سوفی یێ عه‌شقێ مه
مه‌له‌ڤان بارانی
ئه‌ڤ شه‌ڤه… نابیته ڕۆژ
دڤێ شه‌ڤێ دا
هندی به‌لگێن وه‌ریای ل پاییزێ !
من هزرێن ته یێت كرین
و بیریا ته دكه‌م
ئه‌ی فریشته‌یا … بێ ده‌نـگ و پێژن بووی
مــینا یه‌عقوبێ ژ غه‌ریبیا یوسڤی دنالیت !
نابینامه و
دحه‌سره‌تا دیتنا ته‌دا بێ هۆده‌مه.
د میحرابا عه‌شقاته‌دا
سۆفیه‌كێ مه‌ست و بێ چاره‌مه
ئه‌ڤ شه‌ڤه چه‌ند یا تاریه
گه‌ردوون یێ بێ ڕۆناهی یه
ب تنێ دێمێ ته یێ بوویه چراك
و دلێ من یێ بوویه په‌لاتینكه‌ك مه‌ست
و خوه د ئاگــرێ دێـــمـــێ ته‌دا دسۆژیت!
تو … ئه‌ی ڕۆژا گـــه‌ش
دێ كه‌نگــــی ل من هه‌لی؟
ل به‌ندا هه‌لاتا ته دێ سه‌رمـــه‌دی مینم
ئه‌ز سۆفی مه … عاشقم … سه‌رخوه‌شم
ل به‌نده‌مانێن ته دێ مه‌ست و نه‌لڤ مینم.
