ok ل ئه‌ورۆپا وه‌رگرت هێشتا مووچه‌یێ خوه وه‌ردگریت!!
د ڤان ده‌مێن بۆری دا گوهۆرینێن به‌رچاڤ ل رۆژهه‌لاتا ناڤین په‌یدابووین و ژ وان ژی بوهارا عه‌ره‌بی هه‌می ژ ڤه‌رێژا نه دادپه‌روه‌ریا ده‌ستهه‌لاتێ قه‌یرانا دارایی و یاسا و ریسایێن وه‌لاتێن دكتاتۆر بوونه ئه‌گه‌رێ وێ چه‌ندێ كو جۆبارێن خوێنێ بێنه رێشتن ببته فاكته‌ره‌ك سه‌ره‌كی بۆ دروستكرنا گرۆپێن توندره‌و و ملله ت ژی بوونه قوربان د ناڤبه‌را دیمۆكراسیێ و دكتاتۆریێ دا ل ڤێره ب تنێ كه‌سێن سڤیل دبنه پاریێ ده‌ستهه‌لاتێ یان دێ بته په‌نابه‌ر یان دێ قه‌برێ خوه ب ده‌ستێ خوه كۆلیت.
هه‌لبه‌ته ره‌وش دیاره پتریا وه‌لاتێن موسلمان ژ نه‌دادپه‌روه‌ریێ و دزیێ گه‌نده‌لیێ ژ لایه‌كێ ڤه دهێنه كاڤلكرن و ژ لایه‌كێ دیڤه دبنه پاری بۆ وه‌لاتێن زلهێزێن جیهانێ بۆ پێشخستنا بارێ ئابووری یێن وه‌لاتێن ناڤهاتی ئه‌ڤ چه‌نده دبیته سه‌ده‌م كو رێك بهێنه ڤه‌كرن گرۆپێن توندره‌و ببنه شوونگرێن دكتاتۆران و كه‌سێن سڤیل ژی په‌نایێ بۆ كۆچبه‌ریێ ببن مینا وه‌لاتێن سووریا و عێراق به‌رچاڤترین وه‌لاتن پترین حوكمرانیا دكتاتۆری دهاته برێڤه‌برن و هه‌تا نوكه ژی د به‌رده‌وامن بوونه ئه‌گه‌ر خوین بێته رشتن مرۆڤاتێێ چ بوها نه‌ما وه‌لات تووشی قه‌یرانان بوو ل ڤێره ب تنێ سڤیل بوونه قوربان وه‌ك من ل پێشیێ ئاماژه پێدایی یان دڤێت ببیته په‌نابه‌ر و په‌نایێ بۆ وه‌لاته‌كێ ئه‌ورۆپی ببه‌ت یان بمینته دبن ده‌ستهه‌لاتداریا دكتاتۆری دا یان دڤێت ببته ئه‌ندام د گرۆپه‌كا توندڕه‌و دا ژ ڤان بژارده‌یێن من گۆتین ڤێت ئێكێ ژ وان بهه‌لبژێرت، هه‌لبه‌ت كوردستان ژی پشكه‌كه ژ عێراقه‌كا كاڤلكری و ژ لایه‌كێ ڤه ئالۆزیێن هه‌رێمێ ل گه‌ل به‌غدا وه‌ك بودجه و په‌ترۆل ژ لایه‌كێ دیڤه حوكمه‌تا به‌رفره‌ه و بێ پلانیا حوكمه‌تێ و دره‌وسۆزێن ئۆپوزسیۆنێ و قه‌یرانا دارایی و دیسا شه‌ڕێ تیرۆری یێ داعش هه‌می بوونه ئه‌گه‌ر كو پشكه‌ك به‌رچاڤ ژ وه‌لاتیێن كورد په‌نایێ بۆ كۆچبه‌ری یێ ببه‌ن و به‌رده‌وامه و دیارده نه نوكه سه‌رهلدایه، لێ باندۆرا خوه یا نه‌رێنی ل سه‌ر كوردستانێ هه‌بوویه ب تایبه‌ت ژلایێ ئابووری ڤه وه‌ك دیار هه‌می ته‌خ و چینا چوونا هێلانا وه‌لاتی كریه (گه‌نج مالبات هه‌تا كه‌سێن دانعه‌مر فه‌رمانبه‌ر هه‌ژار زه‌نگین پێشمه‌رگه) هه‌ر چه‌نده ب راست و دروستی تا نڤیسینا ڤێ گۆتاری چ ئامارێن فه‌رمی یێن راست و دروست نینن كا چه‌ند كه‌س بووینه په‌نابه‌ر، لێ دیسا حوكمه‌تا هه‌رێما كوردستانێ د بیاڤێ فه‌رمانبه‌ران دا د گوهێ گایی دا نڤستیه، ره‌نگه خوانده‌ڤان بێژن چاوا ؟ به‌رسڤ و به‌لگه گه‌له‌ك كه‌سان مافێ په‌نابه‌ریێ یێ وه‌رگرتی و تانوكه موچه‌یێ خوه وه‌ردگریت ئه‌ڤجا ب چ رێك بیت هه‌لبه‌ت هه‌ر وه‌زاره‌ته‌كێ هه‌ژماره‌كا به‌رچاڤ چووینه ب هه‌مان شێوه مووچه‌یێ خوه وه‌ردگرن، هه‌كه ئه‌م كه‌سێن ئاسایی بین و بزانین ئه‌ڤ چه‌نده هه‌یه چاوا حوكمه‌ته‌ك نه‌شێت ڤان زانیاریان ب ده‌ستخوه ڤه بینت، نموونه د به‌رچاڤن رۆژانه وێنه یێن وان ل تۆرێن جڤاكی دهێنه به‌لاڤكرن، ل ڤێره چ گرنگه ب ده‌هان كه‌سان دڤێت ببنه پێشمه‌رگه مامۆستا، فه‌رمانبه‌ر، پۆلیس و ب سالانه چاڤه‌رێ و چ به‌رسڤ نینه، گرنگه حوكمه‌ت ژۆره‌كا ب له‌ز و ب میكانیزمه‌كا د ئاست و به‌رپرسیاری ده‌لیڤێ بده‌ته وان كه‌سان یێن ب سالان ماینه ل هیڤیا دامه‌زراندنێ زوو بهێنه دامه‌زراندن، راسته گه‌له‌كا مۆله‌تا بێ مووچه وه‌رگرتیه، لێ د كاودانێن نوكه دا گه‌له‌ك گرنگه گورانكاری بێنه كرن چونكو وه‌لات یێ تووشی قه‌یرانان بوویی ل شوونا یێ چویی كه‌سێن د مال دا و خودان باوه‌رنامه ل دووڤ بسپۆریان وان د بیاڤێن جودا دا بهێنه دامه‌زراندن هه‌كه ب ڤی ره‌نگی و بێ پلانی بیت یێن ماین ژی دێ هه‌مان رێك گرنه به‌ر.
