نجه‌ك بناڤێ‌ (سیپان جمال) دبێژت: پتریا گه‌نجان نه‌بتنێ‌ ل كوردستانێ‌ و عیراقێ‌ ، به‌لكو ل سه‌رانسه‌ری جیهانێ‌ به‌رێ‌ خوه‌ ده‌نه‌ لایفا و بۆ ڤی كاری ژی هه‌ردو ره‌گه‌ز و ب هه‌موو ژیان ڤه‌ پشكدارن و ڤی كاری دكه‌ن، چونكو داهاته‌كێ‌ گه‌له‌ك باش ژێ‌ دهێت و ئه‌ڤ كه‌سێن ڤی كاری دكه‌ن ژی به‌هره‌مه‌ندو شاره‌زانه‌ دڤه‌ واری دا نه‌كو كه‌سانێن نورمالن وه‌كو سترانبیژ و ئه‌كته‌ر و هتد و نوكه‌ به‌هره‌یێن خوه‌ پشت گوه هاڤێتینه‌ و نوكه‌ بتنێ‌ لایفا ڤه‌دكه‌ن و داهاته‌ك بۆ وان ژێ‌ دهێت، به‌لێ‌ راسته‌ دبیت كه‌سێ‌ لایقی ڤه‌ دكه‌ت مفای ژێ‌ بینت، به‌لێ‌ دبیت كارتێكرنا خوه‌ ل سنێله‌یان بكه‌ت، چونكو دلایفاندا گه‌له‌ك ئاخقتنێن نه‌جوان دهێنه‌ گۆتن.
نهێل خه‌لیل، شاره‌زا دوارێ‌ سوشیال میدیایێ‌ دا دبێژت: د نوكه‌ دا پتریا گه‌نجان به‌رخوه‌ دایه‌ ژیانا گێمین و فه‌یسبووكی و ب خوه‌ ده‌رفه‌ت دزانن و ئه‌و كه‌سن یێن كو چ كاران نه‌كه‌ن و دبێ‌ ئومێد، له‌ورا بخوه‌ كومپیوته‌ره‌كی دانن و ده‌ست ب یاریه‌كێ‌ دكه‌ن هه‌رچ یاری بیت وه‌كو پوپجی و یاریێن كرمی بن و ل ده‌ستپێكا ڤی كری دێ‌ بخوه‌ په‌یجه‌كی چێكه‌ت ل سه‌ر ناڤێ‌ گێمینگ و هه‌كه‌ ل سه‌ر ڤی ناڤی نه‌ بیت حساب ناڤ بیت و نابیته‌ گێمه‌ر، یان سترێمه‌رو ل ده‌ستپێكا ڤی كاری بۆ ده‌مێ‌ هه‌یڤه‌كێ‌ ژلایێ‌ كومپانیا مێتا، ئانكو فێسبووكی ڤه‌ چاڤدێریا ڤی كه‌سی دهێته‌ كرن كا راسته‌ ئه‌ڤ كه‌سه‌ گێمینكه‌ و ده‌ستپێكه‌ دێ‌ لیڤل ئاپه‌كی بده‌تێ‌ وه‌كو كه‌سه‌كێ‌ سه‌ركه‌فتی و داكو یێ‌ به‌رده‌وام بیت و ئه‌و كه‌سه‌ ده‌مێ‌ دیت لیڤل ئاپ كه‌هشتی َدێ‌ ته‌ماع بیت و دێ‌ یێ‌ به‌رده‌وام بیت و وی كه‌سی مافێ‌ هه‌ی دبیست وچار ده‌مژمێران دا بتنێ‌ چار ده‌مژمێران لایفی ڤه‌كه‌ت و بتنێ‌ حه‌فتیێ‌ رۆژه‌كێ‌ ده‌رفه‌ت هه‌یه‌ لایفی نه‌ڤه‌كه‌ت و پاشان ده‌مه‌كێ‌ درێژ دێ‌ ده‌تێ‌ هه‌تا كو دگه‌هیته‌ (پارتنه‌رێ‌) و پارته‌نه‌رێ‌ ژی چه‌ند مه‌رج هه‌نه‌ هه‌تا كو دگه‌هیتێ‌، چونكو كومپنیا مێتا هه‌یڤانه‌ بیست و سێ‌ وه‌ره‌قێن دولاری ده‌ته‌ وی كه‌سی یێن كو هه‌یڤانه‌ دگه‌هیته‌ ڤی ئاستی، به‌لێ‌ ل ده‌ستپێكا ڤی ئاستی دبیت هنده‌ك جارا ئه‌و كه‌سه‌ بیست وه‌ره‌قێن دولاری ژبه‌ریكا خوه‌ بده‌ت، لێ‌ بتنێ‌ جاره‌كێ‌ دێ‌ بیست وه‌ره‌قان ده‌ت و وه‌كو دی كومپانی دێ‌ بیست و سێ‌ وه‌ره‌قێن دولاری ده‌ته‌ ڤی كه‌سی زێده‌ترگۆتژی: ل هه‌رێما كوردستانێ‌ ب فه‌رمی مه‌ هه‌شت هه‌تا نه‌ه كه‌س هه‌نه‌ ڤی كاری دكه‌ن و گه‌هشتینه‌ ڤی ئاستی ژ وان حه‌فت كه‌سان ژی دو كه‌س كورێن باژێرێ‌ دهۆكێ‌ نه‌.

دهۆك، له‌زگین جوقی
پشتی جینوسایدا شنگال ساله‌ 2014ێ‌ چیبوویێ‌ خه‌لكێ‌ شنگال ئاواره‌یێ‌ ناڤ كه‌مپان بووین كچ وئافره‌تیێن قه‌زا شنگال ده‌ست بكارێن رۆژانا كرینه‌ هنده‌ك ژی كارێ‌ كرێكارێ‌ دكه‌ن بۆ رێڤه‌برنا ژین وژیارا خۆ و هنده‌ك ژی بووینه‌ ده‌رچوویێن زانكۆ وپه‌ێمانگه‌ه هاتینه‌ دامه‌زراندن و هنده‌ك ژی ل رێكخراوان كار دكه‌ن به‌ره‌ڤانیی ژ مافێن خۆ دكه‌ن.
له‌یلا، ژنه‌كا ئێزدی یه‌ ل دۆرینگه‌هه‌كێ‌ كۆمه‌لگه‌ها شاریا كار دكه‌ت دیاركر:” زه‌لامێ‌ من نه‌مایه‌ ساله‌ 2014ێ‌ ژلایێ‌ تیرۆرستێن داعش ئه‌م هه‌موو هاتینه‌ گرتن و ره‌ڤاندن هه‌تا نوكه‌ ئه‌م تشته‌كێ‌ ژ هه‌ڤژینی خۆ نزانم من زارۆك هه‌نه‌ ئه‌ز و زارۆكێن خۆ ژ بن ده‌ستێن تیرۆرستێن داعش رزگاربووینه‌ ژنه‌چاری ئه‌ز كاردكه‌ن داكو زارۆكێن خۆ خۆدان بكه‌م”.
ئاماژه‌ دا وی چه‌ندی ژی كو:” رۆژانا ب كوژمی 10 هزار دیناران كاردكه‌م هنده‌ك رۆژانا كیمتر و هنده‌ك رۆژانا ژی پتر ورۆژانا ژ سپێدی هه‌تا ئێڤاری ئه‌م وه‌كو كرێكار ل دۆرینگه‌هه‌كێ‌ كار دكه‌م بۆ دۆرینا جل وبه‌رگ پشتی ئه‌ڤ كارا ده‌ست من كه‌ڤتی باشه‌ ئه‌ز دشێن زارۆكێن خۆ خۆدان بكه‌ن به‌رێ‌ كار بكه‌م زارۆكیێن من خانیه‌كێ‌ چاڤدیریا ئه‌تیم هاتنه‌ خۆدان بۆ ده‌مه‌كێ‌ درێژ خۆدانكرن نوكه‌ ئه‌ز بوویمه‌ خۆدان كار پێ‌ ژین وژیارا خۆ رێڤه‌دبه‌م”.
دلڤین خه‌له‌ف، كچه‌كا چالاكڤان ئێزدی یه‌ ل قه‌زا شنگال دیاركر:” پشتی خه‌لكێ‌ شنگال تووشی جینوسایدی بووین ساله‌ 2014ێ‌ ل سه‌ر ده‌ستێن هوڤانیێن تیرۆرستێن داعش ئافره‌تا ئێزدی ب تایبه‌تی ژی ئافره‌تێن قه‌زا شنگال ناڤ كه‌مپێن ئاواره‌بوونێ‌ دا ل سنۆرێ‌ پارێزگه‌ها دهۆكێ‌ ده‌ست بكارێن هه‌مه‌ جۆر كرن بۆ رێڤه‌برنا ژین وژیارا خۆ یا رۆژانه‌ ئه‌م شێن بیژن پشتی ساله‌ 2014ێ‌ هه‌تا نوكه‌ ب رێژا پتر 60% كاركرنا ئافره‌تان دناڤ خه‌لكێ‌ قه‌زا شنگال دا زێده‌بوویه‌ ئه‌گه‌ر ژی ڤه‌دگه‌رن بۆ زۆلم و زۆرداریا بسه‌رێ‌ ئافره‌تیێن شنگال هاتیه‌ سه‌ر ده‌ستێن تیرۆرستێن داعش گه‌له‌ك خێزان مانه‌ بێ‌ زه‌لام و گه‌نج ل ڤێده‌ر ئافره‌ت نه‌چاربوویه‌ خێزانا خۆ ب خۆدان بكه‌ت كاره‌كێ‌ رۆژانا ئه‌نجام بده‌ت بۆ ده‌ستڤه‌ئێنانا داهاتیه‌كێ‌”.
ئاشكه‌را كركو:” نوكه‌ گه‌له‌ك گوهۆرێن ب سه‌ر كچ وژنیێن ئێزدی دا هاتیه‌ نوكه‌ هه‌موو شێوه‌یان ئافره‌ت به‌ره‌ڤانیی ژ مافیێن خۆ دكه‌ت هه‌ولده‌ت ب هه‌ر ره‌نگه‌كێ‌ هه‌بیت ژیانا خۆ رێڤه‌ببه‌ت نوكه‌ گه‌له‌ك ئافره‌ت ل خۆارنگه‌ه و نابیژیا كار دكه‌ن هه‌روه‌سا ژی گه‌له‌ك ئافره‌تان دۆرینگه‌ه ل كه‌مپان ڤه‌كرینه‌ و تێدا كار دكه‌ن وگه‌له‌ك ژ كچ وژنان بووینه‌ ده‌رچوویێن زانكۆ و په‌ێمانگه‌ه هاتینه‌ دامه‌زراندن ناڤ دام و ده‌زگه‌هیێن حكومه‌تێ‌ دا وگه‌له‌ك ژی ل رێكخراوان كار دكه‌ن هه‌تا ژی ئافره‌ت هه‌نه‌ بخۆ فرۆشگه‌ه ڤه‌كرینه‌ تێدا كار دكه‌ن ئه‌ڤه‌ بوویه‌ ئه‌گه‌ر ئافره‌ت خۆ بخۆ ژیانا خۆ رێڤه‌ببه‌ت”.
زێده‌تر گۆت:” ل ناڤ كه‌مپان رۆژانا ئافره‌ت كار دكه‌ن و هنده‌ك ژی بخۆ ده‌لیڤین كاری دگه‌رن هه‌تا نوكه‌ وه‌سا لیهاتیه‌ ئافره‌ت چاڤ ل ئێكدو دكه‌ن بۆ كاركرنێ‌ ئه‌ڤه‌ تشته‌كێ‌ زۆر باشه‌ نه‌خاسمه‌ ژی ئه‌و كچ وژنیێن كه‌ڤتنیه‌ ده‌ستێن هوڤانیێن داعش دا وخێزانیێن وان هاتینه‌ بێ‌ سه‌روشینكرن ئه‌و ژن هه‌موو هه‌ولا دكه‌ن بۆ خۆدانا زارۆكیێن خۆ “.
سوزان سه‌فه‌ر، به‌رپرسا رێكخراوا داك بۆ گه‌شه‌پێدانا ژنا ئێزدی دیاركر:” رێژا كاركرنێ‌ دناڤ ئافره‌تیێن شنگال دا گه‌له‌ك زێده‌بوویه‌ ل كه‌مپێن ئاواره‌یێ‌ ل پارێزگه‌ها دهۆكێ‌ ژبه‌ركو گه‌له‌ك رێكخراو هه‌نه‌ ل كه‌مپان پشته‌ڤانیا ئافره‌تان دكه‌ن خۆلێن هه‌مه‌ جۆر یێن مه‌شقدانی ل سه‌ر چه‌وانیا ئه‌نجامدانا كاران ڤه‌دكه‌ن پشتی ئافره‌ت ژ ڤان خۆلا ده‌رچن بنه‌ خۆدان كار ئه‌ڤه‌ پێنگاڤه‌كا زۆر باشه‌ ئافره‌ت قه‌ستا كاركرنێ‌ بكه‌ن”.