هاتنا گه‌شتیارێن ناڤه‌راستا ئیراقێ بۆ ئاكرێ د زێده‌بوونێ دایه
ئاكرێ، ره‌مه‌‌زان زه‌‌كه‌‌ریا:
ل سنوورێ ده‌ڤه‌رداریا ئاكرێ هه‌ژماره‌كا جهێن گه‌شتیاری هه‌نه و بووینه ئه‌گه‌ر، كو رۆژانه هه‌ژماره‌كا گه‌شتیاران ل ناڤه‌راستا ئیراقێ سه‌ردانا وان جهان ل ده‌ڤه‌رداریا ئاكرێ بكه‌ن.
ڤه‌هێل فه‌همی، به‌رپرسێ راگه‌هاندنا گه‌شت و گوزارا ئاكرێ بۆ ئه‌ڤرۆ گۆت: “ل گۆر پێشبینیێن گه‌شت و گوزارا ئاكرێ، رۆژانه پتری هزار گه‌شتیاران سه‌ردارنا جهێن گه‌شتیاریێن ده‌ڤه‌رێ دكه‌ن، كو به‌هرا پتر گه‌شتیارێن ناڤه‌راست و باشوورێ ئیراقێنه، ئه‌م پێشبینی دكه‌ین دڤێ مه‌هێ و مه‌ها ته‌باخێ دا رێژا هاتنا گه‌شتیاران زێده ببیت”.
گۆتژی: “ل ده‌ستپێكا سالا نوو هه‌تا دووماهیا هه‌یڤا حوزه‌یرانێ پتر ژ 125 هزار گه‌شتیارێن ناڤه‌راستا ئیراقێ سه‌ردانا جهێن گه‌شتیاری یێن ئاكرێ كریه و ئه‌ڤ رێژه به‌رده‌وام د زێده‌بوونێ دایه”.
