ههژمارهكا وێستگههێن بهرههمئینانا كارهبێ ل ههرێمێ دێ كهڤنه كاری
ئهڤرۆ:
وهزارهتا كارهبێ ل كابینهیا نههێ یا حكومهتا ههرێما كوردستانێ نێزیكی 700 مێگاواتێن كارهبێ زێدهكرینه، شیانێن بهرههمئینانا كارهبێ ل ههرێمێ حهفت هزار مێگاواتن، لێ نوكه سێ هزار و 500 مێگاوات دهێنه بهرههمئینان و مهزاختیێن بهرههمئینانێ كێمبووینه، دیسا د ههیڤێن بهێن دا ههژمارهكا دی یا وێستگههێن كارهبێ دێ كهڤنه كاری.
پێشرهو نوری، رێڤهبهرێ گشتی یێ بهرههمئینانا كارهبێ راگههاند، د ههیڤێن بهێن دا ههژمارهكا وێستگههێن نوو یێن كارهبێ دێ كهڤنه كاری و گۆت: “ل پارێزگهها دهۆكێ وێستگهههكا كارهبێ یا 27 مێگاواتی ب رێژهیا 70%ێ تمامبوویه و بڕیاره د دهمهكێ نێزیك دا ب دووماهی بهێت، ههروهسا پڕۆژهیێ هایدروپاوهرێ دێرهلۆكێ ژی ب رێژهیا 90%ێ تمامبوویه، و هندهك پڕۆژهیێن دی یێن بهرههمئینانا كارهبێ ل پارێزگههێن ههولێر و سلێمانیێ تمامبووینه و كهڤتینه كاری.
رێڤهبهرێ گشتی یێ بهرههمئینانا كارهبێ دیار كر، بڕیاره د دهمهكێ نێزیك دا بهرێ بنیاتی بۆ ههردو وێستگههێن بهرههمئینانا كارهبێ ژ هێزا رۆژێ ل باژێرێن دهۆك و ههولێرێ بهێته دانان.