تاهر رێكانی

گۆمان تێدا نینه‌ كو ئه‌ڤه‌ چه‌ندین ساله‌ یانه‌یێن هه‌رێمێ تووشی قه‌یرانێن دارایێ دبن ژبەر نه‌دانا مووچه‌ و هه‌ڤبه‌ستێن یاریزانان تایبه‌تی یێن فوتبۆلێ، وه‌كی دیار گرێبەستێن دبیتە بارگرانیەکا مه‌زنه‌ لسه‌ر یانه‌یێن مه‌.
یا من‌ دڤێت بێژم د ئه‌ڤ ساله‌دا چه‌ندین جاران یاریزانێن یانه‌یا دهۆك بایكۆتا راهێنانان کریە ژبه‌ر نه‌دانا مووچه‌یێ هه‌یڤانه‌، ئه‌ڤه‌ژی دبیته‌ ئه‌گه‌رێ نزمبوونا ئاستێ تیمێ و ده‌ستدانا چه‌ندین خالان، ژلایهەکێ دووڤه‌ گه‌فا نه‌كرنا یاریان ژی هاته‌ سه‌ر، خۆ ئه‌گه‌ر یاریێ ژی بكه‌ن ب گیانه‌كێ ساخله‌م و خۆراگر یاریێ ناكه‌ن، له‌وڕا پێدڤییه‌ ئه‌ڤ كێشه‌ بهێته‌ چاره‌سه‌ركرن نابیت هه‌رده‌مێ مووچه گیروبوو كه‌فا ل یانه‌یێ بكه‌ن، ل وێ باوه‌ریێ نە ئه‌گه‌ر ئه‌ف ئاریشه‌ نه‌با نۆكه‌ یانه‌یا دهۆك لجهێ خۆ یێ دورست با كو ئێك ژ هه‌ڤركێن بهێز بۆ بده‌ستڤه‌ئینانا سه‌رێ لیستێ ئه‌گه‌ر نه‌ ئێك ژ تیمێن چارگۆشه‌یا زێرین، بۆ بنبركرنا ڤێ ئاریشه‌یێ پێدڤی بوو به‌ری چه‌ندین سالان و به‌ری ده‌ستپێكا قه‌یرانا ئابۆری ئه‌وا ل سالا 2014ێ ئیراق هه‌موو كه‌فتیه‌ تێدا بتایبه‌ت هه‌رێما كوردستانێ، هه‌رچه‌نده‌ به‌ری ڤی ده‌مێ دیاركری گه‌له‌ك جاران راپۆرت و دیدار دگه‌ل سه‌رۆك یانه‌ و به‌رپرسێن وه‌رزشی ل پارێزگه‌ها دهۆكێ هاتینه‌ دروستكرن لدۆر ڤی بابه‌تێ گرنگ، ئه‌وژی كو یانه‌ پشتبه‌ستنێ لسه‌ر داهاتێ خۆ بكه‌ت، دبیت هنده‌ك كه‌س و لایه‌ن هه‌بن هزربكه‌ن و دبێژن دێ گه‌له‌ك بزه‌حمه‌ت بیت، لێ به‌ری ڤان قه‌یرانان داهاته‌ك و پاره‌كێ باش لبه‌رده‌ست هه‌بوون، هه‌ر وه‌سان ئه‌گه‌ر ئه‌م به‌حس ل یانه‌یا دهۆك بكه‌ین بێ گۆمان یانه‌یا ناڤبری روبه‌ره‌كێ مه‌زن یێ ئه‌ردی لبه‌ر ده‌سته‌ ئه‌و دشێن ب رێكا سه‌رمایه‌دارێن ده‌ڤه‌رێ ده‌وروبه‌رێن یانه‌یێ هه‌موویێ بكه‌نه‌ پرۆژه‌ و ئاڤاهی بۆ یانه‌یێ وه‌ك( مساگحە) بۆ چه‌ند سالێن دیاركری و پاشان ئه‌و پرۆژه‌ ببنه‌ مولكێ یانه‌یێ، یا ژوێ ئاسانتر هه‌ر نۆكه‌ كارگێریا یانه‌یێ ب هاریكاریا لایه‌نێن په‌یوه‌ندیدار دشێن ده‌ست پرۆژه‌یێ ده‌وروبه‌رێن یانه‌یێ بكه‌ن بتایبه‌ت لسه‌ر جادا گشتی كو بهێنه‌ ته‌رخانكرن بۆ خارنگه‌هـ و كافیتریا و جهێن خزمه‌تگوزای و داهاتیێ وێ بۆ یانه‌یێ بهێته‌ مه‌زاختن هه‌رچه‌نده‌ دێ یێ کێم بیت لێ دێ تاراده‌كێ دێ مه‌زاختیه‌كێ كێم ژیانه‌یێ ڤه‌كه‌ت.
ئه‌گه‌ر ئه‌ف چه‌نده‌ نه‌هێته‌ كرن یا لسه‌ر یانه‌یێن مه‌ یێن هه‌رێمێ ب گشتی و پارێزگه‌ها دهۆكێ بتایبه‌ت ئینانا یاریزانێن پیشه‌كار كێم بكه‌ن و ل شوونا ژماره‌كا زێده‌ دوو تا سێ یاریزانێن ئاشت بلند بینن و هه‌ر وه‌سان پتر پشتبه‌ستنێ لسه‌ر كورێن باژێرێ دهۆكێ بكه‌ن بێ گۆمان دماوه‌یێ چه‌ند ساله‌كێن كێم دێ به‌رهه‌مێ وان هێته‌ پێش.

تاهر رێكانی

سه‌ره‌رای هه‌موو كێماسی و ئاسته‌نگێن که‌ڤتینه‌ د رێیا واندا و نه‌بوونا مووچه‌ و چه‌ندین ئاریشه‌یێن دی تیما باسکێت بۆلا دهۆکێ ب شیان و ماندیبوونا كورێن خه‌مخۆرێن باژێرێ خۆ‌، پشتی ڤه‌قه‌تیان دوبارە ده‌ربازبوو خولا پیشەکارێن ئیراقێ، ئه‌ڤە ده‌سكه‌فته‌كێ گرنگبوو بۆ هێلینا ئه‌لهویان، ‌لێ گرنگتر ئه‌وه‌ به‌حس ل‌ پاراستنا ڤی ده‌ستكه‌فتێ دیرۆكێ بكه‌ین، د خول و هه‌لكه‌فتێن داهاتی دا ب هه‌مان مورال پشكداربن، ئه‌ڤ چه‌نده‌ هات پشتی هه‌ڤڕكیه‌كا بهێز و شیانێن گه‌نجێن ده‌ڤه‌رێ و راهێنه‌رێ خومالی د. میقداد ڕەعدی د خولا پلا ئێكێ دا ئه‌نجامدای، ئه‌وێ د چه‌ندین فلته‌راندا ده‌ربازبووی و گه‌هشتیه‌ یاریا فینالێ و سه‌رکەفتی لسەر یانه‌یا نوعمانیه‌ ب جوداهیه‌كا مه‌زن یا خالان ناسناڤ ب دەستڤەئینا و دەرباز ژی بوو.
به‌ری هه‌ر تشته‌كێ فه‌ره‌ ڤی ده‌ستكه‌فتی ل هه‌می یارزان، راهێنه‌ر، ده‌سته‌كا كارگێری و پشته‌ڤانێن باسكێت بۆلا یانه‌یا دهۆكێ پیرۆز بكه‌ین، ژبه‌ركو ئه‌ڤ ده‌سكه‌ڤته‌ بۆ مه‌ هه‌موویان د زڤریت، ب هیڤییا وێ چه‌ندێ نه‌ كو ده‌سكه‌ڤت و ئه‌نجامێن ژ هه‌ژی تر د قۆناغێن بهێت دا بهێنه‌ پێش.
بێ گۆمان ئه‌ڤ ده‌سكه‌ڤته‌ ژ ڤالاهی نه‌هاتیه‌، به‌لكو كورێن باژێرێ دهۆكێ گه‌له‌ك ئاسته‌نگ و نه‌خۆشی و بێ مووچه‌یی دیتینه‌، لێ سه‌ره‌رای هه‌موو ئاریشه‌یان مورالا وان ژ هه‌ر تشته‌كێ مه‌زنتر و بهێزتر بوو هه‌تاكو شیاین ڤێ ده‌سكه‌ڤتی بده‌ستخۆڤه‌ بینن و مزگینیێ بده‌نه‌ وه‌رزشڤانێن گه‌نج كو سوباهی ئه‌و دێ بنه‌ یاریزانێن پاشەرۆژێ بۆ تیمێ، یا ژ وێ گرنگتر پتر باوه‌ری بۆ یاریزانێن بشكۆژ، پێگه‌هشتی و لاوان په‌یدابوویه‌ خۆماندوو بكه‌ن چونكه‌ مه‌ خۆدان شیانێن باش د هه‌ر جوره‌كێ وه‌رزشێ دا یێ هه‌ی تنێ پێدڤی ب پشته‌ڤانیێ یه‌، لڤێرێ بۆ مه‌ هه‌مویان دیاربوو كو مه‌ شه‌نگستێ بهێز و موكوم یێ هه‌ی تنێ پێدڤی ب چاڤدانێ نه‌‌، هه‌روه‌سان بۆ جهێ شوله‌ژی دیاربوو كو كورێن باژێرێ دهۆكێ بۆ مه‌ هه‌مویان سه‌لماند كو شیانێن وان ژ شیانێن كه‌سه‌كێ كێمتر نینن ئه‌گه‌ر باشتر نه‌بن، له‌ورا ئه‌وا بۆ یاریزانێن بیانی دهێته‌كرن بۆ كورێن باژێرێ و كوردستانێ بهێته‌ كرن چ جاران ئه‌م پێدڤی ب یاریزانێن بیانی نابین بۆ هەر یاریەکێ، به‌لێ یا پێدڤییه‌ ئه‌م رۆلێ راهێنه‌رێ خۆدان شیان ئه‌وێ پشتا خۆ ب كورێن باژێرێ دهۆكێ گەرمکری و بوویه‌ ئه‌گه‌ر كو بگه‌هنه جهێ خۆ یێ دورست‌ ئه‌وژی د.میقداده‌ ئه‌وێ بوویه‌ ئه‌گه‌ر كو دهۆك ده‌ربازی ڤێ قووناغێ ببیت، بێ گۆمان ئه‌ڤ شوون تبلێن وینه‌، ئه‌وێ بێی دوڕاندن خول بده‌ستخۆڤه‌ ئینای.
لێ یا پێدڤی لسه‌ر كارگێرییا یانه‌یا دهۆك و به‌رپرسێن وه‌رزشی ل پارێزگه‌ها دهۆكێ ئەوە‌ هه‌موو شیانێن خۆ د سه‌ركه‌ڤتنا ڤێ تیمێ دا ب مه‌زێخن، نه‌تنێ ژلایێ دارایی ڤه‌ پشته‌ڤانی لێ بهێته‌ كرن، به‌لكۆ ژلایێ هۆنه‌ری و مه‌عنه‌ویڤه‌ دارایی و یا ژ هه‌موویێ گرنگتر دابینكرنا هۆله‌كا به‌رفه‌ره‌هـ و پێشكه‌فتی بۆ قووناغا بهێت ئه‌وژی خولا ئیراقێ یا پیشەکاران، داكو دڤێ قووناغێ دا ب هه‌مان و ئه‌ست و ئه‌نجام پشكداربن.

rojnameyaevro.com

مالپه‌رێ فه‌رمى یێ رۆژناما ئه‌ڤرۆ یه‌ .

تاهر رێكانی

گۆمان تێدا نینه‌ هه‌ردو یانه‌یێن پارێزگه‌ها دهۆكێ دێ په‌شیمانی ڤان خالان بن ئه‌وێن ب ئاسانی ژ ده‌ست داین، ئه‌گه‌ر ئه‌م به‌رێخۆ بده‌ینه‌ یاریێن خولا ستێرێن ئیراقێ پێنه‌ڤێت د هه‌ر چار گه‌ڕێن بۆریدا ئه‌و ئاستێ پێدڤی ژ لایێ پرانیا یانه‌یان ڤە نه‌هاتیه‌ نیشاندان، تایبه‌تی یانه‌یێن جه‌ماوه‌ری وه‌كۆ شورته‌، زه‌ورا، جه‌وییه‌ و ته‌له‌به‌ كو هه‌می یانه‌ هزرێن مه‌زن بۆ وان دكه‌ن، زێده‌باری یانه‌یێن هه‌رێمێ وەکو دهۆك، زاخۆ و هەولێر بووینه‌ جهێ ترسیێ بۆ هه‌ر یانه‌یه‌كا دی یا ئیراقێ، لێ مخابن هه‌ردو یانه‌یێن دهۆك و زاخۆ به‌رده‌وامن لسه‌ر ده‌ستدانا خالێن زێرین كو ئه‌ڤ ده‌رفه‌ته‌ ڤه‌ناگه‌ریته‌ڤه‌ و ئه‌و خالا چووی نازڤریت، له‌ورا یا پێدڤیه‌ كارگێریێن یانه‌یێن مه‌ دگه‌ل سه‌رپه‌رشتێن تیمێن خوە پێداچوونه‌كێ د پێكهاتێ تیمێن خۆدا بكه‌ن، هه‌رچه‌نده‌ ئه‌ڤه‌ ده‌ستپێكه‌ ‌لێ یاریێن ده‌ستپێكا خولێ دگرنگن، ئه‌گه‌ر به‌حس ل شێوازێ یاریێن یانه‌یا دهۆكێ بكه‌ین د هه‌ر چار یاریێن بۆریدا ئاسته‌كێ گه‌له‌ك باش پێشكێش كریه‌ لێ بێ ئه‌نجام بوو، ئه‌ڤه‌ ژی ڤه‌دگه‌ریت بۆ لاوازییا هێلێن تیمێ و نه‌ خۆ جهیا ئاستێ یاریزانان، بۆ هه‌ر یاریه‌كێ سیناریویه‌ك دهێته‌ دان، جاران هێلا به‌رگریێ و گۆلچی نه ‌ل ئاستێ پێدڤی نه‌ یان ژی تیم هه‌می پێكڤه‌‌ د خه‌مسارن، ئه‌گه‌ر ئاماژێ ب یاریا به‌رامبه‌ری ته‌له‌به‌ بكه‌ین هه‌ردو هێلێن ناڤه‌راست و هێرشبرنێ د بلندترین ئاست دابوون، لێ هێلا به‌رگریێ یا لاوازبوو و شاشی هه‌بوون، ب ئاسانی گۆل لسه‌ر دهاته‌كرن، یا پێدڤی بوو ئێكسه‌ر كادرێ راهێنانێ دووڤچوونا شاشیێ كربا و چاره‌سه‌ركربان به‌ری یاریا دووڤدا، ئه‌گه‌ر به‌حس ل یانه‌یا زاخۆ بكه‌ین جادەیا وه‌رزشی هزرێن مه‌زن بۆ دكرن ژبه‌ركو هژماره‌كا ستێرێن یاریزانان ژ ئیراقێ و ده‌رڤه‌ ئیناینه‌ دناڤ رێزێن تیما خۆدا لێ ئه‌وا پێدڤی هه‌تا نۆكه‌ دیار نه‌بوویه‌، پێدڤی بوو پشتی یاریا به‌رامبه‌ر دیالا پێداچوونه‌ك د ئه‌ركێ كادرێ راهێنانێ دا كربا، دبیت هنده‌ك دبێژن ئه‌ڤه‌ ده‌ستپێكه‌ به‌لێ یاریێن ده‌ستپێكێ گه‌له‌ك دگرنگن چۆنكه‌ یاریێن بهێت دهێته‌ چاڤه‌رێكرن كو یاریزان تۆشی هنگافتنێ ببن هه‌روه‌سان بهێنه‌ بێ به‌هركرن ژ یاریان ژ ئه‌گه‌رێ وه‌رگرتنا كارتێن زەر و سۆر زێده‌باری ماندیبوونا یاریزانان، له‌وا پێدڤییه‌ ب زووترین ده‌م ئه‌ڤ شاشیه‌ و ژ ده‌ستدانا خالان بهێته‌ چاره‌كرن چونكه‌ یاریێن بهێز و گرنگ د ڕێدانه‌.