دی برۆین: مووچەیێ دو وەرزان ل سعۆدیێ بەرانبەر مووچەیێ 15 سالانە ل ئۆرۆپا
ستێرێ بەلجیكی و یانەیا مانچستەر ستی یا ئنگلتەرایێ كێڤین دی برۆین بەرهەڤییا خوە دیار كر بۆ خولا سعۆدیێ و ئەڤچەندە ژی ڤەگەڕاند بۆ بلندكرنا داهاتیێ خوە یێ مووچەیی.
زێدەتر بۆ تۆرا ئێچ ئێل ئێن یا بەلجیكی گۆت: دەمێ یاریزان دگەهیتە ژییەكی كو هەست پێ دكەت كاروانێ وەرزشی بەر ب دووماهیێ ڤە دچیت، گرێبەست یا بوو من هاتی ژ خولا سعۆدیێ، من ڕەد نەكرییە و خێزانا من ژی یا رازییە، لێ هێشتا چو بڕیارێن دووماهیێ مە نە داینە و دوور نینە بچمە خولا سعۆدیێ، سرۆشتییە هەكە من گرێبەست ئیمزاكر دێ مووچەیەكێ مەزن بوو من هێت و سرۆشتیە ژی هزر د پاشەرۆژا خوە و خێزانا خوە دا بكەم، پێنەڤێت دو وەرزان دگەل یانەیا سعۆدیێ بەرانبەر 15 سالێن یاریێ نە كو مووچەكی ل ئۆرۆپا وەربگرم و دبیت زێدەتر بیت.
دی برۆین یێ 32 سالی ل سالا 2015ێ ژ یانەیا فۆلفسبۆرگ هاتبووڤەگۆهاستن بۆ یانەیا مانچستەر ستی و شیایە د 382 یارییان دا 102 گۆلان تۆماربكەت و 107 گۆلان چێكەت، 16 ناسناڤ دگەل مان ستی ئیناینە.