%90 ژ حاله‌تێن په‌نجه‌شێرێ مرۆڤ بۆ خوه دئینیت
ئه‌ڤرۆنیۆز، ئه‌یاد به‌رواری
زانایێن بریتانی ئاشكراكریه كو 90% ژ حاله‌تێن تووشبوونێ ب نه‌خوه‌شیێن په‌نجه‌شێری ئه‌گه‌رێ وان دزڤریت بۆ جۆرێ ژیانێ ئه‌وێ مرۆڤ ب خوه ل دووڤ دچیت.
ل دووڤ سایتێ (روسیا الیوم)، زانایێن تایبه‌تمه‌ند دوپات دكه‌ن كو جگاره كێشان و ڤه‌خوارنێن كحولی و پیسبوونا هه‌وای و حه‌مامێن هه‌تاڤێ، ئه‌گه‌رێن سه‌ره‌كی نه بۆ تووشبوونێ ب نه‌خوه‌شیێن په‌نجه‌شێرێ، ژبه‌ركو ئه‌و كاره دبنه ئه‌گه‌رێ گوهۆرینان د خه‌لیان دا و پاشی دبیته په‌نجه‌شێر، ئانكو مرۆڤ ب خوه ئه‌گه‌رێ تووشبوونا وی یه ب ڤێ نه‌خوه‌شیا كۆژه‌ك.
ل دووڤ بۆچوونا وان زانایان، مرۆڤ دشێت خوه ژ وێ نه‌خوه‌شیێ بپارێزیت ب ڕێیا گوهۆرینا شێوێ ژیانا خوه و ئه‌نجامێن وان ڤه‌كۆلینێن ل دۆر ڤێ چه‌ندێ هاتینه كرن، دیار دكه‌ن كو رێژا 70% ژ حاله‌تێن وێ نه‌خوه‌شیێ دشیان دابوو نه‌هێنه روودان هه‌كه مرۆڤی ده‌ست ژ وان كاران به‌ردابا یێن دبنه ئه‌گه‌ر.
به‌لێ د هه‌مان ده‌م دا، وان زانایان ئه‌ڤ بۆچوونه 100% دوپات نه‌كریه، ژبه‌ركو پێدڤی ب ڤه‌كۆلینێن هوورتره كو دبیته ب ده‌هان سالان ڤه‌كێشن.
