ل سكرێ دهۆكێ دو گوللهیێن ئار پی جی هاتنه دیتن
دهۆك، لزگین جوقی:
بهرپرسێ راگههاندنا رێڤهبهریا گشتی یا كاروبارێن مینان ل دهۆكێ دیار كر، دو گوللهیێن ئار پی جی ل سكرێ دهۆكێ د دهمێ نووژهنكرنا جادهكێ دا هاتنه دیتن.
رێگر بێسفكی، بهرپرسێ راگههاندنا رێڤهبهریا گشتی یا كاروبارێن مینان ل دهۆكێ بۆ ئهڤرۆ گۆت: “دوهی 20/6/2022ێ ل نێزیكی سكرێ دهۆكێ دو گوللهیێن ئار پی جی هاتنه دیتن، ئهو ژی پشتی ئهم هاتینه ئاگههداركرن ژ لایێ كهسهكی ڤه ل گوندێ پیرومهرا، ههردو گوللهیێن ئار پی جی هاتنه راكرن و دێ هێنه ژناڤبرن، ئهڤ ههردو گوللهیێن هاتینه دیتن گهلهك دكهڤن بوون، دبیت یێن سهردهمێ رژێما بهعسا ئیراقێ بن”.
گۆتژی: “بۆ دیتنا ههر مین و تهقهمهنیهكێ وهلاتی دشێن ب رێكا ههژماره 182ێ ئاگههداریا مه بكهن، داكو ژیانا خهلكێ مه بهێته پاراستن ژ مهترسیا مین و تهقهمهنیان و پاشمایێن وان ئهم دێ چارهسهركهین”.