‎ مـونـا عەبدالسلام

‎دگەل هەبوونا تەخوچینێن جودا یێن جڤاكی و گرنگیا وان تەخا قوتابی و لاوان ژ تەخا گرنگ و كاریگەر یا جڤاكی یە، ژبەركو و لاو و قوتابی ستوینا ئاڤاكرنا مللەتانن، ژ بەر ڤێ چەندێ ل ١٨ شوباتا سالا ١٩٥٣ د ٧٢ سالان دا بەری نوكە د رەوشەكا دژوار یا سیاسی و نەتەوەی یا گەلێ كورد دا ب دەستپێشخەرییا رابەرێ نەتەوەیی و گەلێ مە مەلا مستەفا بارزانی)، ئێكەتییا قوتابیێن كوردستانێ و ئێكەتییا لاوێن دیموكراتا كوردستانێ ب هەستەكا نشتیمان پەروەری و كوردایەتی و بوێرانە هاتنە دامەزراندن،ل ١٨ شوباتا سالا ١٩٥٣ كۆنگرەیێ سیێ‌ یێ‌ پارتی دیموكراتی كوردستان ل باژێرێ كەركووكێ هاتە گرێدان د ئەوی كۆنگرەی دا چەندین بریار و راسپاردەیێن گرنگ هاتنەدان كو ئێك ژ وان بریارێن گرنگ ب فەرمی دامەزراندنا ئێكەتییا لاوێن دیموكراتا كوردستانێ وئێكەتییا قوتابییێن كوردستانێ بوو،ئەڤ رێكخراوە ژ پێخەمەت خزمەتكرنا لاو و گەنجان و شییانێن وان هەروەسا كار و چالاكیێن وان ژ پێخەمەت گرنگیدان ب تەخا گەنجان و لاوان هاتە دامەزراندن ژ پێخەمەت وێ چەندێ كو قوتابی و لاو ب ماف و ئەركێن خوە یێن رەوا شادببن ١٨ شوباتێ بوویە بنەمایەك و رێكخراوەكا نەتەوەی كار ژ پێخەمەت بدەستڤەئینانا ئارمانج و مافێن قوتابیان كرییە و ئاڤاكرنا كەسایەتییا قوتابیان ژ پێخەمەت پاشەرۆژا وەلاتی،هەر وەكی بابێ مەزن گەلەك گرنگی دایە قوتابی و لاوان د گۆتنەكا خوە دا دبێژیت (قوتابی سەرێ رمێنە د هەمی شۆرەش و راپەرینان دا) ژ ئەڤ گۆتنا بابێ مەزن بۆ مە دیاردبیت كو گەلەك باوەری ب قوتابیێن مللەتێ خوە هەبوو، ژبەركو ئەوی دزانی كو قوتابی دشێت ب خامەیێ خۆ شەڕی ل هەمبەری داگیركەران بكەت ژ پێخەمەت وەلاتەكێ سەركەفتی و سەرفەراز،قوتابی و لاوێن مللەتێ مە وەكی ستوینەكێ نە بۆ مللەتی، ژبەركو مللەتێن سەركەفتی بەرهەمێ نفشێ سەركەفتی و پەروەردەكرینە قوتابی و لاوێن كورد ژی كاردكەن ژ پێخەمەت گەهاندنا پەیاما خوە ب سەركەفتی و سەربلندی، هەروەسا ژ پێخەمەت بەرز ڕاگرتنا وی ئەركێ پێ هاتیەدان و گەهاندنا پەیاما خوە ب راستی و دروستی،قوتابی و لاوێن دیموكراتا كوردستانێ د هەمی قۆناغێن خەباتا گەل دا شوینتلێن وان ددیارن و هەر قوتابی و لاوێن كورد بووینە جهێ پێگەهاندن و پەروەردەیا كوردایەتییێ و نشتیمان پەروەری و چاڤ نەترسیێ، هەروەسا لاوێن كورد هێمایێ باوەری ب خۆبوونێ نە پشتەڤان و دلسۆز و وەفادارن بۆ گەل و وەلات و ئاخا كوردستانێ.

مونا عەبدولسەلام

بەشێ هەرە زۆر یێ مە حەزژ ئاخفتن و سوحبەتا دكەن دەمێ دروونن دیوانا خوە ب سوحبەتان گەرم دكەین دەم و شەڤبێریێن خوە دبۆرینین، یان رۆژانە ل گەل كەسان تێكەل دبین، لێ یا ژ ڤێ گرنگتر ئەوە كا ئەم ژكیژ جۆرێ ئاخفتن كەرانین، هندەك كەس یێن هەین نا ئاخڤن یان دەمێ د ئاخڤن ب ئاخفتنێن خوە یێن خۆش یان جوان یانژی ئاخفتنێن وان گەلەك د وزە بەخش و ئەرێنی و رێكوپێكن ئەڤان جۆرێ مرۆڤان تۆ هەر حەزدكەی ل دەف روونی و ل دیوانا وان بێ ژبەركو چ جاران ب ئاخفتنێن خوە دلێ هەڤالێ خوە یان كەسێ بەرامبەر خوە نا ئێشینن وەكی ئەم دبێژین نە د گوزەك شكێنن، هەر جارەكا تۆ ل دەف ب روونی یان دێ چاڤێن تە گەشبین كەت بۆ ژیانێ، یان ژی دێ ئاخفتنەكا جوان بێژیتن و پشتەڤانییا تەكەت لسەر كار و چالاكیێن تە، ئەگەر خوە ئەڤ كەسە ئامۆژگارییەكێ لتەبكەن و چەند نە یا بد لێ تەژی بیت، لێ ژبەر ئاخفتنا وان یا جوان ئەم رێزێ لێ دگرین، د بەرامبەر ڤان مرۆڤان دا هندەك كەس یێن هەین ئاخفتن بێژن مەرەما من ژ ئاخفتنبێژ ئانكو هەر تشتەكێ بهێتە سە ر ئەزمانێ وان ئەو دێ بێژن بێی كو هزرا كەسێ بەرانبەر بكەت یان هزرا هەستێ كەسێ بەرامبەر خوە بكەت ئەگەر خوە ل ناڤ دیوانان ژی ب روونن یان كەسێ نەڤێت گوهێ خوە بدەتە وان یان ژی كەس حەز ناكەت ل وێ دیوانێ ب روونن، ئەڤ جۆرێ كەسان دەمێ د ئاخڤن ئاگەهـ ژ خوە نینە نوزانن چ دبێژن یان ژی دەمێ ئەم دبێژین هەر تەڤركەكی ل جهەكی ددەن هەر بێهنەكێ سوحبەتەكێ دكەن یان تۆ باخڤی یان نە ئەو دێ ئاخفتنا خوە بیژیت و ئاخفتناتە ل دەف نە یاگرنگە ئەو هزر دكەن ئەوا ئەو دبێژن یادروستە و ئەو د درستن هەموو كەس د خەلەتن وان باوەریا ب وێ هەی یا ئەو دزانن ئەڤجا ژ ڤان مرۆڤان و دیوانێن وان دوور بكەڤە ئەڤ مرۆڤە ژ بلی رەشەبایێن نەرێنی ل سەر هزر و بیرێن تە چ یا زێدەتر نینە، ئەڤجا بزانە دژیانا خوە یا رۆژانە دا تۆ تێكەل دبی دگەل كێ و ئاخفتنێن كێ كاریگەری لسەر تە هەیە رۆژانە ل گەل كەسێن ئاخفتن باش تێكەل ببە نە ئاخفتنبێژ.

مونا بەرواری

‎خێزان ئێك ژ گرنگترین پێكەهیێن جڤاكی یە جڤاكەكا ساخلەم ژ خێزانەكا راست و دروست و ساخلەم پەیدا دبیت خێزان كاریگەریەكا ئەرێنی و بەرچاڤ یا لسەر جڤاكێ هەی، ل دەستپێكا كچ و كوران د قۆناغا پێگەهشتنا خوە دا و هێدی هێدی نێزیكی قۆناغا هەڤژینیێ دبن یا ل سەر وان، پێدڤیە پشكداری روینشتن و خولێن پێگەهشتنێ‌ و گرێدای ژیانا هەڤژینیێ ببن دبیت گەلەك ژ وان وەسا هزر بكەن كو پشكداریا وان د ئەڤان خولان دا كێماسیە یان ژی دبیت هزركەن كو ئەو گەلەك د بنیات دا دشارازانە، پێدڤی ڤان خولان نینن، لێ ل گەل بۆرینا دەمێ و ژیانەكا دیر و درێژ ل گەل رەگەزێ بەرامبەر دێ زانی ب راستی ئەڤ خولە گەلەك دگرنگن، ژبەركو هەڤژین دو رەگەزێن جودانە ژ دو ژینگەهێن جودا هزروبیرێن وان، دبیت گەلەك ژێكجودا بن، ژبەر ڤێ چەندێ دێ بینی ل دەستپێكا قۆناغا هەڤژینیێ ب جوانی دبۆریت و هێدی هێدی دگەل بارودۆخێن جیواز و یێن ب زەحمەت هەردولا دبیت خۆ لبەر ڤان بارودۆخان نەگرن ل ڤێرێ ئاریشە و گەنگەشە دەسپێدكەن، دبیت د ڤی دەمی دا خودان زارۆك ژی بن، تێگەهشتنا خێزانەكێ ژ یا دی جودایە، هندەك ژ وان دبیت هەر ل دەستپێكێ شەروئالۆزێ دەسپێدكەن و هندەك ژ وان ژی پشتی چەند سالان دیاردبن، ئەڤ شەروئالۆزییە ژی ژ گەلەك لایەنان پەیدا دبن گەلەك جاران كچ و كۆڕ ب ڤیان خێزانێ پێكدئینن د ماوێ حەزژێكرنێ دا كۆڕ گەلەك بۆ كچێ خۆش دكەت، هەر بگرە ژبارێ دارای و گەریان و خۆشیێ و ژیانەكا شاهانە و خەیالی د گەل كچێ دبێژیت، لێ دەمێ كچ دهێتە د ژیانا ڤی گەنجی دا، ئەڤ تشتە دبەروڤاژینە و دبیت گەلەك ب زحمەت ژی بن، یان ژی مالا كوری دێ گەلەك ب خۆشی بەحس ل وێ ژیانێ كەن یا د ناڤ دا دژین و دێ گەلەك خۆشیان ل گەل كچێ بێژن، لێ د راستی دا چ تشت ب ڤی رەنگی نینن، بەلكو دبەروڤاژینە و دبیت بزەحمەتر ژی ئەڤە ژی دبیتە ئەگەر كو شەروئالۆزی د ناڤ خیزانێ دا پەیدا ببن، د ناڤا ڤان پەیوەندیان دا گەلەك جاران خێزان دبنە قوربان یان ژی كچ و باراپتر یا جاران زارۆك دبنە قوربانی د ناڤبەرا هەردو لایەنان دا قوربانیدانا زارۆیان گەلەك یا ب زحمەتە، ژبەركو گەلەك جاران لسەر بنەمایێ كەربوكینێ مەزن دبن، هندەك زاروكێن دڕندە ژێ پەیدا دبن كو كاریگەریێ دگەهینە خوە و جڤاكی و زاۆیێن دەوروبەرێن خوە ل قوتابخانێ و ژدەرڤە ژبەر ڤێ چەندێ گەلەك گرنگە خیزان لسەر بنەمایێ راستی و دروستیێ ئاڤاببیت داكو چ كەس نەبنە قوربانی

مـونـا بـەرواری

‎خێزان ئێك ژ گرنگترین پێكەهیێن جڤاكی یە جڤاكەكا ساخلەم ژ خێزانەكا راست و دروست و ساخلەم پەیدا دبیت خێزان كاریگەریەكا ئەرێنی و بەرچاڤ یا لسەر جڤاكێ هەی، ل  دەستپێكا كچ و كوران د قۆناغا پێگەهشتنا خوە دا و هێدی هێدی نێزیكی قۆناغا هەڤژینیێ دبن یا ل سەر وان، پێدڤیە پشكداری روینشتن و خولێن پێگەهشتنێ‌ و گرێدای ژیانا هەڤژینیێ ببن دبیت گەلەك ژ وان وەسا هزر بكەن كو پشكداریا وان د ئەڤان خولان دا كێماسیە یان ژی دبیت هزركەن كو ئەو گەلەك د بنیات دا دشارازانە، پێدڤی ڤان خولان نینن، لێ ل گەل بۆرینا دەمێ و ژیانەكا دیر و درێژ ل گەل رەگەزێ بەرامبەر دێ زانی ب راستی ئەڤ خولە گەلەك دگرنگن، ژبەركو هەڤژین دو رەگەزێن جودانە ژ دو ژینگەهێن جودا هزروبیرێن وان، دبیت گەلەك ژێكجودا بن، ژبەر ڤێ چەندێ دێ بینی ل دەستپێكا قۆناغا هەڤژینیێ ب جوانی دبۆریت و هێدی هێدی دگەل بارودۆخێن جیواز و یێن ب زەحمەت هەردولا دبیت خۆ لبەر ڤان بارودۆخان نەگرن ل ڤێرێ ئاریشە و گەنگەشە دەسپێدكەن، دبیت د ڤی دەمی دا خودان زارۆك ژی بن، تێگەهشتنا خێزانەكێ ژ یا دی جودایە، هندەك ژ وان دبیت هەر ل دەستپێكێ شەروئالۆزێ دەسپێدكەن و هندەك ژ وان ژی پشتی چەند سالان دیاردبن، ئەڤ شەروئالۆزییە ژی ژ گەلەك لایەنان پەیدا دبن گەلەك جاران كچ و كۆڕ ب ڤیان خێزانێ پێكدئینن د ماوێ حەزژێكرنێ دا كۆڕ گەلەك بۆ كچێ خۆش دكەت، هەر بگرە ژبارێ دارای و گەریان و خۆشیێ و ژیانەكا شاهانە و خەیالی د گەل كچێ دبێژیت، لێ دەمێ كچ دهێتە د ژیانا ڤی گەنجی دا، ئەڤ تشتە دبەروڤاژینە و دبیت گەلەك ب زحمەت ژی بن، یان ژی مالا كوری دێ گەلەك ب خۆشی بەحس ل وێ ژیانێ كەن یا د ناڤ دا دژین و دێ گەلەك خۆشیان ل گەل كچێ بێژن، لێ د راستی دا چ تشت ب ڤی رەنگی نینن، بەلكو دبەروڤاژینە و دبیت بزەحمەتر ژی ئەڤە ژی دبیتە ئەگەر كو شەروئالۆزی د ناڤ خیزانێ دا پەیدا ببن، د ناڤا ڤان پەیوەندیان دا گەلەك جاران خێزان دبنە قوربان یان ژی كچ و باراپتر یا جاران زارۆك دبنە قوربانی د ناڤبەرا هەردو لایەنان دا قوربانیدانا زارۆیان گەلەك یا ب زحمەتە، ژبەركو گەلەك جاران لسەر بنەمایێ كەربوكینێ مەزن دبن، هندەك زاروكێن دڕندە ژێ پەیدا دبن كو كاریگەریێ دگەهینە خوە و جڤاكی و زاۆیێن دەوروبەرێن خوە ل قوتابخانێ و ژدەرڤە ژبەر ڤێ چەندێ گەلەك گرنگە خیزان لسەر بنەمایێ راستی و دروستیێ ئاڤاببیت داكو چ كەس نەبنە قوربانی.

مونا بەرواری ‎

هەر ئێك ژمە هێزا خوە ژ دەوروبەرێن خوە وەردگریت، چ ب باشی چ ب خرابی، ژبەركو دەوروبەرێن مە كارتێكرنەكا ئێكسەر یا لسەر رەفتار و ئاخفتن و كەسایەتییا مە هەی، ‎ل دەوروبەرێن هەر ئێك ژمە هژمارەكا كەسان هەیە كو ئەم رۆژانە دگەل ئێك تێكەل دبین د ئاخڤین سوحبەتان دكەین بەحس ل كار و ژیانا خوە دكەین، لێ دگەل هەبوونا ڤان هەموو كەسان هندەك ژوان بیرو بۆچونێن جوان و گەشبین دەربارەی ژیانێ پێشكێشی مە دكەن ژیانێ لبەر مە و خوە ب ساناهی دئێخن ب جاڤەكێ كەشبین بەرێ خوە ددەنە ژیانێ و ئالۆزی و زحمەتیێن وێ، ژبەركو ئەڤان كەسان باوەرییەكا تمام یاهەی كو ئەڤ ژیانە و مێڤانداریە و هەبوونا مە ل ڤی جهی یا دەمكی یە، چ جاران  هەتا دووماهیێ نامینە ل ڤێ جیهانێ، ئەڤ كەسە پێكولێ دكەن شوون تبلێن خوە ب باشی پێلن ژبەركو دزانن هەبوونا وان یاكو ل پشتی وان دمینیت بتنێ ئەڤەیە و باش دزانن دێ رۆژەكێ وەسان هێنە ژبیركرن هەر وەكی چ جاران نەبووین، ل بەرامبەری ئەڤان كەسان هندەك كەسێن دی یێن هەین ئەڤ دونیایە یا بۆ خوە كریە بارەكێ گران و وەكی عەورەكێ رەشن ل هنداڤی سەرێ مە بەردەوام ب نەرێنی دئاخڤن و بەحسی خرابی بارێ خراب و رەوشێن نەرێنی دكەن كو ب رەنگەكی كارتێكرنێ لسەر هزر و بیرێن مە دكەن ئێدی رەشەبایێ خوە دئینە هنداڤی سەرێ مە تۆ دێ هزركەی كو ژ راستی ژی یا پێدڤیە تۆ بارێ خوە گران بكەی و دێ هزركەی دەمێ مانا مە ل ڤێ دونیانا كو ئەم تێدا مێڤان گەلەكا درێژە و پێدڤی ڤان هەموو خەمانە ئەم ب هەلگرین ژ پێخەمەت ژیانێ، ئەڤجا باش بزانە كا تۆ دگەل كێی د ئەڤێ ژیانێ دا باش بنیاسە كا دەوروبەرێن تە ژكیژ جۆری نە خو دووربكە ژ لایەنێ نەرێنی ژبەركو دێ بۆتە بیتە رەشەبا ل هنداڤ سەرێ تە و دێ بارێ تە ژ یێ خوە گرانتر لێ كەت كو دراستی دا بەر ڤێ چەندێ هەموویێ ناكەڤیت وێ بكە یا تۆ دزانی یا باشە و دلێ تە یێ پێ ئارامە ژبەركو ئەو یادروستە.