‎وەلات ئەحمەد ئۆرەماری

‎چ گاڤا تو ببینی كو هندە خەلك یێ باوەریێ ب تە دئینیت، خالەكا گرنگە دڤێت بۆ خۆ وێ باوەریێ بهێلی، چونكو هەمی خەلك نە یێ باوەریێ یە، یان ژی باوەریا خەلكی ب هەمی مرۆڤان ناهێت، باوەری ل ڤی سەردەمی یا كێمبوویی چونكو، ژبەر ئاریشەیێن رۆژانە یێن ئەم دكەڤینە تێدا، ئەڤچا خۆ وێرەك بكە و ژیرانە و ئازادانە هەست پێ بكە و باوەریێ بۆ خۆ چێكە. ل ‎دەما كوئەز دبێژم باوەریێ بۆ خۆ چێكە.. ئانكو (بێ دودلی كاربكە و هەست ب كێماسیێ نەكە و خۆ زیرەك بكە و ئازادانە بژی، ئەڤە هەمی دێ وە ل تە كەت كو ژبۆ باوەری ب خۆبوونێ).
‎چ جار هەست ب كێماسیێ نەكە ل بەرانبەر چ كەسەكی، تو هەر ئاڤاكەرێ روحا خۆ بە، ژبەر هندێ ئەز هەر دبێژم بۆ خۆ بژی و دێ هەتا مرنێ سەرفەرازی مری، ئەڤە ژی ئەوە یا كو ژیانەكا ب رۆمەت، رەوشەنزان و باوەری ب خۆبوونێ پەیدا دكەت، هەر وەسا خێزانا تە ژی، دێ ژتە فێر بن و تو دێ شێی وان مینا خۆ رەوشەنبیركەی و باش بزانە كلیلا رەوشەنبیریێ یا ب كلیلا باوەری ب خۆبوونێ ڤە گرێدایە، ئەڤچا ل دەڤ من باوەری ب خۆبوون ژ هەر تشتەكی گرنگترە و گەلەك ئاریشەیان ژی چارەسەر دكەت و بەرانبەر هەر تشتەكێ ل دژی تە رادوەستیت. دبیت ژی ئەڤ ساخلەتە ل بیرا هەر كەسەكی ژ مە بیت، بەلێ‌ تنێ‌ وەكو ناڤ و رۆتین بن، لێ‌ بكارئینان ل هەمی دەم و جه و هەلوەستان دا ژبیرا گەلەك ژ مە دچیت، كەساتیا خۆ ژدەست ددەت، ‎لەورا ژی من دڤییا ڤێ بگەهینمە ناخێ‌ خواندەڤانێن بایەخی ددەنە كەساتیا خۆ. ئەڤچا هندی ژ تە بهێت ببە كەسەكێ‌ خۆدان ئیرادە و ل وێ‌ باوەریێ بگەریێ‌ و ب سەرفەرازانە بژی و تو ب خۆ ئاڤاكەرێ ژیانا خۆ بە، نەهێلە كەس بهێتە د ناڤ ژیانا تە دا، بێی ئاگەهیا تە و ئەڤ چەندە دێ بیتە ئەگەر كو تو ب ئازادانە بژی و باوەریەكا مەزن تە ب خۆ هەبیت و ئەڤە دێ تە ل بەر چاڤێن خەلكەكی ژی شرین كەت و د چاڤێن وان دا مەزن بی.

وەلات ئەحمەد ئۆرەماری

چاوا دێ بێژیە من و بێژیەڤە چاوا تو هندە شكەستی و شكەستن خۆار و تو هاتیە ل سەر تاقەتا بەری نوكەڤە، چونكی من هەدار كێشا و من تەحەمل كر و هەدار ل سەر هەر تشتەكی كێشا یێ نوكە ئەز تێدا و هەكە (شكەستنا دوهی نەبا سەركەڤتنا ئەڤرۆ ژی نەدبوو)، ئەڤچا ئەز داخواز ژ هەر لایەكی دكەم خۆ پێشبێخن دەه جار بكەڤن هەتا جارەكێ رابیەڤە ل سەر جەنگێن خۆ، هەكە خۆ نە رابیەڤە ل سەر چەنگێن خۆ دێ بۆ پاشەرۆژێ بیە كەسەك خۆدان ئیرادە و ب هێز و ب هێز بژی و ب هێز بمرە و خۆ ئامادە بكە، بۆ هەر تشتەك نەباش و نەچاڤەرێكری و تەحەملێ بكە، چونكی ئەز تە پش راست دكەم شكەستنا ئەڤرۆ سوبەهی دێ تەراكەتەڤە ل سەر پێن تە. جاران ژی برین سینگەكێ بەرفرەه دلەكێ مەزن و دڤێت گوهدانا گۆتنێن مەزن و دایك و بابان بكەین، چونكی بارا پتر كلیلا سەركەڤتنێ ژ كار و كریار و گۆتنێن ڤا كەسا دهێنە رێكامە، جڤاك پتر پێدڤی گرنگیێ ترێندان نادەن بەلكو ب مرۆڤێن سەرڤەراز گرێداینە ئەڤچا چ ترێندان و نە جڤاكەك و مۆزیك و سترانان ب یان خوارن و شریناهیا بن یان جورە سەمایەك بیت ئێكا هندژ مە چێدكەت هەر بابەتەكی دا چاڤ گرتی بینە كوپیەك رەفتارا وان دا و كەسێن نە ژ هەژی و بێترانك و یاریێن خۆ ب مە بكەن.
هەتا ئەم نەشكێین ئەم نە شێین رابینە ل سەر پێن خۆ، ئانكو كانێ ژیانێ چ نیشا مە دایە یان نیشا مە نەدایە دڤێت فێربین كو ژیان یا كورتە و ل بەر هندێ ناكەڤیت كو ئەم حەز و ئارەزویێن خۆ ژ دەست بدەین.
ئەڤجا هنگی ئەڤ و ئەم هەمی دێ سەرفەراز ژین و بۆ ژیارەكا خۆش و ئارامتر و ئاسۆدەتر، ئەرێ ئەڤ كەسە دێ چاوا یێ بو بەرپرسیاریێ و بارۆڤەیێن ژیانێ ئامادەبیت.

وەلات ئەحمەد ئورەماری

ئەڤرۆ ئەم پێنگاڤ پێنگاڤ دهاڤێژین لێ دڤێت بزانین ئەڤ پێنگاڤە هەتاچ رادەیی مە هاڤێت و ل گەل كێ پێدڤییە گرنگترین پێنگاڤ پێنگاڤا ژیانا مە یێن ئەم بهاڤێژین بەر ب سەركەڤتنێ و پاش بزڤرین بۆ پاشەرۆژەكا گەش و رۆن جاران دبینینن دێ پێنگاڤەكێ هاڤێژین بۆ پێش و مە گەلەك كاركرن و نە دگونجایی بوون یان ژی نەدەمێ خودا بوون ئەڤە دبیتە ئەگەرێ سەركێشی بۆ مە دڤێت ئەم بزانین كا دگەل كێ و چاوا پاڤێژین چونكی (پێنگاڤا راست و دروست رێكا خۆدانی ڤەدكەت).
یان ژی گەلەك جاران دێ بینینن كو مە پێنگاڤ بەر ب باش بهاڤێژیت ئەڤە دبیتە ئەگەرێ كۆمەكا هزران بۆ مرۆڤی و بەرفرەهبوونا لایەكێ هزری بۆ مە و مە بەر ب سەری ڤە دبەت و دهاڤێژیت و هندە جاران چێدبیت ئەم بەر ب رێكا راست ڤە بچین و هندە دەمان ژی ئەم بەر ب رێكا نەگونجایی ڤە بچین، بۆچی؟
چونكی پێدڤییە مرۆڤ دسەر و هزرێن خۆ یێن گونجایی بەر ب پاشەرۆژەكا گەش و راست ڤە بچیت ژ بۆ ئاڤاكرنا كەسایەتیەكا بهێز و راست نەكو ژ وان كەسان بین كو چەندەها رێك و رویبار ل بەر سینگی بن و نەزانیت بەر ب كیڤە بچیت یان ژی ژڤێرێ بۆ وێرە هەنێ‌ بچیت ژبەر هندێ دڤێت بەردەوام پاشەرۆژەكا گەش بگەری ئارام بژی و ئارام بژی ئارام ئاسۆدەیی ژبۆ ژیانەكا خۆش و ئاسۆدەی.
ئەڤرۆیا مەیا بوویە دوهی یان ژی یا بوویە سوبەهی، لێ هندەك ئالی ژ مە دزانیت چاوا بكاربینیت و هندەك ئالی ژ مە نزانیت چاوا بكاربینیت، لێ پێدڤییە خۆ ل گەل بگونجینینن ژیانا ئەڤرۆ هەمی یا بوویە خۆ ل گەل جڤاكی بگونجینی و خۆ دگەل پێنگاڤا خۆیا رۆژانە و ژیانا رۆژانە بگونجینی و پێنگاڤ پێنگاڤ ژبۆ ژیارەكا خۆش و ئاسۆدەی.
لەورا هەردەم ئەز دبێژم تە بۆ خۆ پێنگاڤ پێنگاڤ بهاڤێژە و ژیارەكا خۆشتر و ئارام بژی ژبۆ خۆ نە، ژبەر چ كەسەك چونكی تو ب خۆ بۆ خۆ ئاسۆدەی بژی ژبۆ ژیانەكا ئاسۆدە و خۆشتر.

وەلات ئـەحمەد ئـورەمـاری

هەردەما ئەم گوه ل پەیڤا (ژن) دبین ب تایبەت یا كورد، ئێكسەر خۆڕاگری و سۆز و وەفاداری و پشتگریا شۆرەشان دهێتە هزرا مە، ئانكو ژن هەم ژینە و هەم ژی ژیانە، ب تایبەت ژنا كورد دەمێ مە گوه ل ناڤێ وێ دبیت، ئەم هزرا بسك و كراس و فیستانان و شورەشێن كوردی دكەین كو ب درێژاهیا مێژوویێ ژن سیمبۆلا شەڕەف و نامووسێ بوویە، هێمایێ هێز و خۆڕاگریێ بوویە، لەوما دەڤ مە ژنا كورد ب هایەكێ تایبەت و سەرسۆرمان هەیە. كو گەلەك جاران پشكداری د شۆرەش و شەڕان دا كریە و هەمبەری دوژمنان راوەستیایە و خوۆب جەرگ زانییە و هاریكاریا پێشمەرگەیان كریە و گەلەك كارێن جوان كرینە و ب رۆلێ زەلامان رابوویە وكارێن مالێ و ب خودانكرنا زارۆیان و بێریا پەزی و كارێن دەستی ژی كرینە و گەلەك ژنان خۆ كرینە قوربانی بۆ ئاخا وەلاتێ خوە كو نوكە ئەم هۆسا ئازادیێ دژین و هاتینە سێدارەدان و حوكمكرن و ئەشكەنجەدان و گەلەك یێن دی و ئەو ژنێن بۆ دوماهیك ساتێن ژیانا خۆ شیایین و وان ئەڤ نەخۆشییە و دەردەسەرییە دیتی و قوربانی داین، لێ ئەو پەشیمان نەببوون ژ خەباتێ و كوردستانا نوكە ئازاد هەر ژبەر هندێ ئەڤ گۆتارە وێ دگەهینیت كو ژن ژیانە و هەمی دەمان مل ب ملێ زەلامی ڤە یا خۆ كریە قوربانی ژ بۆ كوردستانا نها ئەم ئازاد تێدا دژین.
ئەرێ ما چەند جارا ژن بوویە رێنیشادەر و خەم رەڤینا خۆ بەر گەلەك ئاستەنگێن ژیانێ راوەستیایە ژبۆ مال و زەلامێ خوە و زەلام خوە ژی پێدڤی ژنەكا دلۆڤان بوویە، چونكی زەلام چەند یێ بهێز و دەولەمەند بیت هەر پێدڤی ب ڤیان و دلۆڤانیا ئافرەتێ هەیە.
ژن د سروشتێ خۆ دا مالا خوە ئاڤا دكەت و دەست پێ دكەت و بەری ئەم بهێینە دونیایێ ئەم د ناڤ رەحما دایكێن خوە دا ـ ئانكو(ژنێ) دا بووین و ئێكەم رۆندكا مە ژی ل بەر سینگێ ژنێ بوویە و هەر وێ ژنێ ئەم خودان كرینە و ئاڤاكرینە هەتا بۆ ئەڤرۆ یا ئەم تێدا دژین و بۆ خوە و مللەتێ خوە بینە پاشەرۆژا ئەڤرۆ.

وەلات ئەحمەد ئورەماری

د نها دا ژیانا گەلەك ژ مە ژ ڤالاهیان پێكهاتیە، دا ئەو تشتێن نوی هاتین جهێ وان یێ گرتی یێ بەرێ چ قەدرێ وان نەدزانی، ئەگەرێن ئەڤێ چەندێ ژی بۆ نەساخی و ڤالاهیا د دلێ وان دا و زارۆكینیا وان دا ڤەدگەریت.
پێدڤییە ئەم هزر د هندێ دا بكەین، بزانین چاوا جهێ رۆندكان تژی بكەین و ئەڤێ ئاریشێ چارەسەر بكەین و نهۆ ژی چ تشتی جهێ رۆندكان تژی نەكریە و پڕنەكریە، ئەگەر بهێی ڤەگەری كو كەسەك خیانەتێ بكەت و تەماشە بكەین ئەگەرێ كێماسیێ‌ ژ كێ بوو ل دەڤ كۆڕی یان كچێ؟ ئەرێ كێ ئەڤ رۆندكە ل پشت خوە هێلاینە و ئەڤ پەیوەندیە دێ بەرەڤ ساربوونێ ڤە چیت، نەخاسمە ئەگەر تو پێدڤی وی كەسی بووی، چونكی تو نازدار ب رۆندكا ژ دەڤ دەربازببووی، ب درێژاهیا ژیێ خوە بانگخوازیا كارتێكرنێ وی كەت ئەوێ هاتینە جهێ رۆندكا، د نهۆ دا كەسێ بێ گازندە نینە، بەلێ خۆزیكا مە شیابا پیچەك خوە لسەر ئارام بكەین، چونكی بتنێ رۆندك دشێن خەما مە سڤك بكەن و ئارام بكەن، بەلێ ئەگەر قووناغا زارۆكینیێ تو ژ ڤیانا وان كەسان بێ بەهر بووی یێن تەدڤێت تو دێ وی دەمی ل دەڤ خوە هەست ب كێماسی و نەخۆشیێ كەی، چونكی تو نەشیای ببیە كەسەكێ تەمام، ئەگەر بهێین ب كویری هزر د بابەتی دا بكەین، دێ بینینن گەلەك ئاریشەیێن مە ل ئێك تێنەگەهشتنا مە دزڤریت بو وان ڤالاهیێن دەمێ خوەدا نەهاتینە پڕكرن.
ئەڤچا هەر دەمێ ئەڤ ئاریشە چارەسەربوو و هەست پێ هاتە كرن كو بەرەڤ حەزژێكرن و ڤیانەكا بێ سنور چوو هینگی دێ جهێ ڤالا هێتە پڕكرن هێدی هێدی دێ ڤالاهیەكا مەزن هێتە پڕكرن و ئەگەر باجا وێ خەلەتیێ چەندا مەزن بیت، ئەو كەسە بتنێ نادەت بەلكو دێ جڤاكەك ژێ دەت د هەمان دەم دا ئەگەر ئەم پێدڤی بین هەتا ئەو دلەكێ ل دلێ مەژی بدەن لێ لسەر هەر تشتێ تە هەی پێ رازی ببە و سوپاسیا خودێ بكە و بەردەوام كار ژ بۆ بدەستڤەئینانا ئارمانجێن خوە بكە ل وی دەمی دێ بیە خودان دلەكێ مەزن دەمێ تو ب وی تشتی رازی دبی یێ خودێ دایەتە ژبۆ هەر خۆشی و نەخۆشیەكێ، ئەڤچا ژبۆ هەر تشتەكێ دهێتە لبەر سینگێ تە تو كەسەكێ/ا وێرەك بی خودان بریار و بهێز بی دێ تە كەسایەتیەكا مەزن و بەخشین دەڤ تە هەبیت، بۆ خۆ ببەخشە داكو بەختەوەر بژی و خوە ئارام بكە ژ بۆ دل و دەروونێ خوە و ئارامكرنا دلی ئێكە ژ نعمەتێن مەزن ژدەڤ خودای بۆ مرۆڤان.