ئه‌ڤرۆ:

ته‌ جاره‌كێ‌ هه‌ست كریه‌ كو وایفایی یێ‌ مالا ته‌ نه‌ ل دووڤ وێ‌ له‌زاتیێ‌ یا ژ لایێ‌ كۆمپانیێ‌ ڤه‌ بۆ ته‌ گۆتی و بۆ ته‌ گۆمان ل سه‌ر دروست بوویه‌؟ ل ڤێره‌ دێ‌ ئاریشێ‌ و هنده‌ك چاره‌سه‌ریان بۆ ته‌ به‌رچاڤ كه‌ین.

نها له‌زاتی و پێشكه‌فتنا ئه‌نترنێتێ‌ گه‌هشتیه‌ ئاسته‌كی كو به‌ری ماوه‌كێ‌ كێم ژی هزر ل هندێ‌ نه‌دهاته‌ كرن كو دێ‌ گه‌هیته‌ وی ئاستی و رۆژ بۆ رۆژێ‌ به‌ر ب پێشڤه‌چوونێ‌ یه‌، ئه‌ڤه‌ ژی ژ ئه‌گه‌رێ‌ وان ئالاڤێن پێشكه‌فتی یه‌ یێ‌ بۆ ڤێ‌ مه‌ره‌مێ‌ دهێنه‌ داهێنان ل گه‌ل ئاڤاكرنا ژێرخانا ئه‌نترنێتێ‌ ب ره‌نگه‌كێ‌ گه‌له‌ك باش.

نه‌ ب تنێ‌ ئه‌و ژێرخانا ئابووری یا بۆ پێشڤه‌برن و ب له‌ز خستنا ئه‌نترنێتێ‌ هاتیه‌ دابینكرن، به‌لكو ژ لایێ‌ ئه‌وێ‌ پێشڤه‌چوون و گۆنجاندنا باش یا ئالاڤێن ناڤمالێ‌ ژی ئه‌وێن بووینه‌ رێخوشكه‌ر كو خوه‌شیێ‌ ب ئه‌نترنێتێ‌ ببه‌ین وه‌كو راوته‌ری كو ل پێش سالێن بوری گه‌له‌ك پێشكه‌فتن ب خوه‌ ڤه‌ دیتیه‌.

تو هزر دكه‌یی كو له‌زاتیا ئه‌نترنێتا ته‌ نه‌ ل دووڤ وێ‌ له‌زاتیێ‌ یه‌ ئه‌وا پێدڤی؟ ئه‌ڤه‌ ژ چه‌ند ئه‌گه‌ران دهێته‌ پێش، ئه‌ڤرۆ دێ‌ به‌حس ل هنده‌كان كه‌ین.

وه‌كو شیره‌ت ژی وه‌ربگره‌ و دڤێت هه‌رده‌م بۆ ته‌ یا به‌رچاڤ بیت كو نیشان ب باشی دگه‌هیته‌ وان ئالاڤێن ل سه‌ر كار دكه‌ن، هه‌كه‌ ب باشی نه‌گه‌هشتێ‌ ئه‌ڤه‌ ئاریشه‌ یا هه‌یی.

پتریا جاران راوته‌ر دو نیشانان دهنێریت بۆ هه‌بوونا تۆڕێ‌ یێن 2.4 گێگا هێرتز و 5 گێگا هێرتز، یا ده‌ستپێكێ‌ ئه‌و رووبه‌رێ‌ مه‌زنه‌، به‌لێ‌ یا دی باشتره‌، هه‌كه‌ مه‌ دیت تو نیشان یێ‌ ل به‌ر ده‌ست و هه‌ردو ژی د لاون باشتره‌ ئه‌م یا 5 گێگا هێرتز ب كاربینین.

پترترین له‌زاتیا نیشانێ‌ 2.4 گێگا هێرتز ژ لایێ‌ كریاری ڤه‌ 600 مێگابایته‌ د چركێ‌ دا، به‌لێ‌ یا نیشانا 5 گێگا هێرتز 1300 مێگابایته‌ د چركێ‌ دا.

دبیت ئه‌ڤه‌ باشتر ژی لێ‌ بهێت هه‌كه‌ ئالاڤێ‌ ئه‌نترنێتێ‌ یێ‌ تایبه‌ت ب راوته‌ری پشته‌ڤانیا WIFI 6 بكه‌تئه‌وێ‌ كو كار ل سه‌ر باشتركرنا هووربینیا داتایان ب ره‌نگه‌كێ‌ مه‌زن ل سه‌ر راوه‌ته‌ری دكه‌ت و نیشانێ‌ باشتر به‌لاڤ دكه‌ت.

ل ڤێره‌ ئه‌م دڤێت بگه‌هینه‌ وێ‌ راستیێ‌ ژی كو كوالێتیا ئامیرێ‌ ئه‌نترنێتێ‌، راوه‌ته‌ر و ئه‌و ئامیرێ‌ ئه‌نترنێتێ‌ ل سه‌ر دده‌نه‌ كاری، هه‌ردویان رۆله‌كێ‌ مه‌زن یێ‌ هه‌یی د باشتركرنا نیشان و له‌زاتیا ئه‌نترنێتێ‌ دا و ب گه‌له‌ك رێكان.

هه‌كه‌ ئامیرێن مه‌ 5WIFI  بن كو ئه‌ڤرۆ پتریا ئامیرێن مۆبایلان ب وی سیسته‌می نه‌، له‌زاتیا نیشانا 5 گێگا هێرتز دێ‌ له‌زاتیا 1300 گێگابایت د چركێ‌ دا خوینیت، به‌لێ‌ پتریا جاران ئه‌م مفایی ژ 50% هه‌تا 80% یا ڤێ‌ له‌زاتیێ‌ دبینین.

به‌لێ‌ هه‌كه‌ ئامیرێ‌ مه‌ بۆ WIFI 6 بهێته‌ گوهۆرین، چو پێ‌ نه‌ڤێت دێ‌ له‌زاتیا وی ب ره‌نگه‌كێ‌ گه‌له‌ك باشتر هێته‌ گوهۆڕین و باشتر كارێ‌ خوه‌ كه‌ت و چو ئاریشه‌ نابن.

شیره‌تا وێ‌ چه‌ندێ‌ ل ته‌ دكه‌ین هه‌كه‌ مۆبایلا ته‌ WIFI 6 بخوینیت بێ‌ دودلی قه‌ستا بازاری بكه‌ و راوته‌ره‌كی بكره‌ كو پشته‌ڤانیا WIFI 6 بكه‌ت ئه‌وێ‌ دێ‌ ئه‌نترنێتا ته‌ ب ره‌نگه‌كێ‌ به‌رچاڤ باشتر لێ‌ كه‌ت و ئاریشێن نیشانی ژی نابن و ب له‌زاتیه‌كا ته‌مام دێ‌ ئه‌نترنێتێ‌ بۆ ته‌ دابین كه‌ت ئه‌وا كو كۆمپانیێ‌ ده‌ست نیشانكری.

ئه‌ڤرۆ:

نێزیكی ساله‌كێ‌ ده‌ربازبوو ل سه‌ر رێ پێدانا هژمارێن واتسئاپی ل سه‌ر گه‌له‌ك ئامیران بۆ نمۆنه‌ ل سه‌ر تله‌فۆنه‌كێ‌ و ئامیره‌كێ‌ كۆمپیۆته‌ری بێ‌ كو به‌رده‌وام هه‌ردو ب ئه‌نترنێتێ‌ ڤه‌ دگرێدایی بن.

سه‌ره‌رایی وێ‌ چه‌ندێ‌ كو بكارئینه‌ران گه‌له‌ك پێشوازی لێ‌ كر، به‌لێ‌ د هه‌مان ده‌م دا رێگری ژی لێ‌ كر كو مرۆڤ نه‌شێت ڤێ‌ خواستێ‌ ل سه‌ر دو مۆبایلان پێكڤه‌ بكار بینیت و ئه‌ڤه‌ ژی وه‌كو رێگریه‌كێ‌ نیشا دا ل هه‌مبه‌ر خواستێن وان.

هه‌روه‌كو كۆمپانیێ‌ گوه دایه‌ كۆمێنت و بۆچوونێن بكارئینه‌رێن ڤێ‌ تۆڕێ‌ ژ به‌ر كو پشتی ڤێ‌ داخوازیێ‌ ئه‌وان راگه‌هاند كو د ده‌مه‌كێ‌ نێزیك دا ئه‌و دێ‌ ڤێ‌ خزمه‌تگۆزاریێ‌ ده‌نه‌ كاری و نها د وارێ‌ تێستێ‌ دایه‌ و ئه‌ڤێن خزمه‌تێن واتسئپانی ب ره‌نگێ‌ تێست وه‌ردگرن هه‌ر ژ نها دشێن مفایی ژ ڤێ‌ خزمه‌تێ‌ وه‌رگرن.

ئه‌ڤرۆ:

مێژوویا ئه‌ندرۆید ل گه‌ل Joker Trojan یا دوور و درێژه‌، ئه‌ڤ هه‌ڤالینیه‌ ڤه‌دگه‌ریته‌ به‌ری چار سالان ده‌ما بۆ جارا ئێكێ‌ ل سالا 2017ێ‌ هاتیه‌ ئاشكه‌را كرن. هه‌رجار بۆ ماوه‌یه‌كی گۆگل دژاتیا وی دكه‌ت و ئه‌و ئه‌پلیكه‌یشنێن تووش بوویی ژ ناڤ دبه‌ت و وی ژی ناهێلیت، به‌لێ‌ ماوه‌ بۆ ماوه‌یی دووباره‌ ده‌ردكه‌ڤیته‌ڤه‌، ئانكو دووماهی بۆ ڤێ‌ چه‌ندێ‌ نابیت.

تاقیگه‌ها كاسپرسكی Kaspersky Labs ئاشكه‌را كریه‌ كو هه‌تا نها سێ‌ ئه‌پلیكه‌یشن هاتینه‌ ئاشكراكرن كو تووشی ڤی ڤایرۆسی بووینه‌، ئاشكه‌را ژی دكه‌ت كو دبیت ئه‌ڤ رێژه‌ د زێده‌بوونێ‌ دایه‌.

ئاشكه‌را كریه‌ كو هه‌رسێ‌ ئه‌پلیكه‌یشن پێك هاتینه‌ ژ – Style Message  –  Blood Pressure App   – Camera PDF Scanner ب ره‌نگه‌كی كو هه‌كه‌ ئه‌ڤ ئه‌پلیكه‌یشنه‌ د ناڤ مۆبایلێن هه‌وه‌ دا هه‌بن، ب زووترین ده‌م ده‌ربێخن، به‌ری زیانێ‌ بگه‌هیننه‌ مۆبایلێن هه‌وه‌.

دایه‌ زانین كو ئه‌ڤ به‌رنامه‌ د مفاداران و بۆ مه‌ره‌مێن باش هاتینه‌ دروستكرن، به‌لێ‌ د راستی دا ب رێیا ڤان به‌رنامان د شیان دایه‌، تشتێ‌ بكارئینه‌ری بدزن و ژ به‌ر هندێ‌ ژی یا باش نینه‌ بكاربینن.

هه‌ر وه‌كو مه‌ گۆتی نها ل ده‌ف هنده‌ك كه‌سان ئه‌ڤ ساخله‌ته‌ كه‌فتیه‌ كاری، ژ به‌ر هندێ‌ ژی پێشبینیا ده‌مه‌كێ‌ درێژ ناهێته‌ كرن هه‌تا ل ده‌ف هه‌میان دكه‌ڤیته‌ كاری.

رێیا گرێدانێ‌ ژی یا ب ساناهی یه‌، هه‌كه‌ ته‌ بڤێت ب مۆبایله‌كا دژی ڤه‌ گرێده‌یی دێ‌ بێژیت ته‌ دڤێت واتسئاپی كه‌ڤن بمنیت یان نه‌ ل وی ده‌می تو دشێی ل سه‌ر هه‌ردو مۆبایلان ب هێلی یان ژی ژ یا كه‌ڤن ببه‌یی و ب تنێ‌ د یا نوو دا بهێلی.