ئه‌م ملله‌تێ كورد و ب تایبه‌تی باشۆرێ كوردستانێ یێن گه‌هشتینه قووناغه‌كێ چو جارا مێژوویێ ئه‌ڤ ده‌رفه‌ته نه دایه‌مه، ل چه‌رخێ بیست و ئێكێ و جیهانێ هۆسا پێشكه‌فتن بخوه‌ڤه دیتیه هه‌ما هه‌ر چ سحبه‌تا مه نه‌مایه ئه‌م وه‌كی ڤان ملله‌تان ل رۆژهه‌لاتا ناڤه‌راست و هێش ئه‌م بخوه دخۆرین كو ئه‌م جیهانا سیێنه. جاره‌كا دی مێژوویێ به‌رپه‌رێن خوه ڤه‌دان وه‌كی ئه‌لبۆمه‌كا وێنان و بیرهاتن بۆ مه نووكرنه‌ڤه ل گه‌ل داگیركه‌ران، جینۆساید، تالانكرن،كوشتن، ره‌ڤاندن.. هتد، ل ده‌مێ ئه‌نفالێن ره‌ش ب سه‌ر ملله‌تێ مه دا هاتین ل سالێن هه‌شتیان حه‌تا سالێن نۆتان مه چو نه‌بوو ژبلی ره‌ڤێ و نه‌مه چ دزانی ونه مه چ دیت ئه‌م ب هیڤیا خه‌لكی ڤه‌بووین دا د هه‌وارامه بهێن و مه بۆ جیهانێ وێنه‌كه‌ن، دا حالێ مه ببینن و وانژی وه‌كی هه‌ر جار ل دووڤ وژدانا خوه كاردكر كا چ تشت بۆ وان یێ باشه داوی دیاركه‌ن وه‌كی دبینین ل سه‌رده‌مێ نوكه ژ نوی هنده‌ك پارچه ڤیدیۆ یێن دئێنه به‌لاڤه‌كرن و ل سه‌ر دئێنه نڤیسان بۆ ئێكه‌م جار به‌لاڤ دبیت. ئه‌ڤ پیجا ئازادیا ئه‌م كه‌تینه تێدا بۆ مه هندی خۆشیا به‌حشتێ بوو، به‌لێ هندی ناڤێ كه‌سێ كورد ل سه‌ر مه‌بیت و ئاخا مه كوردستان بیت دێ حالێ مه ل گه‌ل ده‌وروبه‌رێن مه و دوژمنێن مه ئه‌ڤه بیت، نموونه ژی ئه‌م یێن ب چاڤێن خوه دبینین كا ئه‌ڤرۆ چ رووبده‌ت و جاره‌كا دی مه دیت كا چ ب سه‌رێ مه كوردان هات چ ب سه‌رێ برایێن مه یێن ئێزدی هات ژ بۆ پاراستنا ئاخ و ملله‌تێ خوه چه‌ند قوربانی هاته دان و چه‌ند شه‌هید مه دان جاره‌كا دی خوینا كوردان هاته رێنن.
پشتی ئازادیا 2003 و نه‌مانا دكتاتۆریێ ئه‌م شیاین حه‌تا راده‌كێ باش مفای بۆ خوه ژێ وه‌ربگرین و ستراتیجیه‌كا باش دانین یا هزری و پلانان دانین بۆ پاشه‌رۆژێ و یا ژ هه‌میان گرنكتر گه‌شه‌كرنا ئابووری بوو، هۆسا ئه‌م شیاین به‌رێ گه‌له‌ك وه‌لاتێن مه‌زن یێن جیهانێ بده‌ینه خوه و ب ده‌هان كۆمپانیێن هه‌ره مه‌زن قه‌ستا كوردستانێ كرن و هاتنه دامه‌زراندن ب سیاسه‌تا حه‌كیمانه یا سه‌ركردایه‌تیا كوردی ب سه‌رۆكاتیا سه‌رۆك بارزانی ل ناڤخوه و ژ ده‌رڤه ئه‌م شیاین ببینه جهێ گرنگێدانێ و مێرگه‌كا بچووك د ناڤ گورزێن ئاگری دا ببینه جهێ بێكڤه ژیانێ. به‌رهه‌مێ وێژی ئه‌م ئه‌ڤرۆ یێن بینین كا چاوا د شه‌رێ مه ل گه‌ل تیرۆرێ ب ناڤێ ده‌وله‌تا ئیسلامی (داعش) هه‌می ده‌وله‌تێن زلهێزێن جیهانێ یێ په‌سنا مه دكه‌ن و پشتگێریا مه دكه‌ن و هاریكاریا بۆ مه فرێدكه‌ن، ئه‌و ژی ب رێیا پرچه‌ككرنا پێشمه‌رگه‌هی و سه‌ر پشكا وان ژی ئه‌مریكا و فره‌نسا و ئیتالیا و بریتانیا و ئه‌لمانیا. ل ڤێرێ بۆ مه دیاربوو كا ژبلی ئێكگرتنێ و براینیێ و هاریكاریێ كا ئه‌م پێدڤی چینه دا كو بشێن ئه‌م بخوه خوه نیشا جیهانێ بده‌ین ژ لایێ سیاسی، ئابووری، جڤاكی، كه‌لتووری، ره‌وشه‌نبیری.. . هتد، یا ژ هه‌میێ گرنكتر ئه‌ڤ كاودانێن ئه‌م تێدا دبۆرین وه‌كی ئه‌م دبینین و بۆ مه باش نیشا جیهانێ بده‌ین، ئه‌و ژی ب رێیا ڤه‌كرنا تۆره‌كا كه‌نالین ئاسمانی یێن فه‌رمی كو تۆره‌كا پر زمان بیت ژ وان زمانێن فه‌رمی یێن جیهانی و یێن ئه‌م بزانین دێ ژێ د مفاداربین وه‌كی زمانێ،كوردی، ئینگلیزی، عه‌ره‌بی، توركی، فارسی، داكو ده‌نگوباسێن مه دورست ب رێیا وێ تۆرا كه‌نالا ژ مه بزانن. نموونه ژی پتریا وه‌لاتان ئه‌ڤ تۆرێن كه‌نالان هه‌نه و یێن وان یێن فه‌رمینه وه‌كی ئه‌مریكا، وه‌لاتین ئه‌ورۆپی یێن زلهێز، توركی، ئیرانێ، وه‌لاتێن عه‌ره‌بی.
ب هزرا من دێ شێن وێنه‌كێ باش و جوان و پر مفادار یێ كوردی و پێناسا ملله‌تێ خوه، ئێش و ئازارێن خوه ژیانا خوه نیشا چاڤێن جیهانێ ده‌ین.
هه‌روه‌سا ئه‌ڤ روودان و كاره‌ساتێن ب سه‌رێ ملله‌تێ مه‌هاتین ل رۆژئاڤایێ كوردستانێ و ب تایبه‌تی ژی كوبانێ كویا دبیته ئه‌گه‌رێ هه‌لاتنا رۆژه‌كا نوی و ئازادبوونا پارچه‌كا دی ژ كوردستانێ، هه‌ر هۆسا پشتی وی ده‌ستكه‌فتێ مێژوویی یێ چوونا پێشمه‌رگه‌یی بۆ ناڤ ئاخا رۆژئاڤا ل كۆبانێ، ئه‌م بشێن ڤێ ژێكڤه‌بوونا درێژ نه‌هێلین ئه‌م كورد جاره‌كا دی تێكه‌لی ئێك ببین و ببینه ئێك.
نووترين نووچه
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
سهرهكى غير مصنف
ناڤه‌رۆكا هاتنا وه‌زيرێ په‌ترۆلا حوكمه‌تا فيدرال بۆ هه‌رێمێ
ئه‌ڤرۆ نيوز:
سه‌رۆكێ ديوانا هه‌رێما كوردستانێ فوئاد حسێن ئه‌ڤرۆ رۆژا پێنجشه‌مبى راگه‌هاند كو وه‌زيرێ په‌ترۆلا حوكمه‌تا فيدرالى عادل عه‌بدولمه‌هدى، د سه‌ره‌دانا خوه دا پێشنيازه‌ك ئينابوو كو گرێداى كێشێن نه‌فت و غازێ و بڕينا پشكا بودجا هه‌رێمێ و مووچێ فه‌رمانبه‌ران ژ لايێ سه‌رۆك وه‌زيرێ به‌رێ يێ عيراقێ.
سه‌رۆكێ ديوانا هه‌رێمێ گۆت: “هه‌رێما كوردستانێ هه‌رده‌م پێشوازيا وه‌زيرێ په‌ترۆلا حوكمه‌تا فيدرال عادل عه‌بدولمه‌هدى دكه‌ت، ئه‌و هه‌ڤاله‌كێ هه‌ڤن يێ هه‌موو سه‌ركردێن كوردى و گه‌لێ كورده”.
فوئاد حسێن دا زانين ژى كو عه‌بدولمه‌هدى يا يێ هاتيه ناڤ خه‌لكێ خوه و پرۆژێ وى ژى دێ ژ لايێ هه‌رێما كوردستانێ ڤه ب رژدى هێته وه‌رگرتن و گۆت: “ئه‌ڤ پرۆژه گرێداى نه‌فت و گازێ يه ل گه‌ل برينا پشكا هه‌رێمێ ژ بودجێ و مووچێ فه‌رمانبه‌ران ژ لايێ سه‌رۆك وه‌زيرێ به‌رێ يێ عيراقێ”.
وه‌زيرێ په‌ترۆلا عيراقێ عادل عه‌بدولمه‌هدى د سه‌ره‌دانا خوه دا بۆ هه‌ولێر پێشنيازه‌ك ل گه‌ل بوو ژ بوو چاره‌كرنا كێشێن د ناڤبه‌را هه‌رێمێ و به‌غدا دا يێن سه‌رده‌مێ سه‌رۆك وه‌زيرێن به‌رێ يێ عيراقێ.
هه‌ر ئه‌ڤرۆ ل گه‌ل نێچيرڤان بارزانى سه‌رۆك وه‌زيرێن هه‌رێما كوردستانێ و قوباد ته‌له‌بانى جێگرێ وى و وه‌زيرێ سامانێن سرۆشتى كۆمبوو و گه‌نگه ل سه‌ر وێ پێشنيازێ هاته كرن.
كادرةكى ئيكرتوو: مسرور بارزانى نامةكا جوان و روهن كةهاند
كادره‌كێ پێشكه‌فتیێ ئێكگرتوو:
مه‌سرۆر بارزانی نامه‌كا جوان و رون گه‌هاند
ئه‌ڤرۆ نیۆز، سالار دۆسكی:
گۆتارا به‌رێز مه‌سروور بارزانی راوێشكارێ ئه‌نجوومه‌نێ ئاسایشا هه‌رێما كوردستانێ، ئه‌وا ئه‌ڤرۆ 4/11/2014 ل په‌رله‌مانێ ئێكه‌تیا ئه‌ورۆپا، ل دۆر ره‌وشا هه‌رێما كودستانێ و شه‌رێ پێشمه‌رگێ كوردستانێ دگه‌ل تیرۆرستێن داعش و په‌یوه‌ندیێن هه‌رێمێ دگه‌ل عیراقێ وه‌لاتێن ده‌ر دور و تایبه‌ت پارچێن دیێن كوردستانێ پێشكێشكری، كارڤه‌دانێن جودا پشت خوه هێلان.
سامی ئه‌ترۆشی ئه‌ندامێ به‌رێ یێ په‌رله‌مانێ عیراقێ ژ فراكسیۆنا ئێكگرتوو، لدور گۆتارا راوێشكارێ ئه‌نجوومه‌نێ ئاسایشا هه‌رێما كوردستانێ ل په‌رله‌مانێ ئێكه‌تیا ئه‌ورۆپا پێشكێشكری، دپه‌یچێ تایبه‌تێ خوه‌یێ فێسبووكی، سه‌ره‌رایی ده‌ست خوه‌شیێ، دیاركر كو دوور ژ حزباتیێ كو هه‌موو دزانن ئێكگرتوویه‌ه، دیاركر كو ماوێ ئێك ده‌مژمێر و نیڤان گوهداری ل گۆتارێ كریه و گۆت: مه‌سرۆر بارزانی نامه‌كا جوان و رون گه‌هاند ل په‌رله‌مانێ ئێكه‌تیا ئه‌ورۆپا ، چ بۆ داخاز و هاریكاریان، یان كارێ پیرۆزێ پێشمه‌رگێ كوردستانێ و شه‌هیدان، یان هه‌لویستێ به‌رامبه‌ر لایه‌نێن جودا جودا ده‌وله‌تێن هه‌رێمێ و به‌غدا و كوردستانێ یان لایه‌نێن جودا جودا ل عیراقێ دژین، ژ ئاین و مه‌زهه‌ب و نه‌ته‌وه، هه‌لویست به‌رامبه‌ر برایێن كورد ل هه‌رسێ پارچێن دیێن كوردستانێ pkk و ypk وئالیێن دی.
سامی ئه‌ترۆشی دیاركر ژی كو بۆ جارا ئێكێ یه بۆ ماوه‌كێ درێژا ل به‌ر ئاخفتنا به‌رپرسه‌كێ كوردستانێ د روونیته خوارێ، هه‌ر چوو تێبینی ل سه‌ر ئاخفتنا وی نه‌بیت و دێ بێژی ژ نیڤا دلێ من دئاخڤیت.
ئەفسەرەکێ پێشمەرگەی ل کوبانێ: چ پێشمەرگە ل کوبانێ بریندار نەبووینە
ئەڤرۆ، ڤەگێر:
رائد عزەدین تەمو سەرپەرشتێ تیما پزیشکیا پێشمەرگەی ل کوبانێ بۆ ئەڤرۆنیۆز دیار کر کو ئەڤرۆ پێشمەرگێ کوردستانێ ب چەکێ گران ھێرش کرە سەر چەند خالەکێن چەکدارێن تیروریستێن داعش ل کوبانێ و د ھەمان دەمدا گەریلایێن YPG ژی ل چەند دەڤەرەکێن کوبانێ ھێرش کرە سەر داعش.
ل دور وێ یەکێ کو چ دەڤەر ژ دەستێن داعش دەرێخستینە رائد عزەدین گۆت: (شەر یێ بەردەوامە لەوما ھەتا نوکە ئەم نزانین ا ھێزێن ھێرش بەر چەند بەر ب پێش چووینە).
سەرپەرشتێ تیما پزیشکیا پێشمەرگەی ل کوبانێ رەتکر کو چ پێشمەرگە ل کوبانێ بریندار ب بن و گۆت: (چ راستی بۆ بوان دەنگ و باسان نینە یێن دبێژن پێشمەرگەک ل کوبانێ بریندار بوویە).
ھەر ئەڤرۆ خالد میناس ئێک ژ فەرماندارێن YPG ل کوبانێ بۆ PUKmedia گۆت: (ئەڤرۆ توپخانێن پێشمەرگەی ب دژواری جھێن چەکدارێن داعش بومبە بارانکرینە و زیانێن مەزن گەھاندینێ و بارەگایەکێ داعش ل وێ دەڤەرێ بتمامی ژناڤ بریە).
ڤیدیو: داعش ب ده‌هان كه‌س ژ عه‌شیره‌تا ئه‌بۆ نه‌مر كوشتن
به‌رچاڤترين ستێرێن خولێكدانا ئازاد ل سه‌ر Instagram
شه‌روپێكدادان د ناڤا داعش و چه‌كدارێن ئێزدى ل چيايێ شنگال يا به‌رده‌وامه
ئه‌ڤرۆ نيوز، له‌زگين جۆقى:
ئێك ژ فه‌رماندێن شه‌ركه‌رێن ئێزدى ل سه‌رێ چيايێ شنگال ب ئه‌ڤرۆ نيوز راگه‌هاند كو ژ سپێدێ زوو وه‌ره و هه‌تا نوكه شه‌روپێكدادان د ناڤبه‌را چه‌كدارێن داعش و شه‌رڤانێن ئێزدى ل چيايێ شنگالێ يا به‌رده‌وامه.
سپێده‌هيا ئه‌ڤرۆ، چه‌كدارێن داعش ب نێزيكى 40 هه‌مه‌ران هێرش كريه سه‌ر چيايێ شنگالێ و شه‌ر د ناڤبه‌را وان و شه‌رڤانێن ئێزدى دا يێ به‌رده‌وامه.
پێزانينێن زێده‌تر چاڤه‌رێ بن…
جه‌نه‌رال ئۆستن: كوبانێ ده‌لیڤه‌یه بۆ ژناڤبرنا هێزا داعش
ئه‌ڤرۆ نیۆز:
به‌رپرسه‌كێ له‌شكرى یێ ئه‌مریكى یێ ب ناڤو ده‌نگ راگه‌هاند، بزاڤێن گه‌رمێن چه‌كدراێن تیرۆرستیێن داعشێ بۆ كونترۆلكرنا باژێرێ كوبانێ ل كوردستانا رۆژئاڤا ده‌لیڤه‌یه بۆ هه‌ڤپه‌یمانیا نێڤده‌ولى ب سه‌ركێشیا ئه‌مریكا بۆ داوه‌شاندنا دربه‌كێ ب هێز و كوژه‌ك كو ئه‌مریكا بزڤان بۆ كێمكرنا قه‌بارێ هێزا داعشێ دكه‌ت پاشى ژ ناڤببه‌ت.
توڕا CNN ل سه‌ر زارێ جه‌نه‌رال ئۆستن ڤه‌گوهاست، چوونا هژماره‌كا زۆرا چه‌كدارێن داعشێ بۆ باژێرێ كوبانێ كارێ فرۆكێن ئه‌سمانى یێن هه‌ڤپه‌یمانان ب سه‌ناهى كر كو ئارمانجێن باش ب ده‌تسخوه‌ڤه بینن و دربێن كوژه‌ك داوه‌شینن.
هه‌روه‌سا ئۆستنى گۆت: چه‌ند هێزا وان خاڤببیت، رامانا وێ ئه‌و شیانێن شه‌ركرنێ و به‌رهنگاربوونێ د شه‌رى دا نه‌ماینه.
BBC: چه‌كدارێن داعشێ ب نه‌چارى ڤه ژ كوبانێ ده‌ركه‌فتن
ئه‌ڤرۆ نیۆز:
سه‌ركرده‌كا كورد ل باژێرێ كوبانێ بۆ ئاژانسا ( BBC) گۆت: ل پڕانیا ده‌ڤه‌رێن كوبانێ چه‌كدارێن تیرۆرستێن داعشێ نه‌چار كرینه خوه‌ڤه‌كێشن و ده‌ركه‌ڤن.
بهارین كه‌ندال هه‌روه‌سا دیاركر،چه‌كدارێن تیرۆرستێن ده‌وله‌تا ئیسلامى داعشێ ل هه‌موو بنگه‌هێن باژێرێ كوبانێ هاتن ڤه‌كێشان، بتنێ هنده‌ك جهێن رۆژهه‌لاتا كوبانێ نه‌بیت، هێرشێن ئه‌سمانى یێن ئه‌مریكى هاریكاریه‌كا مه‌زن بۆ ده‌رخستنا داعشێ كریه.
سه‌ركردا شه‌رڤانێن كوردان بهراین كه‌ندال هه‌روه‌سا راگه‌هاند، ئه‌و چاڤه‌رێ رامالینه‌كا ته‌مامن و ئازادكرنا كوبانێ ژ داعشێ، زێده‌بارى وێ گۆت: هاریكاریێن مرۆڤى و چه‌ك و ته‌قه‌مه‌نى ژى گوهشتنه وان.
ژئالیه‌كێ دیڤه سه‌ركرده‌كا دى یا شه‌رڤانێن (YPK ) ب ناڤێ دیجله بۆ ئاژانسا رۆیته‌رز گۆت: هێش شه‌رۆپێكدادان د به‌رده‌وامن و شه‌رڤانێن كوردان هژماره‌كا زۆر ژ چه‌كدارێن داعشێ كوشتن و ته‌رمێن وان تژى جاده و كولانێن كوبانێ نه.
کورد دێ سەرکەڤن
ھێرشێن رێکخراوا تیرۆرستی یا داعشێ ل سەر ھەرێما کوردستانێ و نھا ژی ل کۆبانێ بۆ ئەگەرێ وێ یەکێ کو ھەموو جیھانێ راستیا کوردان و داخوازیێن وان یێن رەوا جارەکا دی ببینن و پشتەڤانیا خوە بۆ کوردان دیار بکەن و ل گۆر من ئەو یەک مەزنترین دەستکەڤتا کوردان ل سەد سالێن بۆری دایە، چونکو ئەم دزانین ل چەرخێ بیست چەندین سەرھلدانێن کوردان ژناڤ چوون و ب ھزاران لاوێن کورد شەھید بوون لێ وەلاتێن جیھانێ وەک پێدڤی پشتەڤانیا خوە بۆ مافێ کوردان دیار نەکرن، لێ ڤێجارێ بەرۆڤاژی ھیڤیێن گەلەک وەلاتێن ھەرێمی کورد بووینە فاکتەرەک گرنگ د شەرێ ل دژی تیرۆرێ و ژ بەر وێ یەکێ ژی جیھان پشتەڤانیا کوردان دکەت، سەرۆکێ ھەرێما کوردستانێ چەندین جاران دیار کربوو کو ئەم ب جھێ ھێزێن جیھانێ شەرێ تیرۆرێ دکەن، براستی ژی وەسایە و ھەکە شەرێ پێشمەرگێن کوردستانێ نەبا نھا پرانیا ئاخا عیراقێ ل دەستێ داعشێ دا بوو و ئەو یەک دا بیتە ئەگەرێ روودانا کارەساتێن مەزن ل عیراقێ و دەڤەرێ.
ل ئالیێ دی نھا بەرخوەدانا کۆبانێ بوویە رۆژەڤا ھەموو جیھانێ، سیاسەتمەدار و وەلاتیێن سڤیل و نڤیسەر و ھونەرمەندێن ناڤدارێن جیھانێ پشتەڤانیا خوە بۆ کۆبانێ دیار دکەن و ئەوە ژی کارەکی گەلەک مەزنە، چونکو ئەو پشتەڤانی د بنەمایێ خوە دا بۆ مافێ رەوا یێ کوردانە ئەو مافێ کو کورد ب سالانە خوینێ بۆ ددەن و نھا پێنگاڤ ب پێنگاڤ نێزیکی بدەستڤە ئینانا مافێ خوە دبن و ژ بەر وێ یەکێ ھەکە کورد نھا ل سەر بنەمایێ ستراتیژیەکا ھەڤپشک یا نەتەوی ل ھەر دو پارچێن وەلاتێن خوە کار بکەن دێ بشێن ببنە ھەڤپەیمانەک نوو و ب ھێز بۆ ئەمریکا و ناتۆ و ئەو یەک ژی دھێتە واتەیا گەرەنتی کرنا راگەھاندنا دەولەتا کوردی و چو ھێزەک ژی نەشێت رێگریێ ل وێ داخوازیا کوردان بگریت.
من دڤێت ل دووماھیێ بەحسێ سیاسەتا خەلەت یا حوکمەتا تورکیا ژی بکەم، چونکو پێدڤی بوو د دەمەکی وەسا ھەستیار دا تورکیا پتر ژ ئیرانێ پەیوەندیێن خوە ل گەل کوردان باشتر کربا و ل ھەمبەر ھێرشێن داعشێ پشتەڤانیا وان کربا، لێ مە دیت کو تورکیا کورد ب تنێ ھێلان و نھا کورد ژ تورکیا تۆرەنە و د راستی دا ھەموو وەلاتێن جیھانێ ژ تورکیا و ب تایبەتی ژ ئەردۆگانی تورەنە و ئەو یەک دێ بۆ پاشەرۆژا تورکیا گەلەک خراب بیت.
نيشاندان
WP Facebook Auto Publish Powered By : XYZScripts.com