سەباح بەیتوللا

رێكەفتنامەیا 11 ئادارێ باشترین بەلگەیە ل سەر قەهرەمانی و بەرخۆدانێ‌ و فیداكاریا پێشمەرگێن پارتی دیموكراتی كوردستان كو ڕامانا ماندیبوونێ و خۆبدەستڤەدانێ نەزانیە و بەرهەڤ بوویە؛ قوربانی چەند یا مەزن بیت ژ بۆ بدەستڤەئینانا مافێن ڕەوا یێن خۆ
پێشكێش بكەت، ڕژێما بەعسا گۆڕ ب گۆڕ دانێ ب وێ چەندێ دكەت كو ژ نەچاری ڤە مە ڕێكەفتنا 11 ئادارێ مۆهركر، چونكی مە لاوازیا چەك و تەقەمەنی و تێكچوونا ئابووری هەبوو و لەشكرێ وان ل سەر دەستێ پێشمەرگەی تووشی كارەساتێن مەزن بوو و ڕەڤینا سەڕباز و چەكدارێن ڕژێمێ ل بەرۆكێن شەڕی یا بەردەوام بوو.
بەلێ ماف ناهێنە پێشكێشكرن، نەدیاریە، نەخێرە، نەسەدەقەیە بەلكو ماف ب خەبات و بەرخوەدان و قوربانیدانێ دهێتە وەرگرتن؛ رێكەفتنامەیا 11 ئادارێ بوو دێكیۆمێنتەكا فەرمی ل محافلێن نێڤدەولەتی و بۆ جارا ئێكێ بوو دوژمنەكێ داگیركەر دانێ ب مافێن ئوتونۆمێ بكەت. بۆ كوردستانێ ئەو سەركەفتن بوو شەنگست بۆ فیدڕالیەتا ئەڤرۆ و بۆ سەرخوەبوونا پاشەرۆژێ ژی.. سلاڤ ل رێبەرێ گەلێ كوردستانێ و سەركێشێ شۆرشا ئیلۆنا مەزن بارزانیێ نەمر.. سڵاڤ بۆ شەهیدێن شۆڕشا ئیلۆنا مەزن و تەڤایا شەهیدان و رێبەرێ نەتەوا كورد بارزانیێ نەمر و ئیدریسێ هەردەم ساخ.

سلاڤ بۆ پێشمەرگێن قەهرەمانێن شۆڕشا ئیلۆنێ
سلاڤ بۆ جەماوەرێ خۆڕاگرێ كوردستانێ

سەباح بەیتوللا

هەر كەسێ ئاگاداری قۆناغێن تەڤگەرا ڕزگاریخوازیا كوردستانێ بیت، دێ بینیت ئەڤ بزاڤە ل ڕۆژا دەستپێكێ هەتا ئەڤرۆ ب ناڤێ پیرۆزێ بارزانی دهێتە نیاسین. لەوا دێ شێین بێژین پشتی سەلاحەددین ئەیۆبی بارزانی دیارترین و بەرنیاسترین سەركردێ كوردە ل جیهـانێ دا و كێم میللەت هەنە دونیایێ دا بناڤێ ڕێبەر و سەركردێن خۆ بێنە نیاسین، لێ بارزانی دیرۆكا گەلێ خۆ دروستكر و گەلێ كوردستانێ بناڤێ مەزن و پیرۆزێ وی دهێتە نیاسین و ئدریسێ نەمر و جەنابێ سەرۆك بارزانی پەروەردەو قوتابیێن ڤێ قوتابخانەیا مەزنن.
ئدریسێ مەزن تەمەنەكێ كورت ژیا، بەلێ تەمەنەكێ پڕدەستكەفت و سەروەری، لەوا چ جاران مێژوو ناڤێ ڤی سەركردەیێ مەزن ژبیرناكەت. ئدریسێ نەمر ب وی پەڕێ زانینن و هوشیاریێ ڤە ڕێیا پڕ زەحمەت و دژوارا خەبات و بەرخۆدانێ هەلبژارت و دۆزا مللەتێ وی ئەو پالدایە كو ل سەر ڤێ رێبازێ بچیت و هەمی ژیانا خۆ بۆ تەرخان بكەت، ل نەخۆشترین و تالترین رۆژێن ژیانێ دا ڕێیا ڕاست و دروست لێ بەرزە نەبوو و سەركردەیەكێ كێم وێنە بوو د ناڤ دیرۆكا میللەتێ خۆ دا
ئدریسێ نەمر هەمی جاران دگۆت: پرۆسەیا شۆرشا چەند پرۆسەیا خەباتا ڕزگاریخوازیا نیشتیمانی یە وەكو ئاخ…لێ ڕاستیا وێ ئەڤەیە، ئاخ بێ جەماوەر ناهێتە پاراستن، لەوا ئدریسێ نەمر گەلەك گرنگی خزمەتا جەماوەری دكر.
خەسلەتێن مەزن د ڤی مرۆڤێ مەزن دا هەبوون ژ لایێ، سیاسی، دیبلوماسی، لەشكری، جڤاكی، رەوشەنبیری و جەماوەری. ل گەل جەنابێ سەرۆك مەسعود بارزانی بارێ هەرە گڕانێ پشتی پیلانا خیانەتكاریا ١٩٧٥ هەلگرت و پالدەرێن هەرە مەزن بوون بۆ شۆرەشا گۆلانێ و چ جاران مساوەمە ل سەر مافێ میللەتێ خۆ نەدكر كاودان چەندێ دژورا و گران بوو بیت، بەلێ ئدریسێ نەمر تەمەنەكێ كورت ژییا، بەلێ تەمەنەكێ پڕ دەستكەفت و سەروەری.
پەیوەندیا برایەتیێ د ناڤبەرا ئدریسێ نەمر و جەنابێ سەرۆك مەسعود بارزانی هندا مەزن بوو ناهێتە پێناسەكرن و باشترین بەلگە ژی ل سەر ڤێ ئاخفتنا من ل دەمێ مالئاڤاهیا ئدریسێ جوانەمەرگ جەنابێ سەرۆك مەسعود بارزانی ل سنوورێ لقا ئێك یا خەباتكەر بوو د برۆسكەیەكێ دا خەم و كۆڤانیا خۆ ب ڤی ڕەنگی دەردبڕیت و دبێژیت:((خۆزی ئەز بام ل جهێ وی)) ئەڤ پەیڤە گەلەك ژ برایەتیێ مەزنترە و جەنابێ سەرۆك مەسعود بارزانی دگۆت: ئدریس بارزانی هەمی خەسلەتێن بارزانیێ نەمر هەلگرتبوون. ل بیرهاتنا ٣٩ سالیا مالئاڤاهیا شەهیدێ هەردەم ساخ ئدریسێ نەمر سەرێ رێز و تەقدیرێ دچەمینینن بۆ گیانێ بلند و پیرۆزێ وی و تەڤایا شەهیدێن كورد و كوردستانێ و سەروەرێ وان بارزانیێ نەمر.
ئەم ژی سۆز و وەفاداریا خۆ دوبارە دكەینەڤە كو ل سەر ڤێ رێبازێ ڤە بچین هەتا سەرفەرازیا ئێكجاریا گەلێ كوردستانێ.

سەباح بەیتوللا

هەر وەكی خۆیا و ئاشكرایە پشتی هەلبوونا چریسكا شۆرشا ئیلۆنا نیشتیمانی یا مەزن ب سەركردایەتیا پارتیا مە و ب رێبەراتییا مستەفا بارزانیێ مەزن. دەنگێ كوردستانێ ل ٢٨/٩/١٩٦٣هاتە دامەزراندن و بوو دەنگێ هەمی شۆرشگێر و ئازادیخوازان.
دەنگێ كوردستانێ بوو بەربەستەك ل بەرانبەر پیلانێن دوژمن و داگیركەرێن كوردستانێ، لەوا دوژمنی هەمی پێكۆل دكرن كو ڤی دەنگی نەهێلیت و د هەمی دانوستاندنێن خۆ دا ل گەل سەركردایەتیا پارتی ئێكەم مەرجێ رژێمێ ئەوبوو؛ دەنگێ كوردستانێ بهێتە راگرتن، چونكی دزانی دەنگێ كوردستانێ چ برینەكا مەزن ئێخستیە ل ناڤ لەشێ رژێمێ ل سەردەمێ شۆرشێ دا، رۆلێ دەنگێ كوردستانێ گەلەكێ كاریگەر و مەزن بوو، ژبەر هندێ ببوو پێشمەرگە د ناڤ هەمی چەپەران دا و ببوو كادر د ناڤ هەمی باژێر و گوندان دا، ببوو سكرەكێ مەزن بەرانبەر پڕۆپاگندەیێن ژەهراوی یێن دوژمنی.
پەیاما راستەقینەیا دۆزا مللەتێ كورد دگەهاند و ئەو زۆلم و زۆریا ل دەرهەقی مللەتێ كورد دهاتە كرن، ب رەئیا ناڤخۆ و دەوروبەر و دونیایێ دگەهاند.
دەنگێ كوردستانێ ببوو دەنگێ هەمی نەتەوەیێن دیتر ل كوردستانێ.
دەنگێ كوردستانێ هەمی سنوور دبڕین و پەیاما گەلێ كورد دگەهاند و هەتا دگەهاندە زیندانیێن سیاسی د ناڤ زیندانێن رژێمێ دا.
دەنگێ كوردستانێ ببوو دۆست و هـەڤالێ هەر تاكەكێ كورد ل هەمی چین و تەخان دا.
دەنگێ كوردستانێ ببوو دۆست و هەڤالێ هەر تاكەكێ كورد ل هەمی چین و تەخان دا.
دەنگێ كوردستانێ ببوو هەلگری پەیامێ د ناڤبەرا مللەتی و شۆڕشێ دا
دەنگێ كوردستانێ ببوو هەلگرێ پەیامێ د ناڤبەرا مللەتی و شۆرشێ دا.
جەماوەرێ كوردستانێ و هەتا خەلكێ ناڤەراست و ژێریا ئیراقێ و وەلاتێن دەوروبەر گوهدێریا دەنگێ كوردستانێ دكر و راپۆرت و ڤەكۆلین و گۆتارێن دەنگێ كوردستانێ شرۆڤە دكرن و چەندین وەلاتا ئەنسات ل سەر دكر، رەسەناتیا دەنگێ كوردستانێ وەلێ هاتبووو كو هەمی كەسەك گوهدێریێ بكەت.
دەنگێ كوردستانێ ژبلی بەلاڤكرنا چالاكیێن پێشمەرگەی چ بەیاڤەكا ژیانێ ژبیرنەكربوو، تەنانەت چارەسەری بۆ هەمی گرفتەكێ دەستنیشان دكر و بیاڤێن پەروەردێ و ساخلەمیێ و چاندنێ و جڤاكی…هتد. بەلاڤ دكرن، لەوا جهێ خۆ د ناڤ هەمی جەماوەرێ كوردستانێ دا گرتبوو و وەلێهاتبوو كو ئێدی مللەت و ئێزگە نەدشیان بێ ئێكودو بژین و ببوو شۆرشەكا سەرتاسەری ل كوردستانێ، لەوما ب وێرانە ڤە دێ شێین بێژین
دەنگێ كوردستانێ شۆرشەك بوو د ناڤ شۆرشا ئیلۆن و گولانێ دا و دەنگێ كوردستانێ؛ دەنگێ هەمی خەلكێ كوردستانێ بوو ب هەمی نەتەوە و ئایین و ئۆلان ڤە.
هەمی پێشمەرگەیەكی و هەمی كوردەكێ دلسۆز و ئازادیخواز و ئاشتیخوازەكێ رادیۆیەكا بچویك هەلگرتبوو دا گوهداریا دەنگێ كوردستانێ بكەت و گەلەك خەلك ژی ل سەر دەنگێ كوردستانێ هاتە گرتن و ئەشكەنجەدان و ل سێدارەدان، چونكی دوژمنی دزانی چ كاریگەری هەبوو.
ل بیرهاتنا ٦٢ سالیا دەنگێ كوردستانێ سلاڤ بۆ گیانێ بلند و پیرۆزێ شەهیدێن دەنگێ كوردستانێ. سلاڤ بۆ وان پێشمەرگەیێن قەهرەمان ئەوێن كو زێرەڤانیا بارەگایێ دەنگێ كوردستانێ دكر و دەستێ وان هەمی هەڤالا دگڤێشین كو ل ڤان ٦٢ سالان دا رۆژەكێ ل رۆژان خزمەتا دەنگێ كوردستانێ كریە و دشێم بێژم پڕانیا هەڤالێن كو گەهشتینە پلێن بلندێن حزبی یان حكومی پڕانیا وان دەرچوویێن دەنگێ كوردستانێ نە و دەنگێ كوردستانێ قوتابخانەیەكا مەزن بوو بۆ بلندكرنا هەستا نیشتیمانی و گرێدانا تاكێ كوردستانێ ب ئاخا وی ڤە و بەرەڤانیێ ل ئاخ و میللەتێ خۆ بكەت و دەنگێ كوردستانێ یادگاریەكا هەڕە تایبەت و مەزنا ڕێبەرێ نەتەوا كورد مستەفا بارزانیێ نەمرە. هەر بلند و بلندبیت دەنگێ زەلالێ ئیزگەهـێ دەنگێ كوردستانێ.

سەباح بەیتۆللا

جەنابێ سەرۆك مەسعود بارزانی كو ل ٢٠ی٥ی١٩٦٢ێ چەكێ شەڕەف و كەرامەتێ هەلگرتی بۆ بەرەڤانیكرن و پاڕاستنا كورد و كوردستانێ، بووینە دو ناڤێن مەزن و بووینە جهێ شانازیا گەلێ كوردستانێ.
هێژا سەرۆك بارزانی گەلەك باش بها و مەزناهیا ناڤێ پێشمەرگەی دزانیت، دەمێ جەنابێ وی ل داستانا خواكوركی گۆتی: ب گڕانیا چیایێن كوردستانێ شەڕەفا ل پێشمەرگەی دباریت.
دیسا جەنابێ سەرۆك بارزانی ل چەندین هەلكەفت و چاڤپێكەفتنا دا دیاركریە كو پیرۆزترین ناڤ لنك جەنابێ وی پێشمەرگەیە و ب چ پلە و پایا ڤە ناگۆڕیت.
ل ڤان ٦٣ سالێن پێشمەرگایەتیا سەرۆك بارزانی ئەڤ ڕامانە دهـێنە دیتن (بەرخۆدان، فیداكار، قەهرەمانی، وەفاداری، خۆڕاگرتن، تەسلیم نەبوون، خۆنەچەماندن، ئومێد بۆ ئەلندەكا گەش، پێنگاڤ هاڤێتن بەر بسەرخۆبوونێ و ئازادیێ و ڕزگاریا ئێكجاری).
ل شەڕێ بەرسینگگرتنا تیرۆرستێن داعش و شكاندنا داعشی ل سەر دەستێ پێشمەرگێ كوردستانێ و ب سەر پەڕشتیا جەنابێ سەرۆك بارزانی.
ئاها دونیایێ باش زانی كو پێشمەرگە سۆمبۆڵا ئازادیێ و بەرەڤانیێ ل بەهـایێت مەزنێت مرۆڤایەتیێ دكەت و جەنابێ سەرۆك بارزانی ژی بۆ هێمایێ فیداكاریێ و قەهرەمانیێ و شكاندنا مەزنترین و دڕندەترین رێكخراوا تیروریستیا داعش ، لەوا ئەڤرۆ جیهـانێ ل فرەنسا دەستپێكر و جادەیەك و پاركەك بناڤێ پێشمەرگەی دانا و سەرۆكێ پێشمەرگە و پێشمەرگێ سەرۆك داخاز كر بۆ ڤەكرنا وێ لەوا جهـێ شانازیا مەزنە كو گەلێ كوردستانێ پێشمەرگە هەنە و سەرۆكەكێ پێشمەرگە هەیە كو سەرۆك مەسعود بارزانیە.

سـەبـاح بیتوللا

ل سالا (1946) ل بن سێبەرا ئالایێ‌ پیرۆزێ‌ كوردستانێ‌ هاتیە سەر دونیایێ‌ و تو دبێژی ئەزێ‌ ئامادەمە ل بن سێبەرا وی ئالایی ژی بمرم.
ل سالا (1947) ێ‌ دویر ل بارزانیێ‌ نەمر كو (11) سالا ماڤە ل ئێكەتیا سۆفیەتا بەرێ‌ فێری وانەیێن بەرخودانێ‌ و دلسۆزیێ‌ و فیداكاریێ‌ بووی، ل ڤان سالان دا خۆراگربووی، پڕ هیڤی بووی و چاڤەرێی ئەلندەكا گەش بووی.
– ل (20/5/1962) بۆ بەرەڤانیكرن ل ئاخ و مللەتی چەكێ‌ شەرەف و كەرامەتێ‌ كرە ملێ‌ خۆ و ناڤێ‌ پیرۆزێ‌ پێشمەرگایەتیێ‌ هەلگرت و هەتا ئەڤرۆ ژی مەزنترین مەدالیا سەرفەرازیێ‌ ل دەڤ جەنابێ‌ هەوە پێشمەرگایەتی یە.
– پشكداربووی ل خەبات و تێكۆشینێ‌ ل شۆرشا ئیلۆنا مەزن و پڕ بزاڤ و چالاك بووی ل گەل ئیدریسێ‌ نەمر، بارێ‌ مەزن هنگۆ هەلگرت و قەت ماندی نەبوون، چونكی پەیاما مللەتەكێ‌ زولم لێكری هەوە هەلگرت بوو.
– ل رێكەفتنا (11) ئادارا دیرۆكی جەنابێ‌ هەوەیێ‌ قەدر گران ل گەل شەهیدێ‌ هەردەم ساخ ئیدریسێ‌ نەمر رۆلەكێ‌ مەزن و كاریگەر هەبوو و ئێكەم جار بوو دان ب مافێن مللەتێ‌ كورد بهێتە دانان و بۆ پاشەرۆژا گەلێ‌ كورد بوو شەنگست.
– بەرانبەر وێ‌ پیلانا خیانەتكاریا جەزائیر ل 6/3/1975، هەوە خۆ راگرت و تەسلیم ب ئیرادەیا دوژمن و داگیر كەرێن كوردستانێ‌ نەبوون.
– هوین هەلگرێن چریسكا شۆرەشا (26 ی گولانا 1976) ل گەل شەهیدێ‌ هەردەم ساخ ئیدریسێ‌ نەمر و هەڤالێن دیتر و جارەكا دی هیڤی و ئومێد هاتنە زڤڕاندن و گرنژین كەفتە سەر لێڤێن شۆرشگێر و قەهرەمان و دلسۆز و كەسوكارێن شەهیدێن سەربلند.
– هوین ئەندازیارێن پێكڤەژیانێ‌ و تەباهیێ‌ و برایەتیێ‌ و وەكهەڤیێ‌ بوون ل گەل شەهیدێ‌ نەمر ئیدریس بارزانی.
– هەوە سەر پەرشتیا داستانێن مەزنێن شۆرشا گولانێ‌ كرن و پشتا دوژمنی هاتە شكاندن و پیلانێن قڕكرنا گەلێ‌ كوردستانێ‌ هاتنە بنئاخكرن.
– هوینێن هێژا و ئیدریسێ‌ نەمر بنەمایێ‌ بەرەیێ‌ كوردستانی دانا و رەشمالا كوردی رێكخستەڤە كو هەر ئەڤ بەرەیێ‌ كوردستانێ‌ بوو و بۆ هێڤێنێ‌ سەرهلدانا جەماوەرێ‌ كوردستانێ‌ ل بهارا سالا (1991) ێ‌.
– خۆراگربوون ل بەرانبەر لێهمشتێن كریارێن بەد ناڤێن ئەنفالا و كێمیا بارانێ‌ و جینۆسایدكرنێ‌ و قەت تەسلیم ب ئیرادەیا دوژمن و داگیركەران نەبوون، چونكو هەوە باوەریەكا مەزن ب دۆزا رەوایا مللەتێ‌ كورد هەبوو.
– رژدتربوون ل سەر خەبات و فیداریێ‌ و خۆ گوریكرنێ‌ ژ بوونا سەرفەرازیێ‌ و سەربەستیێ‌.
– سەركێشا سەرهلدانا جەماوەری یا بهارا سالا (1991) هەوەكر و كۆچك و دیوانخانەیێن زۆلم و زۆرداریێ‌ هاتنە هەڕفاندن و ژناڤچوون.
– بەرەڤ هەلبژارتنان داخوازیا هەوە بوو ل باژێرێ‌ (كۆیێ‌) ل سالا (1991)، كو ل شەرعیەتا شۆرشگێری ڤە بچین بەرەڤ شەرعیەتا قانوونی و دەستووری، لەوما ئەڤرۆ بووینە خودان سەرۆكایەتیا هەرێما كوردستانێ‌ و پەرلەمان و حوكمەتا هەرێما كوردستانێ‌.
– فیدرالیەت گازیا هەوە بوو و بێگومان گازیەك ب جورئەت و وێرەك بوو.
– بلندكرنا ئالایێ‌ پیرۆزێ‌ كوردستانێ‌ ل سەر تاسەری كوردستانێ‌ و ئەو ئالایێ‌ كو ب سەدان سالە خەبات بۆ هاتیەكرن و ب هەزاران شەهید ل پێناڤ دایی بریارا هەوە یێن قەدرگران بوو و ئەڤرۆ ئەو ئالا ل سەرتاسەری كوردستانێ‌ هاتیە هەلدان و بوویە پێناسەیا كوردستانێ‌ ل دونیایێ‌.
– چاوا ل شۆرشا مەزنا ئیلۆنێ‌ و گولانا پێشكەفتنخواز وەكو پێشمەرگە د سەنگەر و چەپەرا دا بووی و بۆ بەرسینگ گرتنا رێكخراوا تیرۆرستێن داعش دیسان هەر د چەپەران دا بووی سەرۆك بارزانی.
– بەلێ‌ سەروك تۆ بووی تە كێشا گەلێ‌ كورد بریە سەر مەحافلێن نێڤدەولەتی و جیهانێ‌ و ئێش و ئازارێن گەلێ‌ كوردستانێ‌ گەهاندیە دونیایێ‌.
– بەلێ‌ سەرۆك جەنابێ‌ تەبوو كو دونیا شانازیێ‌ ب كورد و كوردستانێ‌ بكەت.
– بەلێ‌ سەرۆك تو بووی تە هەمی دەرگەهێن وەلاتان لێدان و ئەزموونا كوردستانێ‌ بەرەڤ پێشڤەبری.
– بەلێ‌ سیاسیەتا حەكیمانەیا هەوە بوو كو نێزیكی 40 وەلات كونسۆلێن خۆ ل پایتەختێ‌ كوردستانێ‌ ڤەكەن.
دیبلۆماسیا مەزنا تە بوو پشتەڤان و هاریكاریی بۆ گەلێ‌ كورد پەیدا كرن.
– هەلوەستێ‌ تە یێ‌ نەتەوەیی و نیشتمانی و مرۆڤایەتی بوو كو دونیا د هەوارا گەلێ‌ كورد هاتن و كوردستان هاتە پاراستن.
– ب سیاسەتا حەكیمانەیا جەنابێ‌ هەوە دونیا ب ڤی رەنگی پێشوازیێ‌ ل جەنابێ‌ تە و گەلێ‌ كورد دكەت.
– راشكاوی و راستگۆیی و سیاسەت و دیبلۆماسیەت بهێن فرەهی و بەرخودان هەلوەستێن هەوەنە كوردستان بەرەڤ ئەلندا دوماهیێ‌ و دەولەت و سەربخۆبوونێ‌ ڤە دبەت.
– ل سەر داخوازیا جەنابێ‌ هەوە بوو پێشمەرگە بچیتە كۆبانێ‌ هەڤپەیمانان هاریكاری بۆ كر و كۆبانێ‌ ل داگیركرنێ‌ رزگاركر. – ب جەنابێ‌ هەوە د سەرفەرازبن ب سەرۆكاتیا هەوە پشتراستین كو كورد و كوردستانی د دەستەكێ‌ ئەمین دانە و چ جاران كورد و كوردستان و بارزانی ژێك ناهێنە جوداكرن و بەرەڤ دەولەتبوونێ‌ ئەم هەمی ل گەل تەینە و ئەم هەمی ژی ل گەل تە پێشمەرگەینە، چونكی جەنابێ‌ هەوە پێشمەرگەیە سەرۆك بارزانی.
مێژوویا سەربلندیێ‌ رێبەر و سەركردەیان خۆیا دكەت و دهەلبژێریت و ئەم باش دزانین تە كورسی نەڤێت و تە رزگاریا كورد و كوردستانێ‌ دڤێت، تە سەربلندیا گەلێ‌ كورد و كوردستانیان دڤێت.
بەلێ‌ كورد و كوردستانیان بۆ مانا خۆ بۆ پاراستنا خۆ بۆ گەهشتن ب ئەلندا سەرفەرازیێ‌ تو دڤێی سەرۆك مسعود بارزانی.
تو ئومێدا مللەتێ‌ كورد و (سەمام ئەمان) بۆ پاراستنا كوردستانێ‌، نەك ب تنێ‌ گەلێ‌ كورد بەلكو هەمی ئازادیخواز و رزگاریخواز و ئاشتیخوازان شانازیێ‌ ب تە دبەن و جەنابێ تە ئەڤرۆ مەرجعێ‌ نەتەوەیا كوردە، لەوا ئەڤرۆ دبینین پارتی حزبا ژمارە ئێكە ل ئیراقێ‌ و كوردستانێ‌ دێ‌ و مللەتی باوەریەكا موكم پێ‌ هەیە كو ئەلندا ئاڤاكرنێ‌ و دەولەتبوونا كوردستانێ‌ دێ‌ ل سەر دەستێ‌ هەوەیێن هێژا و قەدرگران هەلێت و گەلێ‌ كوردستانێ‌ دێ‌ گەهیتە هەمی مافێن خۆ یێن رەوا.
بەلێ‌ جەنابێ‌ سەرۆك بارزانی خۆیا بوو كو هوینێن قەدرگران مەرجعێن نەتەوەیا كوردن بەرێز پاپا فرانسیس كو سەرەدانا كوردستانێ‌ كر بەری هەر تشتەكی داخوازا وی دیتنا جەنابێ‌ هەوە بوو، ئەڤە ژی وێ‌ چەندێ‌ ئاشكرا دكەت كو مەرجعێ‌ نەتەوەیا كورد و سەنگا بەلانسا سیاسی یە ل دەڤەرێ‌ و سەمام ئەمانە بۆ پاراستنا هەمی نەتەوە و ئایینان ل كوردستانێ‌.
سەرۆك مسعود بارزانی خەمخۆر و پارێزەر و پشتەڤانێ‌ وانە، ئەم سەربلندین كو مە كوردان ژی وەكو رێبەرێن دونیایێ‌ رێبەر و سەرۆك و مەرجعەك هەیە كو نە بتنێ‌ كوردستانێ‌ بەلكی هەمی شۆرشگێر و ئازادیخواز و ئاشتیخوازێن دونیایێ‌ شانازیێ‌ پێ‌ دكەن ل دوماهیێ‌ ژی دبێژن كورد و كوردستان و بارزانی پێكڤە د گرێداینە و ژێك ناهێنە جوداكرن و بارزانی بوویە هێما و ناسنامە و مەرجعێ‌ نەتەوەیا كوردستانێ‌.

سـەبـاح بیتوللا

ئیدریسێ نەمر ئەو ناڤێ كوردستان شانازیێ پێ دبەت، مالباتا سەربلندا بارزانی پتر 100 سالان خەبات و تێكۆشینێ دكەت و قوربانیێ ل دویڤ قوربانیێ پێشكێش دكەت بۆ رزگاری و سەربلندیا كورد و كوردستانێ و كاودان و دەم چەند یێ دژوار و گران بیت تەسلیمی ئیرادەیا دوژمن و داگیركەران نەبووینە و بەرسینگێ وان گرتیە و كاروانێن قوربانیێ داینە، ئەڤێ ئاخێ گەلەك رێبەر و سەركردە پێگەهاندینە و شیاینە مەزلومیەتا میللەتێ خۆ بگەهینە دونیایێ و وەكی چیایەكی خۆڕستی بەرانبەر هێرش و پلانێن دوژمنان راوەستاینە و چ جاران رامانا ترسێ و مرنێ نەزانییە، مەبەستا من د ڤێ پەیڤێ دا و ل هەلكەفتا 16ی تەباخێ دا سەركردێ نەمرێ میللەتی ئیدریسێ نەمرە، رێبەر و سەركردەیان ساخلەتێن تایبەت هەنە، لەوما دبنە رێبەر و سەركردە ئیدریسێ نەمرە ب سەربلندی هاتە سەر دنیایێ و ب سەربلندی ژییا و ب سەربلندی سەرێ خۆ دانا ڤە و هەمی تەمەنێ خۆ بۆ خزمەتا كورد و كوردستانێ تەرخانكربوو، لەوما میللەتێ كورد ژی ناڤێ وان ب شكوداری دكەتەڤە و سۆزا وەفاداریێ دوبارە دكەنەڤە كو سەر رێبازا پیرۆزا وان بچن هەتا میللەتێ مە ب ئێكجاری گەردەنا رۆژا سەربەستیێ ماچی دكەت.
كو بیرهاتنەڤا رێبەر و سەركردەیان دكەینەڤە مفایی ژ ئەزموون و دەولەمەندیا خەبات و فیداكاری و دلسۆزی و دەستكەفت و سەروەریێن وان وان دكەینەڤە.
كو رێبازا وان بكەینە سەر مەشق بۆ خەبات و كار و چالاكیێن خۆ و نفشێن نهۆ و پاشەرۆژێ ژی ل سەر پەروەردە بكەین.
ئیدریسێ نەمر ل هەمی بەیاڤێن ژیانێ شارەزاییەكا مەزن هەبوو ژ وان ژی:ـ
بیاڤا دیپلۆماسی و لەشكری و ئیداری و جڤاكی و… هتد.
كو دۆست و دوژمن ژی حێبەتی ببوون ل هەلسوكەوت و بیروبۆچوون و هەلوەستێن وی.
ئیدریس بارزانی (صمام ئەمان) بوو بۆ تەڤگەرا رزگاریخوازیا میللەتێ خۆ و ئەندازیارێ ئاشتیێ و تەباهیێ و برایەتیێ بوو، هەمی ئومێدا وی رێكخستنا ناڤ مالا كوردی بوو و ئەو مەرەما وی ژی هاتە بجهـ ئینان ب دامەزراندنا بەرەیێ كوردستانی ئەو بەرەیێ سەرهلدان لێ دروست بووی و ئەو سەرهلدانا ئەڤ ئەزموونە لێ هاتیە بەرهەم، لەوما هەتا كورد هەیە دێ شانازیێ ب ئیدریسێ نەمر كەنەڤە و دێ ب سەربلندی ناڤێ مەزنێ وی دێ ل دیرۆكێ دا توماركەن.
سلاڤ ل 79 سالیا دامەزراندنا پارتی ئەو پارتا ئەڤ سەركردێن مەزن و قەهرەمان لێ پەروەردە بووین.

سـەبـاح بیتوللا

مللەتان پێدڤی ب رێبەر و سەرۆكێن مەزن و فیداكار هەیە، مللەتێن بندەست و ستەملێكری بۆ ئازادی و رزگاریا خۆ، بزاڤ و شۆرش و سەرهلدان و بەرخۆدانێ‌ دكەن، لێ‌ بۆ ڤێ‌ چەندێ‌ پێدڤی ب رێبەر و سەرۆكەكێ‌ زانا و فیداكار و خودان هەلوەست هەیە، تاكو هیڤییا مللەتێ‌ خۆ بدەستڤە بینیت.
مەرەم ژ ڤێ‌ پەیڤێ‌ مللەتێ‌ كوردە، كو پترە ژ سەد سالان هەول و بزاڤان بۆ رزگاریێ‌ و ئازادیێ‌ ددەت و رێبەر و سەرۆكێ‌ هەرە دیار و بەرچاڤ و ناڤدارێ‌ تەڤگەرا رزگاریخوازیا گەلێ‌ كوردستانێ‌ مستەفا بارزانی یە.
ئەو سەركردەیێ‌ شیای 60 سالێن تەمەنێ‌ خۆ بۆ خزمەتا گەلێ‌ خۆ و بۆ ئازادی و رزگاریێ‌ تەرخان بكەت…
چ ئاستەنگ و بەربەست نە شیاینە رێكێ‌ ل ڤی سەركردێ‌ مەزن بگرن و ل سەر فیداكاریێ‌ و هەتا دوماهی رۆژا ژیانا خۆ بەردەوام بوو.
وەكو ڤێ‌ بیرهاتنێ‌ دكەینەڤە، بیرهاتنا دیرۆكەكا سەربلندی دكەینەڤە، بیرهاتنا دەهان ئەزموون و سەربۆڕان دكەینەڤە، بیرهاتنا خەباتەكا دویر و درێژ دكەینەڤە، بیرهاتنا هەمی شۆرش و سەرهلدانێن كوردان دكەینەڤە.
پرسیارەك د ڤێرێ‌ دا سەرێ‌ خۆ هەل ددەت و دبێژیت؟
بۆچی بارزانی بوویە هێما و ناسنامەیا مللەتێ‌ خۆ؟ چونكی مللەتێ‌ خۆ ل نا ئومێدیێ‌ رزگاركر… باوەری ب سەركەفتنا دۆزا مللەتێ‌ خۆ هەبوو كاودان چەندێ‌ دژوار و گران بیت. راستە دبێژن، بەیاڤ ب سالێن درێژ دهێتە پیڤان، قۆناغ ب كریار و هەلوەست و فیداكاری دهێتە دەستنیشانكرن، حوكمێ‌ دیرۆكێ‌ بۆ مللەتی دمینیتەڤە كو ل سەر مرۆڤی بریارێ‌ بدەت و مللەت هەلسەنگاندنا رێبەر و سەركردەیێن خۆ دكەن.
بارزانیێ‌ نەمر ل هەمی پارچێن كوردستانێ‌ خەبات كریە و قوربان داینە لەوا بوویە هێما و ناسنامەیا گەلێ‌ كوردستانێ‌.
بارزانیێ‌ نەمر بوویە دیاردەكا سیاسەتا كوردی ل رۆژهەلاتا ناڤین و جیهانێ‌ و هەروەسا بوویە قوتابخانەیەكا مەزنا شۆرشگێری و فێكرنێ‌.
ئێك ژ بەر چاڤترین دەستكەفتێن خەباتا بارزانی بۆ كورد و كوردستانێ‌ هەروەكو پرۆفیسۆر (میخائیل لازاریف) كوردناسی و رۆهەلاتناسێ‌ رۆسی دبێژیت (كێشەیا مللەتێ‌ كورد ژ كێشەیەكا ناڤچەیێ‌ بكەتە كێشەیەكا نێڤدەولەتی).
بارزانیێ‌ نەمر د هەمی ژیانا خۆ دا بۆ خزمەتا كورد و كوردستانێ‌ ب ئارمانجان ڤە یێ‌ گرێدایی بوو نەك ب مەرجان ڤە، لەورا بارزانی شیا گەلەك دەستكەفت و سەروەریان بۆ گەلێ‌ خۆ بدەستڤە بینیت.
سەرێ‌ رێز و هۆرمەتێ‌ بۆ گیانێ‌ بلند و بەرزێ‌ رێبەرێ‌ نەتەوا كورد بارزانیێ‌ نەمر دچەمینن و حەتا نهۆ ژی رێبازا پیرۆزا وی ل سەر خەبات و قوربانیدانێ‌ هەرا بەردەوامە حەتا گەهشتن ب سەرفەرازیا ئێكجاری.
ل دوماهیێ‌ دبێژینێ‌ هزار هزار سلاڤ ل گیانێ‌ بلند و پیرۆزێ‌ تەبن هندی سلاڤ د دونیایێ‌ دا هەبن.

سەباح بیتوللا

ب دامەزراندنا پارتی قۆناغەكا نوی و دیرۆكەكا نوی بۆ گەلێ كورد ڤەبوو، پارتی شیا وێ ڤالاهیێ پڕ بكەت كو گەلێ كوردستانێ ل روویێ سیاسی تێكەفت بوو.
– پارتی شیا وێ پەرت و بەلاڤیا هێزێن شۆرەشگێر كۆم بكەت و ئێكرێزیا جەماوەری و تەخێن مللەتی بێختە سەر ئێك.
– ب دامەزراندنا پارتی مرۆڤێ كورد كەڤتە سەر رێیەكا راست، پارتی پشتی وێ نا ئومێدیا ب سەر مللەتێ كورد دا هاتی پارتی ئالایێ خەباتێ بلندكرەڤە.
– پارتی شیا ناسنامەیا كوردی بپارێزیت.
– دامەزراندنا پارتی وەرچەرخانەك بوو ل دیرۆكا نەتەوەیەكێ، چونكی حزبا ئێكێ‌ یا جەماوەری و سەرتاسەریا كوردستانێ بوو كو هیڤی و داخوازا مێژوویا نەتەوا كورد بوو.
پارتی ب ئارماجان ڤە یا گرێدایە، نەك ب مەرجان ڤە.
نموونە:-
ئەگەر پارتی ب ئارمانجان ڤە یا گرێدای نەبا؛ دڤیا پشتی نەكسا 1975 دەست ب شۆرەشێ نەكرباڤە.
ئەگەر ب ئارمانجان ڤە یا گرێدای نەبا؛ دڤیا پشتی ئەنفالان بەردەوامی ب خەبات و بەرخوەكرنێ نەدابا. گرنگترین خالا ستراتیژیك یا پارتی د خەباتا خۆ دا ل چیایی و ل باژێری مسۆگەركرنا كیانەكی بوو بۆ گەلێ كوردستانێ.
پارتی بۆ هەر قۆناغەكا خەباتێ ئەو درووشمە هەلگرتیە كو بشێت جێ بەجێ بكەت؛ لەوما خۆدانا 14 كۆنگرەیانە و بۆ هەر قۆناغەكێ پەیرەو و پرۆگرام دانایە كو ل گەل واقعێ وێ قۆناغا خەباتێ و سەردەمێ ئەڤرۆ یێ ژیانێ بگونجیت.
پارتی خۆدانا بڕیارا خۆیە؛ لەوما حسابەكا زۆر بۆ بۆچوونا پارتی دهێتەكرن، چونكی پارتی بڕیار و ئەمر و فەرمانان ل چ كەس و هێز و لایەن و وەلاتان وەرناگریت.
پارتی سەنگیا بەلانسا سیاسی یە ل دەڤەرێ، بێ بۆچوونا پارتی چ بڕیارەك ناهێتە جێبەجێ كرن، ئەڤە ژی مەزناهیا پارتی ل سەر ئاستێ نێڤدەولەتی دسەلمینیت.
بێگومان پارتی بۆ هەر قۆناغەكێ خۆ نوی دكەتەڤە، ل دویڤ سەردەمێ تێدا دژیت.
پارتی قوتابخانەیا مەزنا بەلاڤكرنا هەستا نەتەوەیی و نیشتمانی یە و پارتی شیایە هەستا نەتەوایەتی بكەتە تێگەهێ جڤاكی ل سەر تا سەرێ كوردستانێ، لەوما جەماوەری خۆ پێڤە گرێدایە، ل هەلبژارتنێن ڤێ دویماهیێ یێن ئیراقێ و كوردستانێ، پارتی بوو حزبا ژمارە (ئێك) و پارتی ئەو سەرفەرازی ژی بەركەفت، ریفراندۆم بسەرئێخست و 93٪ خەلكێ كوردستانێ بەلێ بوو و پەیەما سەرخۆبوونا كوردستانێ كو ئەندازیارێ وێ هێژا سەرۆك مەسعود بارزانی بوو.
ئەو بابەت گەلەك د زۆرن كو پارتی فەلسەفەیەكا رۆهن و ئاشكرا و زەلال بۆ هەبیت وەكی چارەسەركرنا كێشەیێن نەتەوایەتی و هەرێما كورستانێ و فیدرالیەت و پێنگاڤ هاڤێتن بەر ب سەرخۆبوونێ.
هزرا نەتەوەیی ئەو هزرا هەستیارە كو ل گەل بوونا مرۆڤێ كورد دا دژیت و هەتا بۆ چڕكەیەكێ ژی نەشێت ژێ دوور بیت، پێدڤی ب وێ هەستا نەتەوایی هەیە، پارتی ل ڤان 79 سالان دا هزرا نەتەوەیی د ناڤ مللەتێ كورد دا بەلاڤكریە و ل ڤی بابەتی دا كێماسی نەكریە و هەرا بەردەوام بوویە.
پارتی خەبات و بەرخۆدان كریە داكو مرۆڤێ كورد كەرامەتا خۆ ژ دەست نەدەت ئەگەر كەرامەت ژ دەست دا هینگی چ نامینیت ژ دەست بدەت، لەوما ژی ئەڤ شانازیا مەزن بۆ پارتی یە.
پارتی ئەو قوتابخانا مەزنا كوردایەتی یە ئەم فێركرین چاوا ل سەر ئاخا خۆ بژین و مە ئاخا خۆ خۆش بڤێت، چونكی كارەساتا مەزن ئەوە خۆشەویستیا وەلاتی ل دلێ مرۆڤی دا دەركەڤیت.
پارتی هەمی دەمان باوەری ب دیمۆكراسیێ هەبوویە و هەر د رۆژا دامەزراندنا خۆ دا ل 16/8/1946 ناڤێ وێ پارتی دیموكراتی كورد بوو، پاشی ل كۆنگرەیێ (3) ببوو پارتی دیموكراتی كوردستان، ئەڤە ژی گرۆڤەیا هندێ یە كو پارتی باوەری ب دیموكراسیەتێ هەبوویە و هەیە، چونكی ل دیموكراسیێ و تەناهیێ نفشەكێ پێ دگەهینن ل شەڕی ژی تو نفشەكی ژ ناڤدبەی.
لەوما د فەرهەنگا پارتی دا دیموكراسیێ یا خۆجهە و ب كریار و باوەری پێ هەیە بەروڤاژیا خەلكێ دیتر كو بتنێ ب رووكەش باوەری ب دیموكراسیێ هەیە.
پارتی ل سالا 1946 دروست بوو راستە ل بەراهیێ ئاستەنگ هەبوون ل پێشیا پارتی بەلێ خۆراگریا وێ و فیداكاری و قوربانیا وێ و تەحەملا هەمی نەخۆشیان، پارتی بەر ب گۆپێ سەرفەرازیا ئێكجاری ڤە پێنگاڤان دهاڤێژیت.
ل دوماهیێ دێ بێژم مەزنترین دەستكەفتا مە یا مەزنا پارتی د 100 سالێن خەباتێ دا و وەرگرتنا ئەنجاما دووماهیێ سەركەفتنا ریفراندۆمێ بوو سەرەرای هەمی پیلان و ئاستەنگان، بەلێ بۆ ریفراندۆمێ و دەولەتبوونێ و سەرخۆبوونێ دو كەرەستە پێدڤی بوون.
1- سەرۆكەكێ بوێر و قەهرەمان و خۆڕاگر و شەهرەزا سیاسەتمەدار و فیداكار و چاڤ نەترس ئەو ژی ب بەلگە خۆیا ئاشكەرا بوو كو هێژا سەرۆك مەسعود بارزانی بوو.
2- مللەتەكێ خۆراگر و بهێنفرەهـ و فیداكار و دلسۆز و بنیاتێ دەولەتا كوردستانێ ل سەركەفتنا ریفراندۆمێ هاتە دانان و ئەندازیار و نەخشەكێشێ وێ ژی جەنابێ سەروك مەسعود بارزانی بوو، كو جهێ شانازیا هەمی نەتەوەیا كوردە و ئەڤرۆ جەنابێ سەرۆك مەسعود بارزانی بوویە لێڤەگەر و پشتەڤان و ئومێد بۆ هەمی نەتەوا كورد.
هەرێما كوردستانێ ل پاشەرۆژێ دا دێ بیتە داخوازا جڤاكا نێڤدەولەتی، چونكو هۆكارێ سەقامگیریێ یە ل دەڤەرێ دا.
سلاڤ ل پارتی ل بیرهاتنێن 79 سالیێ‌ دا.
سلاڤ ل مالباتێن سەربلندێن شەهیدان و پێشمەرگێن قەهرەمان و هەمی كوردپەروەرەكی كو هەردەم دگەل پارتی بووینە و ئەم سەربلندین كو ئەم پارتینە، چونكی پارتی پێشەنگا گەلێ كوردستانێ یە و ئەو درووشمێ مەزنێ شۆرەشا ئیلۆنێ هەتا ئەڤرو رۆژ بۆ رۆژێ بلندتر دبیت كو دبێژیت پێشرەوی كورد پارتی یە سەرۆكمان بارزانی یە.

سه‌باح به‌یتوللا

18-6-1947 زه‌نگا به‌رخۆدانێ لێدا و په‌یاما یان كوردستان یان نه‌مان ژ لایێ بارزانیێ نه‌مر هاته‌ بلندكرن
ل18-6-1947 ئۆمێد ڤه‌گه‌ریاڤه‌ بۆ گه‌لێ كوردستانێ و پیڵانێت دوژمنا شكه‌ستن و ئازادی و رزگاری و سه‌ركه‌فتن بۆ درووشم و په‌یڤێن قه‌هره‌مان و شۆره‌شگێران.
به‌لێ بارزانیێ نه‌مر و مه‌زن ل گه‌ل (53) هه‌ڤالێن خۆ یێن قه‌هره‌مان پشتی هه‌رفینا كۆمارا كوردستانێ ل مهابادێ و دو هه‌یڤان به‌رخۆدان و شه‌ڕێن گران و بڕینا پتر 700 كیلۆمه‌تران د ناڤ سنوورێ سێ وه‌لاتێن داگیركار دا پرسیاره‌ك سه‌رێ خۆ رادكه‌ت و داخوازا به‌رسڤێ دده‌ت. ئه‌رێ كی دێ به‌رسڤێ ده‌ت؟ 500 قه‌هره‌مان، 700 كیلۆمه‌تر ده‌ربازبوون و به‌رخوه‌دان، ب چه‌كێ سڤك. ب ئیراده‌كا مه‌زن ب بیروباوه‌ره‌كێ موكم، ب نان و خوارنه‌كا ساده‌ و ساكار ب ئه‌خلاقه‌كێ بلندێ شۆره‌شگێری، به‌رسینگێ له‌شكره‌كێ پر چه‌كێ گرانێ سێ وه‌لاتێن داگیركار و ب هه‌می شیان و هێزێن خۆ یێن به‌رفره‌ه بینه‌ شكاندن و په‌یامه‌كێ بده‌نێ، پشتراستبن د فه‌رهه‌نگا مه‌ دا خۆ چه‌ماندن و ته‌سلیم بوون و ده‌ستهه‌لگرتن ل مافێن گه‌لێ كوردستانێ تێدا نینه‌ و ناهێنه‌ دیتن. به‌لێ بارزانیێ نه‌مر و قه‌هره‌مانێن دگه‌ل دا 11 سالان ل سۆڤیه‌تا به‌رێ مانه‌ڤه‌ و ئێك شۆره‌شگێرێ ل گه‌ل بارزانی دا خۆ نه‌گۆری و نه‌بوونه‌ شیۆعی ئه‌ڤێ چه‌ندێ به‌رپرسێن سۆڤیه‌تێ حێبه‌تی كربوون، ئه‌ڤ چه‌نده‌ عه‌قیده‌ و بیروباوه‌ره‌ د مه‌ژیێ ڤانه‌ دا و ده‌ستان لێ به‌رناده‌ن. ل سالا 1958ب سه‌ربلندی ڤه‌گه‌ریانه‌ڤه‌ بۆ وه‌لاتی و پێشوازیا قه‌هره‌مانان لێ هاته‌كرن و هه‌می گه‌لێ ئیراقێ ب كورد و عه‌ره‌ب و توركمان و مه‌سیحی و هه‌می ئایین و نه‌ته‌وان ڤه‌ بارزانی ب رێبه‌ر و سه‌ركرده‌یێ خۆ زانی، به‌لێ مێژوویه‌كه‌ ب پیتێن زێری هاتیه‌ نڤیسین و ئه‌م ژی شانازیێ پێ دبه‌ین و بارزانی بوو هێما و سۆمبۆل و ناسنامه‌ و رێبه‌رێ گه‌لێ كوردستانێ. 78 سال ل سه‌ر وێ پێڤاژۆیا دیرۆكی یا مه‌زنا گه‌لێ كوردستانێ ده‌رباز دبیت و هه‌رسال ئه‌م ژی دێ ڤێ بیرهاتنێ ساخ دكه‌ینه‌ڤه‌ و هـه‌می ئه‌و قه‌هره‌مانێن ل گه‌ل بارزانیێ نه‌مر دا یان ب سه‌ربلندێ شه‌هیدبوون و یان ژی ب سه‌ربلندی مالئاڤاهی كر و هه‌تا نهۆ ژی سێ‌ هه‌ڤالێن بارزانی د ژیانێ دا ماینه‌.جهێ وان بهه‌شتا به‌رفره‌هـ بیت و ئه‌وێن هێشتا د ژیانێ دا داخوازا ساخله‌میه‌كا باش و ته‌مه‌نه‌كێ درێژ بۆ دكه‌ین.
به‌لێ هه‌مێ شۆره‌شگێر، نیشتیمان په‌روه‌ر، ئازادیخواز، ئاشتێخواز بارزانیێ نه‌مر ب ناسنامه‌ و سیمبۆل و هێمایێ كورد و كوردستانێ دناسن.