گوهۆڕین د كەرتێ پەروەردێ دا دێ هێنە كرن
ئەڤرۆ، ئەمیر ئەترووشی:
ئەندامەكا پەرلەمانێ كوردستانێ دیار كر، پرۆژەیەك، كو پێكهاتیە ژ 185 مادەیان و هەموو تایبەتن ب كەرتێ پەروەردێ ڤە هاتیە ئامادەكرن و پێشبینی دهێتە كرن بۆ وەرزێ خواندنا سالا بهێت 2023 – 2024 بكەڤیتە د وارێ بجهئینانێ دا.
گولستان نهێلی، ئەنداما پەرلەمانێ كوردستانێ بۆ ئەڤرۆ نیوز گۆت: پڕۆژەیێ پەروەردێ نوكە ژ جڤاتا وەزیران بۆ پەرلەمانێ كوردستانێ هاتیە رەوانەكرن و گۆت: «زێدەتری سالەكێ مە كار ل سەر وی پرۆژەی كریە و ئارمانج ژێ رێكخستنا كەرتێ پەروەردێ و سیستەمێ خواندنێ یە، بەری نوكە ژی پڕۆژەیێ پەروەردێ هەبوو، بەلێ وەكو ڤی پڕۆژەی یێ مەزن و بەرفرەهـ نەبوو».
گولستانێ خویا ژی كر، هەموو ماددێن ڤی پرۆژەی دگرنگن و یا ژ هەموویان ژی گرنگتر بەحسێ ژینگەهەكا باش و رێكخستی د ناڤ سەقایێ قوتابخانێ دا دكەت، بۆ هندێ قوتابی بشێن باشترین رێكێن زانستی بگرنە بەر و ب ئێمناهی د قوتابخانێ دا بخوینیت و پێشبینی دهێتە كرن بۆ وەرزێ خواندنا سالا بهێت ل هەموو قوتابخانێن هەرێما كوردستانێ بكەڤیتە د وارێ بجهئینانێ دا.
