حاجی دوسكی
روودانا یاریگەها بورسعید ل وەلاتێ مسری ئەوا ل سالا 2012هاتییە پێش تێدا 74 كەس بوونە قوربان و هزار كەس برینداربوون و هەتا نوكە شینوارێن ڤێ ترسێ دیارن لسەر جەماوەری، ل یاریگەهێن كوردستانێ دەمێ گرژی وتوندوتیژی پەیدا دبن ئێكسەر هزرا روودانێن بۆرسەعید دهێنە بیرا مە، هەگەر ڕێ ل وان كڕیارێن نە وەرزشی نەهیتە گرتن ئەڤچەندە دی بنە رێ خۆشكەر دناڤ یاریگەهێن مە دا پەیدابن، راستە رەوشا هەمی وەرزشا ئامادەبوونا جەماوەرییە لێ ئێدی ئەڤ ئامەدەبوونە بوویە مەترسی تایبەت دیاریێن یانەیێن مە یێن كوردستانێ چەند كەسەك دبیت نەبنە هژمارا تبلێن دەستێ كەسەكێ نەرەوشنبیرییا وان گەنجا كەسانیین بێ كونەه دبنە قوربانی ئەڤ كەس هزرا وان هەر دەما تیما وان یاریی ئەنجامدا دڤێت سەركەڤیت ئەگەر بەروڤاژیی هات دێ دەست ئالوزییا كەن ژ ڕەفتارەكا بچووك دی دەست پێ كەن خۆشییا جەماوەرێ باژێرەكێ دێ تێكدەن، د وەرزێ ئەڤ سالە دا پشتەڤانێن هەولێر، دهوك، زاخۆ و نەوروز خیزانڤە ئامەدەبن شیوەیەكێ باش هەروەكۆ من دیتی دیارییا نەوروز و زاخۆ كێمەك مابوو ئەو كچا هەشت هەیڤی بیتە قوربانی ئێدی ترس بوو خیزانا پەیدابوو ل یاریگەهان ئامەدەنەبن ژبەر وان ڕەفتارێن نە وەرزشی، هەر یانەیەكا خودان جەماوەر بیت دێ گروپەك هەبیت یاریی بەر ب توندوتیژیێ بەت، لڤێرێ یافەرە كارگێرێن ڤان یانەیان سنورەكی بدانن ئەڤ كەسە دبنە ئەگەرێ ماندیبوونا كاركێریێ یاوەرزەكی بێ ئەنجام بیت هەروەكی لڤێ دووماهیێ ژ ئەگەرێ ڕەفتارەكا نە دروست یا گەنجەكێ یانەیا زاخۆ، هەموو جەماوەر هاتە بێ بەهركرن یارییەكێ، چ پێنگاڤ بهێنە هاڤێتن هەتا ئەڤ گرژییە نەهینە كرن، یا ئێكێ ئەو دەستەیێن پشتەڤانان دڤێت سوزنامە ژێ بهینە وەرگرتن ژلایێ دەزگەهین ئەمنی كو نەبنە پالدەر بۆ توندوتیژیێ دناڤ و دەرڤەیێ گورەپانی و سوشیال میدیایی پەیامێن توند دژی ئێك بەلاف نەكەن، یادویی جهێ پشتەڤانێن تیما میڤان دووربیت ژ جەماوەرێ تیما دی دەزگەهێن ئێمناهی چاڤدیرییا وان ژچوونا یاریگەهی هەتا دەركەڤتنێ بكەن، هوسا دیاربیت یاریگەهێن مە جهێ هەمی ئامادەبووییا ناكەت لەورا ب ڕێكا پۆلیسین پاراستنا یاریگەهێ تنێ هژمارەیا دەستیردای ئامادەبن، دانانا كامێرەیێن چاڤدێریێ دناڤ جەماوەریی دا، هەر كەسێ بیتە ئەگەرێ تێكدانێ برێكا یاسایی بهێتە سزادان و بهیتە راگەهاندن سزا وی تێكدەری دا وانەك ژی بهێتە وەرگرتن مەرجەكی بێ دەستوەردان بو بهیتەكرن ژلایی كەسانێن خودان دەستهەلات ڤێ چەندی بورینا دەمی دی ئەف دیاردە بەر ب نەمانێ چیت.
نيشاندان