ئەڤرۆ نیۆز،زنار تۆڤی:

شەفەق نیۆز دایە دیارکرن کو بەری دو سالان ڤی تیرۆرستی ب رێیا سووریێ پەیوەندی ب داعشێ کریە و پاشی هاتیە باژێرێ مۆسلێ،لێ د چارچوڤێ پرۆسه‌یه‌كا پشكنین و رامالینا تیرۆرستێن داعشێ دا، به‌ری دو رۆژان ئەو سه‌ركرده‌یه‌كێ به‌رنیاسێ داعشێ یێ ب ره‌گه‌ز سودانی ل مۆسلێ هاتیه‌ كوشتن.

هەروەسا گۆتیە،کو تیرۆرستێ سودانی عه‌لی عه‌بدولمه‌عرۆف یێ ناڤدار ب (ئه‌بو ئه‌سبات سودانى) به‌رپرسێ زیندانێن داعشێ بوو ل مۆسلێ،هه‌روه‌سا ئێك بوو ژ دانه‌رێن پله‌ و پۆستێن بلندێن رێكخستنا تیرۆرستیا داعشێ به‌ری دو رۆژان ل باژێرێ مۆسلا كه‌ڤن هاتیه‌ كوشتن.

وویسا خویا ژی كریە،کو هه‌تا پشتراست نه‌بووین كوشتنا وى نه‌هاته‌ ‌راگه‌هاندن، چونكی به‌ری هه‌یڤه‌كێ ژی هاتبوو راگه‌هاندن، كو ئه‌بو ئه‌سبات سودانى د هێرشه‌كا فرۆكه‌یێن هه‌ڤپه‌یمانان دا هاتیه‌ كوشتن، لێ پشتى هینگێ ب چه‌ند ده‌مژمێران دیار بوو نه‌هاتیه‌ كوشتن.

هه‌روه‌سا دیاركر ژی، كو مالباتا ئه‌بو ئه‌سبات سودانی ل خه‌رتووما پایته‌ختێ سوودانێ ل سه‌ر كوشتنا وى هاتیه‌ هایداركرن و وان ژی به‌هیا خوه‌ دانایه‌.

ئەڤرۆ نیۆز،زنار تۆڤی:

فەرماندێ پۆلیسێن فیدرالی یێن عێراقێ رائید شاکر جەودەت دایەدیارکرن:کو هێزێن پۆلیسێن فیدرالی خەلکێ ئاوارە ڤەدگەریننە سەر جهو وارێن وان،ل وان تاخێن هاتینە رزگارکرن،پشتی کو ژ بەرمایکێن داعشان هاتینە پاقژکرن،هەروەسا دناڤا خەلگێ ڤەگەریایدا لێگەریانەکا هوور دهێتە کرن،ژبەر وان داعشێن خوە دناڤا خەلکێ سڤیل دا ڤەشارتین.

فەرماندێ پۆلیسێن فیدرالی گۆتیە ژی:هێزێن پۆلیسێن فیدرالی تۆنێلەکا داعشێ ل لایێ باکۆری یێ باژێرێ مۆسلێ دیتییە و هەروەسا رێژەیەکا مەزن یا چەکی ژی د وێ تۆنێلێ دا گرتیە.

ئەڤرۆ نیوز ، ھلوری:
دەمەک بەریا نھا دناڤا سەنتەرێ باژێرێ ھەولێر ترومبێلەکا بارھەلگرل گەل خێزانەکێ لێکدا و د ئەنجام دا ھەموو ئەندامێن ئەوێ خێزانێ گیانێ خوە ژ دەست دا.
دڤی واریدا فازل حاجی ئاخفتنکەرێ ھاتن و چوونا ھەولێر بو ئەڤرۆ نیوز گۆت: ( ئەڤ شەڤە نێزیکێ دەمژمێر ١٠:٠٠ ترومبێلەکا بارھەلگر ل گەل خێزانەکێ کو ژ پێنج کەسان پێکدھاتن لێکدا و دئەنجام دا ھەمووان گیانێ خوە ژ دەست دا کو ژ سێ زاروک و ژن و زەلامەکێ پێکدھاتن )
زێدەتر گۆت: (روودان ل لسەر جاددا کورنیش روودایە ، نھا شوفێرێ بارھەلگرێ رەڤیە و پولیس ژی دوڤچووونێ لسەر لێگەریانا وی دکەن)

 
ئەڤرۆ نیۆز،زنار تۆڤی:
فەرماندێ هێزێن پۆلیسێن فیدرالی یێن عێراقێ رائید شاکر جەودەت دادیارکرن،کو هێزێن پۆلیسێن فیدرالی شیاینە 40% یا باژێرێ کەڤن ل مۆسلێ ژ بەرمایکێن داعشێ پاقژ بکەن،هەروەسا هێزێن وان دەست ب سەر بارەگایێ داعشێ و تورا وان یا پەیوەندیان و کارگەهەکا چێکرنا تی ئێن تی و کەمەرێن پشتێ ل دەڤەرا نجێفی دا کو ماددێ نتراتێن ئەمونیا تێدابوون گرتینە.
فەرماندێ پۆلیسان ئەو ژی گۆتیە،کو پۆلیسێن فیدرالی ب هەڤکاریا شارەوانیا مۆسل هەوێن پاقژکرنا باژێرێ مۆسلێ ل دەڤەرێن دەواسە و بابلجەدید دەستپێکرینە،ژبۆ نەهێلانا بەرمایکێن داعشێ.

ئەڤرۆ نیوز ، نەوزاد ھلۆری:
پشتی نیڤرویا ئەڤرۆ فروکێن شەرکەرێن تورکیا ئەسمانێ ھەرێما کوردستانێ بەزاند و دەڤەرا سنووری یا قەزا ئامێدیێ و ناحیا کانی ماسێ بوردومانکر و د ئەنجامدا وەلاتیەک برینداربوو و دوو ترومبێل ژی ب تەمامی سووتن.
دڤی واریدا رۆژنامەڤان ئەحمەد ئەدنی ل دەڤەرا بەرواری بالا بو ئەڤرۆ نیوز گۆت: ( پشتی نیڤرویا ئەڤرۆ فروکێن شەرکەرێن تورکیا دوو ترومبێلێن وەلاتیێن زاخو کو ب مەرەما راڤەکرنا ماسیان قەستا نێزیک پرا بالوکان کربوو کرنە ئارمانج و د ئەنجام دا وەلاتیەک بریندارکر و ھەردوو ترومبێلێن وان ژی ب تەمامەتی سووتن)
زێدەتر گۆت: ( خوشبەختانە بتنێ وەلاتیەک ل نێزیک ترومبێلان بوو ، پشتی چوار دەمژمێران ل برینداربونا وی کەسی بو نەخوشخانێ ل ناحیا کانی ماسێ دھێتە ڤەگوھاستن و دوڤدا بو نەخوشخانا تەنگاڤیان ل زاخو)

دھێتە زانین کو ل سالا ٢٠١١ ژی فروکێن تورکیا پرا بالوکان ئێخست بوو

ئەڤرۆ دەمژمێر 6:00 دێ ئەنجامێن رێزا 12ێ ئامادەیی ھێنە ئاگەھاندن

ئەڤرۆ نیوز ، ھلۆری:
دھێتە چاڤەرێکرن کو ئەڤرۆ ئەنجامێن رێزا 12ێ ئامادەیی بھێنە راگەھاندن و ئەڤرۆ نیوز ژی دەمژمێر سفرا راگەھاندنا ئەنجامێن تاقیکرنێن رێزا 12ێ ئامادەیی ئاشکرا دکەت.
وەسا بریارە کو ئەڤرۆ وەزارەتا پەروەردێ یا حکومەتا ھەرێما کوردستانێ د کونگرەیەکێ رۆژنامەڤانی دا ل دەمژمێر 6:00ێ ئێڤاری ل ئوتێلا دیڤان ل ھەولێر ئەنجامێن تاقیکرنێن رێزا 12ێ ئامادەیی ژلایێ وەزیرێ پەروەردێ پشتیوان سادق رابگەھینیت، و دوڤدا قوتابی دشێن ب رێیا مالپەرێ ئەزموون ئەنجامێن خوە ل دەمژمێر 7:00ێ ئێڤاری وەربگرن.

ئەڤرۆ نیۆز،زنار تۆڤی:

فەرماندێ پۆلیسێن فیدرالی یێن عێراقا فیدرال رائید شاکر جەودەت دادیارکرن،کو هێزێن پۆلیسان دێ پشت بەستنێ ل سەر تەکتیکێن نوو یێن شەری کەن،کو وان چو جاران ئەڤ تەکتیکە د شەرێ لایێ راستێ یێ مۆسلێ دا ب کار نەئیناینە،هەروەسا هەر دەمێ هێزێن پۆلیسان پشکداری د شەرێ رزگارکرنا تەلەعفەر داکر،ئەو دێ وێ تەکتیکا نوو بکارئینن و هێزێن پۆلیسان گەلەک راهێنان ل سەر کرینە و هاریکاریێن لۆجستی ژی وەرگرتینە.

هەروەسا فەرماندێ پۆلیسێن فیدرالی دیارکریە،کو هێزێن پۆلیسان ل ناڤا باژێرێ کەڤن یێ مۆسلێ یێ بەرمایکێن داعشان رادکەن و هەروەسا وان فرۆکەکا بێ فرۆکەڤان دیتیە کو یا پربوو ژ ماددێن تی ئێن تی و نارنجۆکان،هەروەسا پۆلیسان دەست ب سەر برەکا مەزن یا چەک و تەقەمەنیا و جهەکێ چێکرنا چەکی و چەندین کەلوپەلێن داعشێ دا گرتیە و دیسا هێزێن پۆلیسان داعشەک ژی ئەڤرۆ گرتیه.

ئەڤرۆ نیۆز،زنار تۆڤی:

فەرماندێ پۆلیسێن فیدرالی یێن عێراقێ فەریق رائید شاکر جەودەت دادیارکرن:کو هێزێن پۆلیسێن فیدرالی پشکنینا وان ئاڤاهی و خەندەک و تۆنێلان ل باژێرێ کەڤن ل مۆسلێ دکەن،ب مەرەما لێگەریانا وان داعشێن خوە ڤەشارتین و  هەروەسا دیتنا بەرمایکێن وان.

فەرماندێ پۆلیسێن فیدرالی گۆتیە ژی،هێزێن پۆلیسان زالگەه و ئاستەنگ داناینە ژبۆ پشکنینا وان سڤیلێن ڤەدگەرنە وان دەڤەرێن رزگارکری ل باژێرێ مۆسل.