نارین محەمەد

بتنێ چونكی تە ڤیا كارەكێ بكەی یێ تە بەری نەكو ئەنجام نە دایی نە بێرێزیە بەرانبەر مەزن و دابونەریتان، هندی وێڤەترە هەستبوونا تە زێدە دبیت و ئەڤە تشتەكێ باشە، كرنا هەر تاقیكرنەكا نوی پتر مێشكی ڤەدكەت و كەسێن نوی دنیاسی د گەل هندێ دا، مێشك دشێت پێشبینیا جێوازیان بكەت و ئەو زەحمەتی و هەولدانە ل شوینا نەخۆشیێن دەروونی بۆتە پەیدا بكەن دبنە جهێ وانان و هزر دهێتە كرن كا شاشی ل كیڤە پەیدا بوویە دا جارێن بهێت هەمان شاشی نەهێتە دوبارەكرن یان ژی یێ بەرانبەی تە، هەمان تشت بكەت تو دشێی ئاگەهداریان بدەیێ كا فێربوون و ئەنجامێن ئەو كارڤەدانێن ئەو د ناڤ دا، دێ چ بن وەك تو نموونە بەری هینگی د ناڤدا بۆری، من دڤێت بیرا تە بینم نە هەر چ كارێ بیت تو بكەی یێ باشە، بەلكو بزانی گونەهی بۆ تە نەهێتە نڤیسین و كارەكێ باش بیت كو كەسانێن دی چاڤ ل تە بكەن هەمان باشی بەلاڤ بیت، دەیك و بابا بەری هینگی؛ ئەڤە دبیت ل سەر دەمێ وان نەبن كو وان تاقیكربان، بەلێ ل دەمێ دیتین كو كارێ تە ئەنجامێن باش دویڤ خۆ دا ئیناین كو بۆ وان ببیتە جهێ شانازیێ كو ئەگەر ل دەمەكی وان ئەڤە ل بەر دەست هەبا وان ژی هەمان تشت كربا یێ تە نوكە ئەنجام ب دەستخۆڤە ئیناین، دەم گەلەك زوی دبۆریت ئەم ناگەهین گەلەك هزرا خۆ بكەین و دودل بین هەر وەكی ل پەیجێ (Booksilence) دا نڤیسینەك یا هاتیە بەلاڤ كرن تێدا دبێژیت «ئەم بیست خۆلەكان هزرا خۆ دكەین كا مە دەه خۆلەك هەنە وەرزشێ بكەین یان نە» ئاها ب دروستی پتریا مە دەمێ خۆ وەسا ب هەروە دبەن، پتر ژ یا بۆ وی كاری دەمی دبەین خۆ دودل و ترسیای دكەین بۆ كارەكێ چەند بچویكتر ژ پێشبینیێن مە، یا نۆرمالە تو داخوازا هاریكاریێ بكەی یان ژ خۆدان سەربۆرا خۆدێ، لەوما گەلەك مرۆڤ یێن ئافراندین دا هاریكاریا ئێك بكەن ل سەر وەكهەڤی و جێوازیێن ئێك نە دژایەتیا ئێك بكەن.