رۆسیا ئێرشی هێزێن سه‌ر ب توركیا كر

ئه‌ڤرۆ:

ل گۆر راپۆرته‌كا ئاژانسا سپۆتینگ یا رۆسیا دوهی فرۆكێن شه‌ری یێن رۆسیا ل ئدلبێ ئێرشی هێزێن چه‌كدارێن سووری كرینه‌ كو توركیا پشته‌ڤانیێ ل وان دكه‌ت و د ئه‌نجاما ئێرشا فرۆكێن شه‌ری یێن رۆسیا دا ب ده‌هان چه‌كدارێن سه‌ر ب توركیا هاتینه‌ كوشتن و گه‌له‌ك چه‌كدار ژی بریندار بووینه‌.

هه‌مان ئاژانسێ ئه‌و یه‌ك ژی دیار كریه‌ كو هێزێن سووریێ و رۆسیا چه‌ندین بنگه‌هێن نوو یێن سه‌ربازی ل نێزیكی ئدلبێ ئاڤا كرینه‌ و چه‌كێ گران ژی ل وان بنگه‌هان هاتینه‌ بجهكرن و به‌رده‌وام ژی ب چه‌كێ گران بنگه‌هێن وان هێزان دهێته‌ تۆپباران كرن.

ئه‌و یه‌ك د ده‌مه‌كێ دایه‌ كو به‌ری نها ژی چه‌ندین جاران فرۆكێن شه‌ری یێن رۆسیا ئێرشی چه‌كدارێن سه‌ر ب توركیا ل ئدلبێ كرینه‌ و رۆسیا ژی چه‌ندین جاران داخواز ژ توركیا كریه‌ كو هێزێن خوه‌ ژ ئدلبێ ڤه‌كێشیت لێ هه‌تا نها ئه‌و یه‌ك ژ ئالیێ توركیا ڤه‌ نه‌هاتیه‌ قه‌بوولكرن.

کۆمێنتا تە