ئه‌ڤرۆ نيوز:

ل دووڤ ئامارێن دەست ب بەرپەرێ ھونەری یێ رۆژناما ئەڤرۆ کەفتین بتنێ ل باژێرێ زاخۆ ھەتا نوکە نەە ھونەرمەندێن چووینە ژ دەرڤە و کوردستان بجە ھێلاینە.
دلخواز موسا رێڤەبەرێ رەوشەنبیری و ھونەری ل زاخۆ دیارکر دۆ ژوان ھونەرمەندان فەرمانبەرن سەر ب رێڤەبەریا مەڤەنە، گرێبەستا ئێکێ ژوان ھاتیە ھەلوەشاندن و یێ دی ژی مولەتا بێ مووچە وەرگرتیە، گۆت: ب سەدان ھونەرمەند ھەنە لەرا ھونەر ب چوونا وان لاواز نابیت، لێ ڤالاھیا جھێن وان ھەر ئێک ژوان شوونتبلێن وی دیارن.
سترانبێژ زێرەڤان لەزگین ئەڤە ماوەکە چوویە دەرڤەی وەلاتی ل ئەلمانیا ئاکنجیبوویە، گۆت: کوردستان ژلایێ مادی و مەعنەوی ڤە چ کارێن ھونەری یێ ناھێنە ئەنجامدان و و پتر ئەگەرێچوونا مە ڤەدگەریت بۆ کاودانێن خێزانی.
ھەڤدەم مەھدی منیر بەرپرسێ سەندیکا ھونەرمەندێن کوردستانێ ل زاخۆ دیارکر سێ ژ ھونەرمەندێن پەنابەر بووین ئەندامێن سەندیکایێ یێن کارانە، گۆت: بابەتەکێ تاکە کەسی یە، مە چو رێنما نینن رێگریێ ل ئازادی یا چو ھونەرمەندان بکەن، ھیچ ھاریکاری و ئاسانکاری بۆ چ ھونەرمەندان نەھاتیەکرن بۆ مەرەمێن پەنابەریێ.

ئه‌ڤرۆ نیۆز، قائید میرۆ
ب تۆمه‌تا نه‌بوونا مۆله‌تێ بۆ ئه‌نجامدانا خۆنیشاندانه‌كێ لدۆر گیرۆبوونا موچه‌ی هێزێن ئه‌منیێن هه‌ولێرێ هژماره‌كا چالاكڤانێن مه‌ده‌نی ده‌سته‌سه‌ركرن.
لیوا عه‌بدولخالق ته‌لعه‌ت، رێڤه‌به‌رێ پۆلیسێن پارێزگه‌ها هه‌ولێرێ ب ئه‌ڤرۆ نیۆز راگه‌هاند” ئه‌ڤرۆ هژماره‌كا چالاكڤانێن مه‌ده‌نی دخواست خۆنیشاندانه‌كێ ئه‌نجامبده‌ن، به‌لێ ژبه‌ر نه‌بوونا مۆهله‌تا خۆنیشاندانێ ژلایێ هێزێن ئه‌منی پێنج ژوان كه‌سان هاتینه‌ ده‌سته‌سه‌ركرن و هاتینه‌ هنارتن بۆ هه‌مبه‌ر دادوه‌ری ب تۆمه‌تا نه‌بوونا مۆهله‌تا قانوونی.
ژلایه‌كێ دیڤه‌ ژێده‌ره‌كێ ئاگه‌هدار ل روویدانێ ب ئه‌ڤرۆ نیۆز راگه‌هاند” هژمارا چالاكڤانێن هاتینه‌ گرتن ژلایێ هێزێن پۆلیسان ڤه‌ هه‌شت كه‌سن و ل نێزیك پاركێ سامی عه‌بدولڕه‌حمان هاتینه‌ ده‌سته‌سه‌ركرن، به‌لێ چو نیه‌ت نینه‌ بۆ ئازادكرنا هه‌تا نه‌هێنه‌ دادگه‌هیكرن.

ئه‌ڤرۆنیۆز، ئه‌یاد به‌رواری
داخۆیانیه‌كا وه‌زیرێ وزا رۆسیا بۆ ئه‌گه‌رێ بلندبوونا بهایێن په‌ترۆلێ ل بازارێن جیهانی ب رێژا 6% و بهایێ به‌رمیله‌كا په‌ترۆلی بۆ 36 دۆلاران بلند بوو.
وه‌زیرێ وزا رۆسیا (ئه‌لكسه‌نده‌ر نۆفاك) به‌رهه‌ڤیا وه‌لاتێ خوه‌ دیاركر بۆ پشكداریێ د كۆمبوونا رێكخراوا ئۆپك یا وه‌لاتێن به‌رهه‌مهێنه‌رێن په‌ترۆلێ كو ل به‌ر ل مه‌ها شوباتا داهاتی بهێته‌ ئه‌نجامدان.
وه‌زیرێ رۆسی دیاركر كو د وێ كۆمبوونێ دا دێ به‌حسێ هاتنا خوارا بهایێن په‌ترۆلێ هێته‌ كرن و دانوستاندن دێ پتر ل سه‌ر پرسا كێمكرنا هه‌ر وه‌لاته‌كێ به‌رهه‌مهێنه‌رێ په‌ترۆلێ بۆ رێا 5% ژ به‌رهه‌مێ خوه‌ یێ په‌ترۆلێ.
ئه‌ڤ داخۆیانیێن وه‌زیرێ وزا رۆسیا بوونه‌ ئه‌گه‌رێ بلندبوونا بهایێن په‌ترۆلێ ل جیهانێ ب رێژا 6% و بهایێ به‌رمیله‌كا په‌ترۆلێ بۆ 36 دۆلاران بلند بوو.
دهێته‌ زانین رۆسیا ل رێزا ئێكێ دهێته‌ ل سه‌ر جیهانێ د رێژا به‌رهه‌مئینانا په‌ترۆلێ دا كو رۆژانه‌ 10 ملیۆن و 730 هزار به‌رمیلان به‌رهه‌م دئینیت.

ئەڤرۆ نیوز:
ژنەکا 30 سالی دلێ خوە بۆ ئەڤرۆ ڤەدکەت و دبێژیت: من 3 زارۆ ھەنە ئەڤە ماوێ پێنج سالانە زەلامێ من چویە دەرڤەی وەلاتی و ئەم بێ خودان ھێلاینە ھەرچەندە پەیوەندیێ بمن دکەت و دبێژیت دێ ھەوە ژی بەمە نک خوە بەس من باوەری نینە چونکی گرنگیێ بمن نادەت و لدووڤ پێزانینێن من ژنەکا دی یا بخۆ ئینای ئەم دگەل مالباتا وی دژین و چو پارە ژی ناگەھنە دەستێ من بۆ زارۆیێن من و من ژی چو ژێدەرێن پارەی نینن لێ ڤان رۆژا من نەرازیبونا خوە دیار کر بۆ دایک و بابێن وی وان گۆتە من ھەکە تە بڤێت ھەرە مالبابا خوە چونکی ئەم نەشێین بۆ تە چو بکەین برایێن من ژی خورتیێ لمن دکەن کو بچم مال بەلێ من نەڤێت زارۆیێن خوە بھێلم و بچم ئەڤجا ھوون بۆ ڤێ ئاریشا من چو دبێژن و ئەز چو بکەم؟
خانما ھێژا :
مخابن د جڤاکێ مەدا لدەف ھندەک کەسان باشی بەروڤاژی دھێتە وەرگرتن نەخاسمە دگەل کەسێن کێم ھەست ئەڤجا بێگومان کو تە زەحمەت یا کێشای و تەحمل یا کری و خو بێ بەھر کری ژ گەلەک کارێن نورمال لسەر خاترا سمعەتێ و زارویێن خوە و ئەڤێ چەندێ بو تە بباشی ل قەلەم ددەین ودەست خوشیێ لتە دکەین و دبێژن براستی تو نموونا باشا ژنا کوردستانێی و براستی گەلەک جارا دڤێت بریارێن دروست بھێنە وەرگرتن ددەمێ خوەدا و باشترە ھەر زوو دیتن بھێنە دیار کرن و کار بو بھێتە کرن ب مشاوەرەتا مالباتێ و دڤێت تە جەختە ل کریارا کربا نە ل ئاخفتنا ژبەرکو رێڤەبرنا ژیانێ نە کارەکێ ئاسانە نەخاسمە سێ زارۆ خوە نەبەس خوارن و ڤەخارنە و ھەر ئێک ژ وان پێدڤی ب پەروەردێ یە ھەروەسا دووڤچونا وان و ھەستکرنا وان کو لایێ دی ببینن و مفای ژێ وەربگرن و ئەڤە ھەموو نینە لەوما چەند دەم ببوریت ئەو زارۆ پێدڤی بابێ پتر دبیت و بێ بەھر بونا وان شاشیەکا مەزن دێ د کەسایەتیا وان دا پەیدا کەت ژبلی لایێن دی و نەخاسمە یێ ئابوری و بتایبەت د ڤی دەمی دا . لەوا باشترە بابەت بھێتە چارەسەر کرن و ھەموو ھەولا بدە وان زارۆیا نەکە قوربانا ڤی کاری و مالباتا تە و یا وی دگەل وی ھەموو کارا دیار بکەن و بێ دەنگی بابەتی ب زەحمەتر لێ دکەت ئەڤجا بابەتی چارەسەر بکەن .

بۆ په‌يوه‌نديێ ب ڤێ گۆشێ ڤێره‌ كليك بكه‌

ئه‌ڤرۆ نيوز: زه‌رى نه‌وزاد:

ئه‌نجامێن ڤه‌كولينه‌كا نوشدارى ديار بوون كو خوارنا پتاتا ره‌نگه‌ ببيته‌ ئه‌گه‌رێ زێده‌بوونا رێژا شه‌كرێ د خوينێ دا ل ده‌ف ژنێن دوگيان.

ڤه‌كولين ل سه‌ر 15000 ژنێن دوگيان هاتيه‌ كرن بۆ زانينا په‌يوه‌نديا خوارنێ ب نه‌خوشيا شه‌كرا دوگيانيێ، دياربوويه‌ كو 20% ئه‌و ژنێن پتات د حه‌فتيه‌كێ دا خوارين ئه‌گه‌رێ تووشبوونا وان ب نه‌خوشيا شه‌كرا دوگيانيێ زێده‌تره‌.

ئه‌ڤرۆ نيوز:

رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا دوشه‌مبى رێكه‌فتى 25ى كانوونا دويێ يا 2016ێ دێ بارانه‌كا هوور باريت و ل پتريا ده‌ڤه‌رێن چيايى ژى و نێزيك چيايى دێ به‌فر باريت و پاشان ئه‌سمان به‌ر ب ساهياتيێ چيت و پلێن گه‌رمێ هێنه‌ خوار.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه‌ كرينه‌ راگه‌هاند كو ژ ئه‌نجامێ هاتنا فشارێن نزمێن ده‌ريا سۆر بۆ سه‌ر هه‌رێما كوردستانێ دهێته‌ پێشبينيكرن بارانه‌كا هوور ب باريت و ل پتريا ده‌ڤه‌رێن چيايى ژى و نێزيك چيايى دێ به‌فر باريت و پاشان ئه‌سمان به‌ر ب ساهياتيێ چيت و پلێن گه‌رمێ هێنه‌ خوار.

پشكا پێشبينيان دايه‌ زايه‌ زانين كو دێ ئاراستێ باى ژى دێ باشوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 15 كم دا و هنده‌ك و ماوێ ديتنێ ژى 6 بۆ 7 كم بيت، پلێن گه‌رمێ ژى دێ د ناڤبه‌را (2 بۆ 6) پلان دا بيت.

ئه‌ڤرۆ نيوز:

پوليسه‌كى به‌ره‌ڤانيا باژێرى ل ناحيا نه‌وجولى سه‌ر ب قه‌زا كفرى، ئوتومبێلا خوه‌ دفروشت و هه‌ر پوليسه‌كێ رێڤه‌به‌ريا خوه‌، 500 هزار ديناران وه‌ك مووچه‌ دده‌تێ.

شه‌هاب ئه‌حمه‌د ئيسماعيل بۆ دوارۆژ دياركريه‌: پشتى حكومه‌تێ نه‌شياى موچێ هه‌يڤا 9 بده‌ت و بارگرانيه‌كا زێده‌ زێده‌ ل سه‌ر فه‌رمانبه‌ران چێكرى، يا من پێ چێبووى و من دڤيا پيچه‌ك ژ خه‌مێن فه‌رمانبه‌رێن ل گه‌ل خو كێم كه‌م، ئه‌ز رابووم من ئوتومبێلا خوه‌ فروشت  و هه‌ر ئێكێ 500 هزار دينار من دانێ تاوه‌كو مووچه‌ دهێن.

ئەڤرۆ نیوز، زنار تۆڤی:
ئەلێکس بیلۆس نڤیسەرێ بناڤودەنگێ بریتانی د پەرتووکا خۆدا بەحسێ یاریکەرێ بەرازیلی ڕۆنالدۆی دکەت دیاریا رۆژا دوماھیێ د مۆندیالا فرنسادا ل سالا 1998 ێ دا و دبێژیت:بۆچی رۆنالدۆ دیاریا دوماھیێ دا بەرامبەر فرنسا ب وی رەنگی دەرکەفت، چ ڵ رۆنالدۆی ھاتبووکرن؟
نڤیسەر دبێژیت، ل رۆژا یاریا دوماھیا مۆندیالا 1998 رۆنالدۆی ھەست ب ئازارا ئاشکی و بێزاریێ دکر نۆژدارێ ھەلژارتیێ بەرازیل ھندەک حەبێن ئازارشکێن ددەتە رۆنالدۆی بۆ هندێ کو ئازارێن وی کێم ببن، بەلێ رۆنالدۆ خرابتر لێھات،  رۆبەرتۆ کارولۆس دەربارەی رۆنالدۆی دبێژیت، دەمژمێر 2 پشتی نیڤرۆ بوو، 7 دەمژمێر مابوون بۆ یاریا دوماھیێ و ئەز و رۆنالدۆ د ئێک ژۆردابووین، ژ نشکەکێڤە رۆنالدۆ تۆشی حالەتەکێ سەیربوو، وەلێ ھات مرۆڤی دگۆت جەلتێ لێدا، ب رەنگەکێ سەیر خۆە پێدا دھاتە خوار، ئەز زۆر ژێ ترسیام و من ھەوارکرە نۆژداری و د چەند چرکاندا ژوورا مە تژی یاریزان بوو، ھندەک ژ یاریزانان دەمێ رۆنالدۆ بڤی رەنگی دیتی دەست ب گریانێ کر، ھندەک ژ وان گۆت رۆنالدۆ یێ مری و وەکی مریان لێ ھاتبوو، کەفەکا سپی ژ دەڤێ رۆنالدۆی دھات و مە بلەز گەھاندە نەخۆشخانا دی لیلا، پشتی دەمژمێر و نیڤا ژ چاڤدێریێ و پشکنینان،  تشت ژ پشکنینان دەرنەکەفت، نۆژداران گۆتە مە ب ئەگەرێ فشارێن دەوونی و بوونا یاریا دوماھیێ ئەڤ چەندە پەیدابوویە، ھەر چەندە رۆنالدۆی بریاردا یاریێ نەکەت و زڤری ئۆتێلێ، بەلێ بەری دەستپێکرنا یاریێ ب 45 خۆلەکان لدووڤ یاسایێ فیفایێ لیستا ناڤێن یاریکەران ھاتە پێشکێشکرن، ناڤێ رۆنالدۆی ژی دگەلدابوو، پشتی ھنگێ دەڕکەفت کو پشکداریا رۆنالدۆی ژلایێ راھێنەری و ئیدارا ھەلبژارتیێ بەرازیل ڤە بۆ کۆمپانیا نایک بوو، چونکی گۆتبوو وان کو دێ برا ئێک ملیۆن دۆلار وەک پاداشت دەتە ڕۆنالدۆی و بەرازیڵێ ھەکە ڕۆنالدۆ د یاریا دوماھیێ دا گۆلەکێ بکەت، چونکی ئەو کۆمپانیە سپۆنسەرا ھەلبژارتیێ بەرازیل بوو، فشارەکا زۆر ئێخستبوو سەر راھێنەری و ئێدارێ و دڤێت ب ھەر رەنگەکی ڕۆنالدۆ یاریێ بکەت.
رۆنالدۆ دبێژیت:تۆشی حالەتەکێ ب بووم، ک چ جاران بەری ھنگێ توش نە ب بوومێ، ئێشانا ئاشکی و بێزارا سەر ئێشانێ نە شیام ب جۆلم.
نڤیسەر زێدەتر دبێژیت، ھەر چەندە بەحس ل ھندێ دھاتەکرن کو فرنسیا دەرمان کریە ناڤ خوارنا رۆنالدۆی و پەیوەندیا دناڤبەرا کچا یاریزانا تەنسا ئەردی ئانا کۆرنیکوڤا کو بەری مۆندیالێ ل پالەوانیا ڤەکری یا فرنسا نیاسی بوو، ڤێ چەندێ وەکر کو سۆزانا ھەڤالا وی لێ بێزاربیت، شەڤەکێ بەری یاریا دوماھیێ رۆنالدۆ دگەل سۆزانایێ دەرکەفتبوو و نان دگەل خواربوو، لەورا ماددێ ھۆشبەر و وزە بەخش تێدابوو، ئەڤە ژی بۆ ھۆکارێ تێکچوونا رەوشا رۆنالدۆی.