ده‌زگه‌هێ خێرخوازی یێ بارزانی 50 قوتابخانان ل دهۆكێ دێ نووژه‌ن كه‌ت
ئه‌ڤرۆ، زنار تۆڤی:
ده‌زگه‌هێ خێرخوازی یێ بارزانی ب هه‌ماهه‌نگی ل گه‌ل وه‌زاره‌تا په‌روه‌ردێ یا حوكمه‌تا هه‌رێما كوردستانێ و رێڤه‌به‌ریا گشتی یا په‌روه‌ردێ ل پارێزگه‌ها دهۆكێ دێ 50 قوتابخانان ل سنوورێ پارێزگه‌ها دهۆكێ نووژه‌ن كه‌ت.
عه‌بدولواحد ئه‌مین، نوونه‌رێ ده‌زگه‌هێ خێرخوازی یێ بارزانی ل پارێزگه‌ها دهۆكێ دیار كر، ده‌زگه‌هێ خێرخوازی یێ بارزانی 500 هزار دۆلار بۆ پڕۆژه‌یێ نووژه‌نكرنا وان 50 قوتابخانان ته‌رخانكرینه و هه‌تا ده‌ستپێكا سالا نوو یا خواندنێ ئه‌ڤ پرۆژه دێ ب دووماهی هێت و گۆت: “ئه‌و نووژه‌نكرنه چار سه‌كته‌ران ب خوه‌ڤه دگریت، ئه‌و ژی بوویاغكرنا قوتابخانان و چێكرنا ده‌رگه‌ه و په‌نجه‌ران و نووژه‌نكرنا ته‌والێتان و كاره‌بێ یه، هه‌روه‌سا 20 قوتابخانه ژ وان دكه‌ڤنه ناڤه‌ندا پارێزگه‌ها دهۆكێ و نوكه كار ل سه‌ر چه‌ندین قوتابخانان دهێته كرن”.
عومه‌ر عه‌لی، رێڤه‌به‌رێ گشتی یێ په‌روه‌ردێ ل پارێزگه‌ها دهۆكێ دیار كر، نووژه‌نكرنا وان قوتابخانان دێ خزمه‌ته‌كا باش بۆ قوتابیێن وان قوتابخانان كه‌ت، هه‌روه‌سا ژینگه‌ها وان قوتابخانان دێ باشتر و خۆشتر بیت، ئه‌و قوتابخانه هه‌موو ئه‌ون، یێن پێدڤی ب نووژه‌نكرنێ هه‌ین.
