سەرۆك بارزانی و ئەردۆغانی دوپاتی ل پێشڤەبرنا پەیوەندیێن ئیراقێ و هەرێمێ ل گەل توركیا كر
بارەگەهێ بارزانی د بەیاننامەیەكێ دا ل دۆر كۆمبوونا سەرۆك مەسعود بارزانی ل گەل رەجب تەیب ئەردۆغان، سەرۆك كۆمارێ توركیا بەلاڤكر: ل هەولێرێ سەرۆك مەسعود بارزانی پێشوازی ل رەجەب تەیب ئەردۆغان، سەرۆك كۆمارێ توركیا كر و دگەلدا كۆمبوو.
هەروەسا بەلاڤكر» د كۆمبوونەكێدا سەرەدنا سەرۆك كۆمارێ توركیا و شاندێ دگەلدا بۆ بەغدا و تێكگەهشتن و رێككەفتنێن د ناڤبەرا ئیراقێ و توركیا دا ب گرنگ و دیرۆكی و فاكتەرێ گەشەپێدانێ و ئارامیێ هاتنە هەژمارتن».
دیاركر ژی» هەر د ئەوێ كۆمبوونێدا دوپاتی ل پێشڤەچوون و بەرفرەهبوونا پەیوەندیێن د ناڤبەرا ئیراقێ و هەرێما كوردستانێ و وەلاتێ توركیا هاتە كرن، ئەوژی ژ پێخەمەت ب هێزكرنا سەقامگیرییا هەرێمایەتی وهاریكاری و هەماهەنگییا هەڤپشك د بوارێن جۆراو جۆردا و ب هێزكرنا بنەمایێن هەڤسنۆریێ و پێشڤەبرنا پەیوەندیێن ئابۆری».
