ئه‌ڤرۆ:

هنده‌ك كه‌س وه‌سان هزر دكه‌ن كو تایبه‌تمه‌ندیا پاقژكرنا سه‌لكا گلێشی داهێنانه‌كا گه‌له‌ك باشه‌ ئه‌نجام دده‌ن دا كو كۆمپیۆته‌رێ‌ خوه‌ سڤك كه‌ن و گلێشی تێدا نه‌هێلن، به‌لێ‌ د راستی دا، هنده‌ك تایبه‌تمه‌ندی یێن هه‌ین گه‌له‌ك زێده‌تر ژ وێ‌ چه‌ندێ‌ دێ‌ هاریكاریا ته‌ كه‌ن بۆ پتر رێكخستنا سه‌لكا گلێشی و ئه‌ڤێن ل خوارێ‌ چار تایبه‌تمه‌ندی نه‌ كو ل سه‌ر ته‌ پێدڤیه‌ بۆ سه‌لكا گلێشی یا كۆمپیۆته‌رێ‌ خوه‌ ئه‌نجام بده‌یی.

1-            دێ‌ چاوان قه‌بارێ‌ سه‌لكا گلێشی كێم یان زێده‌ كه‌ی؟

ب چه‌ند پێنگاڤێن ب ساناهی تو دشێێ‌ قه‌بارێ‌ سه‌لكا گلێشی د كۆمپیۆته‌ری دا كێم یان زێده‌ بكه‌ی، بۆ ڤێ‌ مه‌ره‌مێ‌ ژی ب تنێ‌ ل سه‌ر ته‌ پێدڤیه‌ كلیكا راستێ‌ ل سه‌ر سه‌لكا گلێشی بده‌ی و تایبه‌تمه‌ندی ب هه‌لبژێری، دێ‌ په‌نجه‌ره‌ك بۆ ته‌ ڤه‌بیت بۆ ده‌ستنیشانكرنا جهێ‌ هه‌لگرتنا فایلان ب ره‌نگه‌كێ‌ ده‌مكی و قه‌بارێ‌ ده‌ستنیشانكری یێ‌ سه‌لكا گلێشی. ل وێرێ‌ تو دشێی ل دووڤ حه‌زا خوه‌ قه‌بارێ‌ وێ‌ ب گوهۆڕی چ كێم بكه‌ی یان ژی زێده‌ بكه‌ی.

2-            چاوان دێ‌ فایلان دیلێت كه‌ی بێی كو بچنه‌ د سه‌لكا گلێشی دا؟

دبیت گه‌له‌ك ژ مه‌ ل ده‌مێ‌ نه‌ڤێت فایله‌ك بچیته‌ د سه‌لكا گلێشی دا، ئێكسه‌ر Shift+delete بكار دئینن، به‌لێ‌ د راستی دا، د ناڤ تایبه‌تمه‌ندیێن سه‌لكا گلێشی ب خوه‌ ژی دا، خزمه‌ته‌ك هه‌یه‌ كو رێ‌ دده‌ته‌ بكارئینه‌ری هه‌ر فایله‌كا هه‌بیت ئێكسه‌ر دیلێت ببیت و نه‌چیته‌ د ناڤ سه‌لكا گلێشی دا، ئه‌و ژی ب ڤی ره‌نگی یه‌: دێ‌ كلیكا راستێ‌ لێ‌ ده‌ی و چیه‌ تایبه‌تمه‌ندیا ل وێرێ‌ دێ‌ “Remove files immediately when deleted”. هه‌لبژێری.

3-            نه‌هێلانا خزمه‌تا ناما پشتراسكرنێ‌

گه‌له‌ك كه‌س یێن هه‌ین بێزار دبن ل ده‌مێ‌ هه‌ر تشته‌كی دیلێت دكه‌ن، دێ‌ نامه‌ك بۆ هێت بۆ وێ‌ چه‌ندێ‌ كا یێ‌ پشت راسته‌ وێ‌ فایلێ‌ دیلێت بكه‌ت یان نه‌، ل ڤێرێ‌ تو دشێی وێ‌ نامێ‌ ژی رابگری و ئێدی بۆ ته‌ نه‌هێت، هه‌ر تشتێ‌ ته‌ بڤێت دیلێت بكه‌ی دێ‌ ئێكسه‌ر دیلێت بیت. به‌لێ‌ ئه‌ز شیره‌تا وێ‌ چه‌ندێ‌ دكه‌م كو ئه‌و خزمه‌ت هه‌بیت باشتره‌ چونكو دبیت گه‌له‌ك جاران ب خه‌له‌تی ژی ڤه‌ ده‌ستێ‌ ته‌ بكه‌ڤیته‌ سه‌ر دیلێت ل وی ده‌می فایلا ته‌ ئێسكه‌ر دێ‌ چیت و نامینیت: دێ‌ كلیكا راستێ‌ لێ‌ ده‌ی و چیه‌ تایبه‌تمه‌ندیا ل وێرێ‌ دێ‌ “delete confirmation dialog”هه‌لبژێری.

4-            چه‌ند رۆژان جاره‌كێ‌ ته‌ دڤێت سه‌لكا گلێشی پاقژ ببیت؟

دشیان دایه‌ رێكخستنه‌كا دی یا گرنگ بكه‌ی ئه‌و ژی كا ته‌ دڤێت چه‌ند رۆژان جاره‌كێ‌ سه‌لكا گێلشی پاقژ ببیت ب ره‌نگه‌كێ‌ ئوتۆماتیكی، چ رۆژه‌ك یان حه‌فت رۆژ یان ژی هه‌یڤه‌ك ب تنێ‌ ل سه‌ر ته‌ پێدڤیه‌ بچیه‌ پشكا رێكخستنێ‌ Settings پاشان ژی هه‌ر سه‌ر هه‌لبژارتنا System  پاشان ژی هه‌ره‌ Storage و پاشان ژی Storage Sense ل وێرێ‌ دشیان دایه‌ ل دووڤ حه‌زا خوه‌ سه‌ره‌ده‌ریێ‌ ل گه‌ل ماوێ‌ پاقژكرنا سه‌لكا گلێشی بكه‌ی.

ئه‌ڤرۆ:

هه‌كه‌ تو ل به‌رچاڤكێن باش بگه‌ری بۆ ڤێ‌ هاڤینێ‌، شیاومی هه‌لبژارتنه‌كا باشه‌. كۆمپانیێ‌ نموونا خوه‌ یا ب ناڤێ‌ “Pilot” پێش خستیه‌ و نڤشه‌كێ‌ نوو خستیه‌ بازاری كو گه‌له‌ك تایبه‌تمه‌ندیێن گرنگ یێن ئێخستینێ‌.

كۆمپانیا شیاومی نڤشه‌كێ‌ نوو یێ‌ به‌رچاڤكان ب ناڤێ‌ Xiaomi Pilot ل چینێ‌ خستیه‌ بازاری و دشیان دایه‌ ب رێیا ئونلاین داخواز بكه‌ن كو ب دو ره‌نگێن خوه‌ یێن ره‌ش و رساسی ل به‌ر ده‌سته‌ ل گه‌ل لینزێن زه‌رده‌قالی ژی. یا دیار ژی نینه‌ كا دێ‌ ل وه‌لاتێن دی هێته‌ فرۆتن یان نه‌، به‌لێ‌ ل سه‌ر ئه‌نترنێتێ‌ یا به‌رده‌سته‌.

دیزاینا ڤێ‌ به‌رچاڤكێ‌ ژ جۆرێ‌ aviator، ئانكو وه‌كو یا نڤشێ‌ ئێكێ‌ یه‌، به‌لێ‌ ژ گه‌له‌ك لایان ڤه‌ هاتیه‌ نووكرن وه‌كو قه‌باره‌ی كو ب تنێ‌ 22 گورامه‌.

ژ ستیلی هاتیه‌ دروستكرن كو تێك نه‌چیت و شیشا وێ‌ ژی ب ماده‌كی هاتیه‌ پاراستن كو ئاڤ و خوه و شوون تبل كارتێكرنێ‌ لێ‌ نه‌كه‌ت، دیسا چاڤان ژی ژ تیشكا سه‌روبنه‌ڤشی و تیشكێن UVA  و UVB د پارێزێت. ئانكو ئه‌ڤ به‌رچاڤكه‌ دشێت چاڤان ژ تیشكا سه‌روبنه‌ڤشی ب درێژاهیا پێلا 400 نانومه‌تران ب پارێزیت.