حاجی دۆسكی
د ناڤا وەرزشێ دا ب گشتی و تایبەت فوتبۆلێ سەركەڤتن د كاری دا ژ نشكەكێ ڤە ناهێت هەر ئەنجامەكێ پەیدابیت بەرهەمێ وی كارییە یێ پێشوەخت بۆ دهاتیە كرن د ناڤ یاریگەهی و دەرڤەیی یاریگەهی دا، سەركەفتن دبیتە سێ گۆشە یا سەرەكی پێكهاتیە ژ كارگێرییەكا بهێز و ڕاهێنەرەكێ وێرەك خودان ئەزمون و یاریزان، هەلبەت یانەیا زاخۆ كاروانەكێ درێژ هەیە دخولا ئیراقێ دا ئەڤ یانە شیایە كەلەك هەڤڕكێن خوە ب راوستینت دناڤ جەماوەرێ خودا، هەر یانەیەكا بهێتە باژێرێ خابووری ئەگەر خالەكێ دگەل خۆ ببەت بەرامبەر سەركەفتنێ یە، لێ خالا لاواز یا بوچوونا من ئەڤ یانە كەفتیە تێدا ئەوە د هەلبژارتنا راهێنەران دا یە، ئەز بێژیم تا نوكە ئەڤ یانە نەشیایە ڕاهێنەرەكی بۆ تیما خۆ دە ستنیشانبكەت بشێت هیڤێن جەماوەری بجه بینت ئەوژی دەستكەڤتەكە ل سەر ئاستێ ئیراقێ، یانە ل ئێراقێ هەنە بووینە خودان ناسناف بێ جەماوەرن بێ گورەپانن مینا یانەیا نەفت وەسەت ل وەرزی 2014-2015 ناسناڤ دەستخوڤە ئینایە، ئەرێ كی بەرپرسیارەتیا ڤێ چەندێ یە كو هەر سال كوژمەیەكێ مەزن یێ پارەیی ل زاخۆ دهێتە مەزاختن بێ ئەنجام، مافێ جەماوەری یە تیمەكا ب هێز هەبیت یاریزانێنن ستێر هەبن لێ بەری گریدانا هەڤبەستیا پێنگاڤا ئێكێ هەلبژارتنا راهێنەرەكێ خودان ئەزموون بیت، ئەز دبینم د هەلبژارتنا راهێنەری كارگێرییا زاخۆ نە یا سەركەفتی یە، یانەیا زاخۆ یا بوویە ویستگەهەك بۆ راهێنەران، سیڤیێ خۆ بناڤێ یانەیا زاخۆ زەنگین دكەن، راهێنەر هەبووینە هیچ ئەزموونەكا راهێنەرێ سەرەكی نە بوویە ل خولا ئیراقێ لێ رێكا زاخۆ بوویە راهێنەر سەرەكی یێ یانەیا زاخۆ مینا حەیدەر عوبێد و وەلید زەهەد و فیراس خەتیب، دە مێ راهێنەر دهێتە دوور ئێخستن ژ ئەگەرێ ئەنجامان دڤێت ئەو كەسی ئەو راهێنەر هەلبژارتی و ئینایە دناڤ تیمێ دا ئەو بهێتە دوورئێخستن، ئەرێ ل سەر چ بنەما یانەیا زاخۆ بەر ب راهێنەرێن وەلاتێ قەتەر چوون، حكومەت هەرێمێ هەموو پێدڤی بو یانەیا زاخو بەردەست كرینە بۆ هەمی كارگێرین كەڤن و یێن نوو لێ نەشیان راهێنەرەكی خودان شیان دەست نیشان بكەن، دڤێت دۆڤچوون بهێتە كرن بۆ ڤی بابەتی هەروسا كارگیرییا یانەیا زاخۆ دڤێت پشت بەستنێ لسەر بریكارەكی بتنێ نەكەت بۆ ئینانا یاریزانا و راهێنەران لڤی سەر دەمی رێكێن پەیوەندیكرنێ زورن هەر كەسی كارگێریێ ڤیت دێ ئێكسەر بۆ یانەیێ ئینیت.
