چار سكرێن دی ل هەرێما كوردستانێ دێ هێنە چێكرن

هەولێر، قائید میرۆ:

بریكارێ وەزارەتا چاندنێ ل حوكمەتا هەرێما كوردستانێ‌ خویا كر، هەژمارەكا سكرێن ئاڤێ تەمامبووینە و د بودجا ئیراقێ دا پارە هاتیە دیاركرن چار سكرێن دی ژی ل هەرێما كوردستانێ بهێنە چێكرن و چێكرنا وان دێ كاریگەریێن خوە ل سەر كەرتێ‌ چاندنێ‌ و ئاڤێ‌ هەبن.
كەریم سلێمان، بریكارێ وەزارەتا چاندنێ بۆ رۆژناما ئەڤرۆ دیار كر، وەزارەتا چاندن و ژێدەرێن ئاڤێ كار ل سەر سكران دكەت و هەتا نوكە هەژمارەك سكرێن ئاڤێ هاتینە تەمامكرن و هەژمارەك سكرێن دی ژی 90%ێ كار كرن تێدا تەمامبوویە و گۆت: «چێكرنا ڤێ هەژمارا سكران دێ كاریگەریێن خوە ل سەر كەرتێ ئاڤێ ل هەرێما كوردستانێ هەبیت و رێژەیەكا زۆرا ئاڤێ دێ هێتە كۆمكرن و بۆ چەندین بیاڤان مفا ژێ هێتە وەرگرتن».
ناڤهاتی گۆتژی: «د چارچوڤێ پڕۆژەقانوونا بودجا ئەڤ سالە یا ئیراقێ دا بڕیارە چار سكرێن دی ژی ل هەرێما كوردستانێ بهێنە چێكرن، ئەڤە ژی بڕیارەكا باشە بۆ هەرێما كوردستانێ و دێ كاریگەریێن باش هەبن».

کۆمێنتا تە