UN: كوريا باكوور چێكرنا چه‌كێ ئه‌تۆمى رانه‌گرتيه
ئه‌ڤرۆ نيوز:
ب گۆره‌يى ئاژانسا فرانس پرێس راپۆرته‌كا نه‌ته‌وێن ئێكگرتى ئاشكه‌را كريه كو كوريا باكوور به‌رنامێ خوه يێ ئه‌تۆمى رانه‌گرتيه و پرۆسێن ڤه‌گوهاستنا نه‌يا قانوونى بۆ به‌رهه‌مێن په‌ترۆلێ د ناڤبه‌را كه‌شتيێن ده‌ريايى دا زێده كريه.
لژنه‌كا بسپۆران د راپۆرتێ دا ئاماژه ب وێ چه‌ندێ كريه كو كوريا بزاڤێ دكه‌ت ب رێيا بازرگانه‌كێ سورى چه‌كێ سڤك و بچووك و ئالاڤێن له‌شكرى بفرۆشيته ليبيا و سودان و يه‌مه‌ن.
د وێ راپۆرتێ دا هاتيه: حسێن لعێبى بازرگانه‌كێ سورى يه كۆمه‌كا چه‌كێن كلاسيك و هنده‌ك موشه‌كێن باليستى ژى بۆ فرۆتنێ پێشكێشى گرۆپێن چه‌كدار ل ليبيا و يه‌مه‌نێ كرينه، هه‌روه‌سا ب رێيا ڤێ بازرگانيێ دانوستاندن بۆ هه‌ڤكاريێ د ناڤبه‌را حوسيێن يه‌مه‌ن و كوريا باكوور دا ل سوريا هاتينه ئه‌نجام دان.
لژنا بسپۆر ب گۆره‌يى ڤه‌كۆلينان ده‌رباره‌يى هه‌ڤكاريا د ناڤبه‌را حوسيان و كوريا كوور دا كو بنپێكرنا چه‌كێن قه‌ده‌غه‌يا ل سه‌ر چه‌كێ كوريا باكوور نيشان دده‌ت پێكهاتيه.